Wednesday, August 29, 2007

زهقانة طهقانة

من نفسي زهقانه
ومن الدنيا قرفانه
عندي حاله ملل ونفسيتي تعبانه
دايما بكلم في نفسي وبليل سهرانه
حتى نجوم السما من عدها بقيت خبلانه
هموم الدنيا شايله وفي دماغي اردغانه
مش لاقيه حاجه اعملها ولا اي شغلانه
تعبت من التفكير دماغي خلاص بقت خرفانه
طب احكي لماما ؟ مش هتبقى لدماغي فهمانه
هتقوللي انتي احسن من غيرك روحي روقي الشقه واشغلي نفسك باي شغلانه
طب احكي لاختي هتسبقني وتقوللي انا خلاص بقيت طهقانه
من جوزي للبت لحماتي وياختي شقيانه
هتشيلني هم على همي وانا مش ناقصه بالامانه
احكي لصحبتي بس هي بنقوللي نصايح مش بقبلها احيانا
وبعدين حرام ليه اشيلها همي هي يعني ناقصه الحكاوي بتاعتي الخرفانه
اطب احكي لمين اللي جوايا انا بجد حيرانه
قلبي واجعني واعصابي فلتانه
اروح لدكتور نفسي يمكن يديني روشته واصرفها من الاجزخانه
انا اصلي مش نفسيا بس تعبانه نفسيا بوظلي عضويا وبقيت خلاص خلصانه
انا دايما بسمع وبس وده طبع فيه وعمري منه مكنت زهقانه
مش بحب الكلام بس كل حد وليه طاقه لازم يفضيها لما تبقى مليانه
نفسي اتكلم وبس بقول يمكن ده يريحني ويظبط النفسيه الهمدانه
اه يا ربي نفسي اموت بس يا ترى الموت هيخليني فرحانه ؟
معملتش حاجه اقابله بيها ولا تتحطلي يوم القيامه في الميزانه
مش جايز اللي انا فيه ده علشان بعدت عن ربنا اوي وحتى الصلا بتكون وانا سرحانه؟
بس هو كبيييييير اوي وانا فيه عشمانه
ليه ادور على غيره احكيله وهو اقربلي من وريدي هو قال كده في قرآنه
اكيد لما الجأ له مش هكون كده زهقانه
وهدعيله واقول يا رب اهديلي نفسي وريح كل اللي نفسيته تعبااااااانه
من قلبي والله ... والله بالامانه
أسدق متسدقش

Tuesday, August 28, 2007

أوهام


عندما تحصل على ذلك الشخص الذى يشاركك منزلك و حياتك و فراشك و لكنك لا تعلم عنه شيئا فى الحقيقة - لا يشاركك مشاعرك و أفكارك و ذكرياتك و آمالك فاعلم أنك تعيش الوهم حتى الثمالة

عندما تحصل على ذلك العمل الذى لا يقدم ولا يؤخر ولا يفيد ولا يضر ... عندما تعمل ذلك العمل الذى لو مت أنت الآن لما تغير فيه شئ و لما نقص أو زاد شئ ... و هو أيضا نفس العمل الذى لو مارسته لمائة عام أخرى فلن يتغير شئ ... فأعلم أنك تعيش الوهم حتى الثمالة

عندما تصلى و تقول نفس الأدعية و الآيات و الأذكار التى لا تفهم منها شيئا ولا تدل على أى شئ بالنسبة لك سوى أنها قيلت من قبل و لو أنها تغيرت أو بدلت من ألف عام لما كان هناك أى فرق بالنسبة لك و لما عبرت عنك بأكثر مما تعبر الآن فأعلم أنك تعيش الوهم حتى الثمالة

عندما تربى أولئك الأطفال سنوات و سنوات حتى يكبروا و يشبوا و هم لا يعلمون عنك شيئا ثم يتركوك و يرحلون لأنهم لا يحتاجون اليك و لا يمثل وجودك أو اختفاءك من حياتهم أى فرق ...فأعلم أنك أنهيت الوهم و لم يتبقى حتى الثمالة

عندما يكون وجودك فى الحياة أو عدم وجودك بدون معنى أو قيمة فأعلم أنك لا تختلف كثيرا عن مليارات الخلايا فى جسدك تعيش و تموت دون تأثير و لن يفتقدها أحد عندما ينتهى عمرها و دورها المرسوم من قبل

أتسائل احيانا ... هل ما نعتبره كائنات حية هل هى مجرد خلايا و أعضاء فى جسد كائن أكبر هو الأرض ؟؟

هل افتراس الأسود للغزلان و تغذى الطيور على بقاياها يشبه عملية الهضم فى المعدة ؟ أليس تكوين الأكسجين من النباتات يمثل عملية التنفس فى الرئة ؟ هل السلالات المختلفة مثل أنواع الخلايا المختلفة ؟ فهناك الخلايا البيضاء و هناك بحار الدم فى جميع أنحاء الأرض ؟ أليست الذئاب مثل الفيروسات تهاجم الخلايا السليمة و تضعفها ؟

اذن أليس وجود كائن ينمو فى كل مكان و يستهلك كل شئ و يفترس جميع الكائنات الأخرى و يخضعها لسيطرته يشبه تماما وجود السرطان ؟؟؟ ألا تقوم الخلايا السرطانية بالنمو فى كل مكان و تعيش داخل البحار و الأنهار و الغابات و الجبال ؟؟

الرئة المعدة العظام الدم الكبد ... ألا تمارس تلك الخلايا السرطانية حقها المشروع فى الإستيطان و التوسع و التكاثر كما نفعل تماما؟؟

هل تعتقد أن تلك الخلية السرطانية تؤمن بأنها الكائن العاقل الوحيد و أنها يجب أن تعمر و تستوطن جميع أنحاء أرضها / أجسادنا و تبنى حضارتها فى كل مكان ؟؟

ألا تظن أنها تقوم بمقاومة كل تلك الكوارث الطبيعية من علاجات و أدوية ببطولة منقطعة النظير مثلما نقاوم نحن الموت و نستمر فى الحياة حتى آخر لحظة من عمر الأرض التى تعيش عليها ؟؟

Saturday, August 18, 2007

eh ya3ny ?


eh ya3ny lamma 6efl ymoot mn el ta3zeeb ?? maho fee 2 milion tefl shaware3 ... yb2a ahlo ya5do mnhom 2 3 badal elli mat da ,,, da 7atta kan shaklo 3ayyan awy w akeed keda keda kan 7ymoot 7atta lw el zobbat ma3azebohoosh

eh ya3ny el sa7afa makatabetsh 7aga 3n el mawdoo3 ?? omal ya3ny meen elli 7aywasy 3ala ebn el beeh el sa7afy fe kolleyet el shorta??

w eh ya3ny lama el beeh el doctor ytrod el wad mn el mostashfa ?? hya el mostashfa 3amlenha l waga3 el demaagh da ?? maymoot el wad fe beeto arya7 ,,, msh keda a7san bardo ?

eh ya3ny elli 7y7sal lamma el mayya te2ta3 kam shahr 3an kam balad so3'ayara aw qarya ?? el denya 7ate5rab ya3ny ??? el nas 7ymaweto ba3d 3a el mayya ?? tab ma5aleehom ymaweto ba3d ,,, aho n2alel el 3addad shwaya ,,, omal ya3ny nwa2af bona 7amamat el seba7a bta3et el osoor el gdeeda bta3et el wozara ??? w yb2a manzarna eeh odam shoraka2hom el aganeb lw gom masr ?? y2olo 3aleena eeh ?? msh 3arfeen n3mel kam 2asr w kam 7ammam sba7a l kam wazeer ??? de balad de?

eh ya3ny lw 12000 taleb etrafado mn e5tebarat el shorta 3ashan msh la2eqeen tebeyan ?? 5erbet el donya ya3ny ?? mahom 7ytla2a7o fe el 2ahaawy w el byoot ,,, 3awzeen yb2a s7ethom kwayesa leeh ?? e7medo rabena en el rayes msh m5aleena nd5ol 7arb w amreeka bt7bna w israel bta5od ra2yena kol marra abl ma te3mel madba7a gdeda w 7atta sa3at bn2olohom keda maynfa3sh w 3eeb w 7esso 3ala damoko ,,,, bs homa ma3andhomsh damm ba2a ,,, n3mel eeh tayeb ??? de kaman ghaltet el rayess ?? 7y3mel eeh ya3ny ?? ysadrlohom damm kaman ma3a el mayya w el ghaaz we el petrool ?

eh ya3ny ay 7aga aslan ??? makolena 7nmoot fe el a5er w ma7adesh wa5ed mnha 7aga ,,, tanesh ta3esh tanta3esh

Sunday, August 12, 2007

نجحت و مفيش جديد اكتبه


معلش يا جماعة أنا واخد أجازة من الكتابة فترة كدة ... أنا الحمد لله نجحت فى الكلية و بقيت مهندس ... عقبال قرايبكو اللى فى كلية التجارة ان شاء الله - ظريف جدا .. بينقط عسل - و اتخانقت مع اسلام و حلقت زلبطة و كتبت موضوع جديد بس مش قادر أضبطه عشان يتنشر

اليومين دول بتحجج بتخليص ورق التجنيد عشان معملش حاجة و مكلمش حد


ان شاء الله لما اخلص موضوع التجنيد حبقى ارجع ارغى تانى و على فكرة حيبقى حظى حلو لو دخلت الجيش ... حبقى اول مدون بيكتب من جوة الجيش ... و قشطة اوى بقى لو مثلا دخلت الامن المركزى ولا حاجة ... ههههه حهريكو ضرب ... خصوصا محمد عيد حبيب قلبى ... بس غالبا مش حدخل عشان نظرى ضعيف اوى


ما علينا .. سلااااااااااام

Saturday, August 11, 2007

المحبوسين فى بيت الطاعة

الطاعة ... فى رأيى من أهم أسباب مشاكلنا فى العموم ... المجتمع اللى بيربى الناس على أن اللى يسمع الكلام هو الأفضل و هو الأشطر و أن العصا لمن عصا هو مجتمع لازم ينتج بشر مشوهين ... ممسوخة و منسوخة من بعضها و من اللى قبلها ... الدكتور يبقى ولاده دكاترة أضعف مستوى منه و الضابط ولاده ضباط أكثر بلطجة و ضحالة ... المجتمع اللى مؤمن أن ابليس مخلد فى النار لأنه عاصى لازم الناس فيه تكره كل تمرد و عصيان و رفض للأمر الواقع

المجتمع اللى بيربى افراده على أن من فات قديمه تاه مجتمع ملوش مستقبل ... لأنه ببساطة الواحد فيه بيبقى شايف نفسه طول الوقت اقل من اللى سبقوه و عمره ما حيقدر يبقى أحسن منهم بس لمجرد أنهم كانوا فى عصور غابرة عن عصره ... مع أن ده مش حقيقى لأن المعرفة الإنسانية و الحكمة بتزيد مع الأجيال مش بتقل ... بتتراكم ... و أى واحد عايش دلوقتى و مستوى ذكاؤه متوسط بيبقى عنده كم معرفى أكتر بأضعاف من اللى كان يعرفه واحد عاش مثلا قبل اختراع الطباعة و قبل التليفزيون و قبل الانترنت

الطفل اللى كل محور تربيته أنه يسمع كلام اللى أكبر منه متتوقعش منه أبدا أنه فى يوم من الأيام حيبقى له أفق أوسع من أفق اللى بيسمع كلامهم و بيعتبرهم بيفهموا اكتر منه لمجرد أنهم أتزلطوا فى الدنيا قبله و متتوقعش أنه ممكن يبدع حاجة جديدة هما مفكروش فيها قبل كدة

المجتمع اللى بيقتل روح التمرد فى أفراده هو اللى بيقتل فيهم روح الإبداع فى نفس الوقت و هو اللى بيحارب أى تميز يظهر لأى فرد من أفراده فى أى اتجاه مش محدده المجتمع ده قبل كدة حتى لو كان على عادات غلط

مثلا : طول عمرى كنت معتقد أن الأخوان بيكرهوا الإبداع فى الفن عموما و بيهربوا منه عشان حرام ... لكن الحقيقة اللى بقيت أعتقد فيها دلوقتى أن الإبداع هو اللى بيهرب من أى حد يقبل أنه يحط روحه جوة قالب خشب ... ميقدرش يفكر براه و بطريقة مختلفة عن الطريق اللى صاغوه اللى قبله ... ميقدرش يخرج بعقله عن الأفق المحدد سلفا من السلف اللى بيعتقد خطأ أنه سلف صالح أفضل منه على طول الخط و أكتر منه حكمة و دراية ... مع أن السلف ده يا أخى علمه وقف عند حد معين أنت تعديته و عرفت أكتر منه و شفت مشاكل عمرهم ما شافوها ولا فكروا أنها ممكن تبقى موجودة أصلا

الطاعة - فى مذهب ابن بدوى - مرادفة و مرافقة للعبودية و الذل و الرضا بدوام الحال على ما هو عليه من سوء و التمرد مرادف للحرية و الإنطلاق و الرغبة المستمرة فى التغيير و تكسير الأصنام و الخروج عن المألوف المعروف للمجهول و اللى أحيانا بيبقى منكر من وجهة نظر المجتمع ... مرة كانت نوارة كاتبة أن قاسم أمين كان من ضمن الحاجات اللى بيدعو ليها أن الستات يتعالجوا عند الدكاترة - تخيل - و فى زمنه أعتبر المجتمع الكلام ده دعوة لمنكر و هدم لقيم و تقاليد ... بينما دلوقتى لما حد بيحاول يدافع عن عادة متخلفة زى الختان لازم يقول أنه يبقى تحت اشراف دكتور لأن المجتمع بقى ينظر لعلاج الستات على ايد دكاترة أنه أمر مش بس واقع لكن كمان ضرورى

البنى آدم لما يؤمن أن ليس بالإمكان أفضل مما كان حيبقى أسير ما صنع السابقون ... حيبقى مجرد عدد من وسط الوف لا تملك غير الإتباع و التقليد ... ملايين بتحاول باى طريقة أنها تتلمس مشوار حياتها من حكمة و خبرة اللى سبقوها ..... بس مستحيل عبادة الأسلاف و اتباع خطاهم و طريقهم اللى مشيوه قبلينا بتؤدى لتقدم أو قوة أو فن أو علم ... لأن ببساطة نهر الزمن بيجرى فى اتجاه واحد و مستحيل يلف و يعدى فى نفس النقطة مرتين ... عمر اللى كان بيسافر على بغلة فى أسابيع و شهور حيفكر زى اللى راكب عربية و بيسافر فى ساعات لأى حتة فى الدنيا ... عمر اللى عاش حياته كلها مايشوفش غير عدد محدود من البشر و يحتك بيهم ما حتبقى خبرته فى الحياة زى اللى كل يوم بيقابل و يسمع و يشوف و يقرا ألوف البشر بحياتهم و تفكيرهم و غلطاتهم و ابداعاتهم

الإنسان اللى بيدور على حل لمشاكل عصره و حياته من كلام اللى عاشوا فى عصر سابق عمره ما بيخلق حل مبتكر أو جديد لمشاكله ... هو كل اللى بيعمله أنه بيشوه الحاضر و يظهر عجز الماضى ... لأن من الأساس الماضى مش مطلوب منه أنه يحل مشاكل الحاضر ... الماضى كان بيحل مشاكله لما كان حاضر معاش بس لما أصبح ماضى و مشاكله و اهتماماته بقت ماضى أصبحت لا تصلح بالجملة لحل مشاكل الحاضر

أحمد بن حنبل كان بيسافر بالأيام و الشهور عشان يسمع حديث للرسول عليه الصلاة و السلام ... طبعا الراجل يثاب ألف خير و الأحاديث اللى جمعها لازم تبقى نواة يبنى عليها بعد كدة لما حد يدرس الفقه و السنة ... بس ده ميمنعش أبدا أن الراجل اللى جى يدرس دلوقتى ممكن يعرف أضعاف اللى عرفه ابن حنبل من غير ما يخرج من بيته ... الراجل ده عنده امكانية أنه يلم معرفة أوسع بكتير من أى حد درس السنة من ألف سنة لأن المعرفة تراكمية ... و لما آجى أحبسه أنا - أو بمعنى أصح يحبس نفسه - فى الكلام اللى قاله ابن حنبل أو ابن تيمية أو أى ابن أبقى بلغى سنة أساسية من سنن الحياة و هى التطور

============================== كلام تانى ===============================

للأسف احنا فى مرحلة ردة حضارية للعصور الوسطى اللى عاشتها أوروبا قبلينا من كهنوت و رفض لأى تجديد و خرافات مالهاش اول من آخر ... ناس كتير جدا بيعتقدوا انها صحوة اسلامية و أن عشان طول ما احنا ماشيين فى الشارع الناس حطة نغمات أدعية و تواشيح على الموبايلات يبقى الإسلام بينتشر و فاكرين أن لما يكون عدد الجوامع كتير و ميكروفوناتها شغالة طول الوقت على أعلى صوت أن هو دة مجد الإسلام أو حتى دفاع عن الإسلام و أن كل ما واحد تنقط على كتفه عصفورة يروح يسأل عن فتوى هل زبل العصافير نجاسة ولا لأ يبقى ده تمسك بالدين

بس الحقيقة - اللى أنا شايفها و أنت طبعا حر تعتبر نظرى ضعيف - أن المرحلة اللى احنا عايشين فيها دى حتبقى أكبر خطر على الإسلام فى المستقبل ... لما العقلية اللى بتحاول تطلع حلول لمشاكل عصر الانترنت و الطاقة الشمسية و التجارة الإلكترونية من أفكار و أقوال ناس عاشت فى عصور قبل ظهور الطب و قبل الطباعة و قبل وجود صناعة أصلا - لما العقلية دى تعجز أنها توجد حلول حقيقية ساعتها الناس حتحصل لهم صدمة زى صدمة الأوروبيين بعد العصور الوسطى ..... ساعتها الناس مش حيلوموا قصور الرؤية للى بيسموا نفسهم رجال دين و بيدوا نفسهم مكانة أكبر من الناس العادية و بيفكروا بمحدودية و انغلاق و بعبادة السلف .. الناس حيلوموا الدين و يحملوه العجز عن التقدم و مش بس التقدم ... حتى مجرد وجودنا فى الحياة مهدد بجهلنا و تخلفنا

لما نبقى مش لاقيين نشرب أو مش لاقيين كهربا و علاج و واحد يطلع يقول يستمر الغلاء حتى تتحجب النساء و ساعتها تكون كل الستات منقبة حيبتدى الناس يفكروا أن المشكلة مكانتش فى القماش و أن المشكلة فى الدين ... لما الحكام الإسلاميين يواجهوا البلاد اللى احتلت القمر و المريخ و لما اسرائيل تخترع السلاح البيولوجى اللى يقدر يقتل البشر اللى فيهم جينات معينة و ميضرش بقية البشر بالدعاء و ميقدروش يوفروا ليهم عيشة كريمة برغم اللى حيقولوا هم ساعتها أنه تطبيق للشريعة و أحكام الإسلام و لما تبقى مشكلة التعليم أعقد بكتير من دقن عرابى الناس حتكفر بالحكم الدينى و حتتحول نظرتهم للشيوخ و الأخوان لأنهم هما المشكلة مش الحل

اليوم ده جى قريب ... يمكن احنا - أتمنى - منعيشهوش أو نعيشه فى شيخوختنا لو مقدرناش نتمرد و نغير و نطور نفسنا و نخرج عقولنا من قوالب الطوب اللى بتزيد يوم عن يوم حوالينا

Sunday, August 5, 2007

هرتلتى المكتوبة


الجمعة 3 - 8 - 2007

سأكتب و أكتب و سأظل أكتب ... لن أبالى بشئ ... لن أراعى أحد ... ساشك فى كل شئ و لن أخشى غضب الله على اذا فكرت فلذلك خلقت انسان و لى عقل و مادمت آمنت أن التفكير - بكل مشاكله و متاعبه - هو نعمة و اختبار و تكليف فلن أخشى أن يعاقبنى الله على أفكارى ... تخيل أننى لا أخشى غضب الله فهل أخشى غضب مخلوق أو جماعة من المخلوقين ؟؟

لن اخشى أحدا ... فلتذهب الى حياتك العادية السخيفة - هى كالجحيم بالنسبة لى ... اذهب الى جحيم حياتك العادية و أرضى بها بعيدا عنى اذا لم يعجبك ما أكتبه و ما أنقله لك من افكار تتصارع فى عقلى

سأشك و أجن وأموت و لكننى لن أخضع لأنسان أو سلطان ... سأحتفظ بتلك الأشياء التى لا يمكنك أن تسرقها منى ... احترامى لذاتى و حبى للأشياء الجميلة ... ابتسامة طفلة أو موسيقى جميلة حقيقية أو حتى نسمة من الهواء الخفيف

لن أخاف أحد ... لا سلطان غبى أو جمهور أغبى ... الله فقط يملك أن يعاقبنى ولا تملك ذلك أنت

لا أؤمن بكم و بأصنامكم شيوخكم و جهلهم المتغلغل فى نفوسهم ... لا أؤمن بقيودكم التى تضعوها على عقولكم ... أحتقر تلك الحيوانية و الغباء و التجارة الرخيصة التى لا تحيون الا بها


لماذا خلقنا ؟ لنموت ؟ لنبعث ؟ لنحاسب ؟ ... لنعبد الله ؟؟ و هل يحتاج الله لعبادتنا له ؟ هل يحتاج لخضوعنا و استكانتنا ؟؟؟

الله لا يحتاج ... هو فقط يريد و يشاء و ينفذ مشيئته ... كلنا عرائس ماريونت فى تتحرك كما يخطط لها و كما يفرض عليها

نحن نفكر و قد نرفض الخضوع فنطرد من الجنة .......

هل الجنة شهوات فقط ؟؟ أكل و شرب و جنس فقط ؟؟؟ ... بلا مشاكل ؟ بلا مخاطر ؟؟ بلا تحديات ؟؟

هل هناك معنى للحياة بلا تحديات


أليس ذلك صورة أخرى من الجحيم ؟؟ أن تعيش بلا هدف أو نهاية ؟؟؟؟؟

ينتحر أهل السويد بأعداد كبيرة كل عام لأنهم بلا مشاكل ....... هل يسمح لنا بالأنتحار فى الجنة ؟؟

تخيل أن تعيش مائة عام بلا مشاكل ... ياللروعة ... ألف عام ... مائة ألف عام ......... هل تحتمل ؟؟؟ هل هناك ما تصل اليه ؟؟

اذكر مرة آية قرأتها قالت أن الجنة لأجل مسمى ... أجل معلوم ... ثم لا أعلم ما بعد هذا ... هل يعاد الخلق من أول و جديد ؟؟


هل الجنة و النار موجودتان من الآن ؟؟ هل يعيش فيهما الناس منذ الآن ؟؟؟ هل ندخل الجنة و النار قبل يوم القيامة ؟؟؟ هل هناك حساب فى القبر ؟؟؟ اذن ما معنى الموت و القيامة اذا حوسب الأنسان فى القبر و احس بما يقوله اهله و من حوله ؟؟؟

كيف شاهد النبى أهل النار وهم يعذبون اذا لم تقم القيامة و الحساب بعد ؟؟؟ نعم ... ربما هذا سؤال يتعدى حدود الإدراك الحسى


سؤال آخر ... هل يغضب الله علينا اذا فكرنا ؟؟؟؟؟ لا ؟ اذن فهل يجب أن تكون نتيجة تفكيرنا متطابقة ؟؟؟


ماذا لو فكر انسان و أضله أو هداه عقله لما لم يفكر فيه الآخرون ؟؟؟؟؟؟ هل يعاقبه الله ؟؟؟ ربما يعاقبونه هم و هذا لا شئ .... و لكن هل يعذبه الله على أنه فكر بطريقة مختلفة ؟؟؟


هل هو واجب علينا أن نفكر كما يأمروننا أو كما يقولون أن الدين يأمرنا ؟؟؟؟

ماهو الذى يرضى الله أكثر ؟؟؟ ...... أن نؤمن بلا تفكير ....... و ماذا لو فكرنا و توصلنا لنتيجة أخرى غير تلك النتيجة الحتمية التى يتحدث عنها الدين ؟؟؟؟؟؟؟؟؟


بوضوح أكثر ... ماذا لو فكر انسان و أعمل عقله ثم فى النهاية لم يقتنع بوجود الله أو القيامة أو حتى لم يقتنع بجزئية من الدين مثل صحة الأحاديث النبوية مثلا ..............


هل يعذب لأنه لم يقتنع ؟؟؟ هو لم يكفر ... لأن الكفر هو اخفاء الحقيقة ... و لكنه لم يهتدى للحقيقة من الأصل ... فهل يغضب منه الله ؟؟؟؟ هل يعاقبه لأن عقله الذى هو نعمة من الله لم يهتدى لوجود الله ؟؟؟؟


و ماذا لو لم يؤمن و لكنه أعلن ايمانه خوفا من الناس و لم يؤذى أحدا ... هل يرضى عنه الله ؟؟


هل نتيجة التفكير معروفة مقدما ؟؟؟ اذن فما معناه ؟؟؟ ما الهدف اذا كانت النهاية واحدة ؟ و الحقيقة معروفة مقدما ؟؟

لأختصر عليك الطريق فأنا لا اتحدث عن نفسى ... و لو كنت أتحدث عن نفسى فأنا لدى من الشجاعة ألا أخفى ذلك ... و لكنها اسئلة تحيرنى