فيه ناس بيقولوا انهم مش حيشاركوا في انتخابات الرئاسة الجاية بسبب المادة تسعة وتمانين ... تسأل ببراءة ايه المادة تسعة وتممانين يقولوا دي مادة بتدي حصانة لقرارات اللجنة العيا للانتخبات بحيث انها لو زورت النتيجة لا يجوز الطعن عليها
مش حسألك لو المادة اتعدلت حتشارك ولا لأ لإني عارف من الاول انها غالبا حجة بتقولها عشان تبرر عدم مشاركتك .. طب عرفت منين انها حجة؟
حقوللك بعدين
المهم دلوقتي خلينا ماشيين مع المادة 89 ... هل انت متوقع ان لو الانتخابات حصل فيها تزوير - وركز على كلمة تزوير مش تجاوزات - تزوير يعني الناس تختار شخص نلاقي النتيجة رايحة لشخص تاني
هل لو ده حصل والناس أنتخبت مثلا حازم أبو اسماعيل أو عبد المنعم ابو الفتوح او حتى أحمد بدوي بأغلبية الأصوات
والنتيجة طلعت لصالح واحد تاني - غالبا الحد اللي المجلس عاوزه حسب الاتفاق بين الاخوان والمجلس
هل تفتكر ان الطعن حيغير حاجة ؟؟
ييعني افرض المادة 89 مش موجودة وقرارات اللجنة مش محصنة ورحت تطعن على النتيجة... هل اللي زور ارادة ملايين الناس حيبقى صعب عليه يخلي الطعن ميتقبلش؟
طيب تخيل لو المادة موجودة متعدلتش ... واحنا انتخبنا فلان وسقطوه بالتزوير ... هل متوقع ان الشعب المصري يفضل ساكت .. يعني انا حختار فلان اللي وقفت معاه شهرين وسمعته وقررت انه يبقى رئيس مصر وألاقيه يسقط بالتزوير واتفرج عادي كدة واروح البيت ؟؟ طيب هو نفسه حيسكت ؟؟ ولا حيعلن ان حصل تزوير ؟؟ طيب لو أعلن انه حصل تزوير هل الناس حتقف معاه ضد التزوير ولا حيسيبوه ويمشوا؟
تخيل لو الرئيس اللي أخد ثقة المصريين لكن اتزورت ضده الانتخابات طلع أعلن ده في مؤتمر صحفي ... هل المصريين اللي صوتوله مش حيقدروا ينزلوا التحرير ؟؟ هل مش حيبقى ساعتها بداية الثورة من اول وجديد لكن بقيادة شرعية منتخبة ؟
الخلاصة (1) المادة لو موجودة مش حتمنع الناس من اختيار اللي يتفقوا عليه ولو مش موجودة مش حتفرق حاجة لإن اللي حيقبل الطعن هو نفس الجهة اللي زورت الانتخابات .. ولو كانت المواد القانونية بتحمي شرعية كان زماننا بنستعد لجمال مبارك رئيسا
طيب حتعرف منين ان حيبقى فيه تزوير؟ .. حضرتك احنا - المصريين - الناخبين والمرشحين حنبقى متابعين العملية الانتخابية في كل لحظة .. كل مرشح حيبقى له مندوبين في كل لجنة وليه أنصار في كل مكان وحيبقى معروف مين صوت لمين بنسبة كبيرة
أى لعب في الأصوات حيبان خصوصا اننا بنتكلم في خمسين مليون صوت تقريبا .. لو حد عاوز ينجح مرشح خسران مش حيزور صندوق ولا لجنة .. ده لازم يعمل تزوير كبير جدا عشان يقدر يعدل النتيجة والتزوير الكبير حيجبره يتفضح
الخلاصة (2) لو ماشاركناش في الانتخابات حينجحوا اللي عاوزينه ومش حيحتاجوا تزوير أصلا ولو زوروا حنقف لهم في الميدان مش في طابور الطعون... ولو نزلت وشاركت وطلعت انتخابات نزيهة يبقى نجحنا مهما كان المرشح الكسبان .. كون ان مرشحك بيقول عيلتي اولى بيا وبيخاف يدخل في مواجهات فده مش مبرر انك تسيب البلد في لحظة مفصلية زي دي
انزل وماتتلككش وانتخب ابو الفتوح
4 comments:
ابواسماعيل القوى الامين مش اللى معترف باسرائيل
انت بتفترض ان اللى هايكسب هاياخدها باغلبية مطلقة، والواقع بيقول ان الفروق هاتبقا بسيطة بين المرشحين (باستثناء عمرو موسى وشفيق). وفكرة ان الشارع يتحرك اصلا على خلفية احداث سياسية بحتة مرهون بتحرك الكتل الاسلامية مش الثورية، إذا صحت فرضية "صفقة" او حتى توافق عام..مش هايحصل ان الشارع هايتحرك على تزوير لصالح الكتلتين دول بالذات.
انا بانتقد التحليل بغض النظر عن وجهة نظرى. اما المرشح اللى بيفضل يقعد مع عيلته دة كلام خارج السياق..هو مقلش انه مش هايخوض الانتخابات عشان عيلتى اولى الكلام كان انه لما يسلمنا السلطة (الشباب) هايبقا حقق هدفه ويقعد مع العواجيز وهو مطمن، كلام مايزعلش..ناهيك عن كونه مش مرشح اساسا دلوقتى لاعتبارات وضحها كذا مرة. وموضوع انه بيخاف يدخل فى مواجهات دة مضحك...لو البرادعى مش بتاع مواجهات...اومال مين بتاع المواجهات؟ لو بالمنطق دة يبقا محتاج تغير آخر سطر ل...انتخبو حازم صلاح ابو اسماعيل
انت بتفترض ان اللى هايكسب هاياخدها باغلبية مطلقة، والواقع بيقول ان الفروق هاتبقا بسيطة بين المرشحين (باستثناء عمرو موسى وشفيق). وفكرة ان الشارع يتحرك اصلا على خلفية احداث سياسية بحتة مرهون بتحرك الكتل الاسلامية مش الثورية، إذا صحت فرضية "صفقة" او حتى توافق عام..مش هايحصل ان الشارع هايتحرك على تزوير لصالح الكتلتين دول بالذات.
انا بانتقد التحليل بغض النظر عن وجهة نظرى. اما المرشح اللى بيفضل يقعد مع عيلته دة كلام خارج السياق..هو مقلش انه مش هايخوض الانتخابات عشان عيلتى اولى الكلام كان انه لما يسلمنا السلطة (الشباب) هايبقا حقق هدفه ويقعد مع العواجيز وهو مطمن، كلام مايزعلش..ناهيك عن كونه مش مرشح اساسا دلوقتى لاعتبارات وضحها كذا مرة. وموضوع انه بيخاف يدخل فى مواجهات دة مضحك...لو البرادعى مش بتاع مواجهات...اومال مين بتاع المواجهات؟ لو بالمنطق دة يبقا محتاج تغير آخر سطر ل...انتخبو حازم صلاح ابو اسماعيل
انت بتفترض ان اللى هايكسب هاياخدها باغلبية مطلقة، والواقع بيقول ان الفروق هاتبقا بسيطة بين المرشحين (باستثناء عمرو موسى وشفيق). وفكرة ان الشارع يتحرك اصلا على خلفية احداث سياسية بحتة مرهون بتحرك الكتل الاسلامية مش الثورية، إذا صحت فرضية "صفقة" او حتى توافق عام..مش هايحصل ان الشارع هايتحرك على تزوير لصالح الكتلتين دول بالذات.
انا بانتقد التحليل بغض النظر عن وجهة نظرى. اما المرشح اللى بيفضل يقعد مع عيلته دة كلام خارج السياق..هو مقلش انه مش هايخوض الانتخابات عشان عيلتى اولى الكلام كان انه لما يسلمنا السلطة (الشباب) هايبقا حقق هدفه ويقعد مع العواجيز وهو مطمن، كلام مايزعلش..ناهيك عن كونه مش مرشح اساسا دلوقتى لاعتبارات وضحها كذا مرة. وموضوع انه بيخاف يدخل فى مواجهات دة مضحك...لو البرادعى مش بتاع مواجهات...اومال مين بتاع المواجهات؟ لو بالمنطق دة يبقا محتاج تغير آخر سطر ل...انتخبو حازم صلاح ابو اسماعيل
Post a Comment