Saturday, July 31, 2010

جمال مبارك رئيسا بدون تزوير

أرى أن سيناريو انتخابات الرئاسة المقبلة الذى يسعى له النظام هو الآتى

جمال مبارك مرشح فعلى عن الحزب الوطنى وله حملة دعاية فى كل شوارع مصر

السيد البدوى المرشح المنافس وله نفس قوة حملة الدعاية مع عدة مرشحين آخرين من أحزاب حكومية

أيمن نور يتم منعه من الترشيح ومحاصرته اعلاميا

البرادعى يجلس فى بيته متحدثا عن عدم شرعية الانتخابات ومخونا لمن سيخوضونها

الحركات الاحتجاجية تنقسم بين أغلبية تنادى بالمقاطعة ولا يسمعها أحد - سوى نفسها كالعادة - وسط ضجيج الانتخابات والمؤتمرات والمناظرات والبرامج وخلافه

وأقلية تنادى بدعم أى من المنافسين لجمال مبارك و سوف يتم تلميعهم اعلاميا وتخوينهم من قبل بقية المعارضين كما تم من قبل تخوين منافسين جمال مبارك أنفسهم ليصبحوا بلا تأثير

يأتى يوم الانتخابات ليصبح جمال أمام بضعة منافسين أقواهم مرشح الوفد

الاقبال سوف يكون غير مسبوقا فى تاريخ الحياة السياسية المصرية لأسباب كثيرة جدا منها أن هذه هى أول انتخابات لرئيس غير مبارك منذ 30 سنة .. وحملات الدعاية المكثفة والوعود التى تسبقها .. ورغبة الناس الحقيقية فى التغيير - بسبب ما يعانونه فعليا فى حياتهم وليس بسبب شعارات التغيير البراقة

ينتهى يوم الانتخابات ليعلن فوز جمال مبارك وشهادة الوفد وبقية المنافسين عن نزاهة العملية الانتخابية

يكتب جميع المعارضين فى صحفهم ومواقعهم وتخرج تقارير المنظمات الحقوقية عن عدم نزاهة العملية الانتخابية ,,, وهو ما سيبدو مضحكا عندما يعترف المنافسون الخاسرون بنزاهة العملية على طريقة أنا راضى وأنت راضى ومالك انت ومالنا يا قاضى

فى النهاية يصبح لدينا رئيس جديد منتخب فى انتخابات نزيهة بشهادة الجميع وأولهم المنافسين

ويصبح لدينا أيضا بضعة معارضين كل ما أنقذوه هو ماء وجوههم حيث يتفاخرون لعشرة قرون قادمة بأنهم لم يشاركوا فى المهزلة التى صاغت بالفعل مستقبل مصر لعدة سنوات أخرى بينما هم قد قاموا فى الواقع بتسليم البلد على طبق من ذهب إلى السيد جمال الرئيس الجديد

---------

بعد الانتخابات بيوم واحد يقوم الرئيس الشرعى المنتخب بحل العديد من المشاكل التى لا تحتاج سوى لقرار سياسى مثل منع التعذيب واقالة بضع من رجال والده الفاسدين ولا أستبعد أن يقوم بإسناد بضع مواقع حكومية لبعض المعارضين كنوع من توزيع السلطة فى سبيل أن تتراجع حدة الاحتاجات والغضب فى الشارع المصرى لنعود مرة أخرى لما كنا عليه منذ 30 سنة فى بداية حكم مبارك الأب

----------

بالمناسبة .. ربما لا تتفق كل أجنحة النظام على جمال كرئيس

لكن واقعيتهم وبراجماتيتهم التى أبقتهم فى السلطة لنصف قرن سوف تمنعهم بشدة من الدخول فى صراع داخلى يؤدى الى فوز أحد من خارج النظام

فلا يجوز أن نبنى أحلام وردية على تفكك النظام واستسلامه لنا من الداخل

Tuesday, July 27, 2010

أخطاء فى فيلم عسل أسود


شفت فلم عسل أسود وشفت الأخطاء التالية من غير ترتيب:

-لما هما كانوا في العيد قام ادي لمنصف مفتاح شقته , إيه الذكاء ده? طب ماشقة العيلة أصلا كانت فاضية لأنهم كلهم بيعيدوا وكان الأولي يروح شقتهم وهما برة

-لما قال لسعيد روح كلم ميرفت وتقريبا نسيوا يصوروا مشهد أما راح يكلمها وماشفناش رضيت ولا لأ, أو يمكن أنا سرحت فالمشهد ده

-الواد لما بيقول له علم أمريكا كان بيرفرف فوق القمر ازاي, ده دليل واضح أن نظرية الخدعة مسيطرة علي صناع الفلم وبدون أمانة لأن أي بحث في موضوع الإشاعة بأن الأمريكان مطلعوش علي القمر حتظهرلك ردود علمية تفصيلية من ناسا وفيديو النزول علي سطح القمر باين فيه أن العلم ثابت مش بيرفرف ,لكنه بيتهز في لحظة مارائد الفضاء بيثبته في الأرض

والهدف من رمي الكلمة دي وسط الفيلم وكمان موافقة أحمد حلمي عليها بدون بحث عن صحتها بيدي رسالة أن التفوق الأمريكي خدعة وأننا ميت فل وعشرة وده نوع رخيص من تخدير الوعي

وبالمناسبة كل الشكوك عن صحة رحلة الأمريكان للقمر ظهرت من الستينات وتم تفنيدها علميا وبشكل معلن

-هل فيه واحد حيسافر بلد من غير مايسأل عن سعر عملتها?

-هل كون أنه يدي مفتاح شقته لأم سعيد عشان منصف ومراته يسكنوا فيها بعد سفره يعتبر حل? طب ماهو مسيره يرجع

-الفلم لعب برده علي تيمة المقارنة بين شهامة وإيمان المصريين ومادية الأمريكيين إللي عبر عنها عم هلال المصوراتي في محاضرته الحمضانة إل سمعناها في كل الأفلام اللي بتتناول نفس الموضوع وكأن الرضا بفساد الأمر الواقع بيعوض عن عدم البحث عن أسباب فساده ومحاولة حل المشاكل

وده أمر ساذج جدا لكذا سبب أبسطهم أن مش أمريكا بس اللي متفوقة علينا , العالم كله متفوق علينا بمراحل ومش حل أبدا عشان نبان مش وحشين أننا نشتم غيرنا ونشوه صورته ونتهمه بالكذب

-قصة أنه راح عمل ورق الباسبور والبطاقة وشهادة التجنيد والمؤهل الدراسي قبل رمضان مايخلص أمر في منتهي السذاجة لأن كل ورقة من دول عاوزة اجراءات طويلة جدا ماينفعش تتعمل في رمضان إللي أصلا محدش بيشتغل فيه

-كونه يلغي سفره لأمريكا ده شئ غريب جدا لأنه مفترض عنده شغل وأملاك في أمريكا كان لازم علي الأقل يروح يصفيهم قبل مايرجع بتمثيل موضوع المغص

Wednesday, July 14, 2010

منك لله يالي في بالي

حضرت النهارده ورشه عمل في أكاديمية المحروسه وكان الموضوع الرئيسي هو حقوق الانسان,ومعلوماتى عن الموضوع دا كانت تعد معلومات عامه يعني ماكنتش فكرت انى ادرس الموضوع كويس أو اعرف حقوق الانسان نصيا شكلها ايه,كله دا عرفته النهارده وكنت سعيده جدا بالمعلومات دي وفعلا فتحت لى افكار كتير جديد........

كل اللى فات دا كلام جميل المشكله بقى انى قبل ما أسمع الكلام دا كنت بروح كل يوم من القاهره للمحله عادي جدا نادرا ما كان بيلفت نظري حاجه واقول ان دا ضد حقوق الانسان,النهارده بقى حسيت انى شايفه كل حاجه من منظور تانى.......كالعاده طبعا القطار فاتنى واضطريت اركب ميكروباص لحد المحله

وأول انتهاك لحقوق الانسان لفت نظري كان نظرة الناس ليا وأنا بركب لأنى مش محجبه,واللى ضايقنى أكتر ان البنات كانوا بيبصوا بازدراء اكتر من الرجاله....ودا انا شايفاه انتهاك لحريتى الشخصيه وحكمهم عليا بانهم يبصولى بإزدراء سواء لاعتقادهم انى مسيحيه أو مسلمه بس مش متدينه دا تمييز ديني

تانى حاجه طبعا الأخ السواق المحترم عربيته المبجله مكيفه فحضرته قرر ان بما ان عربيته مكيفه فا دا شئ يديه الحق انه يزود الاجره جنيه..هو كده حكم تعسفي واللي مش عاجبه ينزل وطبعا معنى انك تصر على حقك وتنزل ان قدامك ساعه او أكتر على ما العربيه اللى بعديه تحمل فا هتضطر حضرتك انك تقبل القمع وتدفع الجنيه الزياده ورجلك فوق قفاك لان السواق بيرفض النقاش تمام وبالتالى بينتهك حق من حقوق الانسان الا وهو الديموقراطيه

تالت حاجه نفس الاخ السواق المبجل مشغل اغاني هابطه جدا ومقرفه وطبعا لو انت راجل أعترض ممكن يقف وينزلك اصلا فأنت قاعد مجبر انك تسمع ودا في حد ذاته تعدي على حريتك الشخصيه

رابع حاجه كان في ست معاها بنتها الصغيره والبنت طفله زي أي طفله بتعيط شيء عادي جدا,لكن تعامل الأم مع البنت رعبنى والله الست نزلت في بنتها ضرب وطبعا البنت عيطت زياده,رد فعل الست كان أعنف تقريبا كتمت نفسها بحجة ان الناس هتضايق وطبعا ممارسه عنف زي دا في التعامل سواء مع بنتها او عموما انتهاك لحقوق الانسان

خامس حاجه أول ما وصلت المحله (وما ادراكم ماهي المحله) مشيت في الشارع خطوتين طبعا التعليقات مش قادره اوصفلكم كميه الخفه اللى بقت في الناس....مين اللى ادى للراجل اللى ماشي في الشارع الحق انه يسمعنى كلمه ولا تعليق انا مش عايزه اسمعه؟؟....ودا نوع اخر من انتهاك حريتي الشخصيه

دي بس الانتهاكات اللى عدتها في الطريق من القاهره لبيتنا....طبعا دماغي مابطلتش تفكير وحسيت ان سكوتى عن كل الانتهاكات دي-واللى كانت بتحصل تقريبا يوميا لكن انا مكنتش بلتفت ليها- عبء جامد عليا

وأخيرا بقول منك لله يالي في بالي خليتني أفكر في حقوق الأنسان ليه ما أنا كنت عايشه زيي زي كل الناس بأعامل على انى مخلوق اقل وعادي جدااااا

وطبعا كلنا عرفنا مين هو اللى في بااااااااااااااااالي :))))))



الجملتين الاخيرتين في النوت تهريج لكن كل اللى ورد فيها من انتهاكات حقيقي



أنا كاتبه النوت دي على سبيل التهريج صحيح المواقف دي حصلت فعلا لكن الهدف الاساسي تهريج مع باسم سمير وأصدقائي :)))))

هند خطاب
14 يوليو 2010

Wednesday, July 7, 2010

وقائع مؤتمر الحركة العالمية من أجل الديمقراطية

ده تجميع لكل ما كتبته على موقع تويتر أثناء حضورى لمؤتمر الحركة العالمية من أجل الديمقراطية فى اندونيسيا مع بعض الاضافات و التوضيحات لعله يكون مفيد


11 أبريل 2010

بدأت الآن وقائع المؤتمر السادس للحركة العالمية من اجل الديمقراطية و التى حضرها 600 ناشط ديمقراطى من 110 دولة مختلفة

افتتحت الجلسة كيم كامبل اول رئيسة وزراء سيدة لكندا
وقفنا دقيقة حداد على روح رئيس بولندا الذى قتل فى حادثة طائرة

يتحدث الآن أنور ابراهيم المعارضة الماليزى المشهور عن العقبات فى طريق الديمقراطية

we have our freedom of speech ,, but we dont have the freedom äfter"speech

أحد أعضاء لجنة التنظيم كازاخستانى الجنسية و لم يستطع الحضور بسبب الحكم عليه بأربع سنين سجن بسبب قضية متعلقة بحقوق الانسان

يتحدث الرجل الكازاخستانى المحبوس للمؤتمر عبر الفيديو : قديما فى الاتحاد السوفيتى كان رأى الحكومة 2+2=9 و الآن أصبح 2+2= 5 و نحاول ان نجعلها تعترف بأن 2 + 2 = 4 فقط

12 أبريل 2010

أحضر الآن أول ورشة داخل المؤتمر و تتحدث عن تكنولوجيات التحرير .. المتحدث الأول من مولدوفا و اسمه ايجور
يقول ايجور مولدوفا غيرت بالانتخابات السنة اللى فاتت حكومة شيوعية و استبدلتها بحكومة ديمقراطية وهذايعطينا مثل حى عن كيفية التغيير بالانتخابات

ايجور : السؤال هو التحرير من ماذا ؟ و ماذا لو كنا مخطئين ؟
الحزب الشيوعى فى مولدوفا حكم كأنه حزب ملكى ورث مولدوفا من الاتحاد السوفييتى

لم توجد منذ التسعينات أى وسائل اعلام مستقلة او محايدة و صنفت مولدوفا على انها دولة غير حرة
التحالف الديمقراطى استخدم كل الوسائل المتاحة (البديلة) للتواصل مع الناخبين و كشف تزييف الانتخابات

تويتر كان الوسيلة الأسرع و الأسهل و الأامن للتواصل مع الناس .. و مع ذلك لم يكن تويتر بديلا عن الموبايلات فى مولدوفا

يوم نزول الناس للشارع للاحتجاج على تزوير الانتخابات البوليس قام بالتراجع أمام المتظاهرين ليتركوا الفرصة لاحتلال البرلمان لاعطاء الفرصة للحزب الشيوعى بادعاء أن المتظاهرين تابعين لقوى أجنبية وذلك عن طريق مجموعة رفعت علم رومانيا على واجهة البرلمان أثناء دخول الناس اليه

لكن مدونين مولدوفا اكتشفوا المجموعة التى قامت برفع علم رومانيا على البرلمان المةولدوفى و كشفوا أنهم تابعين للحزب الشيوعى الحاكم لمولدوفا

فى 2010 عندهم شركات خاصة فى كل وسائل الاعلامو المجتمع المدنى أصبح مزدهرا و بدأت مولدوفا مفاوضات الانضمام للاتحاد الاوروبى

الدرس المستفاد من التجربة المولدوفية هو أنه برغم السيطرة المطلقة للحزب الشيوعى فأن المجتمع المدنى تحول لقوة لا يستهان بها أمام الحكومة

الآن كلمة اسراء عن تجربة مصر مع الفيس بوك و البروجكتور عطل
اسراء بتتكلم عن اضراب 6 ابريل و الجروب و كل الحاجات اللى استخدمناها وقتها فى الدعوة للاضراب وعن الافكار التى ظهرت وقتها للعمل اوفلاين عندنا مثلا الكتابة على النقود .. استخدام الفلايرز فى المترو .. الخ

الآن متحدث من زيمبابوى .. يتحدث عن كيفية استخدام التكنولوجيا بأفض شكل لتحسين ظروف الانتخابات و منع التزوير
الحكومة الزيمبابوية وضعت صعوبات تقنية تمنع الزيمبابويين من التمتع بامكانيات الانترنت التى يتمتع بها بقية شعوب العالم

أى كتابة على الانترنت لابد و أن تكون مرخصة ... فى زيمبابوى كل حاجة تحت السيطرة - الوايرلس - الراديو ,, الخ

فى زيمبابوى أصبحت التكنولوجيا بيزنس عالى جدا لمن لهم صلات حكومية و يستطيعون الحصول على التراخيص و هم مجموعة قليلة و تحت السيطرة

استطاع الزيمبابويين بأقل قدر من التكنولوجيا : مراقبة الانتخابات , عرض النتائج , تصوير التجاوزات و أجبروا الحكومة على الاستجابة لبعض مطالبهم

يعرض الرجل مجموعة من الصور لضحايا العنف الحكومى قام بتصويرها بنفسه و منهم أخوه الذى عذبوه قبل الانتخابات الرئاسية بيوم واحد و تظاهر بالموت حتى يفلت من التعذيب

الناس التى تستطيع الوصول للضحايا مجموعة بسيطة منها المحامين و الاطباء و لكن يخاف الناس من الصحفيين
و لذلك كان لابد من الاستثمار فى تدريب بعضهم على استخدام وسائل التواصل الحديثة ليقوموا بتسجيل ما يحدث للضحايا و هذا ما فعلوه فى زيمبابوى

يقول الرجل أنه لا يمكننا حصر عدد الأشخاص الذين تم ضربهم و تعذيبهم و تجويعهم فى الانتخابات و ما قبلها
و أثبتت زيمبابوى أنه اذا تم اعطاء الأشخاص التدريب الصحيح مع الأجهزة المناسبة يمكن الحصول على نتائج رائعة

بدأنا فترة الأسئلة و المداخلات

السؤال من واحد عراقى للمتحدث المولدوفى .. ماذا بعد استخدام تويتر و النت فى عمل حركة .. كيف يمكن المحافظة عليها ؟

أحد الحاضرين من سنغافورة .. الحكومة غنية - تحكم البلاد من 50 سنة - و محتلين الفيس بوك و التويتر و المدونات بموظفين حكوميين أمنيين

أحمد سميح بيتكلم عن الظاهرة الجديدة التى تجتاح العالم من انضمام أفراد غير مرتبطين بأجندة سياسية محددة للمجال السياسى و تأثيره

أحد الحاضرين من كمبوديا طرح مشكلة جديدة كبيرة و هى عدم معرفة الناس باللغة الانجليزية و صعوبة استخدام اللغة الكمبودية فى الكتابة و الأغلبية فى كمبوديا لا يستطيعون القراءة و الكتابة و لذلك يحاولون استخدام الرسائل الصوتية

waelabbas يالهوي يا مينا لتكون الاية 113 من سفر المزامير صح : لِيَكُنِ اسْمُ الرَّبِّ مُبَارَكًا مِنَ الآنَ وَإِلَى الأَبَدِ

الراجل بتاع زيمبابوى عرض فكرة استخدام موجات الراديو القصيرة فى التواصل مع الناس فى المناطق الريفية

تحدث الخروقات التكنولوجية للنظم الديكتاتورية عندما تسمح بها تلك الأنظمة أو لا تعرف كيفية منعها
فماذا يحدث عندمنا يمتلك النظام القدرة و الارادة لغلق تلك "التسريبات" التكنولوجية للمعارضة .. كما هو الحال فى الصين وسوريا ؟

متحدث من كوريا الجنوبية : الحكومة الشمالية و الصينية تستخدم هاكرز مدربين للسيطرة على الفضاء الانترنتى من خلال اندونيسيا و ماليزيا لذلك أصبح الأمان على الانترنت أحد فروع اهتمامات منظامت حقوق الانسان

بدأنا حلقة نقاش عن الشرق الأوسط بحضور ممثلين دول الشرق الأوسط
الحاضرين من المغرب - الصومال - العراق - مصر - لبنان- الأردن- البحرين- تونس-الامارات - اندونيسيا-السودان-السويد - أمريكا - قطر - روسيا - ايران - أستراليا

المحور الثانى هو الانتخابات و المحور الاول نسيته ,, المحور الثالث : علاقة العلمانيين بالاسلاميين ...... كدة بقى الواحد يسخن و يفوق

اهم اسباب المشاكل التى تعيق الديمقراطية فى الشرق الأوسط هو الخلاف و الصدام بين القوى الاسلامية و القوى العلمانية و تخوفهم من بعض

اذا فنحن بحاجة لبناء تقارب بين القوى العلمانية و الاسلامية ... و السؤال هو كيف نبنى هذه التحالفات؟

السؤال االأهم فى هذه الجلسة : هل يمكن تأجيل مناقشة موضوع علاقة الدين بالدولة لحد مانطلع دين الحكومة؟؟

السفارة المصرية فى جاكرتا تتصل بمنظمين المؤتمر للسؤال عن اسراء عبد الفتاح و هل سوف تتكلم مرة أخرى أم لا !!!!

اتعشيت شوربة بيض مسلوق

13 ابريل 2010

أحضر الآن ورشة عمل عن كيفية التعاون الدولى بين الأحزاب الديمقراطية

Liberal International is the oldest political international in the world

عضوية الأحزاب الليبرالية فى الليرالية الدولية يجبرها و يساعدها فى نفس الوقت فى الحديث عن الاصلاحات المسكوت عنها بسبب رفض المجتمع

عندما تحول رئيس هندوراس لاتباع معسكر شافيز لم تطرد الليبرالية الدولية حزب الرئيس من العضوية و لكن ذهبوا للحوار مع أعضاء البرلمان التابعين للحزب و وجدوا انهم رافضين و بالفعل لم يصوت البرلمان لاتباع معسكر شافيز

اذا لم نعمل سويا سنفشل و ليس من الضرورى اجبار الأحزاب على أن تكون ديمقراطية تماما داخليا اذا كانت تعمل فى مناخ سياسى يحارب الأحزاب

الصينيين بيدوا فلوس للحكومات فى أفريقيا ولا يسألون إلى أين تذهب وهذا يسبب للأوروبيين وضعا معقدا لأنه يضعف تأثيرهم فى مجال حقوق الانسان و الشفافية

تحدثت عن أهمية دعم الديمقراطية فى مصر فى مواجهة كلا من النظام الاستبدادى و التهديد السلفى المدعوم بنقود البترول و ضرورة دعم البدائل المحلية الديمقراطية المحدودة الموارد

امبارح السفارة المصرية سألت عن اسراء و دورها فى المؤتمر و انهاردة بعنوا حد عشان يحضر الجلسات اللى هى بتحضرها و ادارة المؤتمر رفضوا فسألوا عن رقم اوضتها .... ده اسمه ايه ؟

متحدث مش عارف بلده السؤال : هل نمول 100 مشروع بكل 10000 دولار ولا نمول 1000 مشروع ب1000 دولار .... السؤال هو هل نعمل بشكل أوسع ام بشكل اعمق

هل تدخل الأمم المتحدة يسهل العمل أم يعقده .. بالتاكيد فى البلاد التى بها صراعات أو نظام سلطوى يكون تدخل الأمم المتحدة فى تمويل المشاريع مفيد

أحد المتحدثين من بولندا : بولندا ظلت لفترة طويلة بلد تستقبل المساعدات من اجل الديمنقراطية ,, و الآن أصبحت بلدا يعطى التبرعات و المساعدات للدول الأخرى ,,,,, عقبالنا

UN human rights funds official : if we changed all our systems to deal with the most severe conman so we wll b shooting ourselves in the foot because we wd put so high beaurocracy level that wil stop our work

14 أبريل 2010

أحضر ورشة عمل عن الحماية على الانترنت .. أول محاضر من كازاخستان و الترجمة صعبة

يعنى ايه ويب ماستر ؟
العشر خدع للحماية العشوائية

اعمل ايميل باسم جديد و ادى الباسوورد للشخص اللى عاوز تكلمه و بدل ما تبعت ايميلات اعملها درافت
اعمل اكونتات وهمية باسمك و يكون من غير اصدقاء غيرك و يكون أدمن معاك فى كل جروباتك

tor - hactivismo - haystack ... important sites for protection

فى الصين يوجد - بشكل غير رسمى - 240000 شرطى انترنت !!!!!!!!!!!!!!!!!!!

المتحدث الكازاخستانى : سوف تندهشون اذا علمتم ان هناك سوق للبيانات يقومون فيه - كمثال - ببيع لستة بكل بيانات الايميل لآلاف من المشتركين

فيه - كمثال - ببيع لستة بكل بيانات الايميل لآلاف من المشتركين على سى دى واحد ب 5 يورو و لذلك فلا ينصح باستخدام أى ايميل مجانى حتى جيميل

=============

و بكدة خلص المؤتمر وتوتة توتة مخلصتش الحدوتة
طبعا مش كل حاجة اتقالت فى المؤتمر قدرت أسجلها لكن حاولت أنقل على قد ما أقدر

From Twitter

كلمتين يا مصر هما يمكن آخر كلمتين ،، خلي بالك من عيالك دول بنات وشباب جدعان وزين

الأمل في الشباب ، والشباب شباب القلب ، ياما فيه عجزة فالعشرينات وأطفال فالسبعينات

في المطار في طريقي إلي إندونيسيا الباسلة عبر دبي الصامدة

@aoudd يلا يا واطى يا خمورجى يا بتاع النسوان ... هههههه من زمان نفسى اشتم حد و اقولله كدة

نهر الحياة أمره عجيب غريب ، ناس نشوفهم نجوم وكل مانقرب منهم ينطفوا وناس نشوفهم عالهامش يطلعوا في صميم الحياة

فقدت القدرة علي الكتابة بعد أن تساوت المشاعر في نظري وصرت بلا هوي

من مميزات الحب : إنك تنبسط لما حبيبك يبقي مبسوط حتي لو كل حاجة حواليك متبسطش

الأتوبيس غيروا لونه من أخضر لأحمر ومسحوا أسماء المحطات من يافطته فبقت أحلي بس مش عملية وضاعفوا تمن التذكرة ،،، الإصلاح والتطوير علي الطريقة المباركية

متقولش السواق عمل فينا إيه ،! قول حندفع كام للكمساري

المهنة بناضل، بتعلم .. تلميذ في مدرسة سياسية والغد شغال فالشارع والنشطا أغلبهم في قلبي

فوز منافس عاقل خير من نجاح حليف مجنون .. حكمة تعلمتها من انتخابات الغد

يموت البلوجر وصوابعه بتكتب

is single, jobless, dreamless & searching for a life ............. Wednesday, May 12, 2010

الحب البرئ مثل كل أفكار الطفولة الأخرى .... نجبر على التخلى عنه مع التقدم فى العمر

حلمت إمبارح إني كنت قاعد عالشط وطيارة حربية وقعت قدامي في المية ... حد يفسرلي الحلم ده
........ Saturday, May 15, 2010

أنباء عن اعتزام الإرهابيون وتجار المخدرات تنظيم وقفة احتجاجية أمام مجلس الشعب احتجاجا علي تصريحات الحكومة بشأن تطبيق الطوارئ عليهم فقط واتهم تجار المخدرات الحكومة بال"كيل" بمكيالين بينما اتهمها الارهابيون ب"تفجير" الأوضاع بدون سبب

في رد قوي علي التدخل الإسرائيلي فى مشكلة مياه النيل والدعم الصيني لأثيوبيا وعدة دول أفريقية أخري لإنقاص حصتنا من مياه النيل قررت الحكومة المصرية ضرب وإعتقال أهالي جزيرة محمد وهددت بتمديد إعتقال طارق خضر ومسعد أبوفجر

الحياة أقصر بكتير من إننا نضيعها بعيد عن اللي بنحبهم ،، وأقصر كمان من إننا نضيعها في إنتظار من لا يريد أن يأتي
.............. Tuesday, May 18, 2010

تغدو الدنيا جحيما عندما يصبح إستمرارنا فيها خاضع لغريزة البقاء وليس لإرادة الحياة

كترة الأسرار تعلم الخرس

هو الزبادو إختفي ليه من السوق ؟

مبارك بارك الله فيه وفي ذريته إلي يوم يحبسون

عاجل جدا : القبض علي أحمد ميلاد المحامي رئيس غد البحيرة ود.عادل العطار وآخرين أثناء جمع التوقيعات للجمعية الوطنية للتغيير
.............. Friday, May 21, 2010

مش جايلي قلب أقعد في مكتب أ.أحمد ميلاد و هو مش موجود
د.أيمن نور دخل قسم شرطة دمنهور للإطمئنان علي المخطوفين الثمانية المقبوض عليهم أمس أثناء جمعهم توقيعات لجمعية التغيير

أحمد ميلاد وصل المحكمة وإحنا في انتظاره والأمن بيكردنا ..... دخل الأبطال وسط هتافاتنا : حرية و تحيا مصر

هل ينتهي التحقيق بأخذ توقيع وكيل النيابة علي بيان التغيير ؟

أهنئ د.البرادعي بسلامة الوصول للأراضي المصرية وأتمني ألا يخيب آمال آلاف المصريين في قيادة معركة التغيير الديمقراطي في المرحلة القادمة
............ Tuesday, May 25, 2010

أن يغمرك المساء بلا نجوم لتعدها ولا أصحاب لتناجيهم ولا أحلام لتنتظرها ... أن تكون أنا
........ Tuesday, May 25, 2010

سقط الفارس العجوز ، في المعركة الناهية ، بسهم أخترق عنقه ، أطلقه كبير كهنة جيش التنانين ،،، من وحي لعبة أطفال علي الانترنت

وماذا لو أن كل المحاربين مجانين ؟ ... ماتكون قيمة الحرب والإنتصارات والهزائم حينئذ ؟
الجنون يلغي المعايير ويضيع المعاني ويحرق القيم فلا يصبح النصر نصر أو الهزيمة هزيمة

عاجل : ردا على التعسف الدراسى الحكومى مجموعة طلاب 6 أبريل تبدأ فى نشر دورات النجاح باللافهم

رئيس لجنة الانتخابات المستشار نسيم معرفش مين بيقول ان الدستور المصرى ينفردعن معظم دساتير العالم فى إنه مش بيفرق بين الرجل و المرأة
.............. Sunday, May 30, 2010

مقال د.أيمن نور الأخير يحارب إحباط تزوير إنتخابات الشوري بشكل منطقي وبأمثلة تاريخية متعددة تؤكد قرب انهيار نظام القمع المصري وإن طال الزمن
عدم إستسلام نور للإحباط رغم كل التضييق والعقبات
ومعرفته الغزيرة بتاريخ وظروف حركات التحرر الوطني في مختلف دول العالم
وقدرته علي فهم ومخاطبة المصري العادي غير المنحاز سياسيا

كلها أسباب قوية تجعلني أثق به تماما كقائد لعملية المواجهة والتغيير حتي لو لم يصل إلي أي منصب رسمي
Wednesday, June 02, 2010

التويتاية رقم 1700
......... Wednesday, June 02, 2010

سقط المزورين ولو نجحوا

شعار الوطني في الإنتخابات : ذاكر تنجح زور تجيب مجموع ، عاش مبارك رئيسا لكل المزورين
برنامج مبارك2011 : مشنقة علي كل كوبري وتخفيض أسعار حديد الأمواس تسهيلا لغير القادرين علي الزواج

سيدتي الجميلة: من يستحق دموعك لن يجعلها تنزل بسببه ،لكن لوبسبب ال قاعدة جنبه فده موضوع تاني

تتنازعك رغبتان ، الرغبة في الخلاص واليأس والرغبة في الإصلاح والإصرار والمعافرة ،، ومن يستحوذ عليك أكثر يتحكم في موقعك من بوصلة الأحداث

أن تكون أو لا تكون أو أن تكون بلا كينونة

الإنتحار ، الإستقالة ، المقاطعة : تبدو لي مترادفات لمعني واحد هو اليأس

طوبي للمساكين و طوبة للمتآمرين

فخور بأنى أول من أقترح مظاهرة قصاد وزارة الداخلية

لو حتتعمل وقفة احتجاجية بكرة يبقى لازم تتعمل قصاد وزارة الداخلية او مديرية الامن ...... اى كلام غير كدة يبقى تهريج ...... لازم تصعيد
........... Friday, June 11, 2010 12:46:51 AM

لاحظت اليوم أن الأهرام تتبني سياسة ثابتة في كل أخبارها و مقالاتها وهي نظرية تعالي بس متجيش
........ Friday, June 11, 2010

Monday, July 5, 2010

البرادعى وإحباط الكتلة الحرجة للتغيير

خلال ال 6 سنين اللي فاتوا حصل تكوين لكتلة حرجة ضخمة لشباب متعلم ساخط وواعي بقوة وسائل الاعلام الحديثة وعنده شوق للتغيير و لكنه غير مرتبط بتنظيم او قيادة سياسية معينة

الكتلة دي بتمثل خطر شديد علي إستمرار النظام الحالي - بكل مؤسساته في الحكم والمعارضة و و - لأنها حتبقي واقفة ورا أي حد أو مؤسسة تطرح نفسها كقائد -جديد لأنها متشككة في الموجود- للتغيير

الكتلة دى هى اللى أيدت اضراب 6 أبريل و هى اللى أيدت د.البرادعى و هى اللى حولت قضية خالد سعيد لقضية مصرية عالمية

النظام إتعلم درس 2005 وأخد كل إحتياطاته عشان ماتحصلش أي مفاجآت من أي جهة غير متوقعة تربك حساباته فى الوقت الحرج بتاع الانتخابات .. خصوصا ان انتخابات 2011 حتبقى أقصى حالات الارتباك و الخطر اللى بتواجه النظام الحاكم

البرادعي أو عمرو موسي أو حتي زويل كان حيجذب انتباه وتأييد الكتلة دي لو طرح اسمه بجد حتي بدون أي برنامج سياسى أو تاريخ نضالي

البرادعي ظهر كبطل ومخلص مش لأنه قدم مشروع جديد لكن لأن الكتلة دي أيدته بآلاف الشباب الغير نشط سياسيا ومجموعة ضخمة من الشباب الناشطين من فترة و لأن هجوم الجرايد الحكومية عليه و تركيز وسائل الاعلام خلق حالة عبقرية للتعاطف و الاهتمام بيه بين شباب

المشكلة ان د.البرادعى لم معظم الشباب دي حواليه وأخدهم بعد كدة في سكة العمل من خارج الطرق المفروضة من قبل النظام

وهي فكرة براقة رومانسية ولكنها بلا أي قيمة سياسية لأنها بلا نتائج واقعية أو عملية

كأمثلة : 1 - جمع التوقيعات علي بيان التغيير بلا تشريع قانونى يحول التوقيعات لوسيلة عملية وبلا امكانية أصلا لأن تصل التوقيعات لعدد المليون توقيع قبل فترة طويلة يكون تم فيها بالفعل عبور النظام المرحلة المقلقة له و تم تنفيذ مخطط التوريث و دخوله فى مرحلة جديدة بحسابات جديدة

2 - الضغط علي النظام بنزع شرعيته عن طريق مقاطعة الانتخابات و هو الاسلوب الذى اتبعه الشعب المصرى منذ الخمسينات بلا نتيجة عملية سوى استمرار السلطة فى تنفيذ كل ما يحلو لها بدون مقاومة شعبية

وكان لازم يظهر بعد كدة -بنفس ترتيب الظهور إللي حصل في الواقع - حد قوي يقول انه جاي يطرح نفسه كبديل و يصطدم ويناضل بالآليات التقليدية المعروفة

الوفد

بس كان لازم ييجي بعد ماتكون ظاهرة البرادعي أحبطت عدد لا بأس به من المتحمسين وأن يكون ساد الرأى القائل بعدم جدوي الصدام والمواجهة أصلا بين الشباب النشط حديثا

و بكدة عشان يفضل الوفد منافس قوي و لكن يفضل برده بعيد عن التحكم في الكتلة الشبابية الحرجة اللي شدها البرادعي

و يبقي كدة عندنا رمز سياسى له شعبية قوية بين شباب الكتلة الحرجة وبينادي بالمقاطعة والتظاهر الصامت وبيصف من يحاول الدخول في منافسة مع النظام بالخيانة

و عندنا بديل سياسي مؤسسى قوي لكنه بلا وسيلة تحكم أو جذب للكتلة الحرجة إللي رغم كل ظروفها قدرت تخلي قضية خالد سعيد علي أولويات الدولة

و بين ده و ده ينجح النظام فى تمرير مشروعه للتوريث - بأى اسم - و ندخل فى عهد شبه جديد له قواعد جديدة