وثيقة أثرية وجدت أثناء تنقيب بعثة الآثار في أطلال مصر القديمة . ويرجح العلماء أنها كتبت في عصر الاضمحلال الكبير
"مرسى رما عصاية الانتخابات اللي بهرت سحرة فرعون اللي بيسحروا الناس بصندوق الدنيا , عصاية مرسي أكلت أكبر عصاية عند فرعون وكان اسمها "عصابة شفيق" , راح كل السحرة سجدوا للشرعية لحد ما بنو حسن ئيل استكبروا على المصريين وملوا الدنيا زبالة وكلام فارغ , فرجع فرعون طرد موسى بتعويذة الجيش والشعب ايد واحدة - قصدي مرسي لأ قصدي موسى .. ما علينا -
عدى الفرعون وجيشه نهر الدم ورا بنو حسن ئيل - كان اسمه نهر النيل بس من كتر الدم اللي ملاه غيروا اسمه بقى اسمه نهر الدم
محدش عرف مرسي راح فين بس ناس قالوا ده طلع جبل في سينا اسمه جبل الحلال وقعد هناك وناس تانية قالوا الفرعون والكهنة حبسوه وناس تانية قالوا أن ربنا غضب عليه فوقف عصايته السحرية عن العمل
قوم مرسي وعشيرته "بني حسن ئيل" اتشتتوا في الأرض بعد اختفاء موسي فبنوا عجل دهب اسمه "عجل الشرعية" وتاهوا في الميادين يبشروا برجوعه وتوليه كرسي الفرعون
ولا يزال بني المسيح حسن البنا في انتظار النبي مرسي يرجع من فوق الجبل ولا يزال المصريين مستنيين رجوع الفرعون وجيشه عشان يبنوا مصر اللي خربها بنو حسنائيل
وأدينا مستنيين"
للأسف باقي الوثيقة مش ظاهر وجاري البحث عن وثائق أخرى تؤكد أو تنفي ماجاء في هذه الوثيقة
==================
يقال ان تاريخيا موسى هو اخناتون - وان كهنة آمون انتقموا من كهنة آتون بتدمير مدينتهم وتشتيتهم في الأرض وأن كهنة آتون ألقوا اللعنة على مصر بأن ماحدث يتكرر كل فترة عشان مايبقاش لجيل على جيل فضل وكله يكون عاش نفس الاحداث واختار نفس الخيارات
المراد أن الفرعون مش مقصود به شخص معين عاش في فترة وانتهى - الفرعون رمز للدولة المصرية القوية القاهرة
كون الفرعون يكون اسمه رم سيس أو ال سي سي أو المر سي فكلها تنويعات على رمزية واحدة للسلطة
اليهود شعب الله المختار - الجماعة المسلمة - عبدوا العجل الدهب بدل ربنا - العجل رمز للدنيا سواء كان تمثال دهب او عقد اسمه "الشرعية" - اليهود أو الأخوان أو المؤمنين بآتون إله التوحيد اللي دعا لعبادته أخناتون , برده كلها رمزية للمؤمن اللي بيغره إيمانه فبيتكبر على ربنا ويوصل لمرحلة أنه يعتبر ربنا والدين والايمان رهينة ملك ايده مش أمانة بيتحملها - رمزية للإنسان اللي ربنا بيضله فيغضب عليه الناس فيكون عنده فرصة أنه يفوق ويرجع يفهم حقيقة وجوده ويبطل تكبر
المصريين عاشوا في قمل وضفادع ودم وقت وجود بنوا اسرائيل \ او حكم اخناتون - مرسي - محمد نجيب - أيا كان الاسم - مكنش فاضل غير ان موسى يطلع قصاد كهنة فرعون ويتكلم عن الواد اللي بياخد عشرين رغيف عشان يغرق المحاصيل
أعتبروا يرحمكم الله
==================
يقال ان تاريخيا موسى هو اخناتون - وان كهنة آمون انتقموا من كهنة آتون بتدمير مدينتهم وتشتيتهم في الأرض وأن كهنة آتون ألقوا اللعنة على مصر بأن ماحدث يتكرر كل فترة عشان مايبقاش لجيل على جيل فضل وكله يكون عاش نفس الاحداث واختار نفس الخيارات
المراد أن الفرعون مش مقصود به شخص معين عاش في فترة وانتهى - الفرعون رمز للدولة المصرية القوية القاهرة
كون الفرعون يكون اسمه رم سيس أو ال سي سي أو المر سي فكلها تنويعات على رمزية واحدة للسلطة
اليهود شعب الله المختار - الجماعة المسلمة - عبدوا العجل الدهب بدل ربنا - العجل رمز للدنيا سواء كان تمثال دهب او عقد اسمه "الشرعية" - اليهود أو الأخوان أو المؤمنين بآتون إله التوحيد اللي دعا لعبادته أخناتون , برده كلها رمزية للمؤمن اللي بيغره إيمانه فبيتكبر على ربنا ويوصل لمرحلة أنه يعتبر ربنا والدين والايمان رهينة ملك ايده مش أمانة بيتحملها - رمزية للإنسان اللي ربنا بيضله فيغضب عليه الناس فيكون عنده فرصة أنه يفوق ويرجع يفهم حقيقة وجوده ويبطل تكبر
المصريين عاشوا في قمل وضفادع ودم وقت وجود بنوا اسرائيل \ او حكم اخناتون - مرسي - محمد نجيب - أيا كان الاسم - مكنش فاضل غير ان موسى يطلع قصاد كهنة فرعون ويتكلم عن الواد اللي بياخد عشرين رغيف عشان يغرق المحاصيل
أعتبروا يرحمكم الله
No comments:
Post a Comment