الأصنام الجديدة

لما جه سيدنا محمد للناس و قال لهم ما تعبدوش االأصنام قالوا له احنا بنعبدها عشان تقربنا من ربنا

بنعبدها عشان أبهاتنا كانوا بيعبدوها و بيقدسوها و مش معقولة أنت حتعرف أكتر منهم

آباؤنا الأجلاء الكبار حتعرف انت ايه جنبهم؟؟

كسر محمد الأصنام و هدمها و منع عبادتها

الأصنام دى كان أصلها تماثيل الناس عملوها للصالحين منهم ... الصالحين القريبين من ربنا عشان لما يشوفوها يفتكروا ربنا ... و مع الوقت التماثيل بقت مقدسة و بقت فى حد ذاتها أرباب غير ربنا اللى اتعملت عشان تخلى الناس يقربوله

لكن الناس الجهل بياكل قلوبهم ... الأصنام اتهدت فبنوا أصنام جديدة بأسماء جديدة و لما حد يقول لنا أنها كلام فارغ نقول له أصلنا بنعبدها و نقدسها عشان تقربنا من ربنا

من ضمن الأصنام دى البخارى و مسلم و الشعراوى و محمد حسان و بن كثير و العثيمين و زفتن الطين

كلامهم تخريف و تأليف و تهجيص و ارهاب و حاجات كتير جدا فيها أثبتت أنها اسرائيليات و مش متفقة مع نصوص القرآن و مع ذلك نقول اللى قاله الكفار للنبى :ء

انما نعبد ما كان يعبد آباؤنا الأولون ... كتنا نيلة فينا و فى آبائنا لما يبقوا جهلة



آدى نموذج جميل جدا للقمع باسم الأصنام
http://maro-alice.blogspot.com/2008/07/blog-post.html

قمع أى لمحة تفكير برة قوالب الطوب باسم الدين مع أن القرآن بيقول فكروا و اعقلوا و افهموا و ميزوا ......... بس الأصنام بتقول لنا اسمعوا و اطيعوا و اسكتوا و انحنوا و اتقمعوا و اقمعوا ولادكم لحسن فى يوم يفكروا

حاجة عسسسسسل