أنا بمر بأزمة حقيقية , مش عارف أنا عاوز إيه بالضبط , حاسس بإحساس اللي نام وصحي لقي نفسه جوة تابوت والناس افتكروه مات , مش لاقي مخرج , مش قادر يتحرك ولا يتنفس ولاحتي قادر يموت نفسه عشان يهرب من عذاب الموت البطئ
مفقدتش الأمل , لكن فقدت الاهتمام بالأمل والإحساس بمعناه
مش شايف إني ينفع أتحب , تسرعي ومخاوفي وضعف ثقتي في نفسي وإنعدام خبرتي وضبابية مستقبلي كلها بتخليني عبء تقيل علي إللي تحبني لدرجة أن أنا مش ببقي مقتنع وأنا بدافع عن نفسي وبعتذر عن غلطة من غلطاتي الكتير المستمرة وبحس أني لو شايفني من برة حتف عليا لأن مستاهلش حد يستحمل قرفي ده كله
بس بقول طيب ماأحاول أصلح نفسي , باخد خطوات فعلا , بس إحساس عدم الثقة وتوقع الفشل بيحبطني ويهد أي خطوات ثقة ببنيها
بحب فعلا وبجد وبحس أن الحب ده هو الحاجة الوحيدة اللي بتديني معني لحياتي بس خوفي من ضياع الحب ده بيخنقه ويضعف فرصه في الحياة ولما بحاول أعيش كأنه مش موجود عشان محملوش فوق طاقته بتعب وبزهق من الاستمرار
فين المستقبل؟ فين المشروع؟ فين الهدف؟
عمر الفلوس ماكان ليها قيمة عندي وياما فلوسي راحت لناس تانية ببلاش , مش شايف مستقبل في الفلوس بس مش شايف مستقبل من غيرها , حعيش ازاي لو فضلت مش شايفها مهمة
مفيش دافع عارف أمسك فيه عشان يحركني ولا هدف أجري وراه
بقي كل هدفي مزعلش الناس اللي مستحملينني وملهمش ذنب
مش شايف حتي إني مخلص للقيم اللي بستمد مبرر بقائي من الدعوة إليها والتمسح فيها ... يمكن ده ضميري بيأنبني؟ اتوكس ياضميري مانا طول الوقت بقول أنا ضد تمثيل المثالية والأفورة
بس للأسف الأفورة برغم أنها عبط وسخافة وسذاجة بس من غيرها الحياة ملهاش معني وكل خطوة بتبقي منزوعة الطعم
نفس إحساسي بالوحدة والضياع والخوف إللي كان بيجيلي وأنا صغير أوي , كنت بخاف أنام وأقعد أصحي ماما وأعيط خايف من حاجة مش عارفها
خايف من الوحدة , خايف خوفي يضيع كل حاجة وكل فرصة وكل حماس
مفقدتش الأمل , لكن فقدت الاهتمام بالأمل والإحساس بمعناه
مش شايف إني ينفع أتحب , تسرعي ومخاوفي وضعف ثقتي في نفسي وإنعدام خبرتي وضبابية مستقبلي كلها بتخليني عبء تقيل علي إللي تحبني لدرجة أن أنا مش ببقي مقتنع وأنا بدافع عن نفسي وبعتذر عن غلطة من غلطاتي الكتير المستمرة وبحس أني لو شايفني من برة حتف عليا لأن مستاهلش حد يستحمل قرفي ده كله
بس بقول طيب ماأحاول أصلح نفسي , باخد خطوات فعلا , بس إحساس عدم الثقة وتوقع الفشل بيحبطني ويهد أي خطوات ثقة ببنيها
بحب فعلا وبجد وبحس أن الحب ده هو الحاجة الوحيدة اللي بتديني معني لحياتي بس خوفي من ضياع الحب ده بيخنقه ويضعف فرصه في الحياة ولما بحاول أعيش كأنه مش موجود عشان محملوش فوق طاقته بتعب وبزهق من الاستمرار
فين المستقبل؟ فين المشروع؟ فين الهدف؟
عمر الفلوس ماكان ليها قيمة عندي وياما فلوسي راحت لناس تانية ببلاش , مش شايف مستقبل في الفلوس بس مش شايف مستقبل من غيرها , حعيش ازاي لو فضلت مش شايفها مهمة
مفيش دافع عارف أمسك فيه عشان يحركني ولا هدف أجري وراه
بقي كل هدفي مزعلش الناس اللي مستحملينني وملهمش ذنب
مش شايف حتي إني مخلص للقيم اللي بستمد مبرر بقائي من الدعوة إليها والتمسح فيها ... يمكن ده ضميري بيأنبني؟ اتوكس ياضميري مانا طول الوقت بقول أنا ضد تمثيل المثالية والأفورة
بس للأسف الأفورة برغم أنها عبط وسخافة وسذاجة بس من غيرها الحياة ملهاش معني وكل خطوة بتبقي منزوعة الطعم
نفس إحساسي بالوحدة والضياع والخوف إللي كان بيجيلي وأنا صغير أوي , كنت بخاف أنام وأقعد أصحي ماما وأعيط خايف من حاجة مش عارفها
خايف من الوحدة , خايف خوفي يضيع كل حاجة وكل فرصة وكل حماس
1 comment:
حدد انت مين وعايز ايه عشان تخلص من الشعور ده.
دلوقتى معادلة النجاح فى اى شئ هى أربع حاجات :
معرفة + تدريب + علاقات + فرص
لازم تجمع معلومات على اد متقدر عن الشئ اللى عايز توصله ، ولازم تدرب نفسك على الإنضباط وعلى السلوكيات اللى تساعدك فى الوصول لهدفك.
ولازم تبنى شبكة واسعة من العلاقات مع كل الطوايف ، لأن العلاقات هى مفاتيح الأبواب فى الحياة.
وبعد متعمل كل ده ، هتلاقى الفرصة المناسبة عشان تحقق اللى انت عايزه.
دلوقتى انت بتقول انك بتحب وخايف لا الحب ده يضيع منك. كويس يبقى انت عايز تحافظ على حب حبيبتك او اياً كان ليك.
يبقى تجمع معلومات عن الشخص ده ، وعن نفسك.
دلوقتى انت شايف انك شكلك حلو ؟ سواء اجابتك آه أو لا فانت مش هتقدر تغير من شكلك لأنك مولود بيه ، لكن لو شكلك مش حلو وانت شخص مش وسيم يبقى عندك بديل وهو انك تحسن من مظهرك.
تحسن من استايل لبسك ، تحط برفان حلو ، تهتم بنظافتك الشخصية.
تلبس بعض الإكسسوارات زى السلسلة لأنها بتضفى وسامة وإثارة للرجل فى عين المرأة.
ده هيغطى على النقص فى الوسامة لو مش موجودة من وجهة نظرك.
تانى حاجة لازم تتدرب عليها هى مهارة الإستماع ، لأنها مهارة نافعة مع كل البشر بجميع انواعهم وأجناسهم.
الإنسان بيحب دايماً اللى بيسمعه ، وبيقدر ده كويس ، مش مهم انك تنصح الإنسان ولا انك تفيده ، المهم هو انك تسمعه وتحسسه بأهميته عندك بإنك تخصص جزء من وقتك لمجرد سماعه ، وخاصة النساء هم بيعشقوا ده.
فيه حاجة أهم من دول كلهم ، وهى انك تعرف ان كل فولة لها كيّال ، ومفيش حد وحش ومفيش حد حلو ، لكن فيه حد مناسب او مش مناسب.
مفيش حد بيتساب حلو وحش كريم بخيل وسيم قبيح ، كله بيتاخد وكل فولة ليها كيال.
يبقى لازم يكون عندك ثقة فى نفسك انك ليك كيال مناسب ليك ، مين هو ده اللى انت لازم تعرفه بنفسك.
الفلوس شرط مهم وضرورى للحياة ، صحيح الفلوس مش كل حاجة ، لكن مفيش حاجة بتيجى من غير الفلوس.
انا مش عارف بالظبط اذا كنت كاتب المقال ده طلب للمساعدة ، ولا مجرد كلمات نقدية للقراء ، لكن كلامى لو حتى ملوش فايدة ، فهو ملوش ضرر.
تحيّاتى
Post a Comment