Saturday, January 10, 2015

كلمة من ضميري - لمن يهمه أمر مصر القوية


كلمة من ضميري
نجاح الدكتور عبد المنعم أبوالفتوح في انتخابات رئاسة حزب مصر القوية في مؤتمره العام الأول - أيوة اللي مش عارفين نلاقي مكان نعمله فيه بسبب الحصار الأمني للمؤسسات السياسية والمجتمعية - معناه نهاية المشروع واستمرار حالة التحلل والتصحر المستمرة من فترة بدون رؤية جديدة أو أفق جديد
نجاح فكرة العمل المدني قايمة على الشراكة واحترام العقود والاتفاقات - والدكتور عبد المنعم أبرم عقد مع باقي المؤسسين بأنه حيسلم المؤسسة لجيل جديد - الجيل المفروض عليه تحمل المسئولية - جيل يكون عنده رؤية مختلفة وأفق أوسع وخبرات متعددة
اللي حصل ان الحزب في حالة تحلل مستمرة - دايما فيه مقاومة ومحاولات مستمرة للنجاح لكن الموضوع بقى أشبه بسفينة بتغرق والناس بتسيبها وتمشي واحدة واحدة , مش متفق مع رأى صديقي العزيز أحمد غنيم أن ده بسبب الانقلاب العسكري وبس - الحقيقة ان ده في جانبه الأكبر لعدم وجود مشروع واضح يجمع الأعضاء ويشغلهم بيه
أرجوكم - ماتصوتوش لأبو الفتوح - أبوالفتوح زعيم حقيقي لكنه من جيل حان وقت رفع الضغوط عن كاهله وتسلم المسئولية والقيادة منه - حقيقة احتياجنا لأب سياسي لا تعني سوي طفولتنا السياسية - حان الوقت ليتحمل جيلنا المسئولية

لمتابعة النقاش على الفيس بوك
https://www.facebook.com/ahmad.badawy/posts/10152596057342066?notif_t=like
Post a Comment