Monday, September 4, 2006

أقوال مأثورة و ردود رخمة

من الأول كدة حكتب كل واحد قال ايه و أكتب رد من عندى
طبعا ييجى واحد رخم يقولى و انت مين أصلا عشان ترد ... أقوله وأنا مجعوص أوى أنا مواطن مصرى عايش فى أزهى عصور الديمقراطية و ربنا يخليلنا مكتووب

يقول نابليون :
" تزحف الجيوش على بطونها "
و يقول القائد و المعلم و الزعيم أحمد بدوى :
" و يزحف الحكام على عروشهم "

يقول هتلر - حبيبى هتلر ده كنا مع بعض فى المدرسة - :
" لو عندى جندى مصرى وسلاح ألمانى و قيادة بريطانية لملكت العالم "
و يقول الشيخ بدوى :
" لو عندى جيش صينى و تكنولوجيا يابانية و اقتصاد أمريكى و وحدة أوروبية و ... حاكم عربى ... لتسيدت اسرائيل العالم "

يقول عمر بن الخطاب :
" لو كان الفقر رجلا لقتلته "
و يقول واحد تانى خالص غير بدوى :
" لو كان جيمى رجل ل...... ولا بلاش "

يقول طويل التيلة مستر برسيل :
" برنامج الرئيس مبارك هو مرجعنا "
و أقول :
" هو برنامج مبارك حلو بس برنامج العاشرة مساء أحلى بكتير"
Post a Comment