في هوجة أن كل واحد يرشح نفسه للرئاسة أو حتى يرشح واحد صاحبه فكرت أنا ليه أنا كمان مرشحش نفسي؟ أنا مش أقل من كل اللي نازلين الإنتخابات ,,, وعشان الناس لسة مش عارفينني كويس فأنا عملت النوت دي عشان التمانين مليون مصري يشوفوها ويرشحوني للرئاسة
مين أحمد بدوي؟ ,,,, مواطن مصري
مين احمد بدوي؟ شخص مش معروف ،، فأكيد متمسكش في قضايا مخلة بالآداب قبل كدة
مين أحمد بدوي؟ فيه ناس بيقولوا سنه لسة مكملش ٤٠ سنة ومش حينفع يترشح ،، مش مهم ،، احنا معملناش ثورة عشان يبقى فيه مستحيلات ... ادعم احمد بدوي وملكش دعوة بالحاجات الصغيرة دي
مين أحمد بدوي؟ حول خمسة جنيه على رقم تليفونه وأنا أقول لك
مين أحمد بدوي؟ حد له صحاب كتير ولو كل واحد استجدع معاه ولمينا من بعض ممكن يشتري العربية اللي طول عمره نفسه يشتريها
مين أحمد بدوي؟ سافر عشرة حداشر دول وده معناه أن علاقاته الخارجية متشعبة وله تقل دولي
مين أحمد بدوي؟ حل السودوكو كتير أوي وأكيد لو محبين السودوكو كلهم صوتوله حيبقى عنده فرصة
مين أحمد بدوي ؟ طلع مع ماما نجوى في التلفزيون وهو صغير وأكيد كل اللي شاف الحلقة حيدوله أصواتهم (محصلش لكن لزوم الدعاية)
مين أحمد بدوي؟ مش معنى انك متعرفوش أنك مش حتديله صوتك ،، عادي محدش عرف اوباما غير بعد مانجح
طبعا بعد نشر التعريفات السريعة دي لقينا تأييد دولي ومحلي كبير لترشيح أحمد بدوي للرئاسة
أيوة وأنا كلمت البواب بتاعنا وقال انه مقتنع بأحمد بدوي ... الثورة مستمرة
أنا لسة راجع من عند الحلاق ولما شاف قصة شعرك أقتنع بيك وحلف هينتخبك يا بدوى هوه وكل زمايلة الحلاقين
مين احمد بدوي .. واحد كان بيشرب معانا سحلب ع القهوه من نص ساعه
النهارده في مترو الإنفاق اقنعت سواق المترو انه يديك صوته ويديني انا ابونيه
احمد بدوي واحد من الشعب ويعرف كبايه السحلب بكام ننتخبه ليه لأ
بدوى مننا و حاسس بهمنا بياكل من عربيات الفول و بيشرب بيرة مضروبة .. انتخب بدوى من اجل وضع البيرة على التموين
خبر عاجل : وفاة أحد الناخبين بالأزمة القلبية في أحد اللجان الإنتخابية بعد أن فوجئ بعدم وجود اسم أحمدي بدوي في ورق التصويت بعد أن أمضى العديد من الليالي في دعوة الناخبين لإختياره
================
ملحوظة : الموضوع يقصد به وبشكل واضح السخرية من الموقف السياسي لبعض الأصدقاء الأعزاء الذين قد يظنون أن الوقت هو وقت مناسب للهزل وخوض التجارب الفاشلة التي لا أرى فيها سوى مساهمة في المجهود المحموم الذي يقوم به أعضاء النظام السابق للعودة إلى مقاعدهم في السلطة بأى شكل بينما يتفرق مجهود الشباب الثوري بين أسماء كثيرة يخفض بعضها فرص بعض لصالح مرشحين الفلول
أحب أن أشدد على أن السخرية ليست تجريح ولا سباب .. السخرية وسيلة من أهم وسائل التعبير عن الرأى - خاصة في مجال العمل السياسي .. وأن استخدامها يهدف للفت النظر بشكل صارخ وصادم كما أحب أن اعتذر لكل من شعر بإهانة غير مقصودة بسبب المكتوب
ملحوظة : الموضوع يقصد به وبشكل واضح السخرية من الموقف السياسي لبعض الأصدقاء الأعزاء الذين قد يظنون أن الوقت هو وقت مناسب للهزل وخوض التجارب الفاشلة التي لا أرى فيها سوى مساهمة في المجهود المحموم الذي يقوم به أعضاء النظام السابق للعودة إلى مقاعدهم في السلطة بأى شكل بينما يتفرق مجهود الشباب الثوري بين أسماء كثيرة يخفض بعضها فرص بعض لصالح مرشحين الفلول
أحب أن أشدد على أن السخرية ليست تجريح ولا سباب .. السخرية وسيلة من أهم وسائل التعبير عن الرأى - خاصة في مجال العمل السياسي .. وأن استخدامها يهدف للفت النظر بشكل صارخ وصادم كما أحب أن اعتذر لكل من شعر بإهانة غير مقصودة بسبب المكتوب
No comments:
Post a Comment