Wednesday, December 31, 2008

كلمة الريس هنية





مين تابع كلمة رئيس وزراء فلسطين السيد هنية من شوية على الجزيرة ؟

الراجل اتكلم كلام عاطفى و حماسى و سياسى بيعبر عن الصمود و الشموخ و و .. الخ

طيب الراجل المجاهد ليه عذره فى حاجات كتير و أكيد أى حد مكانه كان غالبا حيقول نفس الكلام

لكن أنا كعادتى المنيلة ما ركزتش اوى فى الكلام عن الحماس الوطنى و المقاومة لأنى عارف أن الكلام ده بيقوله أى حد فى أى مناسبة و أن الكلام مش دليل على الأفعال فى الواقع

و مش بعيد مثل كلام الريس عبد الناصر عن قدرات الجيش للنصر على اسرائيل ولا كلام الريس السادات عن الديمقراطية ولا كلام الريس مبارك عن التنمية و التقدم فى مصر

الكلام المهم فى خطب السياسيين المعدة مسبقا هو اللى بيبقى فيه اشارات للخطوات و التحركات المستقبلية وده اللى بحاول لما أسمع أى سياسى شاطر بيتكلم بحاول ألقطه من وسط الكلام الكتير اللى موجه للأنصار و المؤيدين المتحمسين أو المتعصبين

منين بقى بيقول أن حماس بتؤيد حوار وطنى فلسطينى - فلسطينى ( هو اهم شئ لابد عمله فى مرحلة ما بعد فشل غزو القطاع ) و بعد كدة بيحط العقدة فى المنشار و بيدى الفرصة لكل واحد -غيره- عاوز يثبت و يعزز و يرسخ الفرقة و الانقسام انه يلعب من تحت لتحت ؟؟

يعنى منين بيقول نرجع وحدة الصف الفلسطينى و بعدين يقول بس بشرط تفرجوا عن كل المعتقلين المنتمين لحماس فى الضفة و تبطلوا تتكلموا عن اننا بناخد دعم و توجيه اقليمى و أن المعتقلين من فتح فى غزة مش معتقلين سياسيين و أنهم فى ايد أمينة بعيدة عن الغارات ؟

هو كدة عمل زى اسرائيل لما بتقول احنا عاوزين السلام بس بشرط مفيش فلسطينى يكح ناحية اسرائيل و تنتهز أى فرصة لأى عملية خايبة ضدها عشان تولع الدنيا

اسرائيل مش عاوزة التهدئة و السلام مش فى مصلحتها عشان كدة بتخربه كل ما تيجى فرصة .. فهل وجود حوار وطنى مش فى مصلحة حماس ؟؟

طيب بقى هل ده كلام واحد عاوز يلم الشتات ولا واحد بيحمل مسئولية الانقسام لغريمه السياسى ( وهو عارف أنه مخترق اسرائيليا و أن اسرائيل مصلحتها فى ابقاء الانقسام زى ما هو ) بغض النظر عن نتيجة الانقسام ده على مستقبل الوطن اللى هو بيدعى أنه بيقوده و بيمثل ارادته؟

أنا مش فلسطينى و مش من حقى اتدخل فى شئون الفلسطينيين الداخلية ... بس أرجو من كل من يدعونا كمصريين للوقوف مع حماس أنه يدعو حماس أنها تبقى قد المسئولية اللى اتحملتها بأنها تسعى فعلا للم شمل أرضها الأول و تبطل انتهازية سياسية فى سبيل مصالح داخلية ضيقة على حساب مصالح كل الفلسطينيين

لأن اللى يدعى أنه بيقود شعب يبقى لازم يبقى أكبر من الخلافات الحزبية و يتعالى عنها وقت الشدة

Monday, December 29, 2008

أسئلة مشروعة



أسئلة من باب الفهم مش أكتر
يا ريت ماحدش يجاوب بخطب عصماء عشان دماغى مصدعة
اللى عنده اجابات منطقية يتفضل يجاوب و اللى عنده شعارات يتفضل يعلقها على الحيطة قصاد بيته

أ - ليه الشيخ حسن نصرالله ما أعلنش الهجوم على اسرائيل دلوقتى او فى المدى المنظور تخفيفا عن الفلطسينيين ؟
ده مش سؤال بلاغى على فكرة .. ده سؤال بجد
( لما كان الجيش الأمريكى رايح يحتل العراق كان عندى أمل أن فى اللحظة الأخيرة ايران حتعلن الحرب على أمريكا و تضرب حاملات الطائرات بتاعتها فجأة و تضطر امريكا للانسحاب .. بس طلع لإيران رؤية واقعية اكتر و طلعوا ناس بيعرفوا يدوروا على مصالحهم كويس )
 



-- ده طبعا مع الاعتراف أنى مش معلق أى أمل على النظام المصرى لأن الضرب فى الميت حرام --
الصورة دى انا اللى عملتها لما كنت بتعلم جرافيك


ب - هل لو احنا فى دولة ديمقراطية و فيها تبادل السلطة و الأخ النائب الناصرى رئيس حزب الكرامة حمدين صباحى أو السيد المناضل العظيم مجدى حسين وصلوا للسلطة عن طريق الانتخابات كانوا حيعلنوا الحرب على اسرائيل ولا هو كلام من أبو بلاش بيجيب سوكسيه و شعبية و ملوش تمن سياسى ؟


جـ - ليه الموضوع بقى اسمه قضية غزة بدل قضية فلسطين ؟


د - ايه هى اولويات أى نظام ديمقراطى ؟ هل هو الحفاظ على أرواح المواطنين المنتمين اليه و ممتلكاتهم و لا القتال حتى آخر جندى ؟
صورة المقاومة فى الحاضر

هـ - ايه هى خطط حماس و رؤيتها الاستراتيجية للصراع الفلسطينى الاسرائيلى فى المستقبل ؟
هل هو تدمير اسرائيل ( الدولة بنت الكلب اللى اخترقت كل المواثيق و العهود الدولية مليون مرة ) ولا هل هو الحرب ( او الصمود ) الى مالانهاية ؟؟ 

طيب هل الصمود و التحدى ( و ده شئ مشرف جدا و جميل و ممكن يكون عامل ردع ) قادر على أنه يهزم اسرائيل ولا محتاجين معاه خطط و استراتيجيات زى ما عمل حزب الله و زى ما عملت مصر فى 1973 و زى ما عملت أمريكا مع الاتحاد السوفيتى ؟ 

السؤال ده بمناسبة خطبة عصماء عرجاء خطبها الأخ خالد مشعل لمدة ساعة آخر مرة انضربت فيها غزة و سمعته بفارغ الصبر و ما قالش فيها ولا كلمة مفيدة
صورة المقاومة فى الماضى


و - ليه سوريا ما ضربتش رصاصة واحدة فى الجولان طول مدة الاحتلال اللى مش فاكر من امتى ؟
طيب ليه ماحدش اتهم النظام السورى بأنه عميل لاسرائيل ؟

ز - هل فوجئ الأخوة فى حماس بأن النظام المصرى عميل و ابن ديل كلب و أنه متواطئ فى الحصار ( ده جزء من المعطيات الموجودة ) و فوجئوا أنهم لما يعلنوا وقف التهدئة حيبقى فيه رد فعل متغابى ؟
ما أظنش فوجئوا ...... طيب ليه ما لجئوش لأعادة الانتخاب أو لتمديد المهلة أو لأى "تنازل" عشان يحموا شعب غزة من المذبحة ؟
ليه حتى ما عملوش فصل بين المواقع المدنية و العسكرية جوة القطاع ؟
قوات حماس

حـ - كام قتيل و جريح فلسطينى حنلاقيهم لو اسرائيل استخدمت اسلحة أكبر من كدة ؟ .. النابالم مثلا ؟

ط - مين مواقق على دخول مصر مواجهة عسكرية ضد اسرائيل دلوقتى ؟

Tuesday, December 23, 2008

equations

2 b alone = 2 b free
but 2 b alone is not equal 2 be happy

then it isn't necessary 2 b happy when u r free
some ppl r happy under slavery or control
----
that means freedom is not equal or not attached 2 happiness, its equal 2 responsibility ( & thats y its not having so many fans n our societies where ppl cant hold resposibilities)


واحدة من النوتات المملة


ليه الناس بتحبنى ؟؟
قابلت محمد الطاهر و قال ان كل الناس مهما كانوا مختلفين معايا بيحبونى
انا عارف ده و بحسه كتير
بس ليه بقى بيحبونى ؟؟
انا أعرف ان اللى ربنا يحبه يحبب فيه خلقه ... طيب هو ربنا بيحبنى ؟؟ ... امال انا ليه مبقتش بحس بيه زى الاول ؟؟ ... ليه بقت علاقتى بيه روتينية من غير احساس و مشاعر زى زمان ؟؟

طيب ازاى ممكن تحب واحد مختلف معاه ؟؟ اذا كنت انا نفسى بتخنق من ناس كتير و بقطع علاقتى بناس كتير لمجرد ان رأيهم مش عاجبنى ؟؟
لكن لأ .. مش مرتبطة اوى .. ما انا فيه ناس ببقى مختلف مع آرائهم و بتفضل علاقتى بيهم طبيعية
من زمان عديت مرحلة الغرور و بقيت فاهم ان الدنيا مش بيحكمها المنطق

ممكن اوى اللى احبه من قلبى ما يشوفنيش و اللى يحبنى من قلبه ما احسش بحبه .. ممكن اوى حد يبان قريب قوى و هو على شعرة نسمة هوا تطيرها
==========
عاوز اخد اجازة من الفيس بوك ... عندى مشاريع عاوز ابدأ فيها
عاوز أعيش حياة اجتماعية حلوة
عاوز أحب زى خلق الله
عاوز اقرا 17456 كتاب
عاوز اكتب مليون فكرة و ملحوظة و موضوع
عاوز أشتغل سياسة و اكسر الدنيا
عاوز أذاكر فى الكهربا عشان أقدر أترقى فى شغلى بعد كدة

عاوز انام ....... تصدق فعلا عاوز أنام ؟

ممكن اخلى الفيس بوك يوم آه و يوم لأ .. الموضوع كله محتاج ارادة
==========

النهاردة برده فهمت ليه فيه ناس بيفكروا و بيفهموا و بيدافعوا عن تدخل الدولة فى الحياة الخاصة للأفراد
أو بمعنى أصح تدخل اى قوة خارجية خارجة عن ارادة الانسان فى تحديد مسار حياته الخاصة

لأنهم مش قادرين يسيطروا على نفسهم ,,, اللى بيدخن و عارف أنه مش حيبطل تدخين غير لو حد أجبره على كدة
و اللى مدمن مواقع جنسية و عارف أنه مش حيبطل يدخل عليها غير لو الحكومة منعتها
اللى بيعمل علاقات و شايفها حرام و مش عارف يمسك نفسه من غير ما حد يمنعه
هما دول اللى بيدافعوا عن السلطة الأبوية و أن حد يقول لهم يعيشوا ازاى
هما دول اللى مش قادرين يفطموا نفسهم من حاجات بيعملوها و عارفين انها غلط و فاكرين ان الحل أن حد يفكر بدالهم و يقرر لهم يعملوا الصح و يسيبوا الغلط

المشكلة انى غالبا بقدر أمنع نفسى من عمل أغلب الحاجات الغلط ( او اللى مقتنع انها غلط ) و الباقى اللى مش بقدر أبطله بعرف أهرب منه فترات و أرجع له فترات و عشان كدة مقتنع أن ارادة الانسان الجوانية هى السبيل الوحيد لمنعه من الانحراف

ولا تقول لى قوانين ولا تقول لى هيئة ضرب بالمعروف و قتل بالمنكر ...... من غير ما الانسان يبقى من جواه عاوز حياته تتصلح مش حيتصلح

احنا محتاجين نتربى و احنا صغيرين و بعد كدة يبقى القرار ملكنا و بارادتنا الحرة ... اللى عاوز ينحرف ينحرف و اللى عاوز يصلح يصلح ... القهر و القمع مش بيبنوا انسان يقدر يبنى و يقدر يصلح

و سلم لى على منحرفين وسط البلد كلهم



انهاردة برده فهمت معنى ان رفض رحيم أحسن من قبول خادع ... يمكن مش حينفع أشرح دلوقتى بس أكيد بعدين حتيجى الفرصة
الخلاصة بس انك لو حد بيحبك و انت مش بتحبه لازم تقوله كدة بصراحة عشان ما تبقاش بتخدعه بدون قصد و انت فاكر نفسك خايف على مشاعره

الصراحة راحة يا معلم

Sunday, December 21, 2008

مسلم و ملحد كتبوا عن المسيح





فى نفس التوقيت تقريبا اتنين من أصدقاء الفيس بوك الذين لم التق بأى منهم من قبل عملوا لى تاج ( أو تنبيه ) فى نوتات هما كاتبينها



النوتتين ( تثنية نوتة ) بيتكلموا عن نفس الموضوع و لكن من منظورين مختلفين تماما



الأول من منظور اسلامى شيعى و الثانى من منظور فلسفى مادى ( مادى = الحادى ) ء



الغريبة أن الرؤيتين بيمثلوا وجهات نظر متعاكسة و فى نفس الوقت وجهات نظر "ممنوعة" من الظهور فى اعلامنا المصرى الضيق الأفق و المحروم من كتير من ألوان الطيف اللى خلقها ربنا



أنا الحقيقة استمتعت بقراءة الرؤيتين و الحالة الروحانية فى الأولى و الحالة الفلسفية العلمية فى التانية و عشان كدة قررت أشارككم معايا فيهم



مع التنبيه ان اللى عاوز يعلق على دى او على دى ياريت يعلق عند صاحبها



النوتة الأولى
سيدي ومولاي
http://www.facebook.com/note.php?note_id=50923087937



(((((((

تعتبر ذكرى ميلاد السيد المسيح المناسبة الأكبر من حيث عدد المحتفلين بها في العالم، فتقريبا كل العالم بكل أطيافه وأديانه ومعتقداته يحتفل بهذه الذكرى وخصوصا أنها تأتي مقاربة مع بداية كل عام ميلادي جديد فيختلط احتفال الناس برأس السنة الميلادية مع الإحتفال بها ويطلق الناس عموما على هذه الأيام أيام الكريسماس.

وبعيدا عن الفتواى التي تحرم وتحلل لا ارى أبدا مانعا من أن احيي ذكرى ميلاد السيد المسيح الذي أؤمن أنه سيد من سادات رجال الله في الأرض وأنه وأمه كانا أيتان للعالمين وأن امه هي سيدة النساء مريم الطاهرة النيرة.

فرجل احتفل الكون بميلاده فأرسلت السماء شهابا تعلن به عن قدومه واخضرت النخلة سعادة بميلاده وأسقطت ثمراتها ابتهاجا بوجهه وسعى الفرس أميالا بحثا عنه ويقول عنه رسولي محمد انه يوم مولده اغلقت السماء في وجه الشياطيين لهو جدير بأن احيي ذكرى ميلاده وأعلم أبنائي سيرته.

وشخصية السيد المسيح من أكثر الشخصيات التي تركت تأثيرا في العالم وربما من النادر جدا ان نجد شخصية تركت هذا التأثير المنقطع النظير في تاريخ البشرية. حيث ان تعاليم المسيح تحولت إلى مسلمات يؤمن بها كل الناس حتى دون علمهم بعودتها للمسيح.

بعيدا عن الإنجيل والقرآن والنصوص الدينية يصعب الحصول على دلائل تاريخية واضحة حول ميلاد المسيح او سيرته أو حياته، حيث نجد أن أول مؤرخ تحدث عن شخصية المسيح هو المؤرخ الروماني تاكيتوس الشهير في نهاية القرن الأول تقريبا وأورد جملة واحد فقط "ويقول الناس أن اليهود صلبوا هنا شخصا يسمى يسوع الناصري".

حتى ما ورد عن أن الإمبراطورة هيلانة استطاعت ان تحصل على صليب الصلبوت واكتشفت مكان صلب السيد المسيح ليس له ما يدعمه تاريخيا.

لكن ليست كل الحقائق التاريخية دائما ما تنجح في الوصول إلينا، فمن المؤكد أن يسوع أو عيسى ابن الناصرة ولد وعاش وقدم الكثير من أجل البشرية.

وعلى ما يبدو كما يذكر الإنجيل والقرآن أيضا أن الطفل يسوع أثار ضجة في المجتمع اليهودي حيث انتشرت النبؤات بأنه الطفل يسوع هو المسيح الموعود الذي بشر به العهد القديم وتحدث عنه إشعياء النبي وكما يروي القران ان هذا الطفل نطق في مهده وأثار دهشة أحبار اليهود، 

هيرودوس مللك اليهود، الذي أعاد بناء الهيكل وجعل من دولة اليهود حاضرة لا تقل في تقدمها عن روما وبنى مدينة قيصرية التي كانت حاضرة الشرق أنذاك، ذلك الملك الذي قضى عمره لاهثا وراء العرش وقضى على الحشمونيين ملوك اليهود ووصل به الأمر ان قتل زوجته وحبيبته، ظل يعاني طيلة حياته من انتقاص اليهود له رغم كل ما فعله من أجلهم، لأنه ببساطة نصف يهودي وليس يهودي من سبط يهوذا بل وليس من بني إسرائيل أصلا.

سمع عن النبوؤة وعندما تتمعن في تاريخ هذا الرجل وجنونه العام لن تنكر صحة القصة التي جعلته ينشر البحث عن يسوع وأمه لقتلهما أو قتل الطفل فقط، فقد كان مهووسا بعرشه يخشى عليه حتى من الذباب الطائر.

ودون تحويل ما أكتب إلى قصة أو حدوته فقد كبر يسوع وأصبح ذلك الشخص الذي وقف على جبال القدس يعظ الناس ويوصيهم بوصايا إلى الآن هي محور الفضيلة والعلم والنور.

وشأن أي شخص يحاول قمع الظلم وكما عانى رجال الله قبله رفض سلفيون زمانه وطغاة عصره أن يروا شيئا جميلا واتهموه بالهرطقة والكفر وكل ما يتخيله الشخص من تهم، ودبروا الأمر لتصفيته.

وأيا كان ما حدث من تفاصيل للمسيح فإنه بكل تأكيد عانى من الألم ما عانى دفاعا عن الحق والعدل، وتحول إلى رمز خالد،

فالتاريخ يعيد نفسه والفريسيون الذين يقفون ضد ارادة الله بتأويلهم لكلام الله ذاته مازالوا يعيشون في العالم، ومازلوا يكفرون كل مسيح يأتي ليطهر البشر ويأخذ بايديهم.
مازال المسيح يصلب كل يوم ويقف تحت صليبه الفريسيون مبتسمين يعلنون أنهم يطبقون ارادة الله في الأرض

كتبت هذه الكلمات حبا في السيد المعلم عيسى بن مريم الذي علمني الكثير، المسيح الذي هو كلمة الله التي أرسلها إلينا.

المسيح الذي يؤمن به المسيحيين كمخلص والمسلمين كرجل من رجال الله العظام الذين حملوا على عاتقهم تخليص البشر من الشرور، تحول إلى ملكية عامة لكل البشر.

من المعلومات الهامة عن السيد المسيح انه كان يتحدث الأرامية "وليس العبرية" وسكان فلسطين في ذلك الوقت كانوا كلهم يتحدثون الأرامية وكان فيهم اعراق متعددة عبرانيين وأدوميين وكنعانيين. وأن أمه هي مريم من نسل داود الذي هو من نسل يهوذا بن يعقوب بن اسحق بن ابراهيم، وان ابن خالته هو يحيى الرائع او يوحنا المعمدان الذي بذا حياته أيضا دفاعا عن الحق وان كفيل أمه هو زكريا رجل الله الذي كان يسخر منه الفريسيون سلفيوا زمانه.

وأخيرا نعم هو سيدي ومولاي! المسيح عيسى صلوات ربي عليه وعلى محمد النبي الخاتم وأهل بيته



)))))))))))))



النوتة الثانية
فوازير الكريسماس
http://www.facebook.com/home.php?#/note.php?note_id=50787141382 
(((((

الصوره اعلاه تمثل قصة من قصص الميثولوجيا الرومانيه. وكلمة ميثولوجيا تعني فقط ديانه قديمه أنتهت ومات أربابها و لم يعد احد يعتنقها. تذكرني ملامح الصورة بالرسومات الكنسيه الكاثوليكيه، حتى ان بعض الشخصيات تبدو وكأنها أستنسخت فالألهه الأطفال المجنحين اصبحوا هم ذاتهم الملائكه في صور الكاثوليك والألهه الشريره بأقدام أغنام، وهو ما أصبح الشياطين. يقال ان الأديان لاتموت تماما بل تعيد تشكيل نفسها بصورة جديده، أي تتطور مع الزمن.ومعروف في الأنثروبولوجيا الأجتماعيه بأن الأديان تنقل عن بعضها وتقوم بتكييف الأحداث لتناسب الدين الجديد. نحن نعرف هذا عن الإسلام وجذوره القديمه التي تعود الى عبادة الكواكب وبالذات الشمس والقمر لذا نضع القمر على منارات المساجد ونتبعه في طقوس الصوم وغيره بينما نعتمد على حركة الشمس عند الصلاه

وماذا عن المسيحيه، فهل كان المسيح إلها موجود فعلاً ..أم تم إستنساخه من الهة قديمه؟

يقوم المسيحيون بالإحتفال بعيد ميلاد المسيح في ٢٥ من ديسمبر من كل سنه. وبما ان المسلمين في رمضان يقدمون كثيراً من برامج الفوازير في التلفزيون والراديو فقد قررت ان اقدم بعض الفوازير لإخواننا المؤمنين من المسيحيين.

ولأن معظم الناس تجهل التاريخ ولا تقرأ..فلا احد يتساءل. وإن كان المسلمون على هذا الشأن أيضاً فمن الدروس المفيده لنا أن ننظر من اين جاءت قصة المسيح هذا؟ وهل كان فعلاً شخصاً حقيقياً؟

هناك صفات معينه نعرف بها المسيح فهو الذي ولد من عذارء ويحول الماء الى نبيذ ويمشي على سطح الماء ويداوي المرضى ..الخ فهل هو الوحيد في هذه الصفات؟ يعني مثلا لو قلت لكم أن الممثل نور الشريف هو محمد جابر فهذا يعنى أن محمد جابر يتشابه في صفاته تماما مع نور الشريف. فهو بنفس طوله تماما و بنفس البنيه ولديه نفس الهوايات والعادات. نور الشريف هو الإسم الفني الذي يستخدمه محمد جابر. فهل كان يسوع المسيح الإسم الفني لألهة قبله؟

حسنا تعالوا معي في هذه الفوازير لنحزر من هي هذه الألهه القديمه التي ماتت و ماتت معها أديانها.

الفزوره الأولى:

من هو الإله الذي ولد في ٢٥ من ديسمبر وضحى بحياته لينقذ بني الإنسان من العذاب الأبدي. مات هذا الإله في عيد الفصح بعد أن تم صلبه. ظل بعد موته ثلاثة ايام في العالم السفلي ولكنه عاد للحياة وإرتفع الى السماء. كان اتباعه يرتدون صورته وهو على الصليب ويأكلون –بصورة رمزيه- جسده متمثلاً بكسرات الخبز خلال صلواتهم إليه. فمن يكون ياترى؟ 

الإجابه: كان ذلك أدونيس وهو إله عُبد في اسيا الصغرى(تركيا اليوم) قبل وصول المسيحيه.

الفزوره الثانيه:

كان هذا الإله يعبد في القدس "جورسليم" في القرن الميلادي الأول. وكان يعتبر ابن الله. خالق الكون جعل امه تحمل به بصورة غامضه وبدون أب. وقد ظهرت نجمة يوم مولده في السماء معلنة عن وصوله. كان عابديه يأكلون- رمزياً- جسده عند أداء طقوسهم وذلك بتناول كسر الخبز و شرب النبيذ. كان يشفى المرضى ويعيد الأرواح الى الأجساد الميته وينشر المحبة بين الناس. فمن يكون ياحلوين؟

الإجابه: كان هذا ديونيسوس وهو إبن الإله زيوس. إنتشرت عبادة ديونيسوس في روما ومستعمراتها ومن ضمنها كانت ارض يهودا (إسرائيل وفلسطين). يسمونه ايضا باخوس.

الفزوره الثالثه:

هذا هو الرب المخلص، وبدون قبوله والإيمان به فليس هناك فرار من العذاب الأبدي. يسمى أيضا رب الأرباب وملك الملوك و إله الألهه. هو البعث وهو الحياه، وهو الراعي الطيب ويسمى أيضا يودا ( بدون هاء..افهمتم) ولد من عذراء و أعلن ميلاده ثلاث من الرجال الحكماء. تم تقطيع جسده الى ١٤ قطعه كتضحية لإنقاذ البشريه من العذاب الأبدي. وعاد للحياة بعدها بايام. عبد هذا الإله أيضاً في روما أثناء الحقبة الهلينيه وعبد كذلك في مستعمراتها بما فيها بلاد الشام وفلسطين. فمن هو؟

الأجابه: كان ذلك هو الإله المصري أوسيريس.

الفزوره الرابعه:

ولد إلهنا الرابع ايضا في ٢٥ من ديسمبر و..ايوه صح من عذراء ايضا☺. كان يطرد العفاريت الشريره التي تسكن الأجساد وكان يشفى المرضى ويمشي على الماء. قتل هذا الإله ومات شهيداً لينقذ البشريه من العذاب الأبدي (ايضاً) وعاد من الموت ثم أرتفع الى السماء. وسيعود مرة أخرى في نهاية العالم ليحكم بين الناس الأحياء منهم و الأموات وسيبنى مملكة السلام للابد. في قصته كان لديه اثنى عشر حوارياً أو رسولاً من اتباعه قاموا بنشر دينه في الأرض وقد تناول معهم العشاء الأخير قبل موته. فمن يكون؟ 

الإجابه: هذا كان الإله الفارسي ميثرا، وهو الذي كان يعبده الميثرانيين وهو دين تزامن مع المسيحيه في روما لبعض الوقت. هذا الدين مرتبط بالزرادشتيه وقد سرقت المسيحيه منه الكثير. وكان يعتبر أبناً للرب أهورا مازدا من أم أرضيه
)))))))))
بن كريشان



http://benkerishan.blogspot.com/2008/12/blog-post_16.html

Thursday, December 18, 2008

أول سفرية ليا - اسطنبول Flight 737

1- Switched my seat to be setting on the left wing of the plane (beside it actually)
بدلت الكرسى عشان أقعد جنب الشباك فوق الجناح اليمين

2- The pilot is checking the mini-wings
الطيار بيجرب الجناحات الصغيرة

3- Feeling so excited ,, it's my first flight
حاسس بنشوة جامدة جدا ... أول ركوبة طيارة فى حياتى

4- ربطت الحزام و ماشيين على المدرج

5-They tell us the safety instructions (which I know I can never memorize in need without a large training
بيقولوا لنا تعليمات الأمان اللى أنا متأكد أنها مش حتتنفذ فى حالة الطوارئ غير لو اتمرنت عليها فترة طويلة


6- دعاء السفر طلع على شاشة الطيارة فيديو .. كدة ضمنا أن الطيارة مش حتقع
Travel prayer is written on the plane screen ( thats why we are sure it'll not going down )

7- Taking off - shakes - VERY AMUSING ( who is the stupid who hates to fly ?)
اقلاع .. رجرجة خفيفة .. مين الحمار اللى قال أن الطيران وحش

8- A small city down there ,, like a map ,, Clouds & Smokes
المدينة بقت صغيرة اوى تحت .. سحب و دخان

9- الراجل بيفسحنا عمال يجيبنا يمين و شمال
The pilot is roaming right & left

10- أول مرة اشوف السحاب من فوق .. عامل تمام زى حقول قطن
My first time to see the clouds from above ,, looks like cotton fields

11- My ear hurts :(
ودانى وجعانى

12- If I die now I'll die happily excited
لو مت حالا حبقى سعيد انى مت منتشى

13- 36000 قدم

12- بحلم انى فى اسطنبول .. بلعب طاولة مع السلطان ,, كتبتها عشان لما أوصل أفتكر اعملها ستاتس
Dreaming that I'm in Istanbul ,, playing dolma with the Sultan ( an old beautiful Egyptian song )

13- Going down through the clouds
نزول عبر السحاب

14- بمضغ حتة ورق بدل اللبان عشان نسيت أشترى لبان
Chewing a piece of paper because I forget to buy a gum

15- I see the sea ,, just little boats
البحر .. مجرد قطع بحرية صغيرة

Gun = day = يوم
Markazi = central = مركزى
Dakika = minute = دقيقة
Tamam = Ok = تمام
Oda = Room = أوضة

Monday, December 15, 2008

الحرية هى الحل - منظمات المجتمع المدنى الليبرالية هى الطريق الى الحل


أولا أنا أعترف بأن جملة (الطريق الى الحل) ليست من ابتكارى بل هى من ابتكار صديقى - سابقا - السياسى الداهية هانى الخياط

ثانيا : عندما قلت أن (الحرية هى الحل) كان اول اعتراض ووجهت به هو أن تلك الكلمة تتعارض أو تتقاطع مع الشعار الشهير الذى يتصارع عليه الاسلاميين سواء الأخوان أو حزب العمل اة غيرهم ... (الاسلام هو الحل)

و قد كان ردى التلقائى الطبيعى جدا هو أن الاسلام - الذى أؤمن به - يدعو و يمهد الطرق للحرية بكل الأشكال فلذلك أنا أرى أن مقولة (الحرية هى الحل) التى نحتاجها الآن جدا غير متعارضة بأى شكل مع المقولة الشهيرة (الاسلام هو الحل) كمقولة عامة
ولن يحدث التعارض - على ما أظن - سوى عند من لا يؤمن بأن الاسلام هو دين الحرية ... و هم كثر من الجانبين .. من المسلمين و غير المسلمين

ثالثا : كان الاعتراض الثانى و هو الذى دفعنى لكتابة هذه السطور لأنه الأكثر وضوحا و تماسكا هو أن الاعتقاد بأن المنظمات الليبرالية هى التى تحتكر صكوك الحرية هو اعتقاد فاسد فى ذاته و قاصر و اقصائى لكل من يدعى أنه لديه حلولا جذرية لمشاكل مصر ( و ربما يزيد من عنده انه لديه حلولا سحرية لمشاكل العالم كله .. بس ما علينا لما نعرف نحل مشاكلنا نبقى نحل مشاكل العالم ) و الحقيقة أننى أوافق على تقبل هذا الانتقاد تماما .... فلو أننى توهمت أن الحرية أو التفكير العلمى أو الفلسفة أو البرامج العقلانية المنظمة قد أصبحت حكرا على التيار الليبرالى أو على المنظمات التى تدعو للفكر الليبرالى لأستحققت الجلد 1500 جلدة بتهمة الضحالة الفكرية و الجهل المطبق

لكن الحقيقة أننى لم أقصد بتاتا أن تلك المنظمات تمتلك "وحدها" توزيع صكوك الحرية و أن مادونها هم من كفار جهنم ( و هو ما يدعيه و يعلنه و يفخر به الجميع ليل نهار )
فما قصدته تحديدا هو أن تلك المنظمات التى بدأت فى التكون و الانتشار منذ فترة قريبة - فى التسعينات - و قويت مع الوقت و اكتسبت الخبرة و الموارد حاليا و بعض المصداقية ستكون المساهم الرئيسى فى تحول مصر لدولة حرة ديمقراطية تحترم حقوق الانسان و آدميته و خصوصياته

بداية أقول أن منظمات المجتمع المدنى المستقلة ( أيا كان فكرهها و توجهها السياسى و الدينى ) يقع عليها عبأ كبير فى النظام الديمقراطى الذى يؤمن باللامركزية بدرجات عالية و يميل للحد من التدخل الحكومى المفرط فى كل أمور المجتمع

و تقسم تلك المنظمات الى ماهو خدمى (غالبا دينى اسلامى أو مسيحى أو ملك لشخص أومجموعة ما ) و ما هو حقوقى و ما هو فكرى تنظيرى و ما هو سياسى التوجه ... و هكذا

و رؤيتى الخاصة التى قد لا توافقنى عليها أن النشاط الخدمى هو نشاط هام جدا للحفاظ على المجتمع كما هو بحالته الحالية ( أى انها تعمل كصمام أمان داخلى للمجتمع ) و لكنها لا تدعو لتغيير الوضع الحالى و انما تعمل فقط على تخفيف معاناة ضحايا الوضع الحالى المستقر بحيث تزيد قدرتهم على الاحتمال و مدة رضاهم بالواقع المعاش ( وهو ما تشجعه أى حكومة - ديمقراطية كانت ام ديكتاتورية - مادامت تسعى للاستمرار فى الحكم أو حتى تسعى لتخفيف القلاقل فى المجتمع)

لكن منظمات المجتمع المدنى الساعية للتغيير مثل الأحزاب السياسية و جمعيات و مراكز حقوق الانسان والمرأة و الأقليات و مناهضة العنف و النقابات و غيرها الكثير تعمل طوال الوقت على تغيير الوضع للأفضل على المستوى البعيد بالمطالبة بحقوق المواطنين و تعليمهم الحرص على الحصول عليها ( دون أى ادعاء من جانبى بأنها منظمات ملائكية أو أن الأفراد فيها أفضل أو أكثر ميل للتضحية بأنفسهم من بقية أفراد المجتمع )

و هى تعمل كجماعات ضغط على الحكومات و على المجتمعات أيضا لتغيير سياساتها و توجيهها لما يحتاجه الناس بحق و تعمل على تغيير توجه المجتمع فى الكثير من القضايا

و لذلك قد لا يشعر بعملها أحد على المستوى القصير و لكنه حتما سيشعر بتأثيرها التراكمى بعد حين يطول ام يقصر

و الميزة الرئيسية لتلك المنظمات هى أنها لا يمكن جمعها تحت قيادة موحدة ( لاختلاف توجهاتها و مطالبها و طرق عملها و اهتماماتها و مستويات تنظيمها و اهدافها) و بالتالى يصعب السيطرة عليها جميعا فى وقت واحد ( و هو ما يدعم اللامركزية ) كما أن انتشارها على عدة مستويات متشابكة و غير متشابكة ( مستوى المواطنين و مستوى نظام الحكم و مستوى القضاء و التشريعات و مستوى الاعلام ) يجعلها أقوى من أن يمكن تحييد دورها بسهولة

فما ان يوقف النظام القمعى عمل منظمة منها بأى دعوة سخيفة ( خوفا من تأثيرها المتنامى ) حتى تجد مركز آخر أو منظمة أخرى ظهرت لتعمل على نفس مطالب و أهداف المنظمة المغدورة

و ما أن يحدث انشقاق و هدم و تخريب لحزب حتى نجد آخر يقوم بكوادر جديدة أكثر ديناميكية و برؤية أفضل و خبرة مستمدة من سابقه

لذلك فأنه حتى لو حدث - لا قدر الله - أن وصل للسلطة فى مصر بعد انهيار النظام الحالى نظام آخر قمعى (عسكرى أو دينى ) فأن وجود و انتشار و قوة تلك المنظمات سيعمل و بشدة على فرملة وسائل النظام الحاكم القمعية مما يؤدى لأن تنكشف صورته الحقيقية أمام المواطنين و يفقد شعبيته أو أن يقوم - لو كان له كوادر حقيقية - بتطوير نفسه و أداؤه بحيث يظل حائزا على رضاء و ثقة الأغلبية على أسس موضوعية و ليس على أسس عاطفية متعلقة بالشعارات و الكلمات فقط أو أسس قهرية متعلقة بالتخويف و القمع

و دمتم
--------
أحمد بدوى
15-12-2008

Sunday, December 14, 2008

أطعم الفم تحتقرك العين




بص ياباشا .. أنا مش ناوى ان أى حد ولا أبويا حتى يعاملنى بطريقة اطعم الفم تستحى العين

أنا بقى مش بستحى

عشان كدة اللى حاسس أنه بيعمل لى خدمة أو ماسك عليا زلة لازم يعرف كويس انى مش بيهمنى ولا فضايح ولا مكاسب ولا حتى عشرة

يمكن الحاجة الوحيدة اللى بتأثر عليا هو انى مش بحب ازعل حد و مش بحب اجرح حد مهما عمل فيا مادمت قادر على الغفران و التسامح فيبقى قشطة مش مهم أى حاجة تانية

بس الحق حق ... و انا عمرى ما بحب أبقى ضلالى و طول عمرى بحب امشى مع الحق اللى مؤمن بيه حتى لو اعتذرت ألف مرة ...... و لو انت شايف الحق اللى انا شايفه من وجهة نظر تانية ده مفيهوش مشكلة

اى حد عامل فيها مظهر تحررى و هو من جواه ديكتاتور ... اى حد عامل فيها مظهر متسامح و هو من جواه حقود ... أى حد عامل فيها مثقف و هو حافظ له كلمتين .. اى حد عامل بتاع ربنا وهو بتاع نفسه

أى حد من دول يبعد عنى احسن و ما يحاولش يستغل طيبتى عشان وقت الجد لما بقلب بقلب و مش بيهمنى عشرة ولا معروف ولا احراج

انا ساعات كتير بسكت عن حاجات غلط بس ده مش لأنى عينى مكسورة لكن لأنى بختار انهو غلط اللى اركز عليه و افضحه و انهو غلط اللى بحسه بيأذى ناس كتير و انهو غلط أعمل نفسى مش شايفه عشان اللى عمله ما يستاهلش أنى أضيع وقتى معاه

و عشان كدة بتلاقينى بتكلم عن مصايب الشيوخ كتير لأنى بحس أن تأثيرهم واسع و مسئوليتهم عن اللى بيضخوه فى دماغ الناس أكبر من اى حد تانى خصوصا و ان الناس متخدرة و معندهاش القدرة على الانتقاد ولا الفرز

بشوف غلطات كتير و تخاريف كتير عند ناس تانية كتير ... ليبراليين و يساريين و مرتزقة بيجروا على رزق عيالهم و مصالحهم و بسكت بس لأنى عارف أن تأثيرهم فى الآخر محدود و أن محاربة واحد ملوش دور ولا تأثير تضييع وقت و مجهود

عشان كدة بتلاقينى وقت الخناقات بين زمايلى السياسيين مش بحب أضيع وقتى و أتحيز لجهة ضد جهة و اخسر حد ممكن بعد كدة يبقى له دور كويس و بفضل أبقى فى دور الحكم او المتفرج و أتسامى عن الخلافات الشخصية

نصيحة بسيطة لكل واحد مرتزق ليبرالية أو حتى لو هو مقتنع انه ليبرالى بجد أو بياع سياسة و بيطلع غسيله الوسخ قدامى و معتمد على انى حقف فى صفه عشان خايف منه أو خايف على سمعة الليبراليين لا سمح الله أنه يتجنبنى نهائى و يبعد عنى و يعيد حساباته و يدور على حد تانى يشغله طرطور

حتى أنا مش بقيسها بمنطق البطولة ... أنا عارف كويس أن لما أكشف واحد مرتزق و أقف قصاده ده بيزود مصداقيتى عند الناس و برغم ان انا مش بلعب سياسة و مش ناوى أوسخ ايدى بيها فى يوم من الأيام لكن مصداقيتى مهمة اوى عندى

و على فكرة بقى ماحدش يعتقد انه عارف انا بفكر ازاى لأن انا اساسا كل يوم بفكر بطريقة جديدة و مش مستبعد خالص فى يوم من الأيام أنى أغير كل أفكارى و كل اللى بنادى بيه لو شفت أنه بيودى على سكة غلط ... يعنى انا ممكن فى يوم تلاقينى اقتنعت بشوية أفكار اشتراكية أو عملت زى وليد كريم اللى لولا انه ضيع مجهود ناس غيره كنت اعتبرته بطل 2008 عشان قدر يعلن تغيير افكاره من غير ما يهمه حد

فبلاش حد يحط نفسه فى مواقف بايخـــــــــــة و كل واحد على راسه بطحة حيبقى عارف انا بتكلم عن ايه