ناس كتير جدا - وأنا كنت منهم - بيحلموا باقامة الدولة الاسلامية على ارض مصر و بتطبيق الشريعة و حكم الدين
طيب أنا اتعلمت فى الكلية زمان أن لما أحب أعرف الجهاز ده أو الفكرة دى حتشتغل كويس ولا لأ أشوف آخره ايييه ...... أقصى حاجة ممكن يوصل لها .... و غالبا لو أقصى حاجة كويسة يبقى التشغيل النورمال بتاعه حيبقى كويس
فى الدولة الاسلامية المزعومة (يعنى المرغوبة) حيحصل الآتى (من غير تنجيم ولا افترا أنا بس بحاول أتخيل شكل مصر بعد 30 سنة من دلوقتى) بعد ما الشباب اللى هنا هما اللى يبقوا ماسكين السلطة الاسلامية و بيحكموا بالاسلام و منهم الوزرا و المحافظين و مسئولين التربية و التعليم و الأمن و الصحة و كل حاجة
انا ححاول أحكى عن الدولة اللى حلمت بيها فى يوم من الأيام و حسرد الواقع اللى اتمنيته لما كنت مقتنع بأنه الصح أو بأنه التمن اللى لازم ندفعه عشان ربنا يرضى عننا و يرفع بلاؤه عن مصر
أ- أول حاجة منع الموسيقى ... الموسيقى حرام طبعاً و حتتمنع بالقانون و حيبقى تعاطى الأسطوانات زى تعاطى المخدرات فى الدرا و حتتعمل كل شوية حملات لمنع الموسيقى و اللغو الفارغ زى حملات منع التدخين أو ضبط تجار المخدرات
المغنيين لازم يا اما يتوبوا و يشتغوا أى حاجة تانية و يتحطوا تحت المراقبة عشان نضمن أن توبتهم نصوحة أو يتقبض عليهم بتهمة الاخلال بالأمن العام و مخالفة قانون منع الغنا
طبعا فى داهية عمرو دياب و محمد منير و تشامر حسنى و فيروز و أصالة و نغم مصرى و اسكندريللا و الموسيقى
العربية حتى لو بنحبهم فاحنا عندنا هدف أسمى و هو تطبيق الشريعة بتاعة ربنا
كلهم بيروجوا للفسق و الفجور و حنبقى نسمع سامى يوسف ( لو الرقابة الاسلامية و لجنة الافتاء وافقت عليه و أجازت سماعه مع الكراهة)ء
و الموسيقى القديمة زى محمد عبد الوهاب أم كلثوم و محمد فوزى و الكلام ده كله كان سيد قطب طالب عبناصر قبل كدة بمنعه لأنه بيدمر الشعب و حان الوقت عشان ننفذ كلامه و نفوق من الوهم ده و نمسح كل اثر باقى ليهم و نعلم الأطفال أنهم يتجنبوهم و مايقربوش منهم
ب- الروايات و الكتب و الجرايد لازم تعدى على الرقابة - الاسلامية - الأول عشان ما يوصلش منها حاجة تكون بتشكك فى الاسلام ( أو الحكومة الاسلامية ) للشعب المؤمن و تهز ايمانه ( بدينه أو بحكومته الاسلامية ) ء
و الكتَّاب زى علاء الأسوانى أو طه حسين أو ابراهيم عيسى أو نجيب محفوظ أو أحمد خالد توفيق لازم كتبهم تتصادر أو على الأقل يتقصقص منها الحتت الوحشة العيب اللى بتتكلم عن الجنس ( عشان احنا شعب لسة ما اتفطمش و بيتكسف ) أو الدين (خصوصا اللى بيتكلم منهم عن الصحابة أو التاريخ الاسلامى من غير تقديس ) أو السياسة ( لأن احنا بنحكم بالشورى و الشورى لازم تبقى مقصورة على اهل العلم الشرعى بس) أو الاقتصاد لأننا حنعمل اقتصاد اسلامى و مش محتاجين حد يقرا فى نظريات الاقتصاد الكافرة الجاهلية
ده طبعا غير الكتب الأجنبية اللى عاملها اليهود مخصوص عشان يغووا الشباب المسلم زى كتب ماركس الكافر أو جون لوك المسيحى أو نيتشة الملحد أو حتى جون جراى بتاع الرجال من المريخ و النساء من الزهرة .... دى كلها - لو حد سمع عنها أصلا دلوقتى - حتتمنع لأن حيبقى قرايتها تضييع وقت لأن احنا حنطبق النظام الربانى و مش محتاجين حد يفكر لنا فى أى نظم تانية ...... لأن احنا معانا الكتالوج و مش لازم ندور على غيره عشان نستخدمه
ج- الآثار و المتاحف و التماثيل دى كلها أصنام ... لازم كلها يا اما تتكسر يا اما تتباع للأوروبيين العبط اللى بيحبوا يفهموا التاريخ بتاعنا ....... سوررى مش بتاعنا ده بتاع الفراعنة الكفار .... و طبعا مش حنتكلم عن السياحة لأن احنا أصلا فى حالة حرب شنها علينا الغرب الكافر و مش لازم نسمح لجواسيسه بدخول مصر بحجة السياحة و اللهو الفارغ ده
و ربنا أكيد حيغنينا عنهم و عن فلوس السياحة
د- السينما حرام ... كل الممثلين الفجار حيتمنعوا من التمثيل ( غير لو مثلوا أفلام و مسلسلات اسلامية من غير ستات ) و كل الأفلام القديمة و الشرايط لازم تتحرق (زى ما الثورة بتاعة عبناصر ما كانت بتمسح صور الملك من الأفلام ) و اللى مش عاجبه منهم يسييب البلد أو يسكت ....... أو يبقى مجرم يتحاكم بتهمة نشر الفسق بين الشعب و المخرجين زى يوسف شاهين و محمد خان و خصوصا اللى عملوا أفلام وقحة زى حين ميسرة و الكلام الفاضى ده لازم يتحاكموا على كل اللى عملوه و لازم أفلامهم كلها نتأكد أنها تتمحى من الوجود فى سبيل أن الأجيال الجاية من الشباب المسلم ما يبقاش عليه أى خطر أنه يتأثر بيها
لا ذكر هنا للممثلات طبعا ... مش عاوزين استظراف
هـ - التلفزيون حيبقى وهبة لله برامجه (كلها) حتخصص من اجل نشر الفضيلة و الأخلاق و الدين الصحيح ( اللى الحكومة الاسلامية حتحدده ) بين الناس و الفضائيات بعد ما يبقى القمر الصناعى المصرى اسلامى حنمنع منها كل المحطات الخارجة زى دريم و او تى فى و المحور ( طبعا ميلودى و الكلام ده مش محتاج يتذكر لأن احنا بنتكلم جد مش بنهزر دلوقتى ) ء
و منى الشاذلى و عماد أديب و العسيلى و العالم دى مش مضمونين ولازم يطلعوا من البلد أو يتعمل عليهم تعتيم اعلامى صارم عشان ما يحاولوش يقوموا باى عمل تخريبى ضد النظام الاسلامى
نجيب ساويرس -- طبعا ده من الكفار أعداء الاسلام -- فيا اما حيهاجر أى بلد أو يتحبس و تتصادر ثروته لأنه بيستخدمها فى بث دعايات مناهضة للحكم الاسلامى الرشيد و مسيئة لشخصية مرشد الدولة رضى الله عنه و لو اتحبس حتطلع مظاهرات شعبية بتطالب بقتله هو و أمثاله
و- الكورة تضييع وقت .... و لو أن فيها اقوال ... يعنى ممكن لو اللعيبة حيلعبوا باللبس الشرعى ما تتمنعش .... ما احنا مش معقولة حنمنع كل حاجة عن الشعب .... لازم يبقى فيه وسائل الهاء للناس الفاسقة اللى مش مؤمنة بالقضية الاسلامية و مش بيهتموا بأخبار فلسطين و العراق و مش حيستحملوا يتابعوا برامج دينية طول الوقت عشان يلاقوا حاجة يتكلموا فيها
ز- بمناسبة الكلام ....... فاحنا عندنا الناس الكفرة اللى بيتكلموا كتير ... علمانيين و ليبراليين و يساريين زى رفعت السعيد و نعمان جمعة و أيمن نور و ابراهيم عيسى و حمدين صباحى و خالد البلشى و كمال خليل ..... دول لازم نخلص منهم كلهم لأن وجودهم تهديد و حرب ضد الاسلام و الدولة الاسلامية
دول بتوع المعارضة اللى حيحاولوا أنهم ينتقدوا الحكم الاسلامى و حيحاولوا يهزوا ثقة المجتمع المسلم بحكومته المسلمة ... و بيحاولوا يروجوا لفكر خارج على الاسلام و ضد مبادؤه زى حرية الراى و الديمقراطية و الكلام اللى خدعنا بيه الغرب و احنا عندنا الشورى - مالها الشورى - و الرأى لا يكون الا لأهل الثقة حتى لا تحصل فتن و ينحرف الشباب عن طريق الهداية و يفكر فى يوم من الأيام يتبع مناهج كافرة اشتراكية و ليبرالية
مش لازم نخلص منهم بالقانون على فكرة عشان ما نبقاش ( كدولة ) ضد حرية الرأى ...... كفاية اننا نسيبهم للشعب المؤمن يستفرد بيهم و ينتقم منهم لكفرهم و ضلالهم
ح - طيب ازاى البلد حتبقى من غير معارضة بعد ما نخلص من كل الضالين دول ؟
يا أخى احنا دولة اسلامية ولا نقبل شرعا بأن يكون فيه أحزاب غير اسلامية و المعارضة حتكون اسلامية اتساقا مع أحكام الدستور
السلفيين ممكن يكونوا المعارضة أو مجموعات من الأخوة المسلمين اللى فاهمين دورهم كويس ... و حنبقى نضفنا المعارضة و عملنا معارضة محترمة بتأيد ولى الأمر و بتضغط عليه بس عشان يشدد قبضته على المارقين و الفاسقين و بتدفعه لأصدار قوانين أكثر اتفاقا مع المنهج الاسلامى زى فرض النقاب و منع المسيحيين من تولى الوظايف العامة
هو الحاكم مش حيبقى عاوز كدة طبعا ... بس حيعمل ايه ؟ الشعب بيطالب بكدة فى كل حتة ولازم يرضخ لمطالب الشعب مادامت فى حدود الشرع و ما حرمهاش الدين
ط- الست مالهاش غير بيت جوزها ....... و حل البطالة مش حييجى غير عن طريق منع المراة من منافسة الرجل فى ميدان العمل اللى ربنا قصره عليه ... تعليم البنات أصلا مش حيبقى أكتر من اعدادى و الباقى تعليم تدبير منزلى عشان نطلع اسر مسلمة صالحة متربية على اسس سليمة للمجتمع المسلم
منع تعليم البنات فى كليات الهندسة و الطب و الحقوق و التجارة و الآداب الاسلامية مش منع اختيارى بمزاج الحاكم ......... ده منع اجبارى بأمر الشرع للمسلمات و لمنع الفتنة بين الشباب المسلم بالنسبة للمسيحيات
يعنى الواجب على ولى الأمر منع تعليم البنات اجباريا مش اختياريا و مش لأنه بيحتقر المرأة ولا خايف فى يوم من الأيام واحدة تتعلم و تشتغل و توصل لمناصب مهمة ولا حاجة بس عشان سد الذرائع و تقويم المجتمع
ى - الجيش ده جهاد فرض واجب على المسلمين ..... يعنى ما ينفعش دولة اسلامية يدافع عنها مسيحى - و بالتالى مادام الجيش مافيهوش مسيحيين يبقى لازم حيدفعوا الجزية ... و لو حتى اتنازلنا و خليناها فى صورة ضرايب زيادة مقابل عدم الاشتراك فى الجيش
ك - بناء الكنايس كان ولى الأمر فضيلة المرشد وعد بأنه مش حيتمنع بعد الحكم ما يبقى اسلامى .... بس المعارضة فى مجلس شورى المسلمين ضغطت عليه و أفحمته بالنصوص اللى بتمنع بناء الكنايس و قامت مظاهرات فى كل حتة ضد بنا الكنايس و تصليحها و اضطر حفاظا على الأمن العام أنه يطلع القرار بمنع بنا اى كنيسة أو معبد يهودى فى أى مدينة تتبنى جديد
ل - بمناسبة الكنايس و المعابد .... فاحنا عندنا مش حنعترف - مش بمزاجنا ده شرع ربنا - بأى دين غير سماوى ...... البهائيين و الشيعة حنطبق عليهم حد الردة يا اما حننفيهم من مصر خالص و نخلص من شرورهم و الملحدين حيتقتلوا طبعا
و حيبقى فيه رقم تليفون لوزارة الداخلية لو شكِّيت ان جارك مش مسلم بحق و حقيقى و بينسب نفسه للأسلام بالكدب و حتبقى فيه نشرة محددة للمواصفات اللى تخليك تشك فيه و تبلغ عنه
مثلا مش بيصلى فى الجامع كل الفروض ... بتسمع من عنده صوت موسيقى ... عنده و العياذ بالله ممنوعات زى كتب أو اسطوانات موسيقى ... مراته مش منقبة ... لما بيسلم عليك مش بيقول السلام كامل ............ كل دى حاجات ضرورية عشان نتأكد أن دولتنا مفيهاش مندسين بيحاولوا يخربوها من جوة
الشواذ حيتم اعدامهم ..... صحيح أن فيه دكاترة قالوا ان الشذوذ الجنسى مرض نفسى .... بس دول اكيد دكاترة كفار و بيبرروا و العلم البشرى مش حيعلوا عن العلم الالهى ...... و صحيح أن هتلر قتل تلاتين ألف شاذ فى ألمانيا ( كان منهم ناس اتبلغ عنهم بالكدب ) و ظاهرة الشذوذ ما وقفتش فى المانيا ... بس دول كفار و أحنا مسلمين و حنقدر نلغى الظاهرة دى خالص من مجتمعنا المسلم
هاااا ؟
كفاية كدة ولا أقول كمااااااااااااان؟
طيب أنا اتعلمت فى الكلية زمان أن لما أحب أعرف الجهاز ده أو الفكرة دى حتشتغل كويس ولا لأ أشوف آخره ايييه ...... أقصى حاجة ممكن يوصل لها .... و غالبا لو أقصى حاجة كويسة يبقى التشغيل النورمال بتاعه حيبقى كويس
فى الدولة الاسلامية المزعومة (يعنى المرغوبة) حيحصل الآتى (من غير تنجيم ولا افترا أنا بس بحاول أتخيل شكل مصر بعد 30 سنة من دلوقتى) بعد ما الشباب اللى هنا هما اللى يبقوا ماسكين السلطة الاسلامية و بيحكموا بالاسلام و منهم الوزرا و المحافظين و مسئولين التربية و التعليم و الأمن و الصحة و كل حاجة
انا ححاول أحكى عن الدولة اللى حلمت بيها فى يوم من الأيام و حسرد الواقع اللى اتمنيته لما كنت مقتنع بأنه الصح أو بأنه التمن اللى لازم ندفعه عشان ربنا يرضى عننا و يرفع بلاؤه عن مصر
أ- أول حاجة منع الموسيقى ... الموسيقى حرام طبعاً و حتتمنع بالقانون و حيبقى تعاطى الأسطوانات زى تعاطى المخدرات فى الدرا و حتتعمل كل شوية حملات لمنع الموسيقى و اللغو الفارغ زى حملات منع التدخين أو ضبط تجار المخدرات
المغنيين لازم يا اما يتوبوا و يشتغوا أى حاجة تانية و يتحطوا تحت المراقبة عشان نضمن أن توبتهم نصوحة أو يتقبض عليهم بتهمة الاخلال بالأمن العام و مخالفة قانون منع الغنا
طبعا فى داهية عمرو دياب و محمد منير و تشامر حسنى و فيروز و أصالة و نغم مصرى و اسكندريللا و الموسيقى
العربية حتى لو بنحبهم فاحنا عندنا هدف أسمى و هو تطبيق الشريعة بتاعة ربنا
كلهم بيروجوا للفسق و الفجور و حنبقى نسمع سامى يوسف ( لو الرقابة الاسلامية و لجنة الافتاء وافقت عليه و أجازت سماعه مع الكراهة)ء
و الموسيقى القديمة زى محمد عبد الوهاب أم كلثوم و محمد فوزى و الكلام ده كله كان سيد قطب طالب عبناصر قبل كدة بمنعه لأنه بيدمر الشعب و حان الوقت عشان ننفذ كلامه و نفوق من الوهم ده و نمسح كل اثر باقى ليهم و نعلم الأطفال أنهم يتجنبوهم و مايقربوش منهم
ب- الروايات و الكتب و الجرايد لازم تعدى على الرقابة - الاسلامية - الأول عشان ما يوصلش منها حاجة تكون بتشكك فى الاسلام ( أو الحكومة الاسلامية ) للشعب المؤمن و تهز ايمانه ( بدينه أو بحكومته الاسلامية ) ء
و الكتَّاب زى علاء الأسوانى أو طه حسين أو ابراهيم عيسى أو نجيب محفوظ أو أحمد خالد توفيق لازم كتبهم تتصادر أو على الأقل يتقصقص منها الحتت الوحشة العيب اللى بتتكلم عن الجنس ( عشان احنا شعب لسة ما اتفطمش و بيتكسف ) أو الدين (خصوصا اللى بيتكلم منهم عن الصحابة أو التاريخ الاسلامى من غير تقديس ) أو السياسة ( لأن احنا بنحكم بالشورى و الشورى لازم تبقى مقصورة على اهل العلم الشرعى بس) أو الاقتصاد لأننا حنعمل اقتصاد اسلامى و مش محتاجين حد يقرا فى نظريات الاقتصاد الكافرة الجاهلية
ده طبعا غير الكتب الأجنبية اللى عاملها اليهود مخصوص عشان يغووا الشباب المسلم زى كتب ماركس الكافر أو جون لوك المسيحى أو نيتشة الملحد أو حتى جون جراى بتاع الرجال من المريخ و النساء من الزهرة .... دى كلها - لو حد سمع عنها أصلا دلوقتى - حتتمنع لأن حيبقى قرايتها تضييع وقت لأن احنا حنطبق النظام الربانى و مش محتاجين حد يفكر لنا فى أى نظم تانية ...... لأن احنا معانا الكتالوج و مش لازم ندور على غيره عشان نستخدمه
ج- الآثار و المتاحف و التماثيل دى كلها أصنام ... لازم كلها يا اما تتكسر يا اما تتباع للأوروبيين العبط اللى بيحبوا يفهموا التاريخ بتاعنا ....... سوررى مش بتاعنا ده بتاع الفراعنة الكفار .... و طبعا مش حنتكلم عن السياحة لأن احنا أصلا فى حالة حرب شنها علينا الغرب الكافر و مش لازم نسمح لجواسيسه بدخول مصر بحجة السياحة و اللهو الفارغ ده
و ربنا أكيد حيغنينا عنهم و عن فلوس السياحة
د- السينما حرام ... كل الممثلين الفجار حيتمنعوا من التمثيل ( غير لو مثلوا أفلام و مسلسلات اسلامية من غير ستات ) و كل الأفلام القديمة و الشرايط لازم تتحرق (زى ما الثورة بتاعة عبناصر ما كانت بتمسح صور الملك من الأفلام ) و اللى مش عاجبه منهم يسييب البلد أو يسكت ....... أو يبقى مجرم يتحاكم بتهمة نشر الفسق بين الشعب و المخرجين زى يوسف شاهين و محمد خان و خصوصا اللى عملوا أفلام وقحة زى حين ميسرة و الكلام الفاضى ده لازم يتحاكموا على كل اللى عملوه و لازم أفلامهم كلها نتأكد أنها تتمحى من الوجود فى سبيل أن الأجيال الجاية من الشباب المسلم ما يبقاش عليه أى خطر أنه يتأثر بيها
لا ذكر هنا للممثلات طبعا ... مش عاوزين استظراف
هـ - التلفزيون حيبقى وهبة لله برامجه (كلها) حتخصص من اجل نشر الفضيلة و الأخلاق و الدين الصحيح ( اللى الحكومة الاسلامية حتحدده ) بين الناس و الفضائيات بعد ما يبقى القمر الصناعى المصرى اسلامى حنمنع منها كل المحطات الخارجة زى دريم و او تى فى و المحور ( طبعا ميلودى و الكلام ده مش محتاج يتذكر لأن احنا بنتكلم جد مش بنهزر دلوقتى ) ء
و منى الشاذلى و عماد أديب و العسيلى و العالم دى مش مضمونين ولازم يطلعوا من البلد أو يتعمل عليهم تعتيم اعلامى صارم عشان ما يحاولوش يقوموا باى عمل تخريبى ضد النظام الاسلامى
نجيب ساويرس -- طبعا ده من الكفار أعداء الاسلام -- فيا اما حيهاجر أى بلد أو يتحبس و تتصادر ثروته لأنه بيستخدمها فى بث دعايات مناهضة للحكم الاسلامى الرشيد و مسيئة لشخصية مرشد الدولة رضى الله عنه و لو اتحبس حتطلع مظاهرات شعبية بتطالب بقتله هو و أمثاله
و- الكورة تضييع وقت .... و لو أن فيها اقوال ... يعنى ممكن لو اللعيبة حيلعبوا باللبس الشرعى ما تتمنعش .... ما احنا مش معقولة حنمنع كل حاجة عن الشعب .... لازم يبقى فيه وسائل الهاء للناس الفاسقة اللى مش مؤمنة بالقضية الاسلامية و مش بيهتموا بأخبار فلسطين و العراق و مش حيستحملوا يتابعوا برامج دينية طول الوقت عشان يلاقوا حاجة يتكلموا فيها
ز- بمناسبة الكلام ....... فاحنا عندنا الناس الكفرة اللى بيتكلموا كتير ... علمانيين و ليبراليين و يساريين زى رفعت السعيد و نعمان جمعة و أيمن نور و ابراهيم عيسى و حمدين صباحى و خالد البلشى و كمال خليل ..... دول لازم نخلص منهم كلهم لأن وجودهم تهديد و حرب ضد الاسلام و الدولة الاسلامية
دول بتوع المعارضة اللى حيحاولوا أنهم ينتقدوا الحكم الاسلامى و حيحاولوا يهزوا ثقة المجتمع المسلم بحكومته المسلمة ... و بيحاولوا يروجوا لفكر خارج على الاسلام و ضد مبادؤه زى حرية الراى و الديمقراطية و الكلام اللى خدعنا بيه الغرب و احنا عندنا الشورى - مالها الشورى - و الرأى لا يكون الا لأهل الثقة حتى لا تحصل فتن و ينحرف الشباب عن طريق الهداية و يفكر فى يوم من الأيام يتبع مناهج كافرة اشتراكية و ليبرالية
مش لازم نخلص منهم بالقانون على فكرة عشان ما نبقاش ( كدولة ) ضد حرية الرأى ...... كفاية اننا نسيبهم للشعب المؤمن يستفرد بيهم و ينتقم منهم لكفرهم و ضلالهم
ح - طيب ازاى البلد حتبقى من غير معارضة بعد ما نخلص من كل الضالين دول ؟
يا أخى احنا دولة اسلامية ولا نقبل شرعا بأن يكون فيه أحزاب غير اسلامية و المعارضة حتكون اسلامية اتساقا مع أحكام الدستور
السلفيين ممكن يكونوا المعارضة أو مجموعات من الأخوة المسلمين اللى فاهمين دورهم كويس ... و حنبقى نضفنا المعارضة و عملنا معارضة محترمة بتأيد ولى الأمر و بتضغط عليه بس عشان يشدد قبضته على المارقين و الفاسقين و بتدفعه لأصدار قوانين أكثر اتفاقا مع المنهج الاسلامى زى فرض النقاب و منع المسيحيين من تولى الوظايف العامة
هو الحاكم مش حيبقى عاوز كدة طبعا ... بس حيعمل ايه ؟ الشعب بيطالب بكدة فى كل حتة ولازم يرضخ لمطالب الشعب مادامت فى حدود الشرع و ما حرمهاش الدين
ط- الست مالهاش غير بيت جوزها ....... و حل البطالة مش حييجى غير عن طريق منع المراة من منافسة الرجل فى ميدان العمل اللى ربنا قصره عليه ... تعليم البنات أصلا مش حيبقى أكتر من اعدادى و الباقى تعليم تدبير منزلى عشان نطلع اسر مسلمة صالحة متربية على اسس سليمة للمجتمع المسلم
منع تعليم البنات فى كليات الهندسة و الطب و الحقوق و التجارة و الآداب الاسلامية مش منع اختيارى بمزاج الحاكم ......... ده منع اجبارى بأمر الشرع للمسلمات و لمنع الفتنة بين الشباب المسلم بالنسبة للمسيحيات
يعنى الواجب على ولى الأمر منع تعليم البنات اجباريا مش اختياريا و مش لأنه بيحتقر المرأة ولا خايف فى يوم من الأيام واحدة تتعلم و تشتغل و توصل لمناصب مهمة ولا حاجة بس عشان سد الذرائع و تقويم المجتمع
ى - الجيش ده جهاد فرض واجب على المسلمين ..... يعنى ما ينفعش دولة اسلامية يدافع عنها مسيحى - و بالتالى مادام الجيش مافيهوش مسيحيين يبقى لازم حيدفعوا الجزية ... و لو حتى اتنازلنا و خليناها فى صورة ضرايب زيادة مقابل عدم الاشتراك فى الجيش
ك - بناء الكنايس كان ولى الأمر فضيلة المرشد وعد بأنه مش حيتمنع بعد الحكم ما يبقى اسلامى .... بس المعارضة فى مجلس شورى المسلمين ضغطت عليه و أفحمته بالنصوص اللى بتمنع بناء الكنايس و قامت مظاهرات فى كل حتة ضد بنا الكنايس و تصليحها و اضطر حفاظا على الأمن العام أنه يطلع القرار بمنع بنا اى كنيسة أو معبد يهودى فى أى مدينة تتبنى جديد
ل - بمناسبة الكنايس و المعابد .... فاحنا عندنا مش حنعترف - مش بمزاجنا ده شرع ربنا - بأى دين غير سماوى ...... البهائيين و الشيعة حنطبق عليهم حد الردة يا اما حننفيهم من مصر خالص و نخلص من شرورهم و الملحدين حيتقتلوا طبعا
و حيبقى فيه رقم تليفون لوزارة الداخلية لو شكِّيت ان جارك مش مسلم بحق و حقيقى و بينسب نفسه للأسلام بالكدب و حتبقى فيه نشرة محددة للمواصفات اللى تخليك تشك فيه و تبلغ عنه
مثلا مش بيصلى فى الجامع كل الفروض ... بتسمع من عنده صوت موسيقى ... عنده و العياذ بالله ممنوعات زى كتب أو اسطوانات موسيقى ... مراته مش منقبة ... لما بيسلم عليك مش بيقول السلام كامل ............ كل دى حاجات ضرورية عشان نتأكد أن دولتنا مفيهاش مندسين بيحاولوا يخربوها من جوة
الشواذ حيتم اعدامهم ..... صحيح أن فيه دكاترة قالوا ان الشذوذ الجنسى مرض نفسى .... بس دول اكيد دكاترة كفار و بيبرروا و العلم البشرى مش حيعلوا عن العلم الالهى ...... و صحيح أن هتلر قتل تلاتين ألف شاذ فى ألمانيا ( كان منهم ناس اتبلغ عنهم بالكدب ) و ظاهرة الشذوذ ما وقفتش فى المانيا ... بس دول كفار و أحنا مسلمين و حنقدر نلغى الظاهرة دى خالص من مجتمعنا المسلم
هاااا ؟
كفاية كدة ولا أقول كمااااااااااااان؟
19 comments:
بسم الله الرحمن الرحيم
كلام جميل جدا جدا جدا بس لو كان دا هو كل تصورك للحكومة الاسلامية والدولة الاسلامية يبقى ليك حق تتبنى اى فكر اخر .
لكن فى سؤال بسيط كل الحاجات التى تريد ان تحذر الجميع من الغائها اذا وصل الظلاميون الارهابيون اللى هما الاسلامييون للسلطة موجودة دلوقتى فى مصر من غناء وتمثيل وكتب شيوعيين وملاحدة وعالمانيين وكل اللى نفسك فيه , وحال البلد مايل ومتنيل بستين نيلة , ياترى لو الحاجات دى اتلغت البلد هايصيبها العته والبله المغولى يعنى ؟
ياريت تحاول تكون اكثر نضجا علشان تقدر تحكم صح على الافكار .
ههههههههههههههه
يعنى عشان الحال دلوقتى وحش فأنا أخربه أكتر ؟
مش منطق بأى حال من الأحوال
بس أهم نقطة فى كلامك أنك معترف أن كل ده حيتلغى أو عاوزينه يتلغى
و فاكر انه لو اتلغى مش حيبقى التأثير وحش ؟
و هى دى بقى (الأفكار) العبقرية اللى المفروض أنا أبقى أكثر نضجا عشان أعرف أحكم عليها اذا كانت أفكار و لا عته منغولى؟
يعني باختصار كنت بتحلم تعيش في السعودية
معتقدش ان واحد بعقليتك كانت دي فكرته عن حل اسلامي ..اعتقد ان ده اسلوب ادبي علشان توصل بيه فكرتك
لو كنت بتقصد الاخوان فده اعتقد تدخل في النوايا
مين من المرشدين او مكتب الارشاد قال كده(طبعا باستثناء ميلودي و روتانا و قنوات الجنس دي) بالعكس كل برامج الاخوان و رسائل المرشد بتركز على القيم الاسلامية المنسية زي كرامة البني ادم و حقه في العدل و الحرية
و حق الامة في اختيار من يحكمها و ان الفكرة لا تحارب الا بالفكرة(طالما هي فكر مش طولة لسان) بس مش معنى كده ان الحكومة تنشر افكار هدامة بفلوس الشعب
معتقدش ان واحد بعقليتك كانت دي فكرته عن حل اسلامي ..اعتقد ان ده اسلوب ادبي علشان توصل بيه فكرتك
******************************
دى الفكرة اللى تكونت فعلا عندى فلا فترة سنة أولى و تانية كلية و كنت وقتها بدأت فعلا أقرب من الأخوان و بعض السلفيين و أستوعب كلامهم
لاحظ انى بقول أن حتى لو الحاجات دى كنا بنحبها فلازم نضحى بيها عشان ربنا يرضى عننا ... وده فعلا كان طريقة تفكيرى و أعتقد أنه طريقة تفكير أى حد من الناس اللى بتدعو لتطبيق الشريعة و تغيير تركيبة المجتمع و خلق ( الانسان المسلم ) بعيد عن تشوهات الدنيا
=================================
لو كنت بتقصد الاخوان فده اعتقد تدخل في النوايا
**************************
أولا : مش الأخوان بس ... أنا بتكلم عن خطر السلطة السياسية لما تقتنع و تؤمن بأنها بتنفذ أوامر ربنا و أن الشعب محتاج حد ياخد بايده للصلاح و أن حتى لو الشعب رفض ده فهو شعب مش عارف مصلحته
و أظن ده كلام واقعى
ثانيا : هو مش تدخل فى النوايا ... يعنى الموقف لما سيد قطب طلب من عبناصر فى أول انقلاب 52 منع الفنانين و فرض الحجاب بالقانون دليل على كلامى
كل برامج الاخوان و رسائل المرشد بتركز على القيم الاسلامية المنسية زي كرامة البني ادم و حقه في العدل و الحرية
**************************
أنا نفسى أقرا برنامج للأخوان له معنى محدد ... كله كلام زى موضوعات التعبير ... و دى أنا شايفها مش طولة لسان ... بس فعلا مفيش نقطة معينة محددة اتكلموا عنها
أنا ممكن أتكلم عن الكرامة و أعتقل الناس و أضيع كرامة بلدى زى ناصر
و يمكن فعلا مفيش دليل واقعى حقيقى مع أو ضد فكرة (الحرية للجميع ) عند الأخوان
بس كل الشواهد بتدل أن مجتمعنا بيدفع و ينساق ناحية التطرف و تأليه السلطة الفردية و و أن أى رأى له صبغة دينية بياخد قدسية فارغة
لما الأخوان اختاروا موضوع الولاية العظمى و عدم جواز ترشيح المرأة أو غير المسلمين لرئاسة الجمهورية الناس دافعت عن الرأى ده ........ مش بصفته رأى الأخوان فضلوه على آراء تانية مختلفة و كان فيه جدل جوا الأخوان عليه
لكن الناس دافعوا عنه بصفته رأى ربنا أو شرع ربنا اللى لازم يبقى صح محدش قال أن ده رأى فقهى يحتمل الصواب و الخطأ و أن علماء تانى ليهم آراء تانية
الموضوع ده خلانى أخدت بالى أن احنا داخلين على فترة شبيهة بالحكم النازى
الرأى الواحد الصواب الذى لا يحتمل الخطأ و كل ما عداه ضد الدين و ضد شرع ربنا و مخالفته - حتى بالأدلة النقلية فما بالك بالعقلية - ممكن يخرج صاحبه من الاسلام و يعتبر محاربة للاسلام
عموما لما السلطة السياسية تتوحد مع الشعب بالطريقة دى يبقى خطر الاستبداد و البطش بالخصوم قائم و لا سبيل لمنعه غير بتكوين تيار معارض قوى يفرمل الميل للاستبداد
بس مش معنى كده ان الحكومة تنشر افكار هدامة بفلوس الشعب
*******************
يعنى ايه أفكار هدامة ؟
و معنى هذا أن القرآن الكريم يقيم المسلمين أوصياءَ على البشرية القاصرة، ويعطيهم حق الهيمنة والسيادة على الدنيا لخدمة هذه الوصاية النبيلة...
وإذًا فذلك من شأننا لا من شأن الغرب ولمدنية الإسلام لا لمدنية المادة.
************************
تلك هي الرسالة التي يريد الإخوان المسلمون أن يبلغوها للناس وأن تفهمها الأمة الإسلامية حق الفهم، وتهبَّ لإنفاذها في عزم وفي مضاء...
لم يبتدعها الإخوان ابتداعًا، ولم يختلقوها من أنفسهم، وإنما هي الرسالة التي تتجلَّى في كل آية من آيات القرآن الكريم، وتبدو في غاية الوضوح في كل حديث من أحاديث الرسول العظيم صلى الله عليه و سلم، وتظهر في كل عمل من أعمال الصدر الأول الذين هم المثل الأعلى لفهم الإسلام وإنفاذ تعاليم الإسلام.
**************************
وبما أن الغاية هي التي تدفع إلى الطريق ..
ولما كانت الغاية في أمتنا غامضة مضطربة..
كان لا بد من أن نوضح ونحدد، وأظننا وصلنا إلى كثير من التوضيح واتفقنا على أن مهمتنا..
سيادة الدنيا.
وإرشاد الإنسانية كلها إلى نظم الإسلام الصالحة وتعاليمه التي لا يمكن بغيرها أن يسعد الإنسان.
**************************
: إننا نناديكم والقرآن في يميننا والسنة في شمالنا، وعمل السلف الصالحين من أبناء هذه الأمة قدوتنا، وندعوكم إلى الإسلام وتعاليم الإسلام وأحكام الإسلام، فإن كان هذا من السياسة عندكم فهذه سياستنا، وإن كان من يدعوكم إلى هذه المبادئ سياسيًّا فنحن أعرق الناس والحمد لله في السياسة، وإن شئتم أن تسموا ذلك سياسةً فقولوا ما شئتم...
فلن تضرنا الأسماء متى وضحت المسميات وانكشفت الغايات.
******************************+
يعتقد الإخوان المسلمون هذا تمام الاعتقاد، و هم لهذا...
دائبون في تطهير أرواحهم و تقوية نفوسهم و تقوية أخلاقهم ..
ويجاهدون بدعوتهم..
ويريدون الناس على مبادئهم..
و يطالبون الأمة بإصلاح النفوس و تقويم الأخلاق .
و هم لم يبتدعوا ذلك ابتداعا شأنهم في كل ما يقولون و لكنهم يستمدونه من القاموس الأعظم و البحر الخضم و الدستور المحكم و المرجع الأعلى، ذلك هو كتاب الله تبارك و تعالى، و قد سمعت من قبل تلك المادة الخالدة من ذلكم القانون :(إِنَّ اللهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ).
****************************
ما سبق مقطتفات من رسالة الى أي شيء ندعوا الناس للأمام حسن البنا الكلام ده كفاية ولا محتاج تعليق وشرح
مش عارف يا شريف ... أنا معجب بشخصية حسن البنا القيادية بس حسيت الجملة دى
(( معنى هذا أن القرآن الكريم يقيم المسلمين أوصياءَ على البشرية القاصرة، ويعطيهم حق الهيمنة والسيادة على الدنيا لخدمة هذه الوصاية النبيلة
...))
الترجمة العربى لحتة من خطب هتلر و هو بيقول أحنا الجنس الأسمى اللى لازم نسود البشرية
انا مش عارف أنت كنت تقصد كدة ولا لأ ؟
بس ده اللى خرم عينى فى وسط الكلام المكرر ده كله
اللى انت بتحذر منه حقيقى
وتفكير كل الجماعات الدينية كدا ولن يتغير
حكاية ان البلد فيها علمانيين ومع ذلك حالها وحش
مردود عليها
ان النظام فاسد والعلمانيين زى كل مثقفى البلد معتقلين فى السجون او الشارع واخد عنهم فكرة ان العلمانية تساوى الكفر
ببساطة الشعب جاهل وفاسد
والجهل والفساد هما اللى بيخلو ناس زى الإخوان يشكلو الخطر اللى انت بتحذر منه
الشعب بيصلى والرشوة والفساد على أوسع نطاق
والأمثلة كتير اوى
يابدوي انا ماقصدتش حاجة أنا نقلت بالنص كلام من رسالة الى أي شيء
ندعوا الناس للأمام حسن البنا بالنص بدون أي تدخل مني وعشان محدش يقول أنك بتقطع الكلام من سياقه كنت بنقل جملة قبل الجزء اللي عايزه وجملة بعدها واللي مش مصدقني يدخل على موقع أخوان أون لاين وينزل الرسالة ويقرأ هذا الكلام وكثير مثله أما رأي في الحكم الديني وفي الأخوان فدي قصة طويلة ممكن أكتب عنها بالتفصيل في المدونة بتاعتي إن شاء الله
السياسة فبها حاجات ربنا امرنا بيها زي الشورى و زي تحرير الارض المحتلة و زي العدل و الحرية بضوابطها(لا تعتدي على حرية الاخرين) الحاجات دي ليها قدسية دينية و اللي يحققها يبقى بينفذ اوامر ربنا
اما اليات تحقيق القيم دي فمتروكة للاجتهاد البشري و مالهاش قدسية يعني مثلا الانتخابات الية للشورى سواء كانت نظام فردي او قايمة نسبية ده اجتهاد بشري ممكن يصيب و ممكن يخطئ المهم انها تكون في اطار تحقيق الشورى
موضوع التطرف ده (رايي صواب لا يحتمل الخطا) نتيجة للاستبداد و القهر و التطرف الديني مظهر من مظاهره و لو تلاحظ ان فكر جماعات الجهاد و التكفير خرج من سجون عبد الناصر
الدكتور عصام العريان لما اتكلم عن موضوع الولاية العظمى قال ان ده اختيار الجماعة لراى فقهي و ما قالش ان ده من ثوابت الدين اللي متفق عليها
موضوع الدليل العملي على كلام الاخوان طيب هيجيبوه منين و هما مفيش في ايديهم سلطة
الافكار الهدامة زي الالحاد و الشذوذ الجنسي و نشر الزنا
لو الحاكم عنده شعبية كبيرة جدا و لهع أنصار فى كل حتة تتوقع حيعمل شورى تقيد من سلطاته حتى لو هو حاكم اسلامى؟
أنا مش معترض على رأى د.عصام العريان ,,, بالعكس أنا احترمته جدا لأنى شايفه بيفتح باب القبول و الاختلاف من غير حجر على حد
بس اللى حصل لما حاولت أتناقش مع الناس فى أن ده اختيار اختاره الأخوان كان الرد أن ده هو الشرع و أن اللى يخالفه بيخالف الشرع و أن أنا بعمل على هدم الدين و مساعدة أعداء الدين
تخيل لو الحكومة قالت رأى و قالت أنه رأى فقهى زى الحالة دى و الحكومة دى ليها شعبية و الشعب زى ما هو دلوقتى تتخيل المعارضة حتبقى عاملة ازاى؟
هل تعتقد أن حد زى عصام العريان حيبقى لرأيه صدى فى الشارع و لا التعصب الغالب حاليا هو اللى حيغلب ؟
=================================
الأفكار الهدامة لا تحاربها سوى بالأفكار البناءة
لو سمحت للحكومة أو السلطة بأنها تقتل الملحدين و الشواذ يبقى تقريبا أى حد معارض للحكم الاسلامى حيبقى معرض للقتل بتهمة الالحاد أو الشذوذ
و اللى حصل لفرج فودة و نجيب محفوظ يتحول لسياسة دولة
تقضى على المفكرين من كل التيارات عدا التيار المنتمى للحكم و تتكرر مأساة ستالين و هتلر تانى
================================
أنا مش بطلب من الأخوان دليل عملى على صدق نواياهم لأنى شبه متأكد من اخلاصهم للقضية الاسلامية
بس المشكلة أنى عندى ظن - قد يكون خطأ - أنى أعرف الطبيعة البشرية و طبيعة تصرف الأيديولوجيين بعد ما يوصلوا لأهدافهم
تأكد أن عصام العريان و غيره من الحمائم حينتهى دورهم وقتها و يظهر دور المجموعة المتشددة الغير ظاهرة للعامة دلوقتى بس معروفين جوة الأخوان
================================
لآخر مرة أنا مش بحاول أنى أهاجم الأخوان فى ظهرهم ... بس عاوز أعمل رأى عام ضد الاستبداد بحيث أنه فى حالة وصول الأخوان للسلطة لا أنتظر تنفيذ وعودهم من منطلق قوة و لكن من منطلق خضوع للرغبة الشعبية الرافضة للاستبداد
أحمد بيه بدوي...
مدونة رائعة... و أظن أني علقت لك على هذا الموضوع على الفيسبوك، و لكن ديه أول مرة أدخل عندك هنا...
تحفة يا باشا... و مرسي على اللينك
:)
A. Zidan
http://ahmedzidan.spaces.live.com
أنا كل ما ادخل عندك ببقى نفسى اكون فى هدوءك و عقلانيتك فى احتواء التعليقات المتهجمة على فكرك أو المعارضة ليك لمجرد المعارضة لا أكثر و لا أقل
بقولك أيه هو احنا كنا داخلين التدوين ليه مش بحثا عن اننا نقول أرائنا بحرية برده طب الناس الى عايزة تفرض رأيها بالعافية دى و الى ما يعجبهوش رأيها يبقى واحد مستهتر وا منفتح او مش وطنى او مش متدين او او دخوا ليه المفروض ان ده مش مكانهم
كل كلمة قلتها صح انا واحدة بقاسى من مثل هذة العقول و اتمنى ان لا أرى هذه الدولة الاسلامية الى هى بعيدة كل البعد عن سماحة و سعة أفق دينا الحنيف
كفاية باه كده كفاية شوهوه كتير اوى و مستغربين ليه الغرب بيسيؤا لينا
أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبد الحليم حافظ ) حفل موسيقى على انغام العود يوم الأحد 30 مارس قاعة الحكمة بساقية الصاوى ( أسفل كوبرى 26 يوليو الزمالك ) أحياءا لذكرى رحيل فنان حفر بحنجرته حكاية شعب - سعر التذكرة 20 جنيه و للأعضاء 15
معاك بجد كان قلبي طيب
مقولتش أنا غير حاضر وطيب
:)
Post a Comment