Friday, October 17, 2014

يمكن؟

يمكن انا مش انا؟
مش اللي انتي فاكراه انا
مش اللي فاكرينه انا
مش اللي فاكره انا ، أنا
يمكن أنا مش أنا؟
يمكن أنا مش هنا ولا هنا ولا هناك!
يمكن حاجات

‏يمكن أنا مش أنا ، مش من هنا ، مش حلم تايه في الفضا ولا علم له ساعة قضا
يمكن رحيم ، يمكن غبي ، أبدا ما حعرف امتى أبتديت ولا حنتهي

يمكن أنا مش محتمل ، ومفيش في اصلاحي امل
يمكن مثل الطيور بعيش في رحلة دايرة ماتنتهيش
يمكن بحب أكون ظريف وأطلع سخيف ،  يمكن مليش في الدنيا حظ

يمكن أعيش وأموت خفيف
يمكن أعيش وأموت بطل
يمكن أصير عجوز مخيف ، من الوحدة حزنه ماينتهيش
يمكن أكون فكرة جنون في عقل ساح من الانبطاح في مخ غول

يمكن انا حاجات كتير ملهاش قانون ولا عدد
يمكن مدد مبعوت لك لجل توصلي ، يمكن هدد بتعدي فوقه تكملي
يمكن خيال ، يمكن قتيل بتتحرق جتته

يمكن انا حاجات كتير ملهاش قانون ولا عدد
يمكن مدد مبعوت لك لجل توصلي ، يمكن هدد بتعدي فوقه تكملي
يمكن خيال ، يمكن قتيل بتتحرق جتته في حفرة الموت السعيد

يمكن حاجات من غير حاجات ولا أمل ، فما العمل؟
حلوة الحياة لو فيه امل
يانعمة منّ بيها إله الكون عليا، لا تحزني يوم ما انطفي، من حبك عمري ماأكتفي
Post a Comment