الأستاذ shiroo كتب تعليق على موضوع "قولوا حاجة" و نبهنى لمجموعة أخطاء غير مقصودة وقعت فيها و أنا شكرته بعدين لقيته كتب تعليق تانى زى مايكون اعتذار عن التعليق الأولانى !!!
أولا : أنا لا أقبل الأعتذار لأنه مفيش حاجة يعتذر عنها أصلا هو أبدى ملحوظة على كتابتى و أنا أبقى غبى لو زعلت أو قلت ده من القلة المندسة زى ما الحكومة بتعمل …بالعكس أنا أشكره جدا أنه نبهنى لأخطاء يمكن كانت السبب ان ناس محبيتش المدونة و مشيوا من غير ما يقولوا أو ناس محبيتش تحرجنى و هى شايفة الغلط ده و ساكتة …
ثانيا : مين قال انى زعلت ؟ هو نبهنى لطول الموضوعات و صعوبة قرايتها على الكمبيوتر أنا أول ما قريت كلامه قررت أنى أراجع نفسى و أحاول أطور من أسلوب كتابة المواضيع بدليل ان ردى عليه كان مختصر - و يمكن ده اللى خلاه يفتكر انى زعلت أو تضايقت ؟ - و أول موضوع بعدها كان 3 سطور …. صحيح انى صعب أبطل رغى فى كل حاجة بس انا يهمنى ان أفكارى توصل للناس مش أرغى و خلاص و كل انسان يساعدنى فى كدة سواء بالتشجيع أو النقد البناء "مش بتاع الحكومة " أنا حأفضل مديون له وسعيد بيه
ثالثا : أتمنى كل واحد يلاقى غلط عندى أو وجهة نظر مختلفة يفهمنى و ينورنى عشان أفضل عند حسن ظن الجميع " طبعا كل واحد ماعدا اسلام أصله فضحى "
No comments:
Post a Comment