Monday, September 11, 2006

للمصريين و محبى الحزب الوطنى الديموووقراطى


يا جماعة طبعا كلنا بنحب الحزب الوطنى طبقا للمثل اللى بيقول " اللى يتجوز أمى أقوله يا عمى " مش هى دى المشكلة بس اللى يجيب للواحد المرارة و يحسسه من جواه أنه يستاهل يروح قسم الهرم "علشان دخول الأقسام تعذيب و تهليب و انبطاح " و يحس قد ايه هو ميستحقش يعيش فى مصر و فى خير رئيس مصر :
لما ألاقى - بسم الله ماشاء الله - مدونة طويلة عريضة فيها ييجى سبعميت موضوع للدفاع عن سياسات الزعيم الماقبل التاريخى و نجله و رجالته و ستاته و حزبه و عساكره
واللى كاتبها فعلا بيدافع بحرارة عن موضوعات كلنا مصدقينها و مش محتاجة دفاع زى أن مفيش تعذيب و لا قمع ولا حاجة أبدا وان دى كلها أوهام عند المندسين و عملاء الصحف الصفرا و أن مصر بتعيش أزفت - قصدى أزهى - عصور الديمقراطية
و ألاقى ان المجهود الجبار اللى عمله الشخص المحترم ده مش جايب همه و ان محدش من الناس اللى قرت الكلام ده حط فى عينه حصوة ملح و عبره بكلمة تشجيع و مباركة - محدش يفهمنى غلط - يبقى لازم الواحد حرصا على تشجيع الشباب الوطنى الديمقراطى يسانده
لذلك بأدعو كل اللى يقرا الموضوع ده ياخد حباية مهدأ و بعدين يدخل على مدونة الأخ المباركى و والنبى … والنبى يكتبله رأيه بصراحة و يشكره على توضيحه الصورة المهزوزة بسبب وجود الأيريال الصغير جمب الايريال الكبير
يا جماعة حملتكو السلام أمانة و حزعل لو دخلت عنده بعد اسبوع ملاقيتش التشجيع و المباركة بمنتهى الديمقراطية اللازمة لأنسان وطنى ديمقراطى زى ده .
عنوان المدونة المباركية الجمالية :
Post a Comment