Saturday, October 13, 2007

أسئلة رخمة

أ 1- فطرت كام يوم فى رمضان ؟
ب 2- هل احساسك بيختلف فى العيد عن بقية الأيام ؟
ج3- لو عرفت أن حد قريبك (أخوك مثلا) شاذ جنسيا حتعمل ايه ؟
د 4- ينفع ترتبط ببنت اكبر منك ؟ أو ترتبطى بولد أصغر منك ؟
ه 5- هل بتصدق كل الحكايات عن "المعجزات" فى عصر النبى - عليه الصلاة و السلام - و العصور اللى بعده ؟
و 5 - لو أخدت حرية مطلقة , مطلقة تماما و محدش حيحاسبك على اللى تعمله حتعمل ايه ؟
ز 6 - لو جبتلك فرصة تهاجر أستراليا و تشتغل عامل سباكة (مثلا) تقبل ؟
ح 7 - العيب فى مين ... فيا ولا فى الكيبورد ؟
ط 8 - هل أنت موافق أن العلاقة بين الرجل و المرأة جنسية بالأساس و نهائيا ولا تصلح فيها الصداقة ؟
ى 9 - هل حتبقى سعيد - كمسلم - لو صحيت الصبح ولقيت كل الستات و البنات فى الشارع منقبات ؟
ك 10 - رأيك ايه فى الشيوعيين و الليبراليين و السلفيين و الأخوان و الناصريين و الحزب وطنيين ؟

8 comments:

^ H@fSS@^ said...

بسم الله الرحمن الرحيم
الحمدلله مفطرتش ولا يوم في رمضان1
مافيش هنا في قطر اي احساس باي عيد 2
لو عرفت ان حد قريبي شاذ جنسيا حكلمه 3واعر فمنه ليه و اقدم له اي مساعدة يحتاجها
4العبرة بنضوج الشخصية
5مش بصدق بكل المعجزات و الخزعبلات لان في منها مالوش معنى كويس و معناه الاصلي مختفي و مش واضح
انت مكرر رقم خمسة مرتين
6لو اخدت حرية مطلقة كفاية عليا اني اخرج براحتي و ارجع البيت براحتي و بس
7لو جبتلي فرصة اروح اي بلد محرتم معنديش اي مشكلة اشتغل اي حاجة لانهم بيحترموا الانسان الشريف بغض النظر عن طبيعة عمله
8العبي في كل الالكترونيات
9لا اوافق ان العلاقة بين الرجل و الست تبقى جنسية بس دي متبقاش علاقة
دي تبقى تجارة هوى لان كل واحد منهم بيشبع شهوته و خلاص
10كمسلمة لو صحيت لقيت كل ستات الشارع منقبين يغمى عليا و اسورق
11الشيوعيون متعفنين
الليبراين غير موجودين اصلا الا قليلا جدا
السلفيين ازفت خلق ربنا اذا كانوا اصلا خلقة ربنا
الاخوان ينفع يشتغلوا في سيرك بالذات في اللعب على مليون حبل
الناصريين اخرى عقليةممكن الواحد يتكلم معاها
الوحزب وطنيين عايشين حياتهم بس مش كل زمن ثابت
بعتذرلك اذا كنت ناصري بس لاني شفت كتير منهم و اصلا مش بيناقشوني هما بيشتموا طوالي

شكرا على اسئلتك اللي تمخول دي


6

Unknown said...

1- طبعا أى حد حيقولك ما فطرتش و لا يوم و بالتالى و انا كمان و الحمد لله

2- كان زمان دلوقتى زيه زى باقى الأيام

3- حاحاول اعالجه بأنى اشجعه يتعمق فى الدين

3- لا ما أرطبتش بواحد أصغر منى لكن ممكن اكبر منى بفرق كبير مش كبير اوى يعنى

4- اه طبعا بصدقها ده النبى ( ص )

5- حاشق طريقى فى الصحافة و أروح اعيش فى أسكندرية

6- لا

7- لا مش وافقة ينفع فيها الصداقة و ؟انا ليا تجارب صداقات ناجحة

8- فى أيدك الكى بورد هى تحت امرك

9- اه حبقى سعيدة

10-كل واحد فيهم بينقد التانى و لا حزب منهم عملنا حاجة

mthlykaweyy said...

فى مجتمعنا

دائما بنعمل من نفسنا حكام واطباء

من غير ما نعرف

الشذوذ مرض

طب انت عرفت؟ قريت؟

ولا انتم بس عاملين علماء؟

طب هل فى فرق بين وحد مثلى ؟ ووحد حب الجنس بالطريقه دى واتعود عليه فيقى شاذ؟

طبعا لاننا امه متخلفه


بنخلط كل حجه مع بعض ده ردى على التعليقين اللى فاتوا

اما انت ايه رايك لو انت طلع مثلى يابدوى

Unknown said...

ردى أنا على أسئلتى :ء

ا1-فطرت تقريبا 3 أيام

ب2- أجازة بس

جـ3- الحمد لله محصلش لأنى أكيد مكنتش حعرف ايه المفروض يتعمل بس مظنش كنت حكرهه

د4-المسألة مسألة توافق مالهاش أى علاقة بالسن

هـ5-لا لأنها اتكتبت بعد وفاة الرسول بميتين سنة على الأقل و مليانة مبالغات من ناس بيحبوا النبى فبيألفوا عنه حاجات محصلتش و يصدقوها و فاكرين أنهم كدة بيفيدوا الدين

و كفاية نشوف دلوقت لما أى حد كويس بيموت بتلاقى الناس بتقول عنه قصص كتيرة محصلتش فى الواقع

و6- مش عارف

ز7- أكييييد

حـ8- سؤال ملوش معنى

ط9- حسب الأشخاص ... فيه ناس أصلا مينفعش يبقى فيه علاقة بينهم و بين أى حد تانى حتى لو من نفس النوع و فيه ناس بتحترم نفسها و اللى قدامها و بتتعامل باحترام

ى10 - لا طبعا ده يبقى معتقل مش مجتمع

ك11- كلها وجهات نظر مش أكتر

Anonymous said...

اسئله عاوزه يوم بحاله عشان اجاوبها
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

^ H@fSS@^ said...

المدون مثلي قوي
اولا انا مرديتش على السؤال التالت المتعلق بالشذوذ لانه سهي عليه و مشفتوش بس انتي بتقول انك بترد على التعليقين الليق بلك اللي هما كانوا مني و من عاليه حليم فالظاهر انك مقريتش كويس اصلا عشان تعرف انت بترد علي مين او هو قال ايه
و بالنسبة للسؤال فانا برد عليه و قاول انه اذا عرفت ان حد من قرايبي شاذ جنسيا فححاو لاعرف ايه اللي جفعه لكده و اقف جنبه سواء كانت ازمة و حتعدي او لو كانت وضع طول عمره
لاني مش حاحب اقطع صلة قرابه مهما كان الامر سئ بالنسبة للمجتمع او فداحته

تحياتي

allfollowsome said...

بجد اسئلة رخمة
ولو الاجابة اختيارى اعفينى يا باشا من الاجابة

مصطفى محمود said...

انت فين يعم بدوىىىىىىىىىىىىى