اللعب مع الجيش

بعد ظهور نتيجة الاستفتاء وانتظارنا الاعلان الدستوري تحقق الآتي على أرض الواقع

أولا : ظهرت شعبية الجيش وأخذت أى خطوات حيعملها الفترة الجاية شرعية مستمدة من نتيجة الاستفتاء اللي جت رغم رفض كل القوى السياسية تقريبا
يعني التعديل الدستوري حيبقى عليه موافقة 77% من المصريين من غير ما يستفتوا عليه لأنه متضمن المواد اللي هما استفتوا عليه

ثانيا : ظهرت ضعف شعبية التويترجية والقوى المتعايشة على الانترنت بعد ما كانوا افتكروا انهم بيحركوا الملايين وكل واحد يطلع عنده حاجة مزعلاه يقول نعمل مظاهرة مليونية في التحرير لأنهم برغم كل الحشد اللي عملوه في اتجاه الرفض كانت نتيجتهم النهائية ضعيفة جدا

ثالثا : أظهر السلفيين على وشهم اللي كان مستخبي وأظهر قصاد الناس أن الأخوان والسلفيين على وشك الوصول للسلطة وتعليق الناس على المشانق عشان يخلي الناس كلها تتشحن ضدهم في الانتخابات الجاية ويبقى فيه مجهود حقيقي لتحجيم سيطرتهم بشكل ديمقراطي وبمنافسة حقيقية

رابعا : احتمال كل ما فات يكون نتايج غير مقصودة للخطوة بتاعة الاستفتاء