جلسة العصف الذهنى الثانية عن مستقبل التغيير

يوم الاثنين 15 فبراير 2010 عقدت جلسة العصف الذهنى الأولى و التى نظمتها لجنة الحراك السياسى بحزب الغد و التى تناولت مستقبل الشباب فى قضية التغيير فى مصر

http://www.facebook.com/note.php?note_id=299852933033

و قد حضرها عدد متميز من النشطاء فى أحزاب و حركات مختلفة مثل حركة تضامن و حركة مصر أهم و حركة شباب 6 أبريل و حزب الجبهة الديمقراطية و حزب الغد

طرحت فى تلك الجلسة عدة أفكار و عدة رؤى عن المرحلة المقبلة فى السياسة المصرية و نقل بعض الناشطين خبراتهم فى العمل الاحتجاجى الشعبى

و دار النقاش الأساسى عن ضرورة الربط ما بين الحركات الاحتجاجية الشعبية ذات المطالب الفئوية و ما بين الأحزاب و الحركات ذات المطالب السياسية و عن دور الشباب فى قيادة هذا الربط المفصلى

و يشرفنى أن أدعوكم لحضور جلسة العصف الذهنى الثانية يوم الاثنين 1 مارس 2010 بمقر حزب الغد بطلعت حرب الساعة السابعة مساء و التى ستكون عن الآليات العملية للتواصل بين الحركات الفئوية و الحركات و الأحزاب السياسية

مجموعة استغرابات عن ميليشيات البرادعى

بداية

النوتة دى انا بكتبها و عارف انها حتخسرنى صداقة ناس كتير مفترض انهم عزاز عليا
و عارف انها حتخسرنى اكتر على مستوى العمل العام لأن الدنيا فى الشغل ده متشبكة و كله بيحتاج لكله و مفيش حد بيقدر يستغنى عن حد

و اللى يزعل منك انهاردة بيشيل لك الزعل لبعدين لما تحتاج له و ينفض لك او يتخلى عنك

عشان كدة الناجح فى الجو ده هو اللى بيحافظ على صداقة الجميع ويدخل فى اقل قدر من الصدامات و انا قدرت لحد دلوقتى احافظ على النقطة دى لأنى بعرف ازاى اتجاهل السلبيات الصغيرة و أبص للهدف الأكبر اللى هو الحرية

بس انا واحد مخه جزمة و مبحبش اشوف غلط او استعباط و استعبط .. خصوصا لما يكون بيمس مستقبل ناس كتير اوى او بيدى مؤشرات زى الزفت فى مكان مفروض انه لسة متوسخش

انا لما شفت الدكتور ايمن غلط فى حاجة من وجهة نظرى كبيرة مسكتش و كتبت و الناس هاصت

و لما بشوفه بيعمل حاجة غلط صغيرة مش بسكت برده بس بدى لكل حاجة حجمها

لما كنت بشوف بياعين الدين بيستهبلوا كنت بتكلم و بقول بأعلى صوتى و لما مبارك و ابنه بيمارسوا هوايتهم فى الفساد بقول و مش بيهمنى

عامل فيها شريف ؟؟

حقى ... لحد لما أغلط يبقى حقك تحاسبنى و تنصحنى
لحد لما أغلط بسوء نية يبقى حقك تفضحنى و تمنعنى انى اضلل الناس

==================== نبدأ الاستغرابات و اللى شايفنى غلطان يرد و اللى شايفنى كداب يقول زى ما هو عاوز ============

الاستغراب الأول
=========

1- الأستاذ عبد الرحمن يوسف و المجموعة
المجموعة اللى كلها تقريبا أصحابى و زمايلى و زمايل الحبس كمان

المجموعة اللى منها باسم فتحى اللى كان بيتضايق اوى لما ايمن نور يكرم شباب 6 ابريل فى باب الشعرية و يعتبر ده استغلال من ايمن نور للشباب
و اللى منها اسراء عبد الفتاح اللى بعتت تكذيب للدستور و قالت فيه ان ايمن نور بيستغل اسمها عشان يلمع نفسه
و اللى منها ناصر اللى اتفصل من شغله عشان الفساد اللى موجود فى حزب الجبهة و وقف قصاد أسامة الغزالى حرب و شهاب

معلش يا شباب استحملونى 5 دقايق

أنا مستغرب يا جماعة اوى اوى من الصورة دى و مكانها و التعليق المكتوب عليها

http://www.elbaradei2011.com/arab/index.php?option=com_content&view=article&id=289%3A2010-02-24-21-08-38&catid=51%3A2010-01-15-19-07-50

ايه ده يا شباب ؟
فين رفضكم للشو الاعلامى ؟
فين رفضكم لاستغلال اساميكم ؟

و فين بالأولى رفضكم لاستغلال لاسم غيركم ؟

انا افهم ان الصورة دى مكانها بروفايلاتكو على الفيس بوك و مواقعكم الشخصية تحطوها و تفخروا بيها مع ذكرياتكم
لكن تتحط فى الموقع الرسمى للحملة ؟؟

مش شايفين ان ده اوفر شوية ؟ و قرب يبقى اعلان غير مدفوع الاجر ؟

و بمناسبة الاعلانات .. الاستغراب التانى
=====================

ده ايه ده ؟؟

http://www.elbaradei2011.com/arab/index.php?option=com_content&view=article&id=103%3A2010-01-08-15-15-20&catid=37%3Arokstories-samples

اعلان ولا مش اعلان ؟؟؟؟؟
الأستاذ عبد الرحمن الشاعر المعروف و منسق الحملة

هل محتاج للتعريف بيه انه يحط دواوينه بلينكاتها بالسى فى بتاعه الكامل على موقع الحملة ؟؟

هى دى حملة دعم البرادعى ولا حملة دعم عبد الرحمن يوسف ؟؟

هو ده التفانى و انكار الذات يا شباب ؟؟

طيب بنزعل احنا ليه لما مبارك و ابنه صورهم فى كل صفحة من الجرايد القومية ؟؟

و بنزعل ليه لما نلاقى جرنان الوفد بيغطى اخبار رئيس الوفد اكتر من اخبار البلد نفسها ؟؟

=================
الاستغراب التالت و الأهم
==========

ايه اللى حصل من شباب 6 أبريل عشان مايقابلوش الدكتور البرادعى ؟؟

طيب كل الشباب الناشطين اللى مشاركوش فى حملة البرادعى مقبول - حتى لو مش منطقى - انهم مايبقاش ليهم مكان ولا ميعاد لمقابلته و الكلام معاه بشكل مباشر مع ان ده حيخسره وجهات نظر كتير مهمة و مفيدة

طيب اللى اتحبسوا و اتبهدلوا و دفعوا من جيوبهم و وقتهم و صوتهم اتنبح عشان يساعدوا فى هدف شايفينه خاص بمصر كلها دول كمان ملهمش مكان ولا ميعاد للمقابلة ؟

بغض النظر عن المنظر السخيف لتنظيم المقابلات اللى بيفكرنى بمشهد دخول أئمة المسلمين على الخليفة التركى العثمانلى عشان يقدموا فروض الولاء و الطاعة و يخرجوا من غير ما يوجه لهم ولا كلمة

لكن ان يتم تجاهل شباب 6 أبريل و دعوتهم على استحياء و بالتضرر و التعامل معاهم من قبل زمايلهم بإستكبار فده منتهى منتهى منتهى الصلف و الغرور و قلة الذوق اللى فى الدنيا

أنا كنت نشرت الكلام ده فى استيتس امبارح لأنه وصلنى بشكل مبهم من كذا حد ... كتبته و انا فى ميكروباص فى رمسيس و قبل ما اوصل العباسية لقيت الناس بيكلمونى و بينفوا اى نية لده و ان دى اشاعات ملهاش اساس من الصحة

اتمنى يدخلوا هنا يقولوا ان ده محصلش

اتمنى ان يبقى فيه قدر من الشفافية تخلينا نشوف مين المسئول عن ده لو حصل و مين اللى بيروج الاشاعة دى لو محصلش
أتمنى لو كان حصل انه يكون خطأ غير مقصود يتم تصحيحه لأنه عيب اوى اوى اوى

================================
الاستغراب الرابع و الأخنق
================

ماهر يا ماهر
مش عاوز تتكلم و تقول على اللى حصل عشان ما يتقالش انك بتشق صف الاجماع الوطنى ولا ان انت بتلعب على مصلحتك

طيب و اخرتها ايه ؟؟

و الشباب بتوعك اللى جالهم احباط دلوقتى دول حتعمل فيهم ايه ؟ طيب دول عندهم حبة خبرة تخليهم يبلعوا اللى حصل و يحاولوا يكملوا شغل من غير ما يتهزوا اوى

طيب و الألوف اللى حيجيلها احباط من غير خبرة و حتبقى وكسة منيلة تخلى كل الناس تقول مفيش فايدة

ازاى تشوف غلط و تسكت ؟؟
عشان شوية توازنات فاشلة ؟؟

انت متأكد أكتر منى ان طريقة ادارة الموضوع بالشكل العصابى ده حتخرب الدنيا و ساكت

عارف ان أسلوب احنا بس اللى معانا توكيل حصرى للبرادعى و الباقى اعداء الوطن دى حتخسر البرادعى آراء كتير ممكن يسمعها فى الفترة الصغيرة اللى قاعدها فى مصر و تسمح له بادراك أكبر بالوضع الحالى و بفهم أعمق للخطوات المستقبلية اللى هو لسة مش محددها؟؟

انا مستغرب انت حتسكت لحد امتى ؟ .. و ايه معنى التوازن لو على حساب المصلحة العامة ؟

قول الحق و قول رأيك و قول اللى حصل .. حتخسر ايه اكتر من اللى خسرته ؟؟
احنا دايما بنقول الراجل الكبير ميعرفش حاجة و اللى حواليه هما الغلطانين
ده حقيقى المرة دى
طيب حنسكت برده ؟

========================
الاستغراب الأخير
==========

الناس اللى حتدخل تشتمنى عشان متضايق و محروق دمى من اللى بيحصل و بتكلم فى العلن و عاوزين الموضوع يتلم فى السكرتة

أنا مستغرب منكم اوى اوى اوى

مش انتم اللى بتطالبوا بالشفافية فى كل حاجة ؟

مش انتو اللى بتهاجمونى و بتتهمونى بالنفاق لو قلت ان أخطاء أيمن نور راجعة لحسن نيته و أنه بيرجح الجانب الانسانى على الجانب السياسى و ان اخطاؤه مش متعمدة ؟؟

دلوقتى بقى خالد بيقول خلى كل واحد يعيش الحلم شوية ؟

انا مستغرب كمان من اللى بيدافع عن الدكتور البرادعى

لأنى أصلا كالعادة مجبتش سيرته فى حاجة

الراجل مش هو اللى بيرتب التفاعلات حواليه ولا هو اللى بيختار مين يشوفه و مين ميشفهوش

انا بنتقد الناس اللى دفعت كتير عشان تعمل حاجة و فجأة نسيت كل اللى كانت بتنادى بيه
و فجأة بقت الدعاية الشخصية على موقع مفروض انه عام لمصر كلها امر عادى
و فجأة بقى زملاء النضال أشخاص غير مرغوب فيهم
و فجأة بقت الديماجوجية و التأليه هى المسيطرة على ردود فعلهم
و فجأة بقى شخص هو الحل الوحيد لمصر

أنا مستغرب من اللى بيحصل اوى و نفسى حد يطلع يفول انى كداب و ان كله ده محصلش ولا حيحصل و ان الناس دى - اللى هما صحابى - لسة بيدوروا على المصلحة العامة مش على مصالحهم الخاصة

أتمنى

مقدمة خواطر نبى مصرى معاصر

مذكرات نبى مصرى معاصر

الحكيم خرفان هو انسان مصرى فى العقد الثامن - تقريبا - من عمره يعيش فى عصر مختلف تماما عن عصرنا .. عصر يمكن للانسان أن يكتب فيه ما يشاء .. عصر مستقبى لم يأت بعد .. و سمى الحكيم خرفان بالحكيم لأن عقله و قلبه امتلآ بالحكمة و سمى بالخرفان لأنه صار عجوزا خرفا و ظن أن تلك الحكمة تجعله على درب الأنبياء المخلَصين

أى تشابه بين بطل الكتاب و المؤلف هو من وحى خيال القارئ و فقط

نصف ساعة مع عمال الكتان

العمال غلابة
محمود سامى قاللى دول معتصمين فى مكان قريب بس مكنتش أعرف فين
ياما سمعت عنهم بس معرفش تفاصيل القصة
دايما بقول لنفسى لو مسكت كل قضية من قضايا الاعتصامات دى مش حتخلص
دى البلد كلها معتصمة

قال لى تعالى نروح نشوفهم و نتكلم معاهم .. برده اللى سمع من الإعلام غير اللى بيسمع بنفسه
رحنا دورنا شوية لحد ما لقيناهم قصاد العمارة اللى فيها مركز الأندلس

لقينا الناس نايمين فى الشارع .. فارشين كراتين على الأسفلت و نايمين عليها
و حواليهم شوية عساكر أغلب من الغلب .. أضعف من عساكر الشطرنج
و ضباط بكروش قاعدين على ترابيزة يشربوا قهوة و يضحكوا منهم ناس من أمن الدولة

قعدنا مع كام واحد لقيناهم صاحيين و أتكلمنا معاهم
حكوا لنا

الشركة اتباعت لمستثمر سعودى
و السعودى اداها لواحد مصرى يسرقها
قاللك خصخصة
بس دى مش خصخصة ... دى سرقة علنى
المصرى عنده شركات بتاعته فى اسكندرية .. سرق العربيات بتاعة الشركة و نقلها لشركته فى اسكندرية
وقف الإنتاج و وقف الحوافز و قاللهم احنا قطاع خاص ملكوش علاوة و الناس استحملت
بقى يتعمد يوقف الانتاج عشان يخسر الشركة عشان يبيعها بأضعاف أضعاف السعر اللى اشتراها بيه
لأن تمن الأجهزة و الأرض لوحده أعلى بكتير جدا من اللى دفعه

الناس اعتصمت فى الشركة
قام الريس ربنا يخليه و يطول فى عمره طلع فى الأخبار و قال أن الموضوع اتحل و الناس عشان بتحب الريس فضت الاعتصام

بس فوجئوا ان مفيش حاجة اتحلت !!

عضو النقابة بتاعهم اتفصل .. شوبير طلع بعدها بيومين قال دول أهل بلدى و انا كنت معاهم و مشاكلهم كلها اتحلت
بس العجيب أنهم بيقولوا عمر شوبير ما جالنا ولا شفناه .. ده كداب زى الريس بتاعه

و احنا بنتكلم جت عربية اسعاف خدت واحد منهم و مشيت ... قالوا ده تعبان من العشا عنده الزايدة - احنا كنا ساعتها الساعة 3 بالليل !!
و قالوا ان كل شوية تيجى عربية تشيل حد منهم لأنهم من يوم الحد نايمين فى الشارع فى التراب و البرد ومحدش ساعدهم غير حاجة اسمها (تضامن) جابت لكل فردين بطانية

و قالوا كمال أبو عيطة و كذا حد من بتوع كفاية جم حاولوا يساندوهم بس الأمن منعهم يصلوا معاهم الجمعة و مانع التصوير
انا كنت بصور فى السكرتة عشان محدش يقول لى ممنوع
بس محمود طلع أجدع منى و أخد الموبايل ودخل وسط الناس اللى نايمة صورهم و مش هامه

المدير الجديد بيقولوا ولع حريقة فى قسم من أقسام الشركة عشان يتهمهم بأنهم مخربين .. و من ساعتها الأمن المركزى معسكر هناك
الناس قالوا انهم مصممين على استمرار الاعتصام لحد ما ياخدوا حقوقهم

و انا حسيت ان مقدار الوعى السياسى اللى عندهم أعلى بكتير من أغلب بغبغانات وسط البلد و بغبغانات الفيس بوك - اللى انا منهم - اللى حافظين كلام الكتب و بيرددوه بمناسبة و من غير مناسبة .. لدرجة انى اتكسفت أسأل الراجل اللى كان بيكلمنى عن مستوى التعليم اللى خدوه لأن ناس كتير معاهم شهادات عالية و مناصب سياسية كمان و معندهمش الوعى اللى عند الراجل اللى اتظلم و اضطر يبات فى الشارع عشان يشيل الظلم من عليه

و أكيد حتلاقى بغبغان منهم يدخل يقول الاستثمار و السوق الحر و الليبرالية و هو مش فاهم ان اللى بيحصل ده سرقة و تخريب بقصد النهب مش ليبرالية ولا منافسة حرة ولا تجارة

المهم ... أنا عندى فكرة مش عارف مين ممكن يوافق عليها

بكرة بعد حلقة العصف الذهنى اللى حنعملها فى مقر الغد حقترح على الناس أننا نروح نتضامن مع العمال و نتكلم معاهم

الناس مش عاوزين مننا حاجة أصلا و كل اللى ممكن نقدمه أننا نعرف مشكلتهم و نساند قضيتهم و لو بالكلام

مين يحب ييجى معايا ؟

عربية الاسعاف

حيتم تعديل النوتة بعدين بس مستعجل دلوقتى

ذكريات الزمن الجميل فى الفيس بوك

فاكرين الإز بتاعة زمان ؟ الإز دي من التراث الفيسبوكي العريق ،مايوعاش عليها غير العواجيز ال حضروا الفيس بوك في عزه أيام ما كان لسة إختراع

كان يكتب اسمك وبعده إز - كان انجليزي بس أياميها ، آه والله حضرت أنا الفيسبوك أيام ماكانت الأسماء انجليزي بس ولما عربوها الناس هاصت وقعدوا يقولوا إكتب اسمك بالعربي لغة القرآن و بتاع ، طب معملتوش انتو ليه فيسبوك عربي لما العربية دايساكو اوي

نرجع لموضوعنا

أيام ما اخترعوا الاستيتس دي - أيوة فعلا مكانتش في أول ما ظهر - كان يكتب اسمك وجنبه از

يعني أحمد بدوي إز ونقط بقي تقول فيها إز إيه

كانت الإز دي ملهمة وتخليك تفكر ،، أنا إز إيه أنا إز إيه ؟ و ترد بقي أنا إز جدع ، أنا إز مش فاضيلكو

ولما شالوا الإز زعلنا أوي وعملنا جروبات نطالب إدارة الفيسبوك ترجع الإز تاني
بس مارضيوش - طول عمرهم دماغهم ناشفة ، مفيش ديمقراطية

بس إحنا كمان مسكتناش وفضلنا فترة نكتب الإز من عندنا

برده انت تلاقي الجيل الجديد ستاتيوساته فكسانة كدة بعد ما خلوا سؤال وات إز إن يور مايند
سؤال رخم
الجيل القديم هو اللي أخد الخير كله

فيين أيام ما كانت البوكة بوكة يعني قبل ما يعربوها ويسموها نكزة ،آل نكزة آل ، فعلا ممكن نسمي الجيل ده جيل النكزة

زمان كنت تبعت البوكة للبنية من هنا تلاقي الدنيا اتقلبت ورسايل بقي وبتاع وممكن تلاقي أبوها دخل من بروفايل تاني وعمل عليك ريبورت عشان بتعاكس بنته

وممكن تلاقيها لو معقدة شوية باعتالك عالوول مهزآك

بوك إيه يا أستاذ أنت ال بتعمله ؟ أنت فاكر الدنيا سايبة ولا أيه

ولا الوول ... فين أيام الفن وول والسوبر وول ؟

كان الواحد بكتيره أوي عنده متين فريند يقوم باعتلهم عالفن وول إشي صور وإشي فديوهات

دلوقتي الجيل الجديد تلاقي الواحد من دول عنده 4000 فريند ويقولك أنا خايف أقفلهم خمستلاف لحسن يوقفوا بروفايلي
خمستلاف يا معفن ؟ هو انت ياض فيه خمستلاف بني آدم يعرفوك ؟

ولا لما طلعت إشاعة إن الفيسبوك حيبقي بفلوس ، الناس عيطت وأنا كنت خايف أوي علي صوري ونوتاتي

وعملوا برده نوتات وجروبات أننا مش داخلين عالفيس لو بقي بفلوس
مع ان أنا أظنه لوبقي بفلوس الناس مش حتسيبه برده

زمان الفيسبوك -أيام الرخص - كان براح ، تكتب فيه اللي علي مزاجك - زي التويتر كدة في العصر الحديث

قبل خناقات الملحدين والاسلاميين

أيام ما كان الجروب جروب بجد مش الجروبات الممسوخة بتاعة اليومين دول اللي شبه البروفايل

كان جروب علمانيين ونفتخر ده اختراع وقعدت سنة مثلا خايف أشترك فيه عشان السمعة و جروب مش عاوزين جمال مبارك كان مصيبة
كنا عاملين للجروب مجلس ادارة وحركات واجتماعات وكنا الجروب الوحيد اللي بيعمل شغل سياسة علي وول مصر

إيه ياخويا ؟ متعرفش إيه وول مصر دي ؟ أمال بيعلموكو ايه في كتب التاريخ ؟
وول مصر دي كانت صفحة زي فان بيج بس للمصريين وكانت لكل بلد صفحتها رسمي وماينفعش تشترك ف أكتر من صفحة

كان العيال عاملينها للتهييس والكورة وإحنا كنا بنقلبها سياسة

اتلغت خلاص دلوقتي ومابقاش فيه صفحة قومية تجمعنا زي زمان

كان الفيس ده اختراع
دلوقتي بقي أي واحد ميعرفش حتي يعمل إيميل عنده أكونتين تلاتة

وبقي خنقة بقي، كل كلمة تلاقي ناس تافهة قاعدة تحسبها وتحللها مع ان الدنيا أبسط من كدة

جيل ضايع جيل اللايك ده ، شوية شوية حيعملوا درجات تقويم من واحد لعشرة ، ماهو ده ال كان ناقص كمان


المقال والتعليقات على فيس بوك

من حكم الحكيم خرفان

في العالم الذي تقام فيه طقوس الحب بلا مشاعر و تباع الأشياء التي لا تقدر بثمن و يكون الإعلام بديلا عن السياسة لا تسألن أبدا عن "الحقيقة" فهي كلمة محرمة

هو أنا حعوز إيه مالدنيا غير كدة ،ضمير مرتاح وقلب سواح وعقل براح ورحلة كفاح شوية تفشل وشوية تحقق نجاح

علم يقينا أن القلب مجرد عضلة لا علاقة لها بالمشاعر إلا انه كم تمني لو كان مجرد خلية في قلبها ليعرف بم تشعر عندما تراه

عندما تري -من بعيد-كل ذلك القدر من الظلم تتمني لولم تولد

أحيانا يكون الهدف الوحيد للكتابة هو انك تلاقي حد بيرد علي كلامك فتعرف انك لسة عايش

نحن نقص عليك نبأهم بالحق ، إنهم فتيات وفتية آمنوا بوطنهم وزادهم الله رشدا

سر النجاح فى الإستمرار و عدم اليأس هو الآمال المتواضعة من البداية .. بس السؤال هنا ما هى قيمة الاستمرار ده و ماهى حقيقته ؟

 

أحمد بدوي

14 فبراير 2010 

عصف ذهنى عن دور الشباب فى مستقبل قضية التغيير

تتشرف لجنة الحراك السياسى بدعوتكم يوم الاثنين 15 فبراير 2010 الساعة السابعة مساء بمقر حزب الغد بطلعت حرب لحضور حلقة نقاشية مفتوحة و جلسة عصف ذهنى عن مستقبل التغيير السياسى الشبابى فى مصر

يشارك فيها مجموعة متنوعة رائعة من نشطاء التغيير السلمى , مدونين و حزبيين و أعضاء حركات سياسية و احتجاجية شبابية و اعلاميين مستقلين لمناقشة مستقبل التغيير السياسى السلمى فى مصر و المسئولية الواقعة على الشباب فيه فى الفترة القادمة

الدعوة مفتوحة للجميع للحضور و النقاش و طرح أفكار و آليات جديدة

الأهداف المطلوب تحقيقها :

1تبادل الأفكار و الخبرات خصوصا بين الشباب ذوى الخبرة و المنضمين حديثا لدائرة الفعل السياسى

2اقتراح و ابتكار آليات جديدة للتعاون الفعال بين قوى التغيير الشبابية المختلفة سواء السياسية أو الاحتجاجية أو الاعلامية

3قد تكون هذه الجلسة بداية لسلسلة من حلقات العصف الذهنى فى المستقبل تكون فى حد ذاتها احدى طرق التعاون الفعال و رأب الخلافات بين القوى الشبابية و بعضها البعض


من أبرز الناشطين الذين أكدوا على الحضور حتى الآن

كمتحدثين : - أحمد ماهر - ناصر عبد الحميد - محمد عواد - أحمد صلاح

و يسعدنى أن أتلقى اتصالاتكم لتأكيد الحضور أو الاستفسار أو تقديم الاقتراحات على رقم 0108457032 و رقم 0111097686
=======

أحمد بدوى
مسئول لجنة الحراك السياسى بحزب الغد بالقاهرة

من أوجاع الحكيم خرفان

وحيد وسط الزحام ، أنينه مغطيه بابتسام ، لمعت عيونه ماتعرف دمع ولا ضي ، سكت لسانه ماتعرف ميت ولا حي

من أقوال الحكيم خرفان

علمني أحد العبيد : إذا أصررت علي إختياراتك الحرة فلا تصدع رؤوسنا بما عليك دفعه من ثمن ، لو كنا نأبه - قالها : جف إت آ شت - لما كنا عبيد نحن أنفسنا

***********************************************************

الممثل العظيم لا شئ بدون مؤلف عظيم ومخرج عظيم

محمد صبحي تحول إلي ممثل ثقيل الدم شديد المباشرة بعدما ترك لينين الرملي
وهذا ينطبق علي السياسة أيضا

 http://www.facebook.com/note.php?note_id=295592093033

استغراب سريع عن ترشيح أيمن نور واختيارات من متعدد

مش غريبة أن الناس اللي طقلها عرق لما أيمن نور قال أنه حيرشح نفسه واتهموه بتفتيت الأصوات وشق "الإجماااع الوطني " قصاد البرادعي مفتحوش بقهم بربع كلمة ولا سطر عن حدوتة ترشيح حمدين صباحي ؟ و محدش فيهم قال إن ده تفتيت أصوات ولا شق للإجماع ولاشق التعبان حتي ؟

يا تري ليه ؟ اختر الإجابة مما يلي

-لأن اللي طرحوا اسم حمدين قوميين وليس علي الناصري ولا القومي حرج

-لأنهم عارفين أن حدوتة ترشيح حمدين فشرة ناصرية زي كل انتصارات الناصريين بإمتياز .. علي الورق بس ؟

-لأنهم عارفين أن ترشيح حمدين مش حيفتت أصوات أصلا

-كل ما سبق

-إجابة أخري لوذعية تذكر

http://www.facebook.com/note.php?note_id=295519293033 

من نصائح الحكيم خرفان

يمكنك دائما أن تتطفل علي أفراح الآخرين وتفرح معهم وتضحك ملأ فمك إن لم تجد فرحة خاصة بك ,,, فهذا ما أفعله

بلا مستقر

لحظة صفاء ترفعني فوق السحاب ، ملايين الشذرات من الأفكار تتطاير كسحابة حول عقلي بلا تلقيح يتولد منه فكرة جديدة

لحظات مروعة كسماء مليئة بالنجوم المحرم لمسها
كم أحبها ! و كم أخشاها !وكم أخشي أن أؤذيها ! وكم أخشي أن أفقدها كما فقدت أجزاء من روحي و أصدقاء ولحظات مثل هذه !
الكثير من الشكوك و العدم من اليقينيات
هل أنا موجود حقا ؟ هل تفكيري يعني يقينا وجودي ؟ هل أنا أفكر أم أحلم أم أنا كينونة أخري غير ؟

تعقدت المسألة ياهاملت كثيرا ! فلم تعد ببساطة أكون أو لا أكون
أتساءل أيضا : من أكون و كيف أكون ،، بل ربما أنا أكون ولا أكون في نفس الوقت أو لا شئ منهما .. من يدري !؟

أتأمل كما كان يفعل بوذا ولكنني أسير وسط مكان من صنع الإنسان في مجمله ،، لم يخلق الله هذا الأسفلت لنسير عليه ، بل الإنسان صنعه
لم تأتي تلك الشجرة هنا بإرادة إلهية بل بإختيار بشري

ربما يختار الله شكل الشجرة وعدد مافيها من كائنات
لكن إنسان إختار نوعها و مكانها وبيئتها المصنوعة بأيد بشرية

لم أعد أمتلك نعمة أن أؤمن بأن كل شئ يحدث كما يقدر له ، فتلك الشجرة لم توجد هنا لولا قرار وإرادة بشرية
فإذا كانت تلك الإرادة مقررة من قبل فلا معني لأن يسأل كاتب السيناريو أبطاله عما أراد لهم أن يفعلوا

حماقة إنسانية بإمتياز ،، تليق بمن يظن أنه إما أن يكون أو لا يكون و لم يضع في إعتباره إحتمالات أخري مختلفة

تضامنا مع ضحايا وائل عباس

Cables for Ahmed Maher Aglan

and Lollipops for Ashraf Maher Aglan

We want to express our deep concern about the broken cable of Egyptian Ahmed Maher Aglan.

Involved in this case:

Wael Abbas, owner of the “Misr Digital” blog www.misrdigital.blogspirit.com

Ahmed Maher Aglan, Abbas’ neighbour.

Ashraf Maher Aglan, police officer, Ahmed Maher Aglan’s brother.

A cable.

Wael Abbas (http://www.youtube.com/watch?v=ZbRgKjq9Lbk) had granted Ahmed Maher Aglan access to his internet subscription via a cable.

A common practice in Egypt.

Abbas writes on his blog that on the morning of April 9, 2009, Aglan telephoned Abbas requesting that they check the internet because it was not working.

Abbas found that there was nothing wrong with internet and “went back to sleep.” Aglan telephoned him again and verbally abused him.

Abbas hang up.

Aglan and his police officer brother Ashraf Maher Aglan, arrived at Abbas’ home and physically assaulted him.

Abbas was left with a broken tooth. And with bruise.

The lawsuit was filed against Abbas by his neighbour Ahmed Maher Aglan and Ashraf Maher Aglan on charges of damaging his internet cable.

Wael Abbas was ruled in absentia in November 2009.

He has been sentenced six months in jail and LE 500 pounds as a lawsuit

This upsetting case has convinced us, to collect internet cables as much as possible for Ahmed Maher Aglan.

And Lollipops for Ashraf Maher Aglan because of all the unpleasant trouble.

If you also want to make Ahmed and Ashraf Maher Aglan happy again,

Please donate new internet cables and Lollipops.

We assure we’ll hand it to the Aglans.

Please send it to:

www.elma7rosa.net / The Egyptian Democratic Institute

*The Kristin and Shahi – Show”

64, Abdel Salam Aref Street.

Cairo-Downtown

Egypt

كيف نستقبل البرادعى و لماذا ؟

ببساطة و بغض النظر عن اتفاقنا أو اختلافنا مع د.البرادعى نفسه أو مشروعه الاصلاحى أو ما قدمه لمصر فى الفترة الماضية و ما ننتظره منه فى المستقبل

فإن نجاح عملية استقبال البرادعى فى المطار يوم 19 فبراير يجب أن يقاس من وجهة نظرى بالآتى :

أولا : يجب أن يكون فى استقبال د.البرادعى فى المطار - و يمكن بالمثل تنظيم استقبالات شعبية رمزية بالمحافظات - مالا يقل عن 8000 مصرى ( 1\1000 من العدد التقرييى الكلى لأصوات الناخبين فى مصر)

ربما يبدو عدد ال8000 مصرى مشارك فى حدث سياسى هو عدد ضخم مقارنة بأى فعالية سياسية سابقة لكننى لا أظنه عددا ضخما اذا ما قارناه بعدد المحتفلين بفوز المنتخب فى أى ميدان من ميادين القاهرة - مثلا -

و يمكن تحقيق هذا العدد على أرض الواقع اذا قام منظمو هذا الحدث\الاحتفالية بتوصيله و نشره بكل الطرق للمصريين العاديين الذين لا ينشغلون يوميا بالعمل السياسى أو المجتمعى و لكنهم يظهرون ميلا للتحرك فى أوقات الأحداث الضخمة فقط

ثانيا : يجب أن يكون الحاضرين فعليا ممثلين لمختلف طوائف و فئات الشعب المصرى المختلفة .. المسيحى و المسلم - الغنى و الفقير - المثقف و الأمى - الموظفون و الطلاب و المهنيون - الأحزاب و رجال الدين و الأخوان و حتى من الحزب الوطنى نفسه ... الخ

ثالثا : يجب ان يقف الجميع بصورة متحضرة فى صفوف أمام قاعة الاصتقبال بدون أى احتكاك مع الأمن - بل و ربما يجب على من يتصدى لتنظيم ذلك اليوم أن ينظمه بالتعاون مع رجال الأمن - و يجب على جميع الحاضرين الاستعداد المسبق لضبط النفس و عدم التجاوب مع أي من مثيرى الشغب ممن يقوم جهاز أمن الدولة متفضلا بإرسالهم فى مثل تلك المواقف لأظهار الشعب المصرى على أنه شعب همجى لا يمكن أن يحكم دون عصا الأمن الغليظة فى .. قفاه

و يجب ألا يكون تواجد ألوف المصريين فى الطرقات حول المطار أو قاعة الوصول سببا فى إرباك المرور أو إعطاء أى ذريعة لتشويه الزحف العظيم فى ذلك اليوم

رابعا : لا يجب أبدا أن يتم تفويت تلك الفرصة النادرة دون جولة مكشوفة يقوم بها الدكتور البرادعى بين مستقبليه بالسيارات فى شوارع القاهرة إعلاما للمواطنين الغير مسيسين و الذين ستحاول كل وسائل الإعلام الحكومية التعتيم عليهم قبل الحدث و يمكن أن يتم كسر هذا التعتيم - و لو جزئيا - بمسيرة سيارات ( و وسائل نقل اخرى متاحة ) ضخمة من الأنصار و المؤيدين الذين سيستحيل عمليا جمعهم لمناسبة مماثلة لفترة طويلة بعدها و يجب أن يتم استغلال حماسهم فى تلك اللحظة بأفضل الطرق الممكنة و المشروعة لعمل زلزال سياسى فى مصر

==========

لماذا يجب - من الأصل - أن تنجح احتفالية استقبال البرادعى فى المطار ؟

لو كنت ممن لا يرون أهمية خاصة فى هذه المناسبة فإنه يهمنى ان تقرأ السطور القادمة ببعض التركيز

أولا تعريف بسيط أراه ضروريا بكاتب تلك السطور

ناشط ليبرالى و مدون و عضو بحزب الغد و حركة كفاية منذ 2004 و أحد معتقى اضراب أبريل 2008 و عضو الحركة العالمية من أجل الديمقراطية

و ما يهم القارئ الذى وصل حتى هذه السطور هو أن الكاتب هو أحد أكثر مؤيدى ترشيح د.أيمن نور للانتخابات الرئاسية القادمة فى 2011 لأسباب سوف يتم شرحها تفصيليا فى مقال لاحق - بل و يتفق أيضا مع النقطة الهامة التى أثارها مخالفين البرادعى من أنه ظل ما يقرب من ثلاثة عقود خارج الأراضى المصرية و بالتالى فهو لا عن حقيقة مشاكلها الكثير

بمعنى آخر فإن الكاتب يمكن اعتباره من غير المؤيدين للدكتور البرادعى كمرشح للرئاسة حتى هذه اللحظة و لكنه رغم ما قد يبدو من تناقض هو مع إنجاح ذلك اليوم - يوم استقبال د.البادعى فى المطار - بكل الوسائل

لماذا ؟

لأنها مناسبة - كما قلت - لن تتكرر كثيرا فى السنوات القريبة القادمة و يجب استغلالها بأفضل و أنجح الطرق لكى تكون بداية موجة جديدة من دفع المصريين للإهتمام بمستقبلهم السياسى كتلك الموجة التى تلت غزو العراق فى 2003 و صاحبت انتخابات الرئاسة فى 2005

إن قوى الإفساد و التخريب فى مصر وصلت لمرحلة من الثقة و الرسوخ لدرجة يمكن فقط الاشارة إليها بأنها تخطط لتجفيف ثروة مصر الحضارية المتمثلة فى معالمها الأثرية و مستقبلها التعليمى لسنوات مقبلة و يجب علينا أن نستغل كل حدث مهما كان صغيرا أو كبيرا للضغط فى اتجاه المزيد من الانفراج الديمقراطى الذى لن يتحقق إلا بضمان مشاركة أكبر عدد ممكن من المصريين فى أى عملية انتخابية مقبلة و قيامهم بمقاومة التزوير و الاستبداد بكل الأشكال

يجب إنجاح احتفالية استقبال الدكتور البرادعى بكل الطرق حتى تكون رسالة لهذا النظام و لكل متنطعيه من مرتزقة المعارضة الأمنية و للشعب المصرى نفسه و للعالم بأن المصريين وصلوا لقدر عظيم من النضج السياسى و أمسوا قادرين حقا على التحرك من أجل انتزاع الحرية من أنياب المفسدين فى الأرض

Have You Ever Really Loved A Woman?

To really love a woman
To understand her - you gotta know it deep inside
Hear every thought - see every dream
N' give her wings - when she wants to fly
Then when you find yourself lyin' helpless in her arms
You know you really love a woman

When you love a woman you tell her
that she's really wanted
When you love a woman you tell her that she's the one
she needs somebody to tell her
that it's gonna last forever
So tell me have you ever really
- really really ever loved a woman?

To really love a woman
Let her hold you -
til ya know how she needs to be touched
You've gotta breathe her - really taste her
Til you can feel her in your blood
N' when you can see your unborn children in her eyes
You know you really love a woman

When you love a woman
you tell her that she's really wanted
When you love a woman you tell her that she's the one
she needs somebody to tell her
that you'll always be together
So tell me have you ever really -
really really ever loved a woman?

You got to give her some faith - hold her tight
A little tenderness - gotta treat her right
She will be there for you, takin' good care of you
Ya really gotta love your woman...

Then when you find yourself lyin' helpless in her arms
You know you really love a woman
When you love a woman you tell her
that she's really wanted
When you love a woman you tell her that she's the one
she needs somebody to tell her
that it's gonna last forever
So tell me have you ever really
- really really ever loved a woman?

Just tell me have you ever really,
really, really, ever loved a woman? You got to tell me
Just tell me have you ever really,
really, really, ever loved a woman?

=========================

I Didn't know there is such a beautiful Song ,, but after hearing it for the first time I wondered if there is such a beautiful Love !

فانتظرها

فإنتظرها
وإن طال الغياب .. فانتظرها
و إن كان بينكما ألف باب .. فإنتظرها
وإن ضاق صدر الكون بك .. فإنتظرها

موت موت

عندما لفظ الموت أنفاسه الأخيرة في ساحة القرية أمام الجميع بسبب طعنة وجهها له ابن عمدة القرية الجندي الشاب العائد من ميدان المعركة حديثا
أقيمت الإحتفالات ورقص الراقصون وشرب الجميع بدون توقف نخب الحياة الأبدية
حتي العمدة نفسه غير رأيه في ابنه المستهتر احتفالا بموت الموت


ولكن بعد مئات الأعوام من الإحتفال المتجدد كل ليلة كانوا جميعا يجلسون بوجوه متغضنة متعبة وجلود متهالكة متآكلة وآلام عظام لا تكاد تنتهي حتي تبدأ -لا يقدرون علي الحركة فضلا عن الرقص


الجميع عدا إبن العمدة الذي ظل علي شبابه وحيويته يزور كل ليلة فتيات القري المجاورة ويعود في الفجر ليبدأ الإحتفال من البداية


وفي اللحظة التي كان كل منهم يتمني الموت ليخلصه من حمل أوجاع مئات السنين
كان الجندي الشاب يزوره في بيته ليمتص روحه برضاه ليضيف لعمره رصيد من سنوات جديدة طبقا لإتفاقه المبرم مع الموت الذي زاره وهزمه وصادقه في ميدان المعركة منذ سنوات بعيدة


لقد أشتكي للموت صغر سنه ورحيله المبكر بلا معني وأشتكي له الموت كراهية الناس له ونفورها منه


ومن هنا بدأت الحكاية بالتمثيلية التي صنعها الصديقان سويا

حلمت امبارح إنى بطير

 Uploaded via Facebook Mobile

 

حلمت اني بطير ، كل مرة بحلم إني بطير بحس أنها أول مرة طيران حقيقية ومفيش ولا مرة عرفت إنه حلم ، وقبل كدة زمان أوي حصل إن كذا حلم ورا بعض كنت بتمرن علي الطيران بالتدريج ، كل مرة بتعلم أبقي أعلي و أحافظ علي توازني أكتر ومخافش من الطيران العالي ، كان أول تدريب في شارع بيتنا : أجري بسرعة وأفرد إيدي و أرفع نفسي في الهوا كذا متر و أنزل خفيف و بعد كدة بقيت يادوب أعدي فوق الأتوبيسات وكنت زمان أوي بحب بنت ساكنة في الدور التالت بطير لحد ما أقف قصاد شباكها عشان أطمن عليها

إنهاردة طرت علي شط البحر و كنت شايف المراكب وبقول سبحان الله و قابلت محمد عيد

أول مرة أكتب عن الطيران لأني لما بفوق بنسي التفاصيل بس المرة دي بكتب وأنا لسة مقمتش

لما بتكلم عن الطيران مش بييجي تاني ، بيعاقبني ، قبل كدة طرت أعلي حاجة فوق عمارة عالية أوي وخفت أنزل

كل مرة بحس انه شئ طبيعي ومش غريب ومبقاش عاوز أصحي

حلمت زمان بأن ميس أماني بتاعة الإنجليش بتاعتي لحد 3 ابتدائي اللي كانت بتقول لي يابططساية وقفت علي باب الفصل وكل الولاد دخلوا باب وأنا مدخلتش معاهم ودخلت باب تاني لوحدي

ده غير الراجل ال جالي في الحلم وهددني انه حيموتني فقلت له ماتقدرش ، ده الحلم بتاعي ولو موتني حتموت أنت كمان راح هرب

الأوبانشيد - حكمة الهند الخالدة

كتاب "دين الإنسان" للكاتب فراس السواح يستعرض فكرة الدين كظاهرة انسانية بشكل علمى و يحاول الوصول فى فصول الكتاب الى ماهية الدين من عصور ما قبل التاريخ حتى الحاضر و يقارن بين أديان ما قبل الألوهة فى العصر الحجرى و أديان الثقافات المختلفة فى الشرق الأقصى - التاوية و البوذية و الهندوسية و الجاينية و الشرق الأوسط القديم و ديانة القبائل الأسترالية بوصفها أكثر الجماعات البشرية المعاصرة بدائية و الفكر الصوفى الاسلامى و يصل فى نهاية الكتاب إلى نظرية علمية جديدة عن سبب نشأة ظاهرة الدين لدى الانسان

و يذكر الكاتب فى بعض فصول الكتاب مقتطفات من الأقوال المأثورة أو الكتب المقدسة لبعض تلك الديانات و قد قمت بنقل جزء من الفصل الثالث و الذى يتحدث فيه عن الهندوسية و عن كتاب الأوبانشيد الهندى الذى يطلق عليه أيضا حكمة الهند الخالدة

الكتاب رائع للغاية و ملئ بالمعلومات العلمية و التاريخية و الفلسفية و أنا و إن كنت لم أصل بعد لنهايته عند كتابة هذه السطور الا أننى استمتعت و استفدت بكل سطر كتب فيه

و أنا و إن كنت لا أستطيع قراءة الكتب الإلكترونية و استعرت الكتاب من مكتبة د.أيمن نور الخاصة الا أنه يمكن الحصول على نسخة اليكترونية على هذا الرابط مباشرة
http://www.4shared.com/file/31906861/5428469e/__-__.html?s=1

و الذى مصدره جروب اتحاد العلمانيين العرب و التى يرجع اليهم الفضل فى تزكية هذا الكتاب فى المقام الأول
http://www.facebook.com/group.php?gid=25835846141#/group.php?v=info&gid=25835846141

و قد نقلت هذا الجزء مع وضع الكلام المنقول مباشرة من كتاب الأوبانشيد بخط ثقيل حتى يسهل فصله و قراءته وحده دون تعليقات و شروح الكاتب

==============================================


نقلا عن كتاب "دين الإنسان" لفراس السواح
ص 270

فى التصوف الإسلامى هناك تمييز بين نوعين من المعرفة , يطلق على الأول علم السطور و الثانى علم الصدور.

يؤخذ علم السطور عن الكتب و يكتسب بالدرس و التعلم و تحصيل المعلومات ,, أما علم الصدور فيجرى نقله عبر الأجيال من الشيخ إلى مريده دونما حاجة إلى رقاق و كراريس لأن هذا العلم مختزن فى صدور أهله لا يباح به الا لمن هو أهل لتلقيه . و هذا هو بالضبط ما تشير إليه تسمية الأوبانشيد , فالكلمة تعنى المعرفة القريبة , أى تلك التى يجرى تلقينها عن قرب من المعلم (=الغورو) إلى السالك فى طريق الإنعتاق

يعود الأوبانشيد إلى القرن الخامس قبل الميلاد , و هو يختتم الأسفار المقدسة التقليدية المعروفة بالفيدا و التى تشكل نخاع الهندوسية الكلاسيكية . و يتألف الكتاب من أحد عشرة سفرا صاغها حكماء متفرقون , و لكنها تنتظم فى سياق فكرى واحد ,, فهى تأملات عميقة فى النفس الكونية براهمان و فى النفس الإنسانية أتمان

و يطلق على كل سفر من هذه الأسفار إسم أوبانشيد مضافا إليه الإسم الخاص بالسفر , مثل كين أوبانشيد , إيش أوبانشيد . و رغم صغر هذا الكتاب مقارنة بأسفار الفيدا السابقة عليه إلا أن تأثيره على فكر الهند كان أقوى من تأثير أى كتاب آخر

تقوم تأملات الأوبانشيدات حول معرفة براهمان , الذى يقوم وراء الزمان و المكان و وراء كل المجالات التى يمكن لأفكارنا الإنسانية أن تجوس خلالها
.

أنه بلا هيئة , بلا شكل , بلا إسم , بلا خصائص أو صفات , إنه الحقيقة الوحيدة و ما عداه مجرد ظهور عابر , فكل ما نراه من أشكال وهيئات لا حصر لها أشبه بإنعكاس نور ألف شمس فى قطرة صغيرة من الندى ما تلبث أن تجف و تتلاشى

تقرأ فى كين أوبانشيد :

هو الذى لا تدركه الأبصار
و به تدرك الأبصار

هو الذى لا تسمعه الآذان
و به تسمع الآذان

هو الذى لا يوضحه كلام
و به يتضح الكلام

هو الذى لا تطاله العقول
و به تعقل العقول

هو المختلف عما نعرف
و هو المختلف عما لا نعرف

إنه براهمان
أعرفه فى صميم ذاتك
ولا تعبد أيا سواه

= = = = = = = =

لا أعتقد أنى أعرف عنه شيئا
ولا أعتقد أنى لا أعرف أيضا

لا يعقل أن يعرفه المرء
لا يعقل ألا يعرفه أيضا

من يدرك منى هذا القول
ربما عرفه قليلا

و الحكيم الذى يلمس حضوره أنى يتوجه
يجتاز بحار الوهم و يدخل الأبدية

(Ken Opaniahad 2)

و حول هذا المعنى يقول النفرى - المتصوف الإسلامى - فى "المواقف" : الجهل حجاب الرؤية, و العلم حجاب الرؤية . أنا الظاهر لا حجاب و أنا الباطن لا كشوف . و قال لى من عرف الحجاب أشرف على الكشف

عن هذا المجال القدسى الذى لا تلحقه الأسماء و الصفات و المدعو فى الأوبانشيدات "براهمان نرجونا" . أى المنزه عن الأسماء و الخصائص ,, ينشأ "براهمان ساجونا" أى ذو الخصائص و الأسماء

و يحقق براهمان هذه النقلة من الكمون إلى الظهور بالأسماء و الصفات بواسطة قوته (مايا) فينشأ عن براهمان ساجونا الطور الثالث للألوهة و هو قناع الإله الخالق هيرانيا جاربا أو الإبن البكر .

و عند هذا القناع تقف أفهام الناس الذين يتقدمون إليه بفروض العبادة و يقربون القرابين ,, إلا من أراد منهم إجتياز بحر الوهم و الدخول فى الأبدية

بعد معرفة براهمان عن طريق إختراق حجاب الإله الخالق إليه , يؤكد حكام الأوبانشيد على الفكرة الهامة الثانية , و هى أن النفس الإنسانية التى تبدو منعزلة فى الجسد المفرد ليست إلا قبسا من نفس براهمان الكلية و هذا هو معنى قول السيد المسيح فيما بعد : " أنا و الآب واحد , فمن رآنى رأى الآب" . و هو أيضا ما قصده الحلاج إبن منصور - المتصوف الإسلامى - عندما أنشد

أنا من أهوى و من أهوى أنا . نحن روحان حللنا بدنا
فإن أبصرتنى أبصرته و إذا أبصرته أبصرتنا

فبراهمان يقيم فى سويداء قلب الجسد الحى , و هو الذى يدفع من هناك الأنفاس شهيقا و زفيرا

هو رب اليوم و رب الغد
و لكن القلب الذى بحجم إصبع الإبهام
مقر له و مكان
من يعرفه فى صميم قلبه
لا يعرف الخوف ولا الأحزان
من سويداء القلب حيث يقيم
يدفع أنفاس الزفير خارجا و يجذب أنفاس الشهيق داخلا
و الحواس الخمس خدم له
فما الذى يبقى من هذا الكائن الإنسان
بعد أن ينقطع عن سيده الداخلى ؟

(Kath Opanishad ch2)

و المقصود بأن الحواس الخمس خدما له , هو أن براهمان , الذى يسكن النفس الحية, إنما يتملى جمال الخلق الذى صدر عنه بحواس خلقه .

فهو الخالق و الخلق و الصفة بينهما , المستمتع و المستمتع به و فعل الاستمتاع , كما سيقوله لنا مقطع آخر . فإذا انقطع هذا البدن عن سيده الداخلى و خميرته الحية لا يبقى منه سوى تلك النفس الخالدة التى تعود الى براهمان.

أما عن القلب الذى لا يتجاوز فى حجمه إصبع الإبهام و مع ذلك يتسع للمطلق , فيذكرنا بقول الشيخ محيى الدين بن عربى فى فصوص الحكم : "اللسان ترجمان الجنان .. و الجنان متسع الرحمن , و هو له بمنزلة المكان , فما وسع الرب إلا القلب )

و تتكرر فكرة المطلق الذى يبث نفسه فى خلقه بتنويعات مختلفة

الذى من أجل هناءته بخلقه
أودع نفسه فى كل كائن
و بعد تعرفه على حقيقة ذاته
حرر نفسه من كل القيود
هو السيد الكلى المعرفة
و هو النفس الغافلة الجاهلة
هو الرب و هو العبد
بالطبيعة غير المخلوقة تم هذا الخلق كله
و خلق المستمتع به و فعل الاستمتاع
فالحكيم الذى يعرف هذه الوجوه الثلاثة لبراهمان
يتحرر من كل قيد

(Svetasva Ta Opanishad 1)

فبراهمان يودع نفسه بما لا يحصى من الكائنات الحية , ثم يحرر نفسه من قيوده فى المادة عندما تتحرر الأرواح الحبيسة فى الأجساد . فهو المطلق بوجه , و بالوجه الآخر و بالوجه الآخر هو تلك النفوس الحبيسة فى الأجساد غافلة عن أصلها و مصدرها .

أما الطبيعة غير المخلوقة التى تم بواسطتها الخلق ,فهى طبيعة براهمان أو قوته , فهى غير مخلوقة أو مولودة لأنها كانت معه منذ الأزل . هذا يذكرنا بمطلع إنجيل يوحنا : " فى البدء كان الكلمة . و الكلمة كان عند الله , و كان الكلمة الله , هذا كان فى البدئ عند الله , كل شئ به كان و بغيره لم يكن شئ مما كان
"

و الإنسان ليس المجلى الوحيد لحقيقة براهمان , بل كل المظاهر الحية و الغير حية أيضا

أنت الفراشة و أنت النحلة
أنت الطير الزاهى الألوان
أنت السحاب المرعد المبرق
أنت الفصول يتبع بعضها بعضا
أنت المحيطات الزاخرة الهائجة
أنت الموجود بلا نهاية
و أنت الواحد
الذى ولدت منه كل هذى العوالم

( Avetasva Opanishad 4)

و يستعمل حكماء الأوبانشيد تعبير "ذلك هو هذا " أو " هو أنت " للتعبير عن تماثل الماهية بين الخالق و خلقه , بين الخلق و الحق

ذلك هو هذا
فكما يتطاير الشرر من النار المتأججة
كذلك تصدر كل هذه الكائنات المختلفة
عن الحقيقة الخالدة
ثم إليها يكون سعيهم و مآلهم

( Mundak Opanishad 2 )

كما يغزل العنكبوت خيوطا فى جسده
ليصنع منها نسجا ثم يستعيدها إليه
كما تنطلق النباتات من أديم الأرض
كما ينمو الشعر من بشرة الإنسان
كذلك يأتى الكون إلى الوجود
من براهمان الأبدى الذى لا ينقص

( Mundak Opanishad 1 )

أكبر من أى كبير نتصور
و أصغر حتى من ذرة الهباب
فأبحث عنه فى أعماق ذاتك
ليكن الأوبانشيد قوسك , و العقل سهمك
و الأحاسيس وترا لك
شد وترك و صوب نحو براهمان
هدفك الوحيد

( Mundak Opanishad 2 )

كما تفقد الأنهار الجارية أسمائها و أشكالها
لتنتهى فى المحيط الكبير
كذلك يترك الحكيم وراءه اسمه و شكله
و يذوب فى ذلك العظيم العظيم

( Mundak Opanishad 2 )

لا تدركه الأبصار ولا تحيط به الكلماتلا تصل إليه بالأضحية و التكفير
بل بالمعرفة التى تجلو العقل
بتأملات العقل الصافى وحده
يتجلى لك براهمان فى كليته

( Mundak Opanishad 3 )

و المقصود بالعقل الصافى هنا , ليس العقل التحليلى , بل العقل بكليته بعد أن يتخلص من قدح زناد الفكر و إعمال الذهن , إنه اللافكر الذى بشرت به التاوية كطريق للعرفان