أرفض انتخاب محمد عبد الحى عضوا بالهيئة العليا للغد للأسباب الآتية

قام الزميل الكاتب محمد عبد الحى بنشر مقال على الفيس بوك بعنوان "انا ليه نزلت انتخابات الهيئه العليا ف حزب الغد" و قد قمت بالرد عليه فى مجموعة ردود رأيت أن أنشرها فى مقال واحد مجمع حتى أحتفظ بها للمستقبل

و برغم حساسية موقفى كمرشح فى نفس الانتخابات الا أن دخول الأستاذ محمد على مقعد الكبار و دخولى على مقعد الشباب يعفينى من الكثير من الحرج حيث كل منا مرشح على منصب مختلف ولا شبهة لمنافسة بينى و بينه و إنما رأيى أبديه كعضو عادى حزب الغد

يمكن قراءة نوتة الزميل محمد عبد الحى هنا
http://www.facebook.com/note.php?note_id=382168747828

وسأكتب ردودى هنا مباشرة

<أولا يا محمد تقبل تحياتى على شجاعتك فى دخول انتخابات العليا فى حزب الغد بعد كل الهجوم اللى هاجمته للحزب ووصفه فى أكتر من مقال بأنه دكانة و نصبايةو عصابة فاسدين و فشلة

و ده من كلامك
========

اتمنى أن كل الأحزاب الموجوده تولع بجاز و نستريح منها و كفايه الخراب و العبط السياسى ألى عملوه ف البلد و جايين بعد كده عايزيين يخدو من المواطنين مرتبات شهريه طب ليه و علشان أيه هما اصلا أضافو للجيل بتعنا ايه علشان نصرف عليهم مستشفى السرطان أو أطفال الشوارع أو شقق للمتضررين من الكوارث أولى بكل مليم من الكدابين المنافقين بتوع الأحزاب ف مصر

قايمه بالأحزاب الفاشله ف مصر و عددهم 24 حزب فاشل :
منهم

حزب الغد

Mohammed Abd El Hai
عيب يا عمر أنت عايز بتوع الأحزاب يزعلو منك أنت عايز تضيع منهم السبوبه ألى بيعملوها من الأحزاب

المصدر
http://www.facebook.com/note.php?note_id=50432887828

-----------------------------------------------------------

ثانيا : أنا مش حقدر أديك صوتى ولا أقتنع أنك شخص ليبرالى أصلا لأنك ببساطة لا تؤمن بالرأى الآخر و بتوصم أى حد بيعارض رأيك بأنه مريض نفسى و معمول له غسيل دماغ

---------------
و ده برده من كلامك

طبعا فيه شويه بنى أدمين مش هايعجبهم الكلام ده نتيجه لخضوعهم لعمليات غسيل مخ أو عندهم مشاكل نفسيه ف تقبل أراء الأخرين
---------------

و كأن رأيك هو الصواب المطلق و أى رأى مخالف ليك يبقى جنون و مرض نفسى!!!

و بالتالى أنا مش مقتنع أنك شخص ليبرالى يصلح ليكون قيادة حزبية فى حزب مفروض أنه ليبرالى أو بنحاول بكل طاقتنا نخليه ليبرالى و مفيش أى دليل أنك فى حالة توليك منصب حزبى أنك تكون أكثر ديمقراطية و تقبل لآراء الآخرين من أى حد بتنتقده من قيادات الأحزاب فى أى حزب

المصدر
http://www.facebook.com/note.php?note_id=328882807828

========

ثالثا : بغض النظر عن هجومك عن الغد - اللى هو رأيك و انت حر فيه طبعا - لكن أنت كلامك متناقض الى أبعد الحدود

مرة تقول أن الحزب كان مؤسسى فى 2005 و بس(مع ان 2005 كانت فترة لا تسمح أصلا بحدوث انقسامات بسبب سرعة الحركة فيها ) و أنه بدأ التخريب و الانقسام فيه مع تولى السفير ناجر الغطريفى لقيادة الحزب

من كلامك
جه موضوع حبس الدكتور ايمن نور و ساعتها مسك سياده السفير ناجى الغضريفى رئاسه حزب الغد و الصراعات بدأت داخل الغد

ما تبقى من القيادات و اعضاء الهيئه العليا كل واحد عمل لنفسه جبهه و انقسم الحزب لعده جبهات

أنا جتلى فتره اتخنقت من الغد بسبب الصراعات و ألى بيتم استخدام الشباب فيها فقولت اقلل نشاطى ف الحزب و ده كان ف اول 2007


=========

و مرة تانية فى موضع تانى خالص بتقول ان الحزب كان شغال كويس و أن أيمن نور هو اللى خربه لما خرج من السجن !!!

------

والناس ديه ملهاش غير هدف واحد هو الشهره ثم الشهره ثم الشهره و كتير منهم جتلهم الفرصه انهم ينجحو وفشلو فشل مقصود

و اوضح مثال على كده أيمن نور و ألى عمله ف حزب الغد أول ما طلع من السجن بوظ الحزب ليه منعرفش روحو أسألوه

المصدر
http://www.facebook.com/note.php?note_id=328882807828
========

و أنا معنديش أى مشكلة أن ده يبقى رأيك و نختلف أو نتفق عليه ... لكن المشكلة فى أن الآراء المتناقضة دى لا تدل على قدرة على اتخاذ قرار واضح ولا وجود رؤية محددة عندك

ياريتك كنت ثبت كلامك على رأى واحد كنا نقدر نختلف عليه

------------------

رابعا : أنت بتقول

-------
و ده ألى خلانى اقرر انى أدخل انتخابات الهيئه العليا لحزب الغد انا بعتبرها فرصه للأصلاح الغد الموجود دلوقتى مش ده الغد الى بهرنى ف بدء حياتى السياسيه
======.


طيب أنا كعضو عادى فى الحزب مش شايف فى اللى انت قلته أى مبرر يخلينى أنتخبك

مش شايف فيك حرص على الحزب و استمراره و سمعته
ومش شايف قدرات خاصة أو معرفة علمية تخلينى أنتخبك من بين كل المرشحين ال80
ولا تاريخ سياسى قوى فى 5 سنين

والأهم أن مفيش أى برنامج اصلاحى ناوى تطبقه لو اختارك أعضاء الجمعية العمومية كعضو هيئة عليا

يعنى انت شايف و بتقول ان الغد حزب زبالة و خربان و منقسم و مسخرة و مصنوع لمصالح فردية

و بتقول ان الحل هو مأسسة الحزب و أنا متفق معاك تماما فى النقطة دى

.. لكن المشكلة ان انت مقلتش انت لو بقيت فى الهيئة العليا ايه اللى حتغيره فى الحزب و ازاى حتحوله لحزب مؤسسى ؟؟
ايه قدراتك التنظيمية اللى تؤهلك لقيادة أو حتى المشاركة فى تحويل حزب فاشل الى حزب ناجح ؟؟

يبدو لى هنا أن شعار المؤسسة هو الحل لا يختلف فى أى شئ عن شعار الاسلام هو الحل اللى طالما اعتبرناه سراب للضحك على الدقون .. فلا برنامج لتطبيقه ولا آليات ولا خبرات سابقة عندك فى هذه النقطة


فى النهاية تقبل احترامى و اختلافى معاك فى الرأى و أرجو الرد بهدوء و من غير اتهامات من نوعية اتهامات الاتحاد الاشتراكى كما ينبغى لمثقف و كانت ليبرالى و أرجو لك انتخابات نزيهة و تمثيل مشرف يحكم عليه أعضاء الجمعية العمومية لحزب الغد

مرض الخوف من الحب

لابد أنك واحد ممن يعانون مرض "الخجل من الحب" لتتصرف علي هذا النحو


تتعامل مع الجميع بلطف ومودة وخفة دم ولا تهتم كثيرا بالتفرقة في معاملتك بين الرجال والنساء وإن كنت تميل أكثر لصداقة النساء علك تعوض ذلك الإحساس بالحرمان من الحنان الذي بدأ غالبا منذ بدايات حياتك


يشيد الجميع بأخلاقك العالية ورزانتك ومواهبك وأحيانا شجاعتك في بعض المواقف وإن أشتكوا من انطوائك واختفائك أحيانا كثيرة من بينهم دون سبب مفهوم


تتعمد - بشكل ما - عدم رؤية الجميلات لأنك مقتنع تماما بأنهن لن يرونك بالمقابل


تشكو دوما من سطحية المجتمع وتخبر نفسك أن الأثرياء والجميلات هم الأكثر سطحية وتفاهة رغم أنك لا تكرههم لأنك تعلمت منذ مدة طويلة للغاية أن تقبل كل شئ علي طبيعته


تتعامل بنوع من التعالي الداخلي ، اذا كنتم أفضل مني في بضعة أشياء فهذا مقبول لأنني أفضل منكم في أشياء غيرها كثيرة


تبحث دائما عن شريكة العمر بين الفتيات الذكيات المتمردات فأنت علي عكس مظهرك وعلي عكس أقرانك تحب التمرد والتغيير ولا تؤمن أبدا أن المرأة مكانها المنزل ، أنت لم تؤمن أبدا بالخضوع لتقاليد الناس ،ولكن لهذا قصة أخري


قابلتها في نشاط ما من أنشطتك التي لا تهم إلا القليلين والتي ترتبط بشكل مباشر بقناعاتك الفلسفية عن المساواة وما إلي ذلك


كنت متألقا كعادتك عندما تشعر أنك وحدك ولا تري عيون الآخرين تتابعك


ترتبك كثيرا وتتلعثم عندما تشعر أن هناك من ينظر لك ولكن علي كثرة عدد المشاركين لم تشعر بعدم الإرتياح


هاهنا قابلتها وهاهنا بدأت المأساة التي لن تنتهي إلا بإهدار كرامتك وفقد صداقة في طور التكون


غالبا لم يخفق قلبك بشدة من أول نظرة فالحب من أول نظرة -في رأيك- سخافة نظرا لتعقد حياة وعقل الإنسان ،لكن ذلك لم يمنع عيناك من التعلق بها ومتابعتها من بين جميع الموجودين


لم تكن أجمل فتاة في القاعة وكنت قد قابلتها من قبل مرة عابرة لم تلفت فيها إنتباهك سوي للحظات لكن مسحة ما من العناد والتصميم علي ملامحها جذبتك إليها


بدأت حالة الإرتباك خفيفة ، تحاول إفتعال المواقف التي تجمعك بها ، تحاول أن تبدو وقورا عندما تشترك في حوار معها وتحاول أن توزع اهتمامك علي آخرين أيضا حتي لا يظهر عليك الاهتمام بها خاصة


مرضي الخجل من الحب لا يغفرون لأنفسهم أبدا الاهتمام الزائد الظاهر بشخص غير مهتم


لذلك فأنت تؤنب نفسك لما لاحظته من اهتمام ، لن تراها ثانية ، ولو رأيتها بالتأكيد لن تشعر بنفس الشعور


الغريب أنكما سوف تصيرا أصدقاء بسبب اشتراككما في العديد من الاهتمامات والغريب أن ادعاءك أمام نفسك بعدم الاهتمام كان ينجح أحيانا في اقناعك أنها صديقة عادية بالفعل ،وكلما اقنعت نفسك بذلك كلما تصرفت بشكل طبيعي


لكن للقلب ألاعيبه ،فكما تنسي مشاعرك أوقات ما وتتعامل معها بتلقائية لطيفة تتذكرها في أوقات أخري تصيبك بالحيرة والقلق والعصبية


العصبية ، العرض الأكثر خطورة في مرضي الخوف من الحب ، ما أن تبدأ الفتاة في ما تظنه استجابة لمحاولاتك -التي لا تعترف بها أمام نفسك أبدا- للفت انتباهها حتي تحل عليك لعنة عدم الثقة بالنفس


وتبدأ الدائرة المفرغة ،لقد أبدت هي بعض الاهتمام وبدلا من أن تصبح أنت أكثر جرأة تصبح قلقا وخائفا من أي خطوة تنفرها منك فتتعامل بدون إرادة بشكل شديد التحفظ يدفعها للتعامل معك بشكل طبيعي كأصدقاء لأنها غالبا تظنك غير مهتم


في تلك اللحظة التي تعود هي إلي التعامل العادي معك تبدأ أنت في الشك فيما أبدته سابقا من التجاوب نحوك


تحاول أن تثبت لنفسك أنها حقا أعجبت بك في لحظة ما وأنه لم يكن وهما وتحاول أن تقترب منها مرة أخري


الآن الأمر اختلف ، لم يعد اعجابك بها هو دافعك بل خوفك علي كرامتك وخوفا من ضياع فرصة جيدة للارتباط


تبدأ في فعل كل ما ذكرته الكتب تحت عنوان وسائل الفشل في الحب


تصبح أكثر عصبية، غيرة، انتقاد لتصرفاتها بشكل سخيف، تؤكد لنفسك أنها تحبك وتحتاجك بينما أنت لن تنهار بدونها


تؤدي تصرفاتك إلي نفورها الذي خشيته من البداية


تنهار صورتك في عينها وتنظر لك علي أنك شخص غير سوي بالمرة


تبدأ ببساطة في تجاهلك ومعاملتك بفتور تام (أو هكذا يخيل إليك) مما يدفعك للمزيد من التمسك بها والتصريح أكثر بمشاعرك التي لم تجرؤ من قبل علي التصريح بها


الآن كلماتك صارت جوفاء ،مبالغ فيها، تتحدث عن وقت مضي ولن يعود


ردها يكون المزيد من التجاهل أو ربما مصارحتك بصراحة بأنك لم تكن يوما في حسبانها


تنهار وتبكي وتنعي حظك و و


لكنك في النهاية تعود تدريجيا لحالتك الطبيعية الوقورة الهادئة التي تحبها فيها في صمت دون مبالغات


هي أكثر حالة تريحك -رغم كآبة الوحدة- في الحقيقة لأنك غير مطالب فيها بأي مجهود أمام نفسك أو مجازفات


تتناهي إلي مسامعك قصة حب أخري تعيشها هي في سعادة فيعصر الألم قلبك حتي تسيل بعض الدموع من عينيك و ...


تنساها في صمت


==========


مرض الخجل من الحب هو مرض نفسي حقيقي كتب عنه عالم نفس أمريكي كتاب سنة 1984 وذكر أن هناك ما يزيد عن عدة ملايين أمريكي مصابين به وتتجه بعض الأبحاث الآن للاهتمام به بسبب تأثيره السئ علي حياة العديد من البشر والمتميزين بوجه الخصوص

بركان حنان ولا زلزال شقاوة -جغرافيا القلب المكسور

يمتلئ كوكب قلبه ببحار حنان وأنهار من رحمة ومحيطات من حب

تعلو أمامها سدود الحيرة والخجل والخوف علي الذات لتسد عليه شرايين التنفس والتنفيس

كلما لمعت نجمة في سماء الكوكب تدافعت موجات حنانه تبعا للمد وللجزر

تتحطم عبارات التواصل علي صخور انشغال الخط عند الطرف الآخر

تفيض المحيطات والبحار وتندفع الرحمة متدفقة من شقوق في حائط الوحدة

يغترف البعض بيده غرفة واحدة من نهر حنانه فيرتوي ويغرق البعض في محيط حبه فلا يجد من مستصرخ يستصرخه

تنهار سدود وجسور ويتوالي زوار الكوكب وتظل في قلبه غصة تشتعل مساء كالشهب

لحظة النسيان

قليلا قليلا رويدا رويدا تنسحب الروح من الجمرة من قلب الحب ، تنطفئ الدمعة فى المقلة من وجع الزهد ، تبتعد الذكري كالفكرة ينساها اللب ، يشتاق كياني للرجفة ترجفها خلايا ذاكرتي من برد البعد

مبروك جالك نوتيفكيشن

جالك نوتيفكيشن ، حد علق علي كلامك ،أو ذكرك في نوت ،أو حطك في صورة
حد افتكرك، إحساس جميل بالوجود والحياة وأنك في أذهان أصحابك

مبروك جاتلك نوتيفكيشن : خلي بالك من نفسك ومتظلمهاش

وفي ذات السياق

وفي ذات السياق لم يعد الحب أمر صحي
مادام من تحبه يصر علي الإنتحار ببطأ ولا تملك له إلا بعض الحزن والأسي في قلبك
وإذا كان حبك يجرح ويؤلم ويضر بمن يحبك بلا ذنب فاعتزل الحب

وفي ذات السياق أصبح الإنشغال في ذاته هدفا أساسيا لكي لا يحرقك التفكير والهم

وفي ذات السياق ضاع الحلم أو تأجل أو أصابه الكثير من الصدأ الذي يحتاج للكثير من المجهود لتنظيفه

وفي ذات السياق تغيرت الأولويات فجأة لدي قادة المستعمرة من القتال من أجل الإستقلال إلي خوض مغامرات الصيد الآمنة الممتعة

وفي هذا السياق كف الأمير الشاب عن أن يكون أميرا شابا يبحث عن الحب والمجد والحرية إلي وليا للعهد في سن الكهولة يطلب الزواج من ابنة الإمبراطور التي لم يرها من قبل ليقوي دولته ويكون أسرة ملكية

وفي ذات السياق توقف الفنان عن حديثه الممل عن الإعتزال و الذي يبتز به عواطف جمهوره بعدما أشترك في المعرض الكبير وأصبح حديث الإعتزال نوعا من الإنتحار لسخافته

وفي ذات السياق امتلأت حجرة الساحر بالأعشاب الضارةو الحشرات بينما ظل هو محبوسا في الصندوق الزجاجي لا يمكنه الخروج

وفي هذا السياق طعن بيبرس قطز ليقتله ويستولي علي مجده وملكه ،، لكن قطز لم يمت من الطعنة وأنقذه رجاله المخلصين وعاد ليحارب بيبرس في حرب ضروس لم تنتهي إلا بعودة الفرنجة ليفتحوا مصر ويضموها لأملاكهم

وفي هذا السياق توقف الرجل العادي عن كونه عاديا ليصبح أقل من العادي بمراحل وليتوقف عن ممارسة الحب مع زوجته عن حب ليتحول إلي ممارسة الجنس كواجب ممل يضيع به طاقته حتي ينام بلا أحلام البتة

وفي ذات السياق توقفت السيدة عن ابتسامتها الساحرة بعد أن قررت تحدي قرار الإدارة بمنعها من تخبئة ملامحها خلف قناع القماش الأسود

يا بلاد لم تكن يوما كبلادي

ولا أقسمن بحريتي وخيالي لأسخرن من كل صنم يعبد ولكنني لن أكسره ،، سأدعه شاخصا للتاريخ ،، وأدعو كل من يأتي بعدي ليحج إليه ساخرا ضاحكا لا مباليا بقدسية الأصنام ولا عبدة الأصنام

لأقسمن بحريتي و خيالي لأحطمن كل قافية ووزن ولأرجمن كل شاعر تاجر ولأفضحن كل أسطورة لا تذيقني شهوة الإبداع

لأحرركم ونفسي من عبوديةالأفكار ولا نهوي في عبودية منبع الأفكار

لنحيا كالأحياء ولتسقط مطابع العقول الصماء

يابلاد لم تكن يوما كبلادي ، فبلادي تسكن الخيال ويحكمها السحر والجمال ولا تحدها جدران الخوف والغباء والمال

يابلاد البلادة وقطع عقل المتجرئ علي الخلاف من خلاف لستي كبلادي في شئ

يابلاد تنجس الجنس و تقدسه و تحرمه وتجرمه ، لستي كبلادي ولن تكوني

يابلاد تحكم الانسان بالسلطان والأوهام و الأديان وتمنيه بجنةالغلمان
امسكي عني قوانينك البلهاء ولتحاكمي نفسك وشعبك بتهمة الإزدراء

ازدراء الإنسان تهمة لو تدرون .. عقيمة

يابلاد العقم والنعال لستي كبلاد العقل والخيال

يا بلاد الخيال انتصري واهزميهم ،لا يحد جيوشك حد ولا يحرم عليها سبت

يابلاد الخيال توسعي واستعمري كل الكوكب حتي ننبثق أنا وخليلاتي خارج الأرض ، خارج المكان والزمان ، خارج حدود أوهام سلطانكم ، فهذا هو موطني الأول

لا سلطان لكم علي اليوم ولا تنظرون ، هنا أحيا مع أفكاري عشيقاتي الفاتنات ، هنا حور العين ومالا لا خطر علي عقل بشري سواي

هنا تشجينا أصوات السكينة الأبدية والظلام المعطر بلا رائحة

هنا لا شئ يقال لأنه مامن سبب للبحث عن سبب للوجود أو اللاوجود

هنا تقتلوني فلا أموت ، فقد خدشت جدار اللوح المحفوظ ولم يعد ثم وسيلة الهية حتي تمحي آثاري من العقل الجمعي للبشرية

هنا أستودعكم في ذلك الثقب الضيق وأنطلق في الكون لا ألوي علي شئ ولا أخشي من شئ

هنا يغسلني العدم و تذوب روحي في العدمية

بروفة قصة مرتجلة

إنطلق منكوش الشعر عاريا أو شبه عاري في طرقات القرية

كان يصرخ مناديا النداهة لتناديه ومناجيا الإله ليراضيه
الكبت يولد الإنفجار ،، قالها الصراف الإيطالي العجوز الذي عرف بنزواته الجنسية في شبابه حتي انه قد أشيع عنه أنه أتي ليعمل في تلك القرية الفقيرة مندوبا عن الباشا بعدما أكتشفوا "زياراته" لكل بيوت قريته أثناء غياب رجال القرية في الحرب الأخيرة وانه أتي لمصر هربا من انتقام رجال قريته

قالت الداية الضخمة التي كانت تتفاخر علي جميع من في القرية - حتي أنها رفضت الزواج من ابن عمها - بمستوي تعليمها العالي و وصولها حتي الإعدادية ،، متساءلة ومعترضة أي كبت يتحدث عنه الخواجة العجوز ؟ ،، لقد ولدت امرأته أبناؤه الثلاثة علي يدي هاتين
قالتها في الكثير من الحسرة علي أعوامها التي ضاعت دون أن تذوق طعم الرجال بسبب تكبرها وأنفتها

قال الشيخ الوقور بل هو مس شيطاني والعياذ بالله

لقد لاحظت انه لم يظهر بالمسجد منذ فترة طويلة

هكذا تحدث دولاريوس نبى الليبرالية الجديدة

سوف لن أعطيك سمكة لأنك لم تستحقها بمجهودك

وسوف لن أعلمك الصيد فأنت أقل من أن تتعلم علي يدي ، كما أنك لن تدفع لي تكاليف تعليمك

ولكنني سوف أكتب كتابا يصف معاناتك بالتفصيل و لسوف أدعوك لحضور حفل توقيع الكتاب لتتفاخر أنني قد ذكرتك في كتابي

عن تمثيلية بلال دياب

واحد صاحبي من برة حزب الغد بعت لي يسألني عن قصة بلال دياب ود.أيمن نور و أنا رديت عليه و حبيت يبقي كلامي معلن عشان لو حد عنده اعتراض علي كلامي يقوله

الموضوع كله تمثيلية من بلال لصالح ايهاب الخولي

دلوقتي أيمن نور بدأ يمشي في خطوات تغيير ايهاب الخولي و ده أحد ردود ايهاب عليه

الناس اللي ضربوا بلال من باب الشعرية فعلا و هو اللي استفزهم عشان يضربوه عشان يستغل القصة دي في تشويه أيمن نور عشان يقوي جبهة ايهاب الخولي اللي سيطرت علي الحزب السنين ال فاتوا

لا أخلاق أيمن ولا ذكاؤه يسمحوا بأنه يعمل حاجة زي كدة تدمر اللي بناه في سنين و ياما صحفيين شتموه و عمره ما واجههم غير بالقانون

هكذا أحبها

حب ، حنان ، عشق ، افتتان ، رغبة ، امتنان ، تسامح ، تعاون ، تفاهم ، اطمئنان ، مودة ، صداقة ، شقاوة ، حرارة ، دفأ ، حميمية ، ابتسامة ، احتواء ، اشتهاء ، احتمال بلا افتعال ... هكذا أحبها

SIN … SINNING … SINNER ذنب .. يذنب .. مذنب

SIN … SINNING … SINNER ذنب .. يذنب .. مذنب


كم مرة أذنبت ؟

لأ

خلينى أقولها بشكل تانى .. كم مرة أذنبت فى حق نفسك ؟

لو سجبت 10 نقط - و معملتش حاجة عشان الموضوع ده - يبقى انت أصلا عايش فى الجحيم وشكلك ناوى تموت هناك

هل عمرك ..

1- استمريت فى العلاقة الغلط مع الشخص للغلط للأسباب الغلط ؟
(ضاعف الذنب لو لسة الموضوع ده مستمر )


2- فضلت فى الشغل الغلط فى الشركة الغلط للأسباب الغلط ؟
(ضاعف الذنب لو لسة الموضوع ده مستمر )


3 – فضلت فى السرير طول النهار بتتمنى لو كنت ميت – أكتر من 3 مرات فى حياتك ؟


4- فضلت فى العربية تحت بلكونة حد و بتتمنى ياخد باله منك ؟
(ضاعف الذنب لو الموضوع ده بيحصل و انت اكبر من 21 سنة)
-- نفس الكلام لو بتعمله على الفيس بوك


5- فضلت فى حياة شخص و انت عارف انه مش مهتم
(ضاعف الذنب لو ده أسلوب ثابت فى حياتك)


6 – فضلت فى حياة شخص و أنت عارف أنه مش عاوزك ؟
(ضاعف الذنب لو ده أسلوب ثابت فى حياتك)


7 - بتدخل أفكار سلبية فى حياتك ؟


8 – بتسيب اليأس يدخل قلبك ؟


9- بتدخل الخداع فى علاقاتك ؟


10- بتدخل النقاق فى قراراتك و تصرفاتك ؟
(ضاعف الذنب لو بتخلى ناس تانية تعمل كدة برده)


11- بترحب بالخوف أكتر من الشجاعة ؟


12 – بتحب الغضب أكتر من التسامح ؟


13 – بتحب الانتقام أكتر من الايمان ؟


14 – بتحب الغيرة أكتر من قوتك الذاتية ؟


15- سمحت لحد يخليك تعيط – أكتر من مرة ؟
(ضاعف الذنب لو الشخص ده لسة فى حياتك )


16- سمحت لحد أنه ينتقص من تقديرك لنفسك ؟
(ضاعف الذنب لو الشخص ده لسة فى حياتك )


17 – سمحت لحد أنه يحرمك من سلامك الداخلى ؟
(ضاعف الذنب لو الشخص ده لسة فى حياتك )


18 – سمحت لحد أنه يعطلك عن أهدافك – ولو لمرة ؟

سمحت لحد أنه يحبط عزيمتك – أكتر من مرة ؟

20 – قطعت جزء من جسمك بإسم الجمال أو الموضة أو العفة أو الدين ؟

21 – قطعت جزء من جسم حد تانى بإسم الجمال أو الموضة أو العفة أو الدين ؟


22- قطعت علاقة أسرية بسبب ولائك لحد تانى ؟


23- خليت حد يختار بيك و بين أسرته أو أولاده أو أصحابه ؟


24- خليت حد يسيب التعليم او الوظيفة بتاعته ؟


25 – خليت حد يعمل حاجة ضد ارادته الحرة
(ضاعف الذنب لو فاكر ان ده من الحكمة فى شئ )


26- سخرت من حد شبهك عشان حد تانى يرضى عنك ؟


27 – سخرت من حد مش شبهك عشان ما استحملتش الاختلاف بينك و بينه ؟
(ضاعف الذنب لو كنت سخرت من لون أو شكل أو ديانة أو توجه جنسى لأى انسان )


28- كذبت على نفسك ؟
(ضاعف الذنب لو دى كانت عادة عندك )


29- رفضت تسمع احساسك الغريزى؟
(ضاعف الذنب لوكانت النتيجة جوازة )


30- ضيعت موهبتك و قعدت تتفرج عليها و هى بتموت
(ضاعف الذنب لو انت اصلا متعرفش مواهبك)


31- حاولت تتحكم فى حياة شخص تانى بإسم الحب أو الحماية أو الأبوية ؟
(ضاعف الذنب لو أنت مش عارف ده ليه ذنب)


32- خاطرت باحترامك لنفسك أو كرامتك بإسم المجتمع أو الحب أو الشغل ؟
(مهما ضاعفت الذنب .. عمرك ما حتلاقى اللى ضيعته تانى)


33- عرضت حياة شخص للخطر – مولود أو لسة متولدش – بسبب السواقة او الشرب أو التدخين أو أى من عاداتك الشخصية ؟
(ضاعف الذنب لو ماتعرفش حدود حريتك الشخصية)


34 – أسأت استخدام نفوذك على شخص ما ؟ خليته يعمل أو يقول حاجة لأنك مسيطر عليه ؟
(ضاعف الذنب لو الموضوع ده بيضحكك)


35- أسأت استخدام ذكاؤك أو حالتك أو مركزك ؟ جرحت ناس فى الموضوع ده ؟
(ضاعف الذنب لو بتتبجح بالموضوع)


36- قلت "مش قلت لك؟" لما طلعت صح


37- قلت "دى غلطتك" لحد و أنت عارف انك اللى غلطان ؟


38- قلت"أيوة" لما كنت مفروض تقول "لأ" ؟


38- قلت"لأ" لما كنت مفروض تقول "أيوة" ؟


40- قلت "فى داهية" بدل ما تقول "انا آسف" ؟


41 – قلت "أنا آسف" بدل ما تقول "غور فى داهية" ؟


42 – قلت "أنا بكرهك" بدل ما تقول "أنا بحبك" ؟


43 – صدقت حد قال عليك قبيح ؟


44- صدقت حد قال أنك ماتستحقش أنك تتحب؟


45 – صدقت حد قال أنك حتفضل طول عمرك فاشل ؟


46- صدقت حد قال أنك حتبقى أب - أم فظيع ؟


47 – صدقت حد قال أنك مش شريك كويس كفاية ؟


48 – اديت لحد القوة أنه يجرحك ؟


49 – اديت لحد سبب وجيه عشان يجرحك ؟


فقدت الأمل فى حلم ؟ فى المستقبل ؟ فى نفسك ؟

===============================

مترجم عن
http://www.marwarakha.com/index.php?categoryid=22&p2_articleid=992

شيئا ما ينقصني

شيئا ما ينقصني حتي تكتمل رجولتي
لابد لي من الإستقلال والإستقرار
لايمكن لمن يطالب بإستقلال بلده أن يعيش عالة في بيت أبيه

لابد من النضج والهدوء
مشكلة كبيرة تواجهني عندما يتوقع مني الناس أن أتصرف كما أبدو وكما يظهر في كتاباتي وبنفس درجة النضج
لا يبدو لي أن هناك من ينتبه لحقيقة بسيطة عني
أنا أقرأ وأتأمل وأستمع وأتعلم كثيرا ،ولذلك تخرج كتاباتي في معظمها عميقة وجيدة
لكن علي المستوي الواقعي فأنا مجرد شاب عمره 26 عام ليس له أي تجارب واقعية خارج تجربة السجن في 2008

لم أضطر للإنفاق علي نفسي ، لم أدخل في أي علاقة عاطفية طبيعية أو متكافئة ، لم أسكن وحدي

وأتذكر أن المدة الوحيدة التي قضيتها وحيدا في بيت جدتي مارست فيها أشق أنواع التقشف عن الطعام واعتبرتها مدة إعتكاف متواصل مدة شهر أو أقل

لقد كنت طول عمري مدللا وذلك لأنني لم تكن لي مطالب من أي نوع فلم أحرم شيئا سوي مشاعر الحب والتي حاولت تعويضها بشدة عن طريق الإطراء والإعجاب بكتاباتي

أكره الشهرة الإعلامية فهي تجذب الذباب وتصنع العداوات ولكنني أشعر بالإرتواء من تعاطف وتواصل الناس معي بشكل شخصي

لا يهمني أن يكتب اسمي في جريدة ويقرأه ألف شخص
ولكن يسعدني أن أقرأ 10 تعليقات فقط موجهين لي مباشرة

ينقصني الاستقلال والأمان والحنان والحب والإهتمام الشخصي
ينقصني شيئا ما

قال الحكيم خرفان عن الحرية

الحرية هي أغلي ماتملك فلا تضحي بها إلا في سبيل ماهو أغلي وأهم ،، كالحب والإيمان والوطن والكرامة ..

المحب حقا هو من يضع حريته - بكل حرية وإرادة - مهرا للمحبوب ولا يشعر بنقص أو تضحية في ذلك

متي وجدت ذاتك تجود بحريتها بلا ألم أو شك من أجل محبوبك فإعلم إنك تحبه حقا

وإلا فأنساه

جو لا يمكن وصفه

درجة حرارة معلقة بذرات التراب لا ساخنة تغري بتخفيف أرديتنا القماشية ولا ضعيفة تدفع للسعي إلي الدفأ

نسمات هواء خفيفة تحت أشعة شمس وقت العصر تغرس القشعريرة والذكريات في قلبي

فتاة رشيقة تسير في الطريق تشعرك بنغزة ألم في قلبك بسبب جرح لم يندمل بعد

تنسحب روحي للحظات لأنظر لنفسي من الخارج ، من بعيد ، فلا أعرفني

ليس هناك أي وجه شبه بين هذا البطل المزعوم الذي يدرك أن بطولاته ماهي إلا حماقات أساء الناس تفسيرها وبين الخجول المنطوي الذي كنته من سنوات قريبة

ماالذي أتي بي إلي هنا ، تساؤل يدفعني إليه الجو الذي لا يوصف في تلك اللحظة اللاتاريخية بإمتياز

تساؤل لا طائل من ورائه فنحن لم نصنع ذلك الجو

من حق الكبير يتدلع

وعشان كدة أنا مدلع نفسي عالآخر

بعمل أل أنا عاوزه وقت ما أحب
بشتغل وقت ماألاقي نفسي عاوز أشتغل وأبطل لما ألاقي نفسي زهقان أو تعبان

بكتب لما الفكرة تبقي محتاجة تتسجل ويبقي ليها وجود

وميزتي ان متطلباتي مش كتير وبرضي بأقل حاجة

جربت كتير اني أعمل حاجات عشان لازم تتعمل حتي لو مش لاقيلها معني

كانت النتيجة إني ببقي تعيس وأنا بعملها والنتيجة غالبا مابتكون سيئة ولو النتيجة كويسة مش بحس بطعمها

طب وبعدين !؟

كل الناس بيقولوا أن الطريق ده نهايته مأساوية

لما أعجز حبقي مفلس ومعنديش حياة خاصة ولامنصب في وظيفة

طيب ، معنديش رد

دوامة

قابلها

نقية ذكية مخلصة
 

رائعة كما تمني دوما ،، لكنه كان قد تغير

انتصار نهائي

أقف الآن في تلك اللحظة منتصب القامة شامخا و منتشيا كما لم أفعل من قبل

أنظر للعالم كله بإحتقار و إشمئزاز يليق به

ذلك المدير الذي اتهمني بالرشوة لأنني رفضت شهادة الزور

تلك الجميلة المزيفة التي رفضت أن ترتبط بي بسبب عرج قديم فى قدمى رغم حديثها الطويل الذى اشتهرت به عن حقوقي المهدرة في المساواة

ذلك الأب الذي لم يهتم سوي بنزواته ولم يهتم بعلاجي في الصغر رغم توفر الفرصة

كل أولئك الذين سخروا مني يوما ،، سأنتصر وبقوة

لقد أدركت الحقيقة منذ مدة لكن فداحتها غمرتني بالخوف و ظللت مدة طويلة غير مصدق

كل الأمور كانت تشير بطرف خفي لنفس النتيجة

توالي كل تلك الصدف بالتأكيد ليس صدفة

وفاة أمي قبل أيام من إمتحان الثانوية والذي أطاح بمستقبلي وآمالي بأن أدخل كلية الهندسة ودخولي كلية التجارة التي لم أحبها يوما رغم إجتهادي وتفوقي فيها

كشفي لعملية الإختلاس في الشركة بعد أيام من تعييني وعدم إنتباهي لتورط المدير الذي حولني لمتهم ومدان حتي يحمي نفسه و الذى تغير فى لحظات من دور الأب الحنون الناصح إلى المجرم المهدد قاسى القلب

ذلك الضابط الذي أمطرني وزملاؤه بالسخرية والسباب أمس أثناء التحقيق الذى أوصى به المدير

لم أدر إلا صباح اليوم أنه هو من إرتبطت به المحامية الجميلة التي اشتهرت بالدفاع عن حقوق ذوي الإعاقة والتي رفضتني من قبل و التى هى - أيضا - بالصدفة ابنة المدير و هى من سعت لتوظيفى فى هذا المكان

الآن أدركت الحقيقة النهائية والآن أستعد للإنتقام الشامل

ما أنتم جميعا إلا صور وهمية يرسمها خيالي المرهق

لستم حقيقيين أكثر من أبطال القصص الأسطورية التي إعتادت والدتي - رحمها الله - علي روايتها لي في صغري

دفعة بسيطة يا حمقي لذلك الكرسي الذي أقف فوقه تلغي وجودكم المزيف كله

و الآن ... أدفع

أكون ولا تكون

أكون ولا تكون
فالمجد لي وحدي والجنون
والعقل والعشق والعمر لي يسجدون

أكون ولا تكون
فالسماء في المساء تكلل رأسي بعظمة العتمة والنجوم الآفلون

والأرض تنبض وتهتاج وتشتاق لخطاي علي مر السنون

أكون و أريد و أعلو ولا تكون

أحلام ساعتين

حلمت إني جوة زنزانة ونايم علي الأرض وسط ناس والأرض ساقعة وبطلب حاجة أحطها عالأرض

حلمت اننا رايحين محكمة وبنتجمع في حتة وسواق التاكسي بعدماوصلنا كان زعلان عشان الفلوس فأنا دفعت له فضة من ال معايا وإتصاحبت عليه وفهمته ان دي قضية مهمة وقعد يزمرلنا وهوماشي
وكان فيه حد زميلي في الشغل زمان واقف بعيد بيتفرج والدنيا وقت فجر

حلمت ان سمعت شباب بيشتموا عالمسيحيين وأنا واقف معاهم لقيت د.أيمن نور بيعدي الميدان مع مجموعة ناس كتير فقلت للي كان بيشتم المسيحيين طلعلي مين مسلم ومين مسيحي في دول فمعرفش فقعدت أقول ان المصريين زي بعض وأن تشابه عادات المصريين بتميزهم ومكانش عاجبه الكلام

حلمت إني متجوز ومسافر مع مراتي وبنتي محافظة بعيدة وأول ما وصلنا قعدت تقول يلا نرجع وأنا كنت تعبان أوي

وحضرت مؤتمر كان فيه وائل عباس بيشتم علي أحمد ماهر انه ودا الناس في داهية ومراتي فضلت تدافع عنه

وطلعت سلم عند ناس ساكنين في آخر دور ولازم أطلعلهم بسلم عمودي وبعد ماوصلت لآخر سلمة كنت تعبان ورجلي منملة ومش قادر وجه فتحي فريد وسندني

لما

لما القرف العام يأثر في احساسك الشخصي

ولما ارهاقك البدني يكسر في استعدادك النفسي لأي تسامح

ولما تضطر تكبت مشاعرك عشان فيه حاجات أهم رابطاك

لما تفقد الثقة في نفسك عشان بتفقد الثقة في قضيتك

ولما مشاعرك الحلوة تتحول لسكاكين و خناجر تجرح بيها في ال بتحبه عشان مش قادر تحس بالأمان

لما القطة تاكل ولادها من كتر الخوف عليهم

والأب يدمر شخصية ولاده عشان خايف علي مستقبلهم

لما كل حاجة تحصل بعكس المطلوب منها

ولما الحظ الكويس والجمال يتحول لمأساة

يبقي فيه حاجات كتير غلط