أمام الشاشة:
تتلاقى النصال على النصال حتى يقضى سيفى على أعدائى دون فصال.
تغزو جيوشى أوروبا ... تتوالى هزائمهم و انتصاراتى ... أغزو ولاية تلو ولاية حتى أسحق جيش البابا.
يأتينى سفراء الولايات المفتوحة بالجزية و طلب العفو ... وأعفو أو أغضب فلا يكون لغضبى رد.
أمام الشاشة:
أنا فرنسيا مع جان دارك ... أو مصريا مع كليوباترا ... أو أمريكى أو ايرانى ... لا فرق...
أقاتل مع صلاح الدين فى حطين أو برباروسا فى برلين.
أمام الشاشة:
أغدو جنديا قناصا أقنص جند الغازى أو قائد فرقة كوماندوز لتحرير بولندا من قوات النازى.
أمام الشاشة:
أكافح وباء أو أبنى مدينة ... أو أغزو الفضاء أو أقود سفينة...
و أفعل ما أشاء بالحضارات القديمة.
أنا البطل الصامد أو الوغد الغامض لايهم فكل شئ أمام الشاشة ... متناقض.
يلعب أخى الكرة ... يأخذ كأس مصرأو كأس العالم ... ويختار من بين رونالدو أو روماريو
أو روبرتو أو زيدان لاعب ينال شرف اللعب فى فريق أخى ... كالجندى يستشهد فى الميدان.
أمام الشاشة تجلس أختى الطفلة بالساعات تخلق طفلتها باربى...
تلون شعرها و تزين خصرها...
ثم تسألنى فى خبث ... ما رأيك ؟ هل تتزوجها ؟
فأسألها بدهشة ... على الشاشة ؟
أمام الشاشة تكتب الشعر و النثر والكلمات البينات
تغدو مناضلا ثوريا أو قوميا عربيا ... تكون أو لا تكون لا ضير...
فأنت ... ياسيدى ... أمام الشاشة.
قابلت مؤيد من الأردن ورؤى من الجزائر و عصمت من كردستان و عثمان من السودان و تحاورنا وتصادقنا...
فقط أمام الشاشة.
على الشاشة أصادق بنات الانجليز و الأمريكان و أكون الانسان الدنجوان...
أو حتى أكون السوبرمان ... أو ... لا انسان.
حتى هى...
قابلتها ... أحببتها ... رفضتنى ... تصالحنا ... ثم أصبحنا أصدقاء
و عندما غابت عنى ... حلمت بها...
فتذكرت شيئا صغيرا...
أنا لم أنظر فى عينيها ... أو تعانق أناملى أيديها...
لم أشم عطرها أو أسمع صوتها ... مع ذلك أحببتها و رفضتنى ... لأننا...
تقابلنا على الشاشة.
فى المساء ... كل مساء
أجلس أمام الشاشة...
أدافع بجيشى عن مصر ... يقتل جنودى ويستبسلون...
و أنا مزهو بنصرى أقرأ خبر يجرى أسفل الشاشة
عن مقتل أطفال فلسطين و لبنان دون أن نفعل حتى ما نفعله كل مرة...
لم نستنكر لم نشجب ... لم نغضب...
أشعر بالعار ... بالدوار ... فأقرر...
فلأبعثن بجيشى الآلى الجرار الذى أكملت بنائه توا ... وأنسى أنه جيشا...
7 comments:
في03,أيلول,2006 - 04:56 مساءً, gogo_s87 كتبها ...
فعلا احنا أمام شاشة حتى واحنا بنعبر عن رأينا أمام شاشة بجد رائعه وبجد نفسى اسمع انك بتكتب فى جريدة ويكون لك عمود باسمك وشكرا على تعليقك الرائع على اخر حاجة كتبتها
===================================
في03,أيلول,2006 - 10:30 مساءً, أحمد بدوى كتبها ...
الصراحة هما عارضين عليا فى النيويورك تايمز و النيوز ويك انى أبقى رئيس التحرير بس أنا قلتلهم مش فاضى ورايا غسيل
===================================
في03,أيلول,2006 - 10:39 مساءً, مجهول كتبها ...
يا سيدي ياسيدي ايه الحلاوة دي زي ما قلتلك مين الحمار الي دخلك هندسة الكلية دي كان لازم ماتدخلهاش بس الي حصل حصل المهم تخلص الكلية وتعيش حياتك زي ما انت عاوز المهم ما تحبس نفسك إنت والكمبيوتر وتستغل الموهبة الي عندك عشان تعيش حياتك زي ما انت عايز الواد ده عايز يحب الواد ده عايز يحب الواد ده عايز يحب الواد ده عايز يحب الواد ده عايز يحب الواد ده عايز يحب الواد ده عايز يحب
===================================
في03,أيلول,2006 - 11:07 مساءً, أحمد بدوى كتبها ...
الله يخرب بيتك يا اسلام بقولك قول رأيك بصراحة تقوم تعملى فضيحة على الهواء ... ماهو أنا اللى غلطان اللى عودت الشعب يتكلم بحرية من بكرة يا كلاب " انت و شريف و هانى " ححطكوا فى المعتقل و محدش حيعرف ليكو طريق جرة
في07,أيلول,2006 - 03:27 مساءً, عاطل كتبها ...
احييك على مدونتك و ارجو لك المزيد من التقدم
===================================
في05,تشرين الأول,2006 - 07:22 مساءً, Khalakhelo كتبها ...
تحييه ايه, بعد ماعتقلنا
و شر المعتقل معتقل الشاشة
===================================
في06,تشرين الأول,2006 - 11:34 مساءً, أحمد بدوى كتبها ...
أحسن ... تستاهل :)
===================================
في12,شباط,2007 - 02:05 صباحاً, rej2000 كتبها ...
بس تفتكر فى يوم من الايام الإنسان حبيس الشاشة...واللى عاش كل احلامه وطموحاته فى مجرد شاشة...هيجيله يوم ويقدر يحقق كل اللى حلم بيه فى العالم الحقيقى والواقع...وإذا قدر ...هيقدر يصدق انه حقيقة بجد....لكن انا من رايى حتى لو قدر وصدق....هتفضل احلام الشاشة ليها جمالها وسحرها....و الحلو والمر فيها انها احلام...احلام وبس..
ياريت حد يقول لى أضبط النقاط ازاى بعد الجمل ؟؟؟؟
أحطها شمال تطلع لى يمين !!!! أولع فى نفسىىىىى
السلام عليكم
ايه يا عم انت بتكتب لنفسك وترد عليك؟
مش مظبط موضوع الكومنتات ولا ايه؟
--------------
بالنسبه للتواصل انا راجل متواصل دايما حتي مع المخالفين ليا
ماعدا بعض الشخصيات اللي بلاقي مفيش فايده من التواصل معاهم اللي بيسمعوا صوتهم هما بس
-----------------
بالنسبه للشاشه بتجيب كتير قوي وبتاخد اكتر
انا شخصيا ضعفت نظري
تصدق كرهتها
-------------
احييك علي البوست اللي هوه من وراء شاشه برضه
تحياتي
دى مش كومنتات كاتبها لنفسى ... دى كومنتات كان الناس كتبوها على الموضوع لما نشرته أول مرة على مكتوب ... فحبيت أنقلها هنا للذكرى و لو حد حب يعلق عليها
و برده يا عم مهند ما قلتليش أضبط موضوع النقطة على الشمال ازاااى
هااااااااى
انا كنت بقرا الرسايل بتاعتى ولقيتك باعتلى انى ادخل على المفكرة بتاعتك دى ,,,وبجد مش عارفة اقولك اة انا اول مرة اقرا مفكرة كدة وتعجبنى لدرجة انى حفظت بعض منها عندى دى لو تسمحلى ؟؟
بجد انت موهوب وعبقرى ,,بجد مش عارفة اقولك اية؟ انا تصفحتها تقريبا كلها ,
ولو تسمحلى ادخل عليها كل يوم اقرا فيها شوية
)ربنا يكرمك ويوفقك(
ياست دودو أمال أنا كنت باعت لك ليه من الأول ؟ :)
ماهو عشان تيجى تقرى فى البلوج و لو عجبك تقريه كل يوم حتى ...
أنا بجد مبسوط من ردك و لو عاوزة تحفظيه كله عندك أنا موافق و فرحان بكدة كماان
Post a Comment