Monday, December 14, 2009

ستيتس

الستيتس (الحالة) بتاعتى خلال الكام يوم اللى فاتوا بالترتيب من الأحدث للأقدم
يعنى لو عاوز تقرا بالترتيب الزمنى اقرا من تحت لفوق
و لو عاوز تعمل دماغ اقرا التعليقات على البروفايل نفسه
و لو ناصرى (ممنوع القراءة لأنصار الاستبداد و الحكم الفردى) أو لو مش عاوز دوشة محدش قال لك تيجى هنا أساسا


==========================
====

وما يدريك،،، لعل أحدهم يبكي لأنه لم يجد سببا كافيا للبكاء!

==============================

أيها القلب الفارغ ، أما من صفيحة زبالة أرميك فيها ؟

==============================

البرودة تؤذى المفاصل ,, و القلوب كذلك

==============================

خطيئته الأصلية كانت عجزه عن قول أي كلمة حب دون أن يعنيها ،، و لذلك لم يقل الكثير

==============================

Ahmad Badawy :
يا غداوية ،، ايه يالالالي .. يا برادعاوية ،، ايه يالالالي .. يا ابريلية ،، ايه يالالالي .. يا مصراوية ،، ايه يالالالي ... عاوزين شوية ،، ايه يالالالي ؟ .. حبة أمل علي روح علي ايه ؟ علي ترلالالي

الحلم قال جاي ولا جاشي
و بقيت أرش اسبراي وأنا ماشي

ممدوح المصري :
البقره ...خلف شاب حرامي ...البقره خلف شاب حرامي ....تاجر في ديون اهله ....ورماني ...تاجر في ديون بلده ورماني ...وصحابه جم بيتاجروم فيا ...ياصحبجيه ايه يلالالي

Mahmoud Samy :
يا غداوية .. ايه ياللالي
يا برادعاوية .. ايه ياللالي
يا ابريليه ..ايه ياللالى
يا جبهاويه ..ايه اللالى
يا شبابنا يلا ..ايه ياللالى
طلابنا يلا ..ايه ياللالى
مستقبلنا اهوا ..جاى يا لاللى
بايدينا يلا ..نقدر نعلى
دى بلدنا ياما..حررها يابنى
بحماسنا يلاااااا.. قومى يا بلدى

عاوزين شويه ..ايه يالالى
حبة امل ..حبه جنون
ويوم مليان امل ... يوم مليان جنون
ويدور الامن بينا ..ويجرى مهما يجرى
وكل حبسه ندخلها..بنخرج منها اقوى

==============================

أنباء عن ظهور السيدة العذراء والحزب الوطني يدرس ترشيحها في كوتة المرأة

==============================

مبسوط فشششخ ان فردة الصرمة اللي اسمه أسامة سرايا جاب ورا بعد كلامه المفضوح عن البرادعي ،، ذنب ناس نياهاهاها

==============================

مبارك يا ساكن مالقاهرة قصورها .. بيلعن في سيرتك سكان قبورها .. بترفض في سجنك ترفرف طيورها

==============================

أحتاج بعض الدفأ ...لأ دي مش نحنحة .. الدنيا برد

==============================

باقى على نظام مبارك سنتين ... فلنبدأ العد التنازلى

==============================

الموت علينا حق ، لكن الفساد باطل طب ليه نخاف الحق و نرضي بالباطل ؟

==============================

واحد صاحبي كان راكب تاكسي آم السواق سأله أنت مسلم ولا مسيحي قال له أنا ملحد ،رد السواق : آآآه بهااااائي يعني

==============================

في بلادي : يشكو الاسلاميون من انحلال الناس
ويشكو العلمانيون من تزمت الناس
و يشكو المتثاقفون من جهل الناس
و يشكو الليبراليون من تعصب الناس
و يشكو الثوريون من خنوع الناس
و يشكو الحكوميون من كثرة الناس

... احنا نولع في الناس ونخلص

==============================

المانشيت الرئيسي في الأهرام : مبارك يطالب بالاهتمام بالشباب ،،، ياتري بيطالب مين ؟

- جيمي
- المرشد
- أيمن نور
- أمن الدولة
-أنا ؟؟؟

==============================

سألت نفسي : هو لازم اللي يقول كلمة الحق الناس تكرهه
جاوبت : بس لو كان دمه تقيل

==============================

shrinking my hopes & seriousily thinking of changing totally my way of life -
أتجوز وأقعد في البيت

==============================

يا ناكرين الجميل مش سيدنا عبناصر رضي الله عنه لو كان عايش لحد دلوقتي مش كان زمانه بيجدد فترة رئاسية جديدة بلا انتخابات بلا كلام فاضي

==============================

بقرا كتاب تركي عن أتاتورك ... متعة مابعدها متعة

==============================

then they thought that the story ends when he said : "This is Not a God" ,, but actually it was just the begining

==============================

أمن الدولة اتهبلوا و بقوا يقبضوا علي عيال صغيرة معملوش حاجة أصلا ومن بيوتهم كمان !! ... طيب كنتوا اتشطرتوا علي بتاع العبارة ولا بتاع الدم الملوث يا بهايم

==============================

لو تنادي يا مصر حعمل مش واخد بالي

==============================

Those who are lying down under the graveyards ... Do the feel the same loneliness?

==============================

Nobody knows what is worse , a broken heart or an empty one !

==============================

بعد اعلان فوز مرشح المعارضة في الهندوراس .. وزارة الداخلية المصرية تعلن القبض علي المتهم هندي أبوراس والتحقيق معه بتهمة ترويج اشاعات مغرضة وتعطيل المرور

==============================

أخبار عاجلة ، مروة الديب : ثقافة الإئحزم تعود بقوة علي الساحة

==============================

محتاجين نطبع العلاقات بين المسلمين والمسيحيين -والملحدين والبهائيين وو - في مصر الأول قبل ما نتكلم عن التطبيع مع اسرائيل

==============================

تبعا لأقوال سمير : ألوان علم مصر : قلبك أسود وعقلك أبيض و ايدك حمرا

==============================

عندما تهتم بكل العالم فأنت - في الحقيقة - لا تهتم لأحد ،، وعندما تهتم لأحد واحد فقط فأنت تغامر بأن تفقد كل شئ لو فقدته

==============================

في حالة نورانية لا ارادية ،، صوت الأذان بيحسسني بكل نغمات الموسيقي اللي سمعتها في حياتي

==============================

حب + رب = حرب

==============================

قلت لنفسي بلاش تقف ضد النظام ، قمت ملقيتش نظام .. لقيت فوضي

==============================

نفسي أرجع أحب و أحلم ، مش عارف ليه بطلت أحب وأحلم

==============================

اختر الاجابة الصحيحة حسب تجربتك الشخصية .. لما واحد يعلن أنه ناصرى فده بيكون نتيجة لـ :

1-خلل فى الجينات
2-نقص فيتامينات
3-لعب فى الهرمونات
4-تشوه فى المعلومات
5-كل ما فات ؟؟

==============================

مرة واحد مصري حكومته ادته علي قفاه عشرين قفا علي غفلة]

===============================

أحمد بدوى ... أواخر 2009
Post a Comment