Saturday, January 31, 2009

زمان و دلوقتى


مرة كنت بحضر سيمنار ... قلت ملحوظة عبقرية .. محدش أخد باله .. زعلت اوى ... دلوقتى مش بيهمنى 




once i was attending a seminar ,, i said a briliant note ,, i felt sad nobody noticed it but me ,, now i dnt care :D 



مرة قلت لبنت انى معجب و مهتم بيها ... مع انى كنت بحبها حب جنونى بس خافيه ... هى ما اهتميتش ... مت من الزعل ... دلوقتى مش بيهمنى أتكلم عن الحب تانى ... الفعل بيعبر أقوى من الكلام و الحدق يفهم 



once i told a girl i cared for here ,, the truth i loved here like hell ,, she didnt care much ,, i was killed by sorrow ,,, now i dont care to talk about love again ,, who wants to love me i'm available ,, deeds talk w el 7ede2 yfham :D 



زمان كنت ببقى فى قمة الغيظ و حرق الدم لما مش بعرف أوصل وجهة نظرى للى قصادى و أنا بكتب ... دلوقتى مش فارق معايا خالص أن يبقى عندى وجهة نظر اصلا ... و لو عندى وجهة نظر عن حاجة ان شالله ما عن حد ما فهم 



zaman i used to be so angry when i cannt explain my point of view ,,, now ,, I dont care to have a point of view about everything ,, & if i have one ,, i have no need at all to explain it to anybody 



مرة كنت حتقتل بسبب حزبى السياسى و كنت فخور بده ... دلوقتى مش هاممنى خالص يبقى ليا تصنيف سياسى من أساسه ... فكك منى 



once i was about to b killed for my political party & i was proud of it ,, now i dont have a political status



زمان كان عندى فكرة أنى عاوز اغير العالم .. بعد كدة قلت اغير المجتمع أقرب .. بعد كدة تنازلت و قلت الأسهل انى أغير نفسى عشان أغير العالم ..... دلوقتى اتغيرت خالص ... بقيت بستمتع بأنى أعيش حياتى زى ما انا و أقبل الدنيا على حقيقتها 



once i had this idea of changing the world ,, then i thought of changing my society instead ,, then i thought of changing myself better... now i enjoy being myself as me 



زمان كنت بهتم أنى أرضى أصحابى و ما أزعلهمش و لو على حساب اعصابى ..... دلوقتى بقى اللى يخنقنى أدلقه .... بلا هم يا راجل

 ·  ·  · Share · 

now & then

once i was attending a seminar ,, i said a briliant note ,, i felt sad nobody noticed it but me ,, now i dnt care :D

once i told a girl i cared for here ,, the truth i loved here like hell ,, she didnt care much ,, i was killed by sorrow ,,, now i dont care to talk about love again ,, who wants to love me i'm available ,, deeds talk w el 7ede2 yfham :D

zaman i used to be so angry when i cannt explain my point of view ,,, now ,, I dont care to have a point of view about everything ,, & if i have one ,, i have no need at all to explain it to anybody

once i was about to b killed for my political party & i was proud of it ,, now i dont have a political status

once i had this idea of changing the world ,, then i thought of changing my society instead ,, then i thought of changing myself better... now i enjoy being myself as me

Friday, January 30, 2009

قلوب بيضا




بعض الناس بقابلهم فى حياتى قلوبهم بيضا ... بيضا اوى ... ماشالتش ذنوب كبيرة ابدا ... برغم كل ضغوط الحياة و المشاكل بيفضلوا أنقياء و نضاف من جوة .. رغم كل شئ بيقابلوه بيقدروا يحافظوا على براءتهم و مفيش حاجة بتنكسر جواهم

تحب تتكلم معاهم بالساعات و تحكى لهم كل اسرارك و متاعبك و انت عارف أنهم مش حينقلوها لحد و ان مجرد أنهم بيسمعوك بيخفف عنك و بيديك طاقة رهيبة تخليك قادر تكمل مشوار حياتك المفروض عليك

ناس يمكن تبقى مشاكلهم اكبر من مشاكلك بكتير و مع ذلك بيشاركوك بالفكر و المجهود عشان يحلوا مشاكلك و يمكن حتى من غير ما تشكى لهم
احتياجاتهم ممكن تكون اكبر و أرخم من احتياجاتك بكتير و مع ذلك يساعدوك عشان يخففوا من عليك وجع الاحتياج من غير حتى ما تطلب منهم المساعدة
جروحهم ممكن تكون اعمق و أسخف من جروحك بس ابتسامتهم بتدارى و بتداوى

الناس دول موجودين فى اكتر من مكان و فى اكتر من صورة .. فى الشغل .. فى الصحاب .. على الانترنت .. على التلفزيون ....... أكيد عندهم عيوب زى اللى عندك بس طيبة قلبهم تخليك تغفر لهم و تنسى أى عيب أو نقص و ترتاح و أنت معاهم

الناس دول هما الخير اللى بسببهم ممكن تقول و أنت مطمن ان الدنيا لسة بخير و حتفضل بخير طول ما فيه ناس زيهم

أنا حظى حلو جدا و ربنا بيحبنى فعلا عشان بقابل ناس من النوع ده كتير .. دى وسيلة فريدة من العناية الالهية اللى مش بتحصل لكل الناس

نصيحتى بس أنك لما تلاقى واحد منهم حافظ عليه قوى و اوعى تفرط فيه لا بسهولة ولا بصعوبة .. خلى بالك كمان أنك بلاش تتعلق بيهم زيادة عن اللزوم -- اوعى تتعلق باى حد مهما كان زيادة عن اللزوم - لأن مفيش حد باقى فى حياتك للأبد و كل واحد له محطة حينزل و يسيبك تكمل رحلتك لوحدك من بعده

استفيد من وجودهم فى حياتك على قدر الامكان و ادعى لى انى نبهتك لده
:)

Tuesday, January 27, 2009

شفت الحب ؟

شفت أنواع من الحب و جربتها




حب المراهقة الشديد اللى بيبقى من غير هدف ولا مستقبل و بيبقى طاغى على الانسان و شاغل تفكيره و مفيش منه مهرب ولا فايدة حقيقية



حب النت أو التليفون أو الجوابات ( زماااان ) .. من على بعد و من غير معرفة حقيقية ... صورة بتكونها فى خيالك للشخص اللى بتتمناه و تتخيل ان اللى بيكلمك على الانترنت هو زى ما فى خيالك و غالبا لو اتقابلتوا بتلاقى اختلافات كتير مكنتش عامل حسابك عليها



حب التفاهم ... لما تلاقى انسان بتعرف تتواصل معاه و تتفاهموا مع بعض أوى و بينكم لغة محدش تانى يعرف يفهمها غيركم ... و ده حسب شخصية الاتنين دول ... يعنى لو بيحبوا الضحك حتلاقيهم أكتر اتنين بيعرفوا يضحكوا بعض ... لو بيحبوا الرومانسية تلاقيهم اكتر اتنين رومانسيين مع بعض ... ده فى رأيى أفضل نوع حب ممكن يجربه انسان .. خصوصا لما يكون بطبيعته بعيد عن الناس و مش معاهم اوى



حب المراهقة مرة تانى بس المرة دى و أنت مش مراهق ولا حاجة ... تلاقى قلبك بيدق ناحية انسان معين و بتحب تسمع صوته و تشوفه و تتكلم معاه حتى لو مفيش بينكم نقط اتفاق كتيرة ... حتى لو مكانش مهتم بيك خالص ... ده فعلا أصدق و أسوأ أنواع الحب لأنه بيستهلكك من غير أى مردود من الناحية التانية ..... خصوصا مع اختلاف الطباع بيبقى عذاب على الفاضى لو حصل بسببه ارتباط و غالبا بينتهى مع وجود اختلافات و خلافات مع مرور الزمن و عدم قدرة أو رغبة أى طرف فى العطاء 



حب الرغبة ... و ده أسهل نوع حب - أو بمعنى أصح انجذاب - أنه يبقى ممتع أو يتم السيطرة عليه و ينطفى بعد فترة معينة

أحسن انواع الحب عندى هو حب التفاهم ... لأنه مش بيتعرض لأنتكاسات و تقلبات حب القلب الغير معلوم له سبب معين و كل ما بيكبر الانسان فى السن و خبرته بتزيد فى الحياة بيزيد التفاهم و المشاركة بينه و بين الانسان اللى بيحبه .. الخطر الوحيد أنه يتعرض لأنواع تانية من الحب تخليه يتغير و يتشد ناحية حاجات تانية مكنتش مهمة بالنسبة له قبل كدة و تخلى حبه يضعف
==========================




For more :



أحلى قصة حب
http://badawy-elghad.maktoobblog.com/133288/%D8%A3%D8%AD%D9%84%D9%89_%D9%82%D8%B5%D8%A9_%D8%AD%D8%A8
7 November 2006
----------------
عن الحب نحلم و نتكلم
http://badawy-elghad.maktoobblog.com/84477/%D8%B9%D9%86_%D8%A7%D9%84%D8%AD%D8%A8_%D9%86%D8%AD%D9%84%D9%85_%D9%88_%D9%86%D8%AA%D9%83%D9%84%D9%85
31 August 2006
--------------------



ماهو الحب؟
http://www.facebook.com/note.php?note_id=16975808033&id=512682065&index=144
9 June 2008

Saturday, January 24, 2009

أسئلة ليست للاجابة عن العشق و الحب و الحياة اللى بتضيع


ليه الواحد مش بيقدر بيتحكم فى عواطفه و مشاعره ؟
ليه يحب حد مش مناسب ليه بكل الظروف ؟
طيب ليه يحب حد مش بيحبه و لو مناسب او مش مناسب ؟
طيب ليه يزعل و يتجرح لما اللى بيحبه يرفضه مع انه عارف أن ده اللى حيحصل؟
هل صحيح أن الانسان بيحب مرة واحدة حقيقية فى عمره ولا الموضوع ده مش صحيح ؟
ليه كل ما بنكبر الصورة بتوضح اكتر و بنعرف ان الحب الخيالى الجميل بتاع زمان و احنا صغيرين مجرد وهم ؟
ازاى انسان يرتبط بانسان تانى و هو مش بيحبه ؟
طيب ازاى الحب بينطفى بعد فترة ؟
طيب ازاى حد يقول لحد انه بيحبه و هو مش متأكد من كدة ؟
طيب ليه ناس بتعيش حياتها وحيدة؟
هل من العدل او المنطق ان انسان يضيع اجمل سنين عمره فى وحدة عشان المجتمع حكم عليه بكدة ؟
هل من العدل و المنطق ان حد يعيش عمره كله مستنى حد يشاركه حياته و فى النهاية يطلع حد غير كل شئ بيتمناه ؟
هل منطقى انسان يعيش طول عمره بيحلم بلحظة معينة و فى النهاية يلاقيها وهم كبير و يكتشف أن عمره ضاع منه على الرخيص ؟
ازاى تشوف اللى جرحك و تمثل أنك عادى و مش مجروح ؟؟ تحدى صعب اوى بس لازم تعديه
ازاى تبص فى عينه بعد كدة ؟
ازاى تتعايش مع فكرة أن كل لحظة سعادة بتضيع منك مش حترجع تانى و تفضل برده بتضيع عمرك؟




الخلاصة .. الحب أمر سخيف لازم يبقى فى آخر سلم الأولويات عند الانسان اللى عاوز يعيش سعيد ... حاجات تانية كتير بتحقق أنواع مختلفة من السعادة تعوض البنى آدم عن احتياجه للحب ... لو كنت بعرف أسكر كنت سكرت ... لو كنت ينفع أختفى من الوجود كله و أبدأ حياتى من جديد كنت بدأت



مجرد سخافات مالهاش اول من اخر لمجرد ان الانسان مش بيقدر يتحكم فى قلبه و يوجهه يدق لمين و يرتاح لمين ... يمكن مع الوقت و الخبرة يتحقق ده ... دلوقتى مفيش غير الاستمتاع بطعم الفشل و الجرح و الاحباط و الحزن



آل حب آل و كلام فارغ


Friday, January 23, 2009

جاسوس جاسوس يعنى



كشف حساب

قابلت انهاردة هدى من السودان و يزيد من جنوب افريقيا و من شهرين تلاتة كنت فى اسطنبول مع ناس من بورما و اليابان و فنزويلا و باستنى بنت من بيلاروسيا و انا بودعها فى السفر و قابلت نشطاء ضد كاسترو من كوبا و اتعاملت ساعتها مع بياعين و ضباط و سواقين و مواطنين أتراك

قبلها بكام شهر برده قابلت ناس من الدنمارك و يوم ما اتقبض عليا فى وسط البلد يوم 6 ابريل كنت قابلت بالصدفة اتنين صحفيين من بلد اوروبية مش فاكر اسمها ايه كانوا جايين يغطوا الاضراب و لقونا قاعدين على القهوة و كنت بترجم لهم كلام اسراء و بقية الشباب

ابن خالى نمساوى بييجى مصر كل سنة كام يوم

فى الشغل قابلت واحد فرنساوى و واحد ألمانى و واحد امريكانى و ناس هنود

و فى معرض الكهربا قابلت صينيين كتير اوى و برده كنت بترجم كلامهم لناس تجار مصريين عاوزين يتعاملوا معاهم

على النت مصاحب ناس كتير من دول و جنسيات عربية مختلفة منهم باسل من الأردن و مدونين من تونس و سعوديين

خاطرة

كل دول اتعاملت معاهم بالانجليزى بسهولة برغم ان الانجليزى بتاعى ضعيف جدا فى النطق و المحادثة ... اللغة الانجليزية بقت لغة العالم دلوقتى و فى المستقبل و المصالح التجارية و المعرفية - كالعادة - بتقلص من الاهتمام باللغات القومية فى كل مكان بالتدريج لحد ما بعد سنين طويلة يمكن الواحد يشوفها فى أواخر أيامه و هو شعره ابيض و ماشى باعضاء صناعية تبقى اللغة الأساسية فى العالم هى الانجليزى المختلط بلهجات محلية

حتة غرور

متهيألى ابن بطوطة نفسه بجلالة قدره ما قابلش ناس من أنحاء العالم المختلفة فى السن ده ... ده أنا طلعت واد جامد اوى

خاطرة تانية

الانسان فى كل مكان هو الانسان ... مهما اختلفت تقاليده و عاداته و اديانه و معتقداته و طرق تعبيره فهو انسان ... لما بيبقى مبسوط بيبتسم و لما بيبقى حزين بيعيط و لما بيغضب بيكشر و لما بيجوع بياكل و لما بيشوف الخير مع غيره بيحسده

الانسان بيفضل انسان لحد ما تتدخل المعتقدات اللى هو مؤمن بيها و تخليه يكره الناس و يتمنى ليهم الخراب و الدمار و تحلل له ايذاء غيره من غير تأنيب ضمير باسم الدين أو التقاليد أو الدولة او حتى الحرية

أو ترقى فكره و مشاعره و تخليه يحترم كل بنى البشر و يقدرهم و يتعامل مع اللى يقابلهم كويس

خاطرة تالتة

أوباما .. ابتسامة مشرقة مريبة لأمثالى

خاطرة رابعة

تعيش العولمة .. تنمو الانسانية .. تزدهر الحضارة البشرية و لو كره ساكنى الجحور و منظرى القمع و القهر و الاستبداد بأى اسم كان

Wednesday, January 21, 2009

Job done


Repeated mistakes @ work are they an indication for stupidity or wrong career?



Marwa Eladawy · Friends with Rawda Ahmed and 3 others
mayb disconcentration
21 January 2009 at 22:09 · Like

Sameh Aboul Dahab Bad-way in work !
Much is due to downsizing of rest time and mental effort over the course.
Please don't repeat my mistakes, you aware for this .

Friday, January 16, 2009

ya Rabb



yaa Rab, m7tag arta7, m7tag el r7la tntehi, eh faydit el re7la w enta 3arf nhaytha mn el awel?,
ya Rabb lw kda kda mseery el nar w 3zab mlosh nhaya f ana b3trf eni 3mlt 7agat kteer awi 3'alat, w fkrt f 7agat aktr, leh ya Rabb sbtni a3eesh ldlw2ti?

leh m2abdtsh roo7i zman ayam maknt b3bdk w bfkr fiek f kol la7za?
leh saybni ya Rabb atooh w ab3d 3nak aktr?

enta 3arf eni tayb w msh b2zi 7ad,

el ra7ma mn 3ndk ya Rabb, 5odni mn l dnya di w e3'ferli znobi l7d kda, ana t3bt ya Rabb

عقبالنا كدة لما الاخوان يحكموا مصر .. حتبقى فل اوى




دى فيديوهات عملوها بتوع حركة فتح 

http://www.youtube.com/watch?v=ri-u32umbXw&feature=channel 
اعتبرها استهبال و استعباط و محاولة لتشويه صورة مجاهدين حماس ... ما هو عادى لما تبقى خناقة على السلطة و كل واحد عنده الاعلام الموجه اللى تبعه ان يبقى كله كدب فى كدب و كل واحد بيلمع نفسه و بيشوه خصمه 

بس الفيديو ده عمل لى مشكلة 
http://www.youtube.com/watch?v=CWre0B9xAwc&NR=1 

واحدة رفعت علم فتح فى جامعة الأزهر فى غزة 
نزلوا عليها بالكراسى و ضربوها و جرجروها برة الجامعة 
http://www.youtube.com/watch?v=Q8_F-NmX2G8&NR=1 

الدرس الأهم لما تبقى وسط وسائل اعلام موجه أنك ما تصدقش اى ادعاء من أى طرف غير لما الطرف المتهم يرد و ينفى او يأكد اللى حصل و يبرره 

ده بقى رد حماس 
http://www.youtube.com/watch?v=jgaO4y3tvKQ&feature=related 
بيبرروا اللى حصل بحديث عن الكاسيات العاريات اللى لازم يتحرقوا دنيا و آخرة 
و بيقولوا أنها مجرمة اعتدت على مهرجان معرفش ايه كدة الاسلامى 
: 
: 
: 
: 

مفيش تعليق عندى غير انهم يا ريت يحكموا مصر فعلا 
عشان احنا مش حنتعلم الدرس غير لما نجرب بنفسنا

Wednesday, January 14, 2009

الصهيونية الاسلامية و رهاناتى المستقبلية



فارق الجوهرى الوحيد - فى رأيى - بين الحركة الصهيونية (القومية اليهودية) و القومية\الأممية الاسلامية أن الأولى تملك 
السلاح و لديها القوة و النفوذ لتستخدمه حاليا بلا حدود بينما تعدنا الأخرى بامتلاكه و استخدامه مستقبلا بلا حدود أيضا



فى مواقف معينة قد يحتاج الانسان حضن دافئ يستقر فيه و يفرغ فيه توتره لبعض من الوقت و قد تكون القبلة ( البوسة ) احيانا هى الوسيلة المناسبة تماما لأظهار مشاعر ما ( غير الحب ) و مع ذلك فنحن - انا و آخرين -محرومون تماما من استخدام هذه الوسيلة فى التعبير .. يا ريت أقدر أرجع طفل تانى 

لو ان أنصار الليبرالية الاسلامية أسموها الليبرالية الأخلاقية لتغير كثيرا مجرى التاريخ القادم فى مصر

اكتشفت مؤخرا انه كله فى الهجايص و أن مفيش حد يستاهل أن قلبى يتوجع علشانه ... كل واحد عقله فى راسه يعرف خلاصه

رهانى النهائى هو فى أن يعفو الله عنى يوم القيامة
و رهانى الحالى هو على الشباب المصرى - جيل مواليد الثمانينات و ما بعدها - القادر على اعادة بناء مصر من جديد

حتى بالنسبة للشباب المنتمين لتنظيم الاخوان فأن جزءا من رهانى على المستقبل هو على قدرتهم على الانفتاح و كسر التابوهات و تقبل الآخر

كم هو سخيف ان أجد من أصدقائى المفترض فيهم مقدار ما من الثقافة ولا يستطيعون التمييز حتى الآن بين الرجولة بالمعنى الدارج للكلمة و الذكورة بالمعنى السطحى التشريحى .. أمر مؤسف حقا

يقول البعض أن ما يميز الانسان عن الحيوان هو هويته المتفردة كانسان مختلف و متمايز عمن حوله

ربما تكون هذه هى أسوأ مقالة كتبتها منذ بدأت الكتابة من 2006 و لكن أجمل ما فيها أنها - غالبا - لن تكون الأخيرة

Saturday, January 10, 2009

حبة نتش و شوية ألش




أهم ميزة فى الحب من طرف واحد - ده لو له أى ميزة تانية - انك ممكن تخلع منه وقت ما تحب من غير ما تجرح اللى بتحبه لأنه - أصلا - مش بيحبك

بس أتأكد الأول أنه مش بيحبك هو كمان

====================

حزب الله يعلن عدم "تورطه" فى اطلاق صواريخ على اسرائيل ... طيب يا عم الحاج كنت عاوز "تورطنا" احنا ليه؟

====================

الحياة حلوة بكل الأشكال ... و ده من رحمة ربنا علينا

====================

اسرائيل دولة مولودة قيصريا و الى زوال بعد حين ... لكن من ناحية اخرى .. هل نستحق نحن البقاء ؟؟

====================

ضحك عليا و خلى بيا الندل ... كنا متفقين نجيب شقة سوا و نقعد فيها مع بعض ... الجبان راح يخطب و كسر قلبى ... مبروووك يا نصار :))

====================

مش بعرف أفكر تفكير عشوائى غير لما تيجى فى مخى سيرة الأخوان و اللى حيعملوه فى البلد ... بس يلا ما دام الناس عاوزة تموت يبقى ظلم و جليطة و قلة أدب أنى أحاول أمنعهم من ده ... كلوا مصر بالهنا و الشفا

====================

عبد الرحمن الشريف ... ربنا يحميك و يرضى عنك ... كلامك ريحنى نفسيا

===================

محمد عطية ... لو حلمك اتحقق حيبقى ليك الحلاوة و يمكن أسمى أول عيل على اسمك

==================

صحابى فى الشغل ... مش عارف بحبكم ليه !؟!؟!؟!؟ بس يمكن من غيركم كانت حياتى المهنية حتبقى غم ؟

==================

زكى الشيمى و أحمد زيدان و اسماعيل النجار و وائل نوارة و أحمد سميح و نجاد البرعى و مايكل نبيل و أحمد نصار و بلال دياب و محمود صابر و ........ أسامى مهمة جدا فى مستقبل البلد دى ... أول دفعة فى لستة محاكمات التفتيش بعد الثورة الجاية

==================




==================


تعلمت من معارك الفترة الماضية أنه يجب ألا يعلو صوت فوق صوت المعركة ... بل يجب انتهاء المعركة اولا حتى نستخلص منها الدروس المستفادة و ننتقد الأخطاء الحادثة فيها ... لا يبدو أسوأ ممن ورط نفسه فى معركة خاسرة سوى من يذكره بهذا كل فترة أثناء دوران رحى المعركة

==================

قلبى مشغول و روحى مهفهفة و عقلى صاحى و متنشط على الآخر و مواعيدى بقت مضبوطة ...... متأكدين أن المية مفيهاش حاجة كدة ولا كدة ؟

==================

الحرية هى الحل .... الحياة هى الحل ... و لو كره المتأدلجون

==================

عندما يتصارع دعاة الموت على الساحة و يزايدون على بعضهم البعض فأن دعاة الحياة هم من ينتصرون فى النهاية
مقولة شهيرة للكاتب الشهير أ.بدوى
:p

==================

بكتب بس عشان مش جايلى نفس ادخل أنام برغم ان عينى مقفلة و ورايا شغل بدرى بكرة و طول الأسبوع اللى جاى
بس لكل حاجة نهاية

تصبحوا على مصر حرة قوية متقدمة مستنيرة يعيش أهلها فى سلام و رخاء و عدل و حرية و ايمان و حب
تصبحوا على خير يا أهل الكهف

Wednesday, January 7, 2009

حكاية الجدع ابو هدوم مقطعة



واحد هدومه مقطعة راح وقف فى السوق فوق عربية خضار و بأعلى صوته اعلن ان (الاغتصاب) حلال 
ليه و أنه حيغتصب ستات الحارة كلهم و خصوصا مرات بلطجى الحارة



الناس اتلموا عليه و حاولوا يسكتوه ما سكتش وبدأ يشتم فيهم و يلعن سلسفيل ابوهم .. جه واحد فتوة بعضلات (بلطجى الحارة) و نزل فى الراجل ضرب و طحن عضمه و الناس كلها بتأيده عشان ضرب الراجل أبو هدوم مقطعة قليل الأدب و لما زود الضرب شوية بدأت شوية ناس تتدخل و تقول خلاص يا جماعة حرام عليكم كدة اكيد ما يقصدش معلش

و كل ما البلطجى يزهق و يبطل ضرب يرجع الراجل ابو هدوم مقطعة يشتم و يهدد بأنه حيغتصب ستات الحارة تانى و خصوصا مرات البلطجى و اخته و يرجع البلطجى يضربه و تستمر الحكاية

نكتشف بعد كدة ان الراجل ابو هدوم مقطعة أصلا مصاب بمرض يمنعه من ممارسة الجنس و نكتشف كمان ان البلطجى كان أغتصب أخت ابو هدوم مقطعة قدامه من عشر سنين و عشان ماقدرش يدافع عنها و ما قدرش يرد اللى حصل له فبقى بيعوض النقص ده بالكلام و بالزعيق

المشكلة أنه مش قادر ياخد حقه من البلطجى لأنه مش عارف يتفاهم مع الناس و يشرح لهم اللى حصل و فى نفس الوقت البلطجى عامل نفسه بيدافع عن نفسه و كل مرة يشهد الناس على قلة ادب ابو هدوم مقطعة و ينزل فيه ضرب


أبو هدوم مقطعة اتفق مع كام واحد من نشالين السوق أنهم يقفوا معاه ضد البلطجى .. نشالين السوق فرحوا اوى لأن دى فرصتهم يخلصوا تارهم من البلطجى اللى كل كام يوم يرن واحد منهم علقة

و بقى كل ما البلطجى يجيله مزاجه و ينزل ضرب فى الراجل الغلبان ابو هدوم مقطعة يقفوا من بعيد و يشتموا و يلعنوا البلطجى و بالمرة ينشلوا كام محفظة على كام شنطة من الناس اللى واقفة تتفرج على العلقة

الغريبة أن اهل الحارة كل ما ييجوا يحوشوا عنه يشتمهم و يتف فى وشهم


و لما كبر أخو أبو هدوم مقطعة بتاع المدارس و بدأ يفهم اللى حصل لأخته و لسة بيحصل لأخوه بدأ ينصحه بأنه لازم بدل ما يهدد الناس بأنه حيغتصب ستاتهم يشرح لهم اللى عمله البلطجى و يحاول يخليهم يشهدوا ضده عند شاويش النقطة

نشالين السوق لما سمعوا كدة خافوا ان ابو هدوم مقطعة يبطل يشتم و يبطل ينضرب و بالتالى حيضيع منهم فرصة نشل الكام محفظة اللى بيعلقوها فى الزحمة ,,, قالوا لأبو هدوم مقطعة اخوك باع القضية و نسى أخته و بقى تبع البلطجى و الشاويش

و عمل زى ولاد عمك الاغنيا التخان اللى خافوا على مصالحهم مع الشاويش و بقوا كل عيد يبعتولك حتة لحمة و مش فارق معاهم حقك و حق اختك طول ما الشاويش بيحميهم مننا

هنا بقى نكتشف كمان ان البلطجى ده أخوه هو شاويش النقطة و هو اللى بيحميه و هو اللى مقوى قلبه و هو اللى منع الناس يشهدوا ضده فى المحضر من عشر سنين


طلع الراجل ابو هدوم مقطعة على نفس عربية الخضار و أعلن أنه متبرى من أخوه و أن أخوه عميل للبلطجى و للشاويش و أنه مش همه اللى حصل لأختهم من عشر سنين و اتهمه - سبحان الله - أنه بيحاول يمنعه من علقة كل اليوم اللى بيضرب فيها البلطجى و ان الكتب اكلت دماغه و خلته مش شايف قد ايه البلطجى بيشتكى للناس و قد ايه البلطجى بيخاف منه

ابو هدوم مقطعة لسة لحد دلوقتى بيطلع فوق عربية الخضار بيشتم البلطجى اللى اغتصب اخته من عشر سنين و بيشتم أهل الحارة اللى بقى بيصعب عليهم و مش قادرين يساعدوه و بيشتم الشاويش اللى بيحمى اخوه البلطجى و مانع الناس يشهدوا ضده بس دلوقتى زود على لستة الشتيمة أخوه الصغير بتاع المدارس

و لسة نشالين السوق كل ما يحبوا يغيظوا الشاويش أخو البلطجى من بعيد لبعيد يروحوا يجيبوا لأبو هدوم مقطعة هدمة مقطعة يستر بيها نفسه قال يعنى بيساعدوه و كل ما ينضرب علقة يقفوا وسط الناس ينشلوا الكام محفظة و الكام شنطة يد زى عادتهم من زمان

المشكلة كمان ان الأخ المتعلم بتاع الكتب لما اخوه شتمه و طرده من عشته و جرسه وسط الحارة قرر انه يسيب الحارة و يسيب أخوه أبو هدوم مقطعة و يسيب نشالين السوق و يسيب البلطجى و يروح يشتغل عسكرى فى القسم مع الشاويش أخو البلطجى

و بقى كل ما يشوف اخوه بينضرب بيصعب عليه و يودى وشه الناحية التانية و بيبرر ده لنفسه انه مستنى اللحظة اللى حيبقى فيها هو نفسه شاويش عشان يعرف ياخد حق أخوه و أخته و حق اهل الحارة من البلطجى و الشاويش و النشالين ...... بس بصراحة ... هو بينه و بين نفسه عارف ان مفيش فايدة لأن أخوه مش بيتعلم أن النشالين مبسوطين انهم بيستغلوه فى شتيمة البلطجى و الشاويش المفترى من غير ما ياخد حقه و البلطجى بيستغله فى علقة كل يوم عشان يخوف بقية أهل الحارة و ان الشاويش بيخوف ولاد عم الراجل ابو هدوم مقطعة الأغنيا بأخوه البلطجى و بالنشالين

و يبقى الحال على ما هو عليه

--------------

أحمد بدوى
7 \1\2009