ببلاش

وقتك ببلاش .. في محطة ف اشارة ف كوبري في فصل ببلاش

كرامتك ببلاش ف قسم ف مشتشفي ف امتحان أو امتهان

عقلك ببلاش .. ف جرنان ف تلفزيون ف اذاعة ، ولا له تمن

حريتك ببلاش في بيتك في شغلك ف مستقبلك ف بلدك . كله بلا تمن

صحتك ببلاش في مية في أكل ف دوا.. ولا الهوا

* كتبت كل ده وأنا واقف ساعة ونص مستني الأتوبيس ، يلعن أبوها بلد

المقال الأصلي والتعليقات على الفيس بوك

جمال مبارك و الأخوان

من غرائب و عجائب المجتمع السياسى الببغائى المصرى هو تبنى بعض سياسيين النت لمقولة أن جمال مبارك أرحم من الأخوان .. و حط علامات استفهام من هنا لبكرة!!!!!

و أن لو تم تخييرهم بين الأخوان أو التوريث فيبقى التوريث أولى و أفضل لأن الأخوان حينقلبوا على الديمقراطية .. حط ألف علامة تانى !!!!!

المشكلة ان اللى بيقولوا كدة بيستعبطوا و بيستهبلوا و يقولوا أن النظام نجح فى قتل أى بدايل تانية و كأن مساندتهم للنظام الحرامى جاية غصب عنهم و مجبرين عليها لأن مفيش بدايل!! ممكن أصدق ده لو مكانوش هما نفسهم اللى تلاقيهم أكتر ناس بيسعوا بتعمد و بغل أنهم يشوهوا و يهدموا أى بدايل تانية تطرح نفسها على الساحة أو حتى تتذكر - على سبيل التمنى - من الناس المشتاقة فعلا للتغيير و كأنهم الحراس الأوفياء لصورة النظام و احتكاره للساحة السياسية

طيب خلينا نشوف سوا كم المغالطات و الأخطاء فى الكلام ده

أولا : هى فين الديمقراطية اللى حينقلب عليها الأخوان أصلا ؟؟

يعنى هو أنا عشان أمنع انقلابهم على الديمقراطية أقوم أمنع الديمقراطية من منابعها من أصله ؟
يعنى عشان أنقذ المريض من اغماءة "محتملة" بعد العملية أقوم أخليه فى غيبوبة دايمة مستمرة بالبنج من غير ما أشوف مدى تأثير ده على وظايف جسمه و عقله و قدرته على الحياة بعد كدة ؟
هل خوفا من احتكار الأخوان للسلطة أقوم أدافع عن احتكار حزب المفسدين اللصوص ليها ؟
هل خوفا من أن المجتمع المصرى يسئ اختياراته فى يوم من الأيام أقوم أمنعه من الأختيار و أقمعه و أحبسه و أعذبه و ألغى فكرة الحرية عنده أصلا بدل ما أحاسب اللى وصل المجتمع للحضيض و اليأس ده؟؟

و بدل ما أعرض بدائل تخرجنى برة لعبة الاستبداد الفاسد و الاستبداد الدينى أقوم أقتل كل البدايل المدنية على أساس أنها بتنتقص من شعبية النظام الحاكم المعدومة أصلا ؟ .. حول ايه ده ؟


ثانيا : هل جمال مبارك فعلا هو الخط الدفاعى المدنى ضد الأخوان ؟

طيب لو جمال خط دفاع ضد الأخوان ... أمال مين اللى مديهم شعبية و مبرر وجود فى الأساس؟؟؟؟

يعنى لما الأخوان فى دعايتهم السياسية بيعتمدوا على وجود نظام فاشل حرامى مستبد محتكر مزور فى السلطة - و دى كلها حقايق مثبتة بالوثائق و الأرقام و النتايج الواقعية - يبقى مين هو المساعد الأول ليهم ؟

خلينا نقول أن الأخوان معندهمش أى برنامج اصلاح سياسى حقيقى و أن الأخوان أبيض من الصينى بعد غسيله ... طيب و هو الحزب الوطنى هو اللى عنده أى برنامج لأى حاجة غير زيادة أرصدته فى البنوك برة مصر ؟؟

http://www.youtube.com/watch?v=LwSiMU3DZ_A

هو لما اتقبض على فاطرين رمضان ده كان فى عهد و تحت حكم مين .. أبويا ولا أبو جمال؟؟
هو لما اتقال فى مجلس الشعب الست المحترمة هى الست المحجبة كان مين اللى قالها ؟

هل وجود نظام سياسى ذو شعبية و رؤية و برنامج سياسى و تواصل مع الناس و القوى السياسية المختلفة - بما فيهم الأخوان - حيكون هو خط الدفاع الحقيقى ضد انقلاب الأخوان ولا وجود نظام قمعى بوليسى فاشل و مزور و غير قادر على حشد أى دعم حتى للمشروعات و الأهداف المفيدة ؟

http://www.youtube.com/watch?v=Ozr52J43Qys

هو مين اللى وصل المصريين أنهم يشمتوا لما بلدهم تخسر كرسى مهم فى مؤسسة دولية زى اليونسكو ؟
يا ترى لو كنا فى ظل نظام طبيعى و ديمقراطى كانت الناس حتشمت كدة ؟
مين اللى كره الناس فى كلمة مصر ؟

هل حد مقتنع أن اللى وصلنا لدرجة أن لما المرشد قال طز فى مصر الناس قالت وايه يعنى ما هو فعلا طز فى مصر !! .. هل حد مقتنع أن اللى وصلونا للمرحلة دى يقدروا يقفوا فى وش الأخوان أو غيرهم ؟

http://www.youtube.com/watch?v=z2F1v8Q1yS4

هو مين اللى بيحارب البدايل المدنية زى الأحزاب و المجتمع المدنى و حركات نشر الديمقراطية فى المجتمع المصرى و بيقبض على ناشطيها و بيرهبهم و بيعتقلهم و بيهدد أهاليهم ... الأخوان ولا النظام اللى أنتج جمال مبارك كشخصية سياسية فى منتهى الفقر السياسى على كل المستويات ؟

مين اللى بيمهد و بيعبد الطريق للأخوان بحيث ميكونش فيه غيرهم على الساحة و بيجبر الناس على اختيارهم؟ .. مين اللى بيساعد الاتجاهات المتخلفة المتعصبة زى السلفيين و غيرهم فى مواجهة المجتمع المدنى كله ؟؟

مين اللى بيقبض على شباب 6 أبريل و هما بيسعوا للتغيير السلمى ؟ و مين اللى لفق تهم مزورة لمرشح الرئاسة اللى أخد الموضوع جد و حرق حزبه اللى طلع منه عشرات الكوادر السياسية ؟ و مين بيمنع المدونين من السفر و بيوجه لهم تهم هابلة و يحبسهم ؟ و مين بيضيق على الجمعيات الأهلية لو حاولت ترفع وعى الناس و يمنعها من العمل ؟ مين اللى طرد الرموز السياسية الفاعلة برة مصر و اتهمها بالعمالة و شل قدرتها على دفع المجتمع نحو الديمقراطية ؟

ثالثا و هو الأهم : هل وصول جمال للسلطة رسميا - على اعتبار أنه فيها فعليا بشكل غير شرعى - حيمنع وصول الأخوان للحكم بعد كدة ؟

يعنى هل وصول جمال مبارك للرئاسة حيضعف شعبية الأخوان و يقلل فرصهم فى القفز على السلطة بشكل ديمقراطى أو غير ديمقراطى بعد كدة ؟

هل جمال مبارك عنده برنامج اصلاح سياسى و اقتصادى ممكن أنه يحول مصر لدولة مدنية حرة و بالتالى يسحب الأرضية من تحت الأخوان ؟

شعبية الأخوان و اللى أسوأ منهم - على افتراض أنهم بهذا السوء - فى زيادة بسبب وجود جمال مبارك و أحمد عز و العصابة اياها اللى بتغير القانون و الدستور على مزاجها فبتلغى معنى القانون عند الناس و بتكفر الناس فى أى معنى و شكل للدولة المدنية الديمقراطية

العصابة الحاكمة هى اللى بتدفع الناس دفعا نحو ازدراء حكم القانون و الدستور لما تدوس على القضاء برجليها و تخليه ركوبة تستخدمها للوصول لأهدافها - اللى هى بالصدفة - دايما و أبدا ضد أهداف مصر و بتلعب فى الأحكام و بتمحى معنى العدل من العقول و النفوس

العصابة الحاكمة القديمة و الجديدة هى الرافد الأقوى - بعد التغييب الدينى - لشعبية و قوة الأخوان

طيب مين المسئول عن التغييب الدينى فى المجتمع المصرى ؟؟ .. لما وزير ثقافة بقالة عشرين سنة فى موقعه اتحولت فيهم كلمة ثقافة و مثقف لكلمة محتقرة منبوذة

يبقى مين اللى بيساعد الأخوان ؟
و مين اللى بيستفيد من الأخوان ؟

النظام الحاكم المستبد بالسلطة من 1952 كان دايما بيتميز بوجود قنوات اتصال مفتوحة بينه و بين الناس - حتى لو كانت قنوات مسروقة و مؤممة و مغتصبة - لكنه كان بيستغلها فى ايجاد علاقة بينه و بين الشعب اللى بيحكمه عشان يحتفظ بالحد الأدنى من الشرعية

عبد الناصر كان له كاريزمته و مشروعه
السادات كان له دهاءه و رجاله
حتى مبارك الموظف بدرجة رئي جمهورية تميز بالهدوء و مراعاة مشاعر الناس حتى و هو بيسرقهم

لكن النظام الجديد اللى احنا على أعتابه .. نظام جمال مبارك و شريكه عز و عبد الله كمال فاقد تماما لأى وسيلة اتصال مع الشعب برغم اتساع قنوات الاتصال و وصولها لكل الناس

حتى أكثر وسيلة بدائية للتواصل مع الناس - اللى هى "واجهة النظام" جمال مبارك نفسه فشل بكل الطرق و الوسايل فى أنه يقنع أى حد بأى حاجة و فشل بأنه يقنع الناس بأنه حتى عنده حاجة يقولها و وضحت الصورة ببساطة أنه حيحكمنا بقوة البلطجة و العساكر و بس حتى من غير ما يحاول و لو للحظة أنه يطيب خاطرنا بكلمتين!!

طيب بأمارة ايه جمال مبارك حيقدر يبنى نظام جديد ؟ .. بأمارة ايه جمال مبارك هو خط الدفاع ضد التيارات الدينية الظلامية ؟ .. بأمارة ايه الحياة السياسية حتنتج ديمقراطية حقيقية و وعى شعبى يخلى اختيارات الناس أكثر نضجا و مسئولية اذا كان هو بيشرف على قتل و تشويه و حرق كل البدايل و بيحصر الناس دايما فى الاختيار ما بين الأخوان أو الأخوان ؟

أنتم بتتكلموا فى ايه ؟

التمن

علي قدر الارتفاع يكون ألم السقوط

علي قدر العمل للأمل يكون احباط الفشل

علي قدر الاخلاص تكون فداحة دفع الثمن

علي قدر العلم تكون غارات الجهل

علي قدر الحب يكون وجع الفراق

علي قدر الصفاء يكون تكدير العكر

علي قدر البراءة يكون وطأ الاتهام

علي قدر عزة النفس تكون غزارة الدموع

لحظات صرت مصاص دماء

أشعر بشعور من فرغ مصاص دماء متمكن من مص دمه توا .. جسم متألم مفكك , ذهن مشوش يغري بالهرش , كراهية لضوء الشمس المزعج المتسلل من النافذة , فراغ فظيع في عروقي كأني لم أكن حيا من قبل ورغبة ملحة في الرقود في تابوت بعيدا عن الضوضاء حتي غروب الشمس

ذلك اللعين لم يفرغ دمائي كلية حتي يقتلني وإنما ترك بضعة قطرات مزجها بدمائه ليجعل مني مصاص دماء آخر في عشيرته

لطالما تساءلت عن حكمة أن يزيد الصيادين عددهم في بيئة محدودة الموارد وعلمت أن الجينات تسعي للإنتشار والإستمرار طوال الوقت

تكاثرت الكائنات الأولي بالإنقسام وأخترع سمك القرش التكاثر بالجنس بينما أخترع مصاصو الدماء أجدادي التكاثر بالعدوي وإن حرصوا علي إبقاء الأمر في حدود المعقول نظرا لطول عمرهم الطبيعي نسبة إلي عمر فرائسهم البشرية وقلة من يستحق الحصول علي تلك الفرصة لكي يصبح فامباير بكل ماتحمله الكلمة من تمجيد وقوة ورهبة

لابد أن أبي ,ذلك الذي حولني , قد إختارني بعناية فائقة بعد أن فقدت العشيرة أحد أبنائها لسبب أو لآخر

ضيقي الأفق يظنون أن حياتنا تتمحور حول افتراس البشر والهروب من فخاخهم , كأننا مجرد حيوانات مفترسة تطاردهم , الحمقي لا يدرون أننا الأعلي منهم في سلم التطور وأن الدماء البشرية علي أهميتنا لغذائنا إلا أنها مجرد مصدر غذاء لا يشغلنا طوال الوقت عن فنوننا وعلومنا وأعمالنا الفلسفية التي تتجاوز بمراحل فنون وعلوم وفلسفات البشر

لقد كنت متميزا - كبشري - بكتاباتي وقصصي وأشعاري ولذلك تم إختياري لأنال شرف الترقي لجنس الفامباير الأعلي حتما من جنس البشر

علم أبي الذي حولني أنني أبدع كتاباتي بالمساء كعادة المبدعين فأدرك أنني سأتأقلم بسرعة مع حياتي الجديدة دون ندم علي فراق الشمس وضوئها السخيف

العديد من المتحولين إنهار نفسيا بعد أعوام من نعمة التحول بسبب عدم قدرته علي احتمال أسلوب حياتنا الليلي

البعض قتل نفسه بنفسه والبعض قتله أفراد العشيرة بعد أن هددت حالته النفسية بصدام غير محسوب مع بني البشر

لعنة واحدة ظلت تطاردني من حياتي السابقة , الملل , رغم كل ما أتمتع به من فنون ومغامرات ومعارف لا تتوفر لبني البشر , إلا أن شيطان الملل يدفعني دفعا لعبور الحواجز الممنوعة

نحن بنو فلاد - جدنا الأكبر الذي سمي الكونت الأحمق دراكولا علي اسمه - يمنع علينا أن نكتب بلغات البشر حتي لا يمكن لبشري أن يعلم أسرارنا

حتي أنا قضيت أيام طويلة أثناء اتمامي التحول أتعلم الكتابة بلغتنا التي لا يراها البشر ويظنونها نقوش عشوائية دقيقة نقشها الزمن

الآن أنا أكتب بلغتي الأولي وأحتفظ بذكرياتي بنفس الأسلوب الذي اعتاده البشر لتخليد ذكراهم رغم عدم حاجتي لذلك بين عشيرتي

يوم أفني أو أقتل لو كنت محظوظا سوف يتبقي من دمائي مايمكن الإحتفاظ به لتخلد ذكراي

لكنني أكتب الآن لتخلد ذكراي بين البشر كما ستخلد بين الخالدين من عشيرتي

الملل اللعين يدفعني للمخاطرة بأن ينكشف أمري بين البشر وألقي علي يد عشيرتي نفس مصير الأحمق دراكولا الذي فضح قرون من السرية بشهواته العلنية حتي قتله أحد أفراد عشيرته أثناء الحرب التي أشعلها ليجد فيها فرصة القتل بلا حساب رغم شريعتنا الأذلية التي تمنع اصطياد أكثر من فريسة واحدة في الليلة

سوف تعلم عشيرتي بما أكتبه بلغة البشر وسوف يحكم علي بالموت لكن الملل لا يترك لي فرصة للتفكير

فقط نسيت أمر هام لدي البشر , التاريخ , يالي من أحمق , كيف سيدرك البشر أن تلك السطور بدأت في سردها منذ 50 عام ولازلت أكتبها حتى الآن

مأساة قصيرة تحت التأسيس

ماذا لو أن من صنع كل ذلك المنزل لم يكن هو من وجه تلك الرسالة الصوتية للطفل سالم بأن يترك كل ما في المنزل من تحف و يتوقف عن مشاهدتها ؟

كانت الرسالة غامضة كئيبة مهددة تحذر سالم من لمس أي تحفة صنعت بعناية أو اللعب بأي لعبة في أرجاء المنزل

أخبرته الرسالة أن له حجرة واحدة ليس من حقه الخروج منها

ماذا لو أن صانع المنزل الذي اختطف سالم و وضعه فيه كان كريما حقا وأراد من سالم أن يستكشف المنزل و يعجب به دون قيود

لابد وأن صانع المنزل عندما أتي بسالم هاهنا كان ينتظر من مكان خفي ليري انبهار سالم بتلك اللوحات البديعة التي رسمها بيديه

وتلك الموسيقي التي تنساب من حوله ، لابد أنه كان يتشوق ليري انتشاء سالم بها

من اذن يا تري قد يكون صاحب تلك الرسالة المشوهة التي أفزعت باسم ودفعته رعبا للاختباء في ذلك البيت الضيق القذر المخصص للكلاب ؟

من تسبب في تلك المأساة اذن ان لم يكن صاحب المنزل؟

ربما هو الأحدب نفسه المساعد الوحيد لباني المنزل

ذلك الذي أحس بالحقد علي سالم لأنه سيقضي أياما في هذا المكان البديع دون ثمن فقرر الانتقام منه و قام بوضع ذلك الشريط الصوتي بصوته الغليظ ليفزع الفتي و يهدده ان هو حاول التمتع بامكانيات المنزل المختلفة

كم استلقي الأحدب الحقود علي قفاه عندما ظل سالم حبيس تلك الحفرة خوفا من عقاب صاحب المنزل بدل أن يرضيه بالتجول فيه

نوتة تحت التأسيس

ابعد يا ملاك

انا قد اعتدنا علي دناءة وسفالة الدنيا حتي اننا لنشقي عند مقابلة أحد ملائكة السماء ذوي الأجنحة و الجباه والقلوب البيضاء بياض الثلج في نهار مشمس يسير آمنا مطمئنا بيننا

واننا لا نسترح ولا نهدأ حتي نرد واقعنا الي أصله الطيني فنطرده من ديارنا الطينية بلون جباهنا و جلودنا و قلوبنا العامرة بالحقد و البغضاء و السأم

أو أننا لنقص جناحيه حتي يصير مثلنا دنيويا علي صورتنا و شريعة الغاب شريعتنا

قد تتسائل من أين لأرضي طيني مثلك ومثلي أن يعرف بأحوال الملائكة النورانية ؟

فأدعي كذبا أو صدقا أنني قد عشت يوما محلقا بجناحي بين السحب وقد آلمني جدا قص أجنحتي بأمر آمريكم وأيدي جلاديكم فصرت الي ما أنا عليه .. واحد منكم

شاوشيسكو

شاوشيسكو

كان رئيس لدولة اسمها رومانيا معرفش فيها كام مليون مواطن

فيها جيش قوى جدا
شرطة فى كل مكان
أمن دولة بيراقب الصغير قبل الكبير
حزب حاكم مسيطر على السياسة
تابع له مراكز قوى داخلية أخطبوطية
و له علاقات خارجية مترسخة مع بلاد مهمة

عنده وزرا و محافظين و سفرا و عمد
كتاب و مثقفين بتوعه
و جرايد و تلفزيون و اذاعة

مراته كانت أم الطفولة و الامومة للشعب الرومانى
و هو كان الراعى الوحيد للصناعة و الزراعة و الرياضة و العلم و الادب و الفن

و مع ذلك و مع كل ذلك
ده ما منعش الشعب الرومانى أنه يقلب عليه و هو بيخطب فيهم بمناسبة معرفش ايه كدة


على فكرة .. ده حصل بجد مش فى الخيال

http://www.youtube.com/watch?v=ckiXKWKBbC8


المشهد كان كالآتى
الرئيس بيخطب
الناس المؤيدة له بتهلل فى الشارع
التلفزيون الحكومى بيصور

حد من الناس اعترض
بقية الناس بتزعق
التلفزيون مش عاوز يصور اللى حصل
الرئيس مستغرب و بيحاول يسكتهم باشارة من ايده
الناس ثارت
واحد دخل بيهمس للرئيس و يدخل تانى

الناس هاجمت القصر
الديكتاتور هرب بطيارة هليكوبتر
الجيش انضم للناس
الديكتاتور اتقبض عليه و اتحاكم لمدة تلات ايام كان مقتنع تماما انه معبود الشعب
الديكتاتور تم اعدامه هو و مراته

رومانيا 1989

مصر 2007

شاوشيسكو

شاوشيسكو

كان رئيس لدولة اسمها رومانيا معرفش فيها كام مليون مواطن

فيها جيش قوى جدا
شرطة فى كل مكان
أمن دولة بيراقب الصغير قبل الكبير
حزب حاكم مسيطر على السياسة
تابع له مراكز قوى داخلية أخطبوطية
و له علاقات خارجية مترسخة مع بلاد مهمة

عنده وزرا و محافظين و سفرا و عمد
كتاب و مثقفين بتوعه
و جرايد و تلفزيون و اذاعة

مراته كانت أم الطفولة و الامومة للشعب الرومانى
و هو كان الراعى الوحيد للصناعة و الزراعة و الرياضة و العلم و الادب و الفن

و مع ذلك و مع كل ذلك
ده ما منعش الشعب الرومانى أنه يقلب عليه و هو بيخطب فيهم بمناسبة معرفش ايه كدة


على فكرة .. ده حصل بجد مش فى الخيال

http://www.youtube.com/watch?v=ckiXKWKBbC8


المشهد كان كالآتى
الرئيس بيخطب
الناس المؤيدة له بتهلل فى الشارع
التلفزيون الحكومى بيصور

حد من الناس اعترض
بقية الناس بتزعق
التلفزيون مش عاوز يصور اللى حصل
الرئيس مستغرب و بيحاول يسكتهم باشارة من ايده
الناس ثارت
واحد دخل بيهمس للرئيس و يدخل تانى

الناس هاجمت القصر
الديكتاتور هرب بطيارة هليكوبتر
الجيش انضم للناس
الديكتاتور اتقبض عليه و اتحاكم لمدة تلات ايام كان مقتنع تماما انه معبود الشعب
الديكتاتور تم اعدامه هو و مراته

رومانيا 1989

مصر 2007

لا أؤمن بهذا الاله

المقال على فيس بوك والتعليقات

أجل ، لن أؤمن أبداً...

بإله يباغت الإنسان في خطيئة ضعف...

إله يشجب المادة و الحاجة ...

إله يعييه الجواب عن المشاكل الخطيرة التي يواجهها إنسان مخلص مستقيم يقول له باكياً: " لا أستطيع"...

إله يحب الألم...

إله يعترض على أفراح البشر...

إله يعقم عقل الإنسان...

إله منجم مشعوذ ...

إله يفرض رعبه في القلوب...

إله عجوز قابل للخداع...

إله يحتكره دين أو مذهب أو عنصر أو ثقافة أو فئة معينة...

إله لا يحتاج إلى الإنسان...

إله " يانصيب" لا يمكن الحصول عليه إلا مصادفة...

إله حكم لا يلعب إلا وفي يده النظام...

إله لا يحسن الابتسام أمام حيل البشر وخداعهم و نكاتهم عنه...

إله " يرسل" الناس إلى جهنم...

إله لا يحسن الرجاء...

إله يطلب دوماً العلامة القصوى في الامتحانات...

إله تستطيع الفلسفة تفسيره...

إله يعبده الذين يقدرون على إدانة إنسان...

إله لا يستطيع حب ما يزدريه الكثيرون...

إله لا يستطيع مسامحة ما يدينه الكثيرون...

إله لا يستطيع انقاذ البؤساء...

إله لا يفهم أن "الأطفال" لا بد أن يتوسخوا...

وأنهم معرضون للنسيان...

إله يمنع الإنسان من النمو، والتفتح، والتطور...

وتجاوز حدوده إلى أن يجعل من نفسه " شبه إله "...

إله يفرض على الإنسان، إن أبتغي الإيمان ...

أن يتنازل عما يجعل منه إنساناً ...

إله لا يقبل الجلوس والمشاركة في أعيادنا البشرية...

إله لا يفهمه إلا الراشدون، والحكماء، وأصحاب المناصب و فقهاء الدين ...

إله لا يخشاه الأثرياء، ممن يقوم على أبوابهم البؤساء والجياع...

إله يمكن أن يقبله ويفهمه أولئك الذين لا يحبون ...

إله يعبده الذين يذهبون إلى القداس\خطبة الجمعة ولا ينفكون يسرقون ويغتابون ...

إله معـقم، يصوغه علماء اللاهوت (الدين) والقانون(الشريعة - الفقه) داخل مكاتبهم ...

إله لا يقوى على اكتشاف بعـض الخير، بحكم الطبيعة نفسها...

حيثما يخفـق الحب، مهما زاغ عن الطريق...

إله يرتضي تقدمة من لا يعمل بالعدل ...

إله يساوي بين خطيئة من يسر برؤية ساقين جميلتين ...

ومن يغتاب قريبه أو يسرقه، أو من يستغل سلطانه ليزدهر أو ينتقم ...

إله يشجب الجنس ...

إله يستطيع أن يقول : " سوف تدفع لي الثمن " ...

إله يتندم على أنه أعطى الحرية للإنسان ...

إله يؤثر الظلم على الفوضى ...

إله يرضى عن المرء الذي يسجد ولا يعمل ...

إله أخرس لا شعور له أمام المشاكل الخانقة التي تؤلم البشرية ...

إله همه النفوس لا الأناس ...

إله أفيون بالنسبة إلى الإصلاح ، ورجاء بالنسبة إلى الآخرة فقط...

إله يؤمن به تلاميذ يهربون من أعمال هذه الدنيا ولا يأبهون بشئون إخوتهم ...

إله الذين يظنون أنهم يحبون الله لأنهم لا يحبون أحداً سواهم ...

إله يدافع عنه من لا يوسخون أيديهم قط ...

ولا يطلون من شبابيكهم قط ...

ولا يرمون بأنفسهم في الماء على الإطلاق ...

إله يعجب الذي دأبهم القول: " كل شيء على ما يرام" ...

إله مواعظ الوعاظ الذين يظنون أن جهنم مكتظة و الجنة تكاد تكون فارغة...

إله الكهنة الذين يزعمون أنه من الحلال نقـد جميع الأشياء والناس باستثنائهم...

إله الكهنة المتبرجزين...

إله يحب الحرب...

إله يجعل الشريعة فوق الضمير...

إله يؤسس كنيسة أو دين أو مذهب جامد و يدعو إلى الجمود ...

لا يقوى على التطهر والتحسن والتطور...

إله الكهنة الذين تزدحم جعـبتهم بالأجوبة الجاهزة عن جميع المشكلات...

إله يرفض للإنسان حرية الوقـوع في الخطيئة...

إله يمتنع عن السخرية من الفريسيين الجـدد (السلفيين) ...

إله ينقصه الغـفران لأية خطيئة...

إله يفضل الأغـنياء والأقوياء...

إله " يتسبب" بالسرطان أو " يجعل" المرأة عاقراً...

إله لا يمكن مخاطبته إلا ركوعاً ، ولا يوجد إلا في الكنيسة...

إله يقبل ويستحسن كل ما يقول عـنه الكهنة...

إله لا يخلص الذين لم يجـدوه، بل الذين تاقوا إليه وبحثوا عـنه...

إله " يرسل" الولد إلى جهنم بعـد خطـيئته الأولى...

إله لا يمنح الإنسان إمكانية القضاء على نفسه بالهلاك...

إله لا يكون الإنسان في نظـره مقياس كل المخلوقات...

إله لا يسرع لملاقاة من تولى عـنه...

إله لا يستطيع أن يجعـل كل الأشياء جديدة...

إله لا يوجه كلمة مميزة، شخصية، خاصة، إلى كل فرد...

إله لم يعـرف السبيل إلى البكاء بسبب الناس...

إله لا يكون النور...

إله يفـضل الطهارة على الحب...

إله لا تهيج مشاعره أمام الوردة...

إله لا تستشفه في عـيني الطفل، أو في الفتاة الجميلة ، أو الأم الباكية...

إله لا يكون موجودا حيث يحب الناس بعـضهم بعـضًا...

إله يقترن بالسياسة...

إله يوحي بنفسه مرة واحدة لمن يتوق إليه بإخلاص...

إله يهدم الأرض، والأشياء التي يحبها الإنسان، بدل أن يطورها ...

إله يكون بلا سر، ولا يكون الأكبر...

إله يريد لنا سعادة غـريبة عـن طبيعـتنا البشرية...

إله يزيل جسدنا إلى الأبد بدل أن يقيمه من الأموات...

إله يعـتبر قيمة الناس لا في ما هم، بل في ما لهم أو ما يمثلون...

إله يقبل صديقا له من يجور في الأرض ولا يسعـد أحداً...

إله لا يكون سخاؤه كسخاء الشمس...

فهي تقبل كل ما تلمس، الزهرة وخثي البقـر، عـلى حـد سواء...

إله لا قبل له بتأليه الإنسان...

ولا يستطيع أن يجلسه إلى مائدته ولا أن يوليه نصيبا في ميراثه...

إله لا يحسن تقديم فردوس نكون فيه جميعاً أخوة حقًـا...

ولا يكون مصدر النور فيه من الشمس والكواكب فحسب...

بل من الناس الذين يحبون...

إله لا يكون فيه محبة ولا يحسن تحويل كل ما يمسه إلى محبة...

إله لا يمكنه أن يتولع بالإنسان...

إله لا يصبح إنسانـًا حقـًا مع كل ما يترتب على ذلك من تبعـات...

إله لا يسعني أن أرجوه فوق كل رجاء...

أجل ، إن إلهي هو الإله الآخر...

------------------------------------------------

هذا المقال منقول ببعض التصرف من مقال لكاتب يدعى جوان ايريس

للمزيد عن الكتاب و الكاتب

http://www.facebook.com/note.php?note_id=99154196089&id=580892064&ref=nf#/note.php?note_id=81401837830

حاجات أعملها قبل سن التلاتين

- أوقع نظام مبارك و أساهم في منع التوريث

- أساهم في بناء نظام حكم ديمقراطي مصري

- أكتب كتابين ناجحين علي الأقل

- أستقر في شغل بحبه

- أستقل بسكني وحياتي ويفضل فوسط البلد

- أتجوز انسانة طيبة و بتحبني و بستريحلها ولو منفعش أتجوز أدخل في علاقات عاطفية كتير

-أغير النضارة اللي معايا من الستينات دي أو أعمل ليزك

- أسافر آخد لفة في دول العالم بس لو كنت اتجوزت أسافر مع مراتي

- أتعلم عزف أي آلة موسيقية

- أصالح واحد صاحبي

- أكتب في جرايد

نور علي نور

قلبي مشتاق وبه ولعة ، الحقي اطلبي المطافي قبل ماتقلب بحريقة

أشتاق لنظرة اشتياق من عين تحن الي عيني بلا حد

قد ثبت لدينا بما لا يدع مجالا للشك أن التاريخ لم يحدث كما أخبرونا به فقررنا أن نكتب تاريخا نصنعه بأيدينا

الأديان تفرق البشر ... و الله يجمعهم

الحب من روح الله .. فهو مثله .. لا حدود له .. لا وصف له .. غير متوقع أو خاضع لقانون .. و يظهر بألف شكل و عطر

تساءل سيزيف : لو تبادل الله و الشيطان مكانيهما هل كان ليختلف الأمر كثيرا ؟؟ .. و لم أجد ردا

لا نحتاج الى أنبياء معصومون او أبطال أسطوريون او زعماء ملهمون .. يكفينا و يزيد بشر خطاؤون يصلحون الأمر و يخضعون للقانون

حدث فى مثل هذا اليوم : انتخابات الرئاسة 2005

اليافطة دى كان مكتوب عليها 70 مليون مصرى يؤيدون مبارك .. و بعد تريقة الاعلام غيرها و خلاها أغلبية المصريين يؤيدون مبارك

النهاردة م.حسام الدين على لقيته بيتكلم عن ذكريات يوم أول انتخابات رئاسية بتاعة 2005 و لقيت ذكريات اليوم ده نورت مرة واحدة فى دماغى

اتفضل معايا و سلى صيامك
مش من عادتى أبدا أحفظ تواريخ الأيام و ساعات كتير بفاجئ أن ذكريات معينة فات عليها سنين و انا مش واخد بالى و بستغرب من الناس اللى مسجلة حدث لكل يوم عدا عليها

2005

===================

أنا كنت واقف في لجنة فى مدرسة في مدينة نصر خاصة بعمال شركة حكومية ( أفتكر عمال النقل ) و كلهم جايين تبع الحزب الوطني .. العمال كلهم حاطين صور مبارك و جايين فى أتوبيسات متعلق عليها شعار الحزب الوطنى
و الريس بتاعهم اللى كلهم بيسمعوا كلامه فضل فى اللجنة طول اليوم كان عضو حزب وطنى

القاضى كان راجل محترم جدا و شاب مش كبير بس كنت مطلع عينه طول اللجنة .. كنت متحمس جدا و مذاكر كويس المخالفات اللى من حقى كمندوب مرشح أرفضها .. مثلا ماينفعش حد يدخل عند الصناديق و هو معاه شعار لأى حزب .. و كان من حقى أشوف علامة الحبر على صوابع الناس بعد التصويت عشان أضمن ما يروحوش يصوتوا تانى فى لجنة تانية .. و هكذا

و كان كل ما حد ييجى يدخل اللجنة و هو معلق صورة مبارك أقول له شيل صورة مبارك و حطها برة

آه نسيت أقول انى كنت مندوب عن د.أيمن نور مرشح حزب الغد و مكنش فيه أى مندوبين تانى لأى حزب غير الغد و الوطنى

الموظفين بتوع اللجنة كان أغلبهم كبار فى السن و كانوا بيبصوا لى باستغراب فى الاول لأنى كان عندى يا دوب واحد و عشرين سنة و عامل عليهم الفا الفصل و رايح جى ألف بين الصناديق و أطلع برة ابص على الناس و ساعات لما ألاقى اللجنة فاضية أطلع الشارع أوزع ورق دعاية لأيمن نور و كل ما أشك فى أى حد فيهم أروح أقف على دماغه و أشوف بيعمل ايه

كنت بتصرف بتلقائية و حماس بقى غريب بالنسبة لى دلوقتى و كان غريب بالنسبة لهم وقتها

شوية و اتصاحبت معاهم و عرفت أن أصغر واحد فيهم عضو فى الحزب الوطنى بس كان شكله غلبان

فى اليوم ده شفت ناس كتير جدا بييجوا مخصوص عشان ينتخبوا لأول مرة و مش عندهم بطايق انتخابية بس التصويت وقتها كان ممكن بالبطاقة الشخصية و برده كانوا مش بيلاقوا أساميهم فى القوايم المتعلقة برة

و فاكر و الله العظيم راجل جه هو و ابنه الصغير و قال لى أنا بقالى ساعة بروح من لجنة للجنة عشان الاقى أسمى و انتخب مش لاقى و مش حسكت غير لما أحط صوتى .. سألته أنت حتنتخب مين ؟.. قال لى دى حاجة ترجع لى بس الأهم ان صوتى مايضيعش

محدش خالص فى العمال اللى جم فى أتوبيسات الوطنى و اللى دخلوا صوتوا كان عارف أيمن نور و الناس اللى كانت بتيجي من أهل المنطقة ينتخبوا مكنوش بيلاقوا أساميهم وكل ده خلانى أنا يائس تماما و محبط فى آخر اليوم
حدث فى مثل هذا اليوم 7 سبتمبر 2009

2005

آخر اليوم خالص القاضي لما جه عد الأصوات فوجئ بأن أيمن نور واخد تلت الأصوات تقريبا فى اللجنة و كان مستغرب جدا و سألنى أنت جبت كل ده منين ؟؟
اذا كان كل الي دخلوا اللجنة كانوا معلقين صور مبارك ؟؟

طبعا أنا مفهمتش السؤال و كان باين عليا الاكتئاب و الارهاق فلقيت الموظفين نفسهم اتلموا حواليا و قالوا يابنى أنت لسة صغير و مش فاهم .... اللجنة دى مفروض أنها متقفلة للريس .. و كون ان أيمن نور ياخد أى أصوات هنا فده شئ غريب فما بالك بتلت الأصوات ؟ ... مبروك .. ده مؤشر حلو اوى لبقية اللجان

من ساعتها عرفت أن المصريين لؤما وأن النتيجة مش بالمظاهر و أن سهل اوى تجبر أى حد أنه يعلق يافطة مش عاجباه لكن لما يبقى لوحده هو و الصندوق ممكن النتيجة تختلف خالص

====================


حدث فى مثل هذا اليوم

يوم ان انتخبت مصر الرئيس 2005 .. حسام الدين على
http://www.facebook.com/notes.php?ref=sb#/note.php?note_id=125871443231

زي النهاردة من أربع سنين .. عمرو عوف
http://www.facebook.com/oke1985#/note.php?note_id=126963713380&ref=mf

ـ 7 سبتمبر يوم غير حياتى .. محمد حسين
http://www.facebook.com/note.php?note_id=125810178033&comments#/note.php?note_id=129558796486

اربع سنوات على انتخابات 2005 .. أحمد سمير مصطفى
http://www.facebook.com/inbox/readmessage.php?t=1082369554280&f=1&e=-12#/note.php?note_id=129347485980&ref=nf لدرجة أن ريس العمال بتاع الحزب الوطنى قعد يتريق و قال لى أنا حنتخب أيمن نور بس عشان أنت صعبان عليا وقفتك دى