مذكرات 30 مايو 2009

* قلت حكمة جديدة ( كلمتى "العمالة" و "العميل" هى الألفاظ الحديثة لكلمتى "الكفر" و "الكافر" ... فقط كان الطرد من الدين ثم أصبح الاقصاء من الوطن)

* حاسس بفرحة عظيمة جدا بسبب اشتراكى فى حملة صوتى مطلبى و تأثيرى على مسارها .. أجمل حاجة أن عندى أفكار و نشاط و الأفكار بتعمل تأثير ايجابى و بتساعد فى الشغل

* أعظم تلات حاجات شاركت فى تكوينهم و دورى فيهم يرضى ضميرى ناحية بلدى هما ( حزب الغد - اضراب 6 ابريل - حملة صوتى مطلبى )

الغريب ان اسراء و شادى كانوا معابا - أو انا كنت معاهم - فى التلات حاجات دول ... لازم أدور على حاجة رابعة عشان يبقى عندى بنط زيادة

و شباب صوتى مطلبى أكتر ناس مبسوط أنى اجتمعت بيهم فى فى مشروع قوى و عظيم زى ده

بالذات الواد باسم و الواد باسم لأن ده أول تعارف و احتكاك حقيقى بيننا

* لو ربنا ديمقراطى فأكيد أحمد سميح و اسراء و أحمد ماهر أكتر ناس حيبقى ليهم بيوت فى الجنة

* قابلت منتصر بالصدفة .. بحب الواد ده جدا رغم لسعانه و رغم انى بخاف من الناس اللاسعة .. بس برده بحبه ... شتمت شوبة فى أحمد شوشة صاحبه ... بس شكل الواد منتصر كان بياخدنى على قد عقلى و مصدق كلام شوشة أكتر ما مصدق كلامى

* اكتشفت فجأة انى مش مصلح الكون و مش كل كداب أو مريض أو مجنون أو متخلف يهاجمنى حرد عليه .. كفاية عليا أرد على الناس اللى بيعرفوا يختلفوا باحترام و حتى لو طلع كلامهم كله صح و كلامى كله غلط فهما أحسن من واحد يتفق معايا و هو كداب أو مش فاهم هو متفق معايا على ايه

* شعور فظيع بالوحدة

* شعور بحنين ناحية الحب .. أى حب .. الحياة مش مضبوطة من غير حب و هزار و فسح و انسجام و غيرة وو و .. لكن اهو بستهلك كل لحظة فى عمرى فى حاجة مفيدة عشان ما احسش بده

* عجوز اوى أنا .. عمرى الرسمى 25 سنة و عمر جسمى 35 و عمر قلبى 45 و عمر عقلى 55

* بحب كل الناس .. حتى اللى بشتمهم و بيحرقوا دم أهلى .. مش بحب أتعامل مع الأغبيا ولا اللى مخهم مقفل .. بس بحس انى بقدر اسامحهم بعد ما اهدى و ابعد عن سكتهم

* بقى عندى ثقة بالنفس تتيح ليا أنى افرض رأيى على الناس لو متأكد أنه صح و فيه مصلحة .. عملت الحكاية دى مرتين النهاردة .. مرة فى موضوع ايران و مرة فى موضوع الحملة

* الكلام ده هرتلة ,, مش عاوز حد يقراه .. بس مش بقدر أقاوم اغراء أن حد يقول أنه كلام كويس ,, مع انى لو قريته و مش انا اللى كاتبه مش حلاقى فيه غير جملتين تلاتة ليهم معنى و الباقى سخافات و نرجسية و جنون عظمة

* كمية الفساد الأخلاقى الموجودة بين المسيسين بتخلينى عاوز انتحر و أبطل شغل سياسة نهائى .. بس كمية الحماس و الذكاء الموجودة فى ناس تانية مسيسين برده ( حتى لو عندهم نفس الفساد الأخلاقى ده ) بتخلينى مدمن سياسة

اجتماع تحضيرى لحملة صوتى مطلبى بجد بجد .. اسراء بنت بألف راجل 30-6-2009

أيمن نور مزورا

أنا أوعد بأنى ححاول احكى الموضوع بأكبر قدر من الحقايق و الموضوعية ... لكن برده لازم يتاخد فى الاعتبار أن الموضوع ده كان من 5 سنين و ان عمرى ساعتها كان 20 سنة و معنديش خبرة سياسية و أكيد كان كلام السياسة بيأثر عليا و كنت متحمس جدا للحزب فأكيد فيه بعض النقط اللى حبقى شايفها من وجهة نظرى متحيزة

و الرؤية الصحيحة أو الأقرب للصحة مش بتتضح غير باضافة وجهة نظر خارجية محايدة و معادية كمان

================

القصة بدأت من 2003 لما مجموعة من السياسيين الليبراليين و أعضاء مجلس الشعب المنتمين للوفد أو المستقلين اتفقوا أنهم يعملوا حزب جديد

المجموعة دى كان منها ناس كتيرة ليها شعبية كبيرة فى بلادها زى الحاج عبد الفتاح الشافعى فى الغربية و الأستاذ عبد المنعم التونسى ( كان رئيس كتلة النواب المستقلين فى مجلس الشعب و كان نجح فى انتخابات مجلس الشورى بعد كدة رشح نفسه فى انتخابات مجلس الشعب و نجح برده ) و د.أيمن نور نائب باب الشعرية و الأستاذ سيف محمود نائب بورسعيد ( و ده كان فلوس حملته الانتخابية من التبرعات لأنه كان موظف و معندوش فلوس تكفى حملة انتخابية لمجلس الشعب ) ... و الملاحظ أن كلهم سقطوا فى دوايرهم بعد انضمامهم لحزب الغد

النائب عبد المنعم التونسى رئيس كتلة النواب المستقلين فى مجلس الشعب سابقا و عضو لجنة الحكماء فى حزب الغد حاليا

أنا ذكرت الناس دى بالذات لأنى اتعاملت معاهم بنفسى و زرت ناس منهم فى دوايرهم الانتخابية و شفت شعبية كل واحد فيهم لوحده فى دايرته الانتخابية تخليه قادر على بناء حزب شخصى يبقى هو رئيسه لو أراد ,,, و كان فيه ناس تانية غير دول كتير

القانون وقتها كان بينص على أن الحزب لا يقوم الا بـ 50 توكيل لوكيل المؤسسين و موافقة لجنة شئون الأحزاب عليه ( من ضمن أعضاؤها وزير الداخلية حبيب العادلى و رئيس مجلس الشورى الأمين العام للحزب الوطنى صفوت الشريف و آخرين )

بداية أى كلام هنا هو أن الدافع لتزوير أى عدد من التوكيلات مش موجود لأن القانون بيقول هات خمسين توكيل لوكيل مؤسسين الحزب يبقى ليك الحق فى عمل حزب و أى حد من اعضاء مجلس الشعب المذكورين قادر أنه يجيب من دايرته أو حتى من قرايبه عدد أكبر بكتير من 50 توكيل

مؤتمر من مؤتمرات انتخابات الرئاسة

أول يوم حضرت فيه مؤتمر فى الحزب فى بدايات 2004 كان فيه شاب من أسيوط جاى و معاه رزمة توكيلات جايبها من بلده و جاى

الحزب اتقدم و اترفض أكتر من تلات مرات و لما اتعرض على محكمة شئون الأحزاب ( محكمة عجيبة مكونة من 5 أعضاء من القضاة و 5 أعضاء من الشخصيات العامة كلهم موظفين حكومة و أعضاء فى الحزب الوطنى )

كل مرة كان الحزب بيترفض بيتقدم تانى بتعديلات جديدة فى البرنامج و يلم توكيلات جديدة من مؤسسين جدد و يقدمها لمجلس الشورى عشان يراجعها

الحزب فى بدايته ضم مجموعة كبيرة و متنوعة من الأفراد من أعمار و أماكن و محافظات و مهن و توجهات مختلفة .. و ده برغم انه خطأ سياسى فى نظر البعض لكنه كان دليل على تمثيل الحزب لكل الشعب المصرى فى نظر أعضاؤه

صور من المؤتمر الأول للحزب فى 5 نوفمبر 2004

صور من المؤتمر الأول للحزب فى 5 نوفمبر 2004

==========

فى آخر مرة لتقديم الحزب لمحكمة شئون الأحزاب لم تنعقد المحكمة لأن أعضاء الحزب الوطنى فيها ما حضروش الجلسة

و بعدها بكام يوم تم الاعلان فجأة على لسان صفوت الشريف أن لجنة شئون الأحزاب وافقت على اعتماد الحزب

=======

هنا لازم شرح لدور وكيل المؤسسين فى الوقت ده لأن القوانين اتغيرت دلوقتى ... أنا لو حبيت أعمل حزب ساعتها يبقى لازم لى أعضاء مؤسسين أكتر من 50 يعملوا لى توكيلات رسمية فى الشهر العقارى

التوكيلات دى بلمها منهم و بقدمها لمجلس الشورى و مجلس الشورى مهمته يراجع الأختام و أرقام التوكيلات و يشوف لو سليمة أو فيها أخطاء أو تزوير و قانونا مجلس الشورى ملزم بنشر كل الأسماء اللى فى التوكيلات فى جرايد الحكومة عشان لو فيه حد تم وضع اسمه كمؤسس فى الحزب بغير ارادته يعمل بلاغ ضد وكيل المؤسسين

حتى فى مرة كانت أسماء المؤسسين اللى نشرت فى الأهرام عددها 2005 اسم بس لأن الحزب حب يظهر أن سنة 2005 دى سنته و من ال 2005 اسم محدش ظهر و اعترض و بعدها وصل عدد التوكيلات ل 5000 توكيل

============

هل حصل تزوير فعلا ؟؟
احتمال قائم

لكن هل المسئولية القانونية تقع على وكيل المؤسسين ؟
و هل تكلفة شراء توكيل حقيقى بالفلوس أكبر ولا تكلفة عمل توكيل مزور ؟؟

الشخص ده كان شغال فى مكتب الدكتور أيمن و بعد كدة قال فى التحقيقات أنه أخد مبالغ كبيرة من أيمن نور عشان يعمل توكيلات مزورة بالكمبيوتر

السؤال هنا .. فى حالة سوء النية من ناحية وكيل المؤسسين .. هل تكلفة و خطورة عمل توكيل مزور أكبر ولا شراء توكيل حقيقى من أى حد من اللى بيبعوا أصواتهم فى الانتخابات ؟

وكيل المؤسسين ده شخص بيتعمل له توكيل رسمى من أفراد كتير ما يعرفهمش معرفة شخصية و لا يملك الأدوات اللى تخليه يتأكد من صحة التوكيلات اللى وصلت له

فى حالة حزب الغد فبعد الموافقة على الحزب التوكيلات فضلت فى مجلس الشورى لمدة 3 شهور تقريبا ... يعنى حتى فى حالة وجود تزوير فالمسئولية القانونية تقع على مجلس الشورى لأنه الجهة المفروض أنها بتراجع و هو الجهة اللى احتفظت مدة طويلة بالتوكيلات عندها

صاحب أحد التوكيلات المزورة - طبقا لأوراق القضية - عبد العزيز نور عضو مجلس شعب سابق

عند الاعلان عن وجود توكيلات مزورة تم أخذ توقيع النائب العام و وزير الداخلية على مذكرة القبض على وكيل المؤسسين فى نفس اليوم و تم أخذ موافقة فتحى سرور = و هو راجع من برة مصر على سلم الطيارة الساعة واحدة بالليل = على رفع الحصانة عن أيمن نور و كل ده فى يوم واحد هو يوم الجمعة اللى هو مفروض أجازة رسمية بس طبعا احنا عارفين أن عندنا المسئولين مش بياخدوا أجازات و بيسهروا من أجل حماية الوطن من المزورين و النصابين

طبعا مش غريب بعد كدة رفع الحصانة عن عضو مجلس شعب فى جلسة استمرت نص ساعة ثم القبض عليه بطريقة مهينة متعمدة من أمام مجلس الشعب و ضربه فى الشارع


http://www.youtube.com/watch?v=-aF1zky91Lk
جلسة رفع الحصانة


و مش غريب أن كل ده بعد ما الحزب قدم طلب فى جلسة الحوار الوطنى اللى بيعملها الحزب الوطنى لأحزاب المعارضة أن حسنى مبارك مفروض يحضر الجلسات بصفته رئيس الحزب الوطنى زى ما بقية رؤساء الأحزاب بيحضروها

كل ده مش مهم من الناحية الجنائية أو القانونية فى القضية

لكن المهم أن القاضى اللى تم انتدابه للحكم مش هو القاضى الطبيعى للقضية و أنه قاضى مشهور بأنه قاضى الأحكام السياسية المشبوهة و أنا مش فاكر اسمه حاليا

و القضية كانت مهلهلة تماما من الناحية القانونية لأن تم اتهام وكيل المؤسسين بتزوير توكيل باسم والده عبد العزيز نور و باسم زوجته جميلة اسماعيل و باسم نفسه لنفسه .. يعنى توكيل باسم أيمن عبد العزيز نور لأيمن عبد العزيز نور

و المفاجأة هنا أن حزب الغد كان له 2 وكلاء مؤسسين هما أيمن عبد العزيز نور و موسى مسطفى موسى و الاتنين صفتهم القانونية واحدة و المفترض أن نفس الحكم يصدر بنفس العقوبة على الاتنين

رئيس الحزب د.أيمن نور و نائب رئيس الحزب م.موسى مصطفى موسى - وكيلين المؤسسين

و سكرتير عام الحزب د.منى مكرم عبيد

لكن كلنا شفنا بعد كدة ليه الحكم صدر على وكيل مؤسسين واحد و ازاى تم عقد صفقة مع الوكيل التانى لعدم المساس بيه فى القضية مقابل تخريب الحزب بعد كدة

و الراجل المحترم جدا اللى السهم بيشاور عليه أكيد واحد من المثقفين و السياسيين أعضاء حزب الغد
( برئاسة موسى بيه)

محمد الكتف اللى واقف على اليمين و أخوه وليد اللى من شوية كان ماشى مع رجب بيه و موسى باشا

طبعا هنا الناس اللى فى الحزب كانوا بردانين فهما بيولعوا فى العمارة عشان يدفوهم

الموضوع مليان تفاصيل واسعة جدا جدا يمكن مستحيل أحصرها فى مقال واحد لكن أنا حبيت بس أشرح الوضع باختصار

--------------------------

-

أنا ليا بس تعليق واحد بسيط

أنا بعد ما تابعت القضية دى من قريب ومن الجرايد و عرفت تفاصيلها كويس كان سؤالى بسيط جدا ... هو لو كان أمن الدولة اللى أكيد عارف كل لمحة و همسة فى حياة أيمن نور لقى عليه مخالفة قانونية حقيقية كان حيحتاج ليه لتلفيق تهمة ساذجة كدة ؟

لو هو كما يدعى البعض مزور شهادة الدكتوراة أو عمل أى جريمة حقيقية .. طيب ليه أمن الدولة ما جابش الحاجات دى و يفضحها بدل ما يجيب قضية واضح أنها ملفقة ؟

أحمد بدوى
29 مايو 2009

بدوى فى تايلاند 2

1- لسة ما جبتش هدايا لحد 

2- من كتر البلاوى اللى بعرفها عن بورما و كوبا و زيمبابوى عاوز اول ما أرجع أروح أرمى 2 طن ورد عند قبر الرئيس السادات و أبوس ايدى شعر و دقن على النعمة اللى احنا فيها فى مصر 

برغم كووووول المصايب اللى عندنا فأنا من كتر اللى بشوفه بيحصل عندهم حعلن التوبة و أعلن انضمامى للحزب الوطنى لمدة نص يوم بحاله تأييدا لسياساته (الرحيمة) فى التعامل مع معارضيه 

أقل حكم فى كوبا على أى ناشط حقوق انسان أو صحفى ينتقد النظام بيبدأ من 13 سنة لحد 28 سنة 

فى بورما شاعر مشهور كتب قصيدة حب فى 2008 بس القصيدة لو غيرت فى حروفها تبقى قصيدة هجاء للنظام لبسوه تلات سنين 

و طالب كان بيلم توقيعات عشان اطلاق سراح اخوه من السجن لبس 90 سنة سجن -- آه و الله 90 سنة بجد مش هزار 

فى زمبابوى الريس موجابى 83 سنة خسر الانتخابات فجثث مؤيدين المعارضة ملت الشوارع الجانبية و لسة الراجل فى السلطة 

معنديش تعليق على كل ده غير .. 

الحرية هى الحل 

و ليسقط كل ديكتاتور أو نظام حكم يقهر شعبه .. بداية بنظامنا الحاكم المبجل 

Badawy Fi Thailand

المقال على فيس بوك والتعليقات

1. half mega of internet access through mobile cost 30 le , so ana 7tfshkh by writing this note

2. I'm here (Chingmai) with two of the best liberal political creative Egyptian persons ( F U dnt knw who r thm already so U dnt hv 2 knw thm nw ) along with other activists frm 9 other nationalities throughout the bloody world

3. I'm enjoying Thai food , seeing a so different so far away culture , enjoying being with openminded strangers , & above all enjoying LEARNING politics by sharing experiences wth thm (whch is my main task here)

4. I wish f i buy every one of my friends a thai gift bt surely i cnt

5. I'm alone nw in my room & was remembering my whole past year , I was talking 2 myself , crying for the friends i lost , for the people I hurted , for the love stories that never survived

6. 11 hours flying & i got massage , I've lost my chance 2 travel 2 USA , my name was published in el youm el sabe3 newspaper , i'm positive of my real career nw

7. I've a natural desire for physical sexual relation bt as i always did , i satisfy ths by lot of imagination , this is ethical & keeping me safe from blacky events (like marriage)

8. i remember meeting Hamlet el masry 2 years ago in Farag Fouda memorial day before i became his friend nw , but i'm nt sure f that was him , setting at the last row & telling jokes & he made me laugh as he do nw & i told him then smthng he wd remember f ths guy is realy him

9. F my communist friends knw hw Cuba is ruled they wd kill themselves

10. I was writing a note about the differences & similarities btwn Election & erectIon ( entekhab & entesab ) , they both are natural processes , they both need good preparation , good atmosphere , good furitile reciever to produce a new life
.. but i decided not to write this note because they may pan my page for being pornographic

عندما يعبد رجال الدين أنفسهم من دون الله

المقال على فيس بوك والتعليقات

القرآن بيقول ( حمله و فصاله فى عامين ) يعنى الحمل و الرضاعة سنتين 

و العلم و الطب و الدنيا كلها بيقولوا أن أقصى مدة للحمل 9 شهور

لكن بقى الشيوخ و الفقهاء و رجال الدين و مؤلفى المذاهب الاسلامية بتوع زمان كان لهم رأى تانى هو أن الحمل ممكن يوصل لأربع سنين

محدش يعرف بالتحديد هما قالوا كدة ليه ... و ان كان البعض بيقول أن تاريخ ولادة أحد الأئمة الأربعة ( الامام مالك ) جه بعد وفاة والده بأربعة أعوام فهما عشان يرفعوا عنه شبهة أنه ابن زنا قالوا ببساطة أن مدة الحمل ممكن توصل لأربع سنين

يا دين النبى !!؟؟

يعنى هما عشان يغطوا على حادثة فردية قد تكون حدثت أو لأ يغيروا دين أمة بحالها ؟؟؟

كل ده ما يهمناش فى شئ ... ده عصرهم و علمهم و ثقافتهم و تفكيرهم و اجتهادهم المحدود بالزمن اللى عاشوا فيه

و حتى يا سيدى لو كان علماء الدين مش فاهمين القرآن اللى مش بيدرسوا غيره ليل و نهار و بيسترزقوا من كلامهم فيه و تفسيره و قرايته فخلينا نعدى النقطة دى ... عشان اتكررت قبل كدة كذا مرة

لكن العجيب و المفزع هنا بقى أن رجال الأزهر بعد ما عرفوا الحقيقة العلمية المؤكدة و الثابتة اللى اصبحت من البديهيات فى عصرنا بأن الحمل لا يستمر اكتر من 9 شهور لسة مش قادرين يعدلوا الكلام الغلط اللى ورثوه عن جدودهم و جدود جدودهم و مصممين عليه و لسة بيفتوا أن الحمل ممكن يوصل لأربع سنين و أن لو واحدة ست خلفت بعد ما جوزها ما يموت بأربع سنين يبقى المولود ابن الراجل اللى مات و يورث فيه كمان

يعنى عندهم الجرأة يخالفوا الحقيقة العلمية المجردة المثبتة و عندهم القدرة يخالفوا نص القرآن الصريح و لكن معندهمش القدرة أنهم يعدلوا كلام سابقيهم و معلميهم

و نعم العلم و العلماء و الله

التفاصيل هنا
http://www.ahl-alquran.com/arabic/show_article.php?main_id=1293

و هنا
http://www.facebook.com/photo.php?pid=2159035&id=1575383196&subject=92658493728&ref=share#/note.php?note_id=92658493728

=========

ملحوظة بسيطة ... النوتة دى أنا ما كتبتهاش غير بعد ما سألت اكتر من واحد متدين و ماحدش جاوب و يا ريت لو حد عنده اجابة يقول

رجاء اللى تعجبه النوتة أو يصدمه الكلام اللى فيها يعمل لها 
share

=========

لينكات مهمة من تعليقات أصدقائى القراء

السعودية على نفس الخط
http://quran.al-islam.com/Tafseer/DispTafsser.asp?l=arb&taf=KORTOBY&nType=1&nSora=13&nAya=8

مقال آخر عن نفس الموضوع
http://www.almesryoon.com/ShowDetails.asp?NewID=2071&Page=1

بحث فقهى شامل فى الموضوع
http://www.almeshkat.net/books/open.php?cat=32&book=1809

مع أحترامى للجميع ده موقع الدكتور على جمعه مفتى الجمهوريه
ولا يوجد فيه هذه الفتوى المنسوبه أليه
http://alimamalallama.com/

كلام واحد ملخبط

الراجل القاضى اللى طلع حكم منع المواقع الاباحية يا اما متجوز يا اما مسلم نمر - ده لو افترضنا حسن النية فى الحكم و ماقلناش أنه مجرد مقدمة لاعطاء الحكومة المبرر الشرعى لمنع كل المواقع اللى مش عاجباها

العيال الصغيرة و الشباب اللى بتفرغ طاقتها الجنسية فى الفرجة على المواقع دى مش حيلاقوا مكان يفرغوا فيه طاقتهم مع انعدام فرص الجواز لأقل من سن 25 سنة - مع التفاؤل - و حيفرغوها فى العلاقات الجنسية الغير شرعية أو فى الشارع

زى كل مرة حييجى يكحلها حيعميها

*عن الموضوع*

http://bad-way.blogspot.com/2007/12/blog-post_11.html

==========

هى صدفة أن الفرق بين كلمة ( مرجعية ) و كلمة ( رجعية ) حرف واحد ؟

==========

عندما يعلو المنهج فوق الانسان .. يسقط المنهج و يسقط الانسان

واحد ملحد قال لى أنه لما فهم المبدأ ده بقى من أشد مؤيدى شعار الاسلام هو الحل

==========

اللعبة الخطرة بتبقى ضرورية لكسر الملل .. لكن لما يبقى الخطر نفسه حوار مكرر بيبقى ممل فى حد ذاته

==========

كل يوم أقول قربنا نوصل للقاع .. قربنا نوصل للقاع .. يا رب بقى نوصل للقاع .. بتمنى ده عشان عارف ان الوصول للقاع معناه بداية الصعود .... بس يبدو أن القاع أبعد بكتير مما أتخيل و أتمنى

==========

أنا كنت عاوز أعمل حاجات كتير قبل ما أموت .. من ضمنها اعمل كتاب فيه كل مقالاتى و اسافر كل قارات العالم و أشوف رئيس جى بانتخابات ديمقراطية فى مصر انشالله يكون اخوان .. بس دلوقتى عاوز أموت بسرعة و اقابل ربنا .. اكيد بعد الموت الدنيا مش مملة كدة .. دنية ايه ده مفيش دنيا اساسا

==========

تحذيرات كتير بتوصلنى عشان أبعد عن سكة ملحدين الفيس بوك .. طيب أنا قلت مليون مرة أنا مش ملحد .. و مش شايف ان الالحاد أمر منطقى لأن البرهنة على عدم وجود شئ غير مادى بادلة و ادوات مادية أمر ملوش معنى من الاساس .. ربنا خارج حدود المنطق و العقل و المادة و اثبات وجوده أو عدم وجوده بالمنطق و بالعقل و العلم المادى تضييع وقت

المسألة كلها مسألة احساس و بس و فى النهاية أنا بساند حرية التعبير و برفض قلة الأدب على كل المستويات و من كل الاطراف ,,, أنا محايد و بحاول أكون موضوعى و حفضل محايد طول الوقت

=========

محتاج جدا لحب فى اللحظة دى .. مفيش حب و مفيش معنى للحياة .. كل يوم شبه اللى قبله

=========

يمكن أنا بعيد عن السياسة و مش بقرأ جرايد ولا متابع اللى بيحصل فى البلد - بقول يمكن - لكن عندى سؤال للناس المتابعة كويس

حد سمع حاجة عن حركة ستة ابريل من ساعة ما طلعت غير الخناقات و البيانات و طرد الأعضاء و الاعتقالات فى المواسم ؟

أنا آسف لصحابى أعضاء الحركة المحترمين - و هما كتير و على رأسهم احمد ماهر - .. لكن حتى شباب من اجل التغيير اللى كنا بنقول عليها فشلت ( بسبب نفس الناس ال***يم اللى بيهبلوا دلوقتى ) كان نشاطها أعلى و أفيد من كدة بكتير

========

الانسان اللى بيبنى مشروعه الفكرى أو السياسى على نقطة واحدة محورية لازم يفشل لأن عنده نقص جامد جدا

العلمانية مش هى الحل ... الديمقراطية مش هى الحل .. حرية التجارة مش هى الحل... 

العلمانية و الديمقراطية و الفصل بين السلطات كلها مجرد قيم فى منظومة القيم اللى توصلت ليها البشرية خلال مشوار تطورها .. تتكامل القيم دى مع بعضها لمنع المرض الأخطر و أبو كل الأمراض .. الاستبداد

الاستبداد بكل أشكاله و أنواعه هو أس أى بلاء فى اى دولة

الاستبداد العسكرى - الاستبداد الدينى - الاستبداد الاقتصادى

العلمانية هى قيمة معنوية معنية فقط بمنع الاستبداد الدينى ... لكنها ملهاش دعوة بالاستبداد العسكرى أو الاستبداد الاقتصادى

العلمانية مجرد قيمة مجردة مش هى نهاية المطاف ولا الحل السحرى لكل مشاكلنا و تخلفنا المروع

لازم عشان نحل مشاكلنا نواجهها بدل تضييع الوقت فى المسميات و اللعب فى اللغويات

معروفة .. الجهل فاشى فى النساء

المقال والتلعيقات على فيس بوك

واحدة بنى آدمة منتقبة قاعدة قدام الكاميرا عشان تخاطب الملايين

ماهو ده من الخبل الذى نعيشه الآن

و ماذا عند هذه المرأة من العلم حتى تقدمه ؟

العلم ده بتاع الرجالة و بس ... مع احترامى يعنى

أى امرأة مهما صعدت فهى مقلدة و عامية

مفيش واحدة تعرف العلم على أصوله

ممكن تقعد تعمل درس خاص .. ليه ؟ .. لأن الجهل فاشى فى النساء .. معروفة

كل واحدة قرت كلمتين ولا تلاتة ولا أربعة ما ينفعش ربنا يهدى بيها الناس

و الأصل عندنا فى القرآن و السنة أن المرأة تقر فى بيتها ولا تخاطب الرجال الا لضرورة و أنها تعتزل الرجال

و ده الأصل الاصيل اللى مش عاوز ننطح فى بعض فيه

يكفينى آية واحدة قال الله تعالى .. و اذا سألتومهن متاعا فاسألوهن من وراء حجاب

الحجاب عندنا نوعان .. حجاب البيوت و حجاب البروز

حجاب البروز لما الست دى تخرج من بيتها فتتجلبب جلبابا كاملا

ربنا بيقول للصحابة - اللى هما أطهر الناس قلوبا - لما تكلموا امهاتكم كلمها من ورا ستارة

طب دى أمى !!؟؟ ... اكلم أمى من ورا ستارة ازاى ؟

امهات المؤمنين زيها زى أى امرأة .. لا يحل لأحد ان يسافر بها أو يختلى بها

000000000

دى منظرة .. المرأة بتعملها دى دى منظرة لا أكثر ولا أقل و الفضائيات فيها عك كثير

النساء اللى بتتصل عشان تقرأ قرآن فى التليفون .. ما تروح مقرأة فيها أخت و لا حاجة

نتلقى اتصال .. هه .. ايوة يا ستى عاوزة تقرأى ؟ اتفضلى اقرأى

اسمك ايه ؟ وردة .. الله ريحتك حلوة

اسمك ايه ؟ فتكات ؟ .. طيب اقرى لنا حاجة من سورة القتال ... ما هى فتكات بقى

ده دين ده ؟؟ . ده ممكن نسميه دين ؟؟

======

و عندنا علماء فى مسح الجيوب ... بتوع تفسير الاحلام

ايوة يا ستى شفتى ايه ؟ كنتى لابسة أخضر فى أخضر؟ و كنتى طايرة ؟ لأ ؟ الحمد لله لو كنتى طايرة كانت حتبقى مشكلة

كنتى طايرة ؟ الحمد لله لو كنتى على الأرض كانت حتبقى مشكلة

و 100% من اللى بيتصلوا فى البرامج دى من النساء

مفيش راجل فى الدنيا بيشتغل و يعرق عشان يبرجع يكع 40 جنيه عشان يقول حلمت و ما حلمتش

اللى بيعمل كدة النساء الفارغات

عندنا زخم .. ماهى دى كلها مخالفات و هذا خروج عن قانون الشريعة

و حتى فى المجتمع اللى احنا بنؤمل أنه يقف على حدود الله عمال يخطى هو كمان

و اذا اصابته مصيبة قال ... أنى هذا ؟؟

ما هى دى كلها من المخالفات

أحكيلكم اللى عارفينه من قصة بدر

مفيش تعليق أبلغ ولا أوضح من الصورة دى

http://www.youtube.com/watch?feature=endscreen&NR=1&v=Y9NM6BtLM9o

The 2D Simpsons

1 of the best features of the Simpsons family that they never grow up!

Lisa - the middle daughter - was born in 1984 , the same year as me , she wd be 25 by now

BUT she is still a little kid , her mistakes will remain kid's mistakes for ever , & for ever she will have the chance to explore the world from a wondering kid's eye , she didn't had to choose her career yet , never fall in love & stuck into a relationship & never had a teenager broken heart

her parents Hoomer & Marg are both still young enjoying life, they are not getting old like my own parents , they are their for her for ever,

her house & neighborhood will always be the same

Part will never leave 2 another independent life , he is younger than that & will always be the same , his friends & school are constant forever

maybe that's y I love them that much (beside being funny) , she got the option I cnt have , being a harmless cartoon character forever - we are all cartoon characters for another type of writers but we are just growing old ,we are from the 4D world & I dnt know which is worse yet

تسامحوا يسامحكم الله

المقال الأصلي والتعليقات على فيس بوك

أحادية التفكير مشكلة مزمنة عندنا ... كل واحد بيشوف نفسه بس و بيبص من منظور واحد بس ... يعنى الأحادى بيقيم كل الناس على حسب مقياس واحد بس .. مقياسه هو اللى بيعتبره مركز الكون

يا اما معانا يا اما ملكش وجود أساسا

لو الاحادى ده اسلامى المنظور حيشوف كل الناس يا اما مسلمين أبرار يا اما كفرة بيحاربوا الاسلام .. كل الأرض يا أرض كفر يا أرض ايمان

لو الأحادى ده منظوره اقتصادى ليبرالى حيشوف كل الناس يا اما ليبراليين رأسماليين يا اما عالم حقيرة برة حساباته

أحادية الرؤية معجزة فى حد ذاتها لأنها مستحيلة الحدوث فى الواقع لأن كل حاجة متنوعة قصادنا .. لكنها مع ذلك موجودة فى عقول البشر بطريقة عجيبة زى المرض

المصيبة التانية بقى هى الثنائية ... يعنى الانسان ذو التفكير الثنائى ده بيحط كفتين بس قدامه ... أنت يا اما يمين يا اما شمال

يا اما شيوعى مناضل يا اما رأسمالى مستغل

يا اما أهلى يا اما زمالك

يا اما معايا يا اما ضدى

يا اما مسلم يا اما مسيجى

يا اما ملحد يا اما جاهل

يا اما ملاك يا اما شيطان

يا اما قومى يا اما صهيونى

القطبية الثنائية دى مشكلة مدمرة اكتر من مشكلة الأحادية لأنها مريحة أكتر ... أى حد يختلف معاك يبقى أكيد تبع الطرف التانى اللى فيه كل العيوب

مفيش احتمالية فى الفكر الثنائى وجود طرف تالت رافض الطرفين المتصارعين ولا طرف رابع متقبل الاتنين ولا طرف خامس بيحاول يبقى وسط بينهم ولا طرف سادس ما يعرفش الطرفين دول مين أساسا

الحياة مش كدة ... الحياة مش ضيقة الأفق زى ما ناس كتير بتتعامل معاها

الحياة متنوعة لدرجة مستحيل العقل البشرى يحصرها

التنوع فى الأنغام هو اللى بيخلق الموسيقى الجميلة و لو الموسيقى كانت نغمة واحدة كانت بقت ملهاش معنى

التنوع فى الألوان هو اللى بيخلق الجمال فى عيوننا و لو العالم أبيض و أسود بس مكناش حسينا بجماله

التنوع فى الأفكار و المعتقدات و المبادئ هو اللى بيخلق ثراء يستمتع بيه العقل و هو اللى بيدفع الدنيا كلها لقدام

الأحادية غباء صريح لأنها بتعجز صاحبها عن التعامل مع الآخر

و الثنائية غباء مزدوج لأنها بتخدع صاحبها و تصور له أنه أرقى و أفضل حد فى الدنيا و فى نفس الوقت بتصور له عدوه على أنه قوى جدا ( لأنه بيشوف كل الناس المختلفة معاه فى صف عدوه )

التنوع سنة من سنن الله فى الكون .. و كل ما زاد فهم الانسان للتنوع و تسامح مع الأفكار المخالفة لأفكاره و تقبل الناس المختلفة معاه كل ما ازداد حكمة و رقى و استفادة من وجوده فى الدنيا

===================

مواضيع متهيألى أنها ذات علاقة :

الحكمة ضالة الانسان

http://www.facebook.com/note.php?note_id=10232828033

أن تصير انسان

http://www.facebook.com/note.php?note_id=33709208033

احنا و هما

http://www.facebook.com/note.php?note_id=19822158033

الليبراليين اللى بجد

http://www.facebook.com/note.php?note_id=10807748033

المسلمين جابوا جون

http://www.facebook.com/note.php?note_id=37155758033

شك يشكك فهو دبوس

http://www.facebook.com/note.php?note_id=30964978033

non-sense judgement

1 billion years in deep high temp. burning fire with non-stop torture & humilation, u can't die ,sleep rest or have mercy

I'll give u that as price of 100 years of freedom & pleasure

isn't it a little bit funny ?

هكذا خلقنا الله حقا

قد تحب مطالعة قصتى المسلية كبداية

http://www.facebook.com/note.php?note_id=23447698033

أنها عن رمزية قصة الخلق التى نعرفها جميعا عن ظهر قلب

و التى تظهر هنا فى هذا الفيديو بصورة ساخرة

http://www.facebook.com/home.php?ref=home#/video/video.php?v=1085778788477&ref=nf

و قد وضعتها هنا فقط لتظهر كيف فهمها الأقدمون بتفسير يناسب عصرهم و منظورهم للحياة و كيف أن هذا التفسير الحرفى الضيق لم يعد مقبولا مع تطور فهمنا لنشأة الكون و الحياة بصورة علمية

http://quran.al-islam.com/Tafseer/DispTafsser.asp?l=arb&taf=KATHEER&nType=1&nSora=2&nAya=35

==============

و الآن قد تحب مشاهدة هذا الفيلم الذى يشرح وجهة النظر العلمية المنطقية - التى قد تشوبها بعض الأخطاء و لكنها لا تزال فى تطور هى الأخرى - فى

( كيف خلقنا الله حقا )

ج 1من7

http://www.youtube.com/watch?v=jz9s4uPJSrs

ج 2من7

http://www.youtube.com/watch?v=TVgebBlr2Fs

ج 3من7

http://www.youtube.com/watch?v=022lJ2Q5Oa8

ج 4من7

http://www.youtube.com/watch?v=WoOjgl9dFEM

ج 5من7

http://www.youtube.com/watch?v=lRBFlRxYFDc

ج 6من7

http://www.youtube.com/watch?v=IQ2QXaYv95o

ج 7من7

http://www.youtube.com/watch?v=wS12QfUyys4

مصر التى فى خاطرى

مصر كما أتمناها و أتخيلها و اكاد أراها فى أواخر أيام عمرى

ثقافيا : حراك ثقافى مستمر و متجدد و متنوع ... انتعاش فى مجال الترجمة العلمية و الأدبية و مجالات الكتابة فى الرواية , القصة القصيرة , المسرح , تكريم شعبى و أكاديمى للكتاب و المبدعين و الفنانين , انتعاش صناعة السينما المصرية بكافة أنواعها ( تاريخية , كوميدية , درامية , حركة .. الخ ) ,, افتتاح مراكز ثقافية و ابداعية على غرار ساقية الصاوى و بيت السحيمى فى محافظات و قرى مصر المختلفة و خاصة فى الصعيد بل و خارج مصر .. انتعاش الثقافة المصرية بجميع طبقاتها ( اسلامية - عربية - قبطية - فرعونية - ملكية - معاصرة ) و ابداع أنواع جديدة من الفنون متناسبة مع المد الثقافى المصرى , صدور مجلات و جرائد أدبية تعيد تصدير مجد مصر الأدبى و الثقافى للمجتمع المصرى بكافة أطيافه السياسية و الاجتماعية و للعالم كله

==================================

سياسيا : بعد عقود من الاستبداد و مقاومة الاستبداد تتكون فى المجتمع المصرى نزعة قوية نحو الحرية و العدالة تترجمها حركات اجتماعية و سياسية تنشط فى المجتمع ضد الاستبداد بالسلطة و مجموعات ضغط من قوى مختلفة اشتراكية\عمالية , اسلامية\محافظة , حقوقية\انسانية , ليبرالية\وطنية تتحالف و تتخالف مع بعضها البعض فى اطار رؤية كل منهم لمصلحة الوطن و مستقبله و فى اطار القانون و التنافس السلمى

تترجم هذه الحركات و جماعات الضغط تواجدها بدعم أحزاب مدنية قريبة من توجهاتها و تتكون أحزاب اسلامية و ليبرالية و اشتراكية لكل منها برامجه و توجهاته السلمية و وسائل اتصاله و اعلامه و مناطق نفوذه التقليدية و أنصاره دون عنف أو قمع متبادل و فى ظل احترام متبادل بين قيادات تلك الأحزاب

أتصور وجود عدد لا يقل عن 9 أحزاب ذات تواجد حقيقى و رؤى متباينة و ان تقارب بعضها فى الاتجاهات العامة
( اسلامى - ليبرالى - اشتراكى - قومى\مصرى - اشتراكى\قومى - اسلامى\اشتراكى - اسلامى\ليبرالى - قومى\عربى)

الحاكم المصرى سواء كان رئيس الجمهورية أو رئيس الوزراء حاكم مسئول أمام البرلمان و سلطاته محدودة بدستور مصرى ليبرالى ( يحفظ حقوق المواطنين و يمنع الدولة من التغول عليهم ) .. الحكومة مسئولة أمام البرلمان و تتكون الحكومة من تآلف الأحزاب الناجحة فى انتخابات البرلمان

يكون التداول السلمى للسلطة و الفصل بين السلطات ( التشريعية - التنفيذية - القضائية ) هو أهم قيمة ديمقراطية يحرص عليها الشعب المصرى بأحزابه و اتجاهاته السياسية و الاجتماعية المختلفة

كما تؤدى تجربة الاستبداد العسكرى فى العصر العسكرى المنتهى ثم المالى فى العصر الحالى ثم الدينى فى العصر القادم (كما أتوقع) الى قيام حركات شعبية و سياسية مختلفة تهدف الى الفصل بين نفوذ رجال العسكرية و رجال المال و رجال الدين عن الدولة و التحكم فى سياساتها بصورة مباشرة و ان كانت تسمح لرجال المال و الدين بالتأثير على سير الأمور بطريق غير المباشر عن طريق تكوين الجمعيات الأهلية التى تعبر عن أهدافهم و مصالحهم

==================================

اجتماعيا : ينشط المجتمع المدنى بأقل قيود قانونية فى المجال الخيرى و الخدمى و الدعوى\التنويرى و الحقوقى
و ينشط بصورة فاعلة فى كل مجالات و مستويات المجتمع و يقوم بدور قوى للغاية فى ظل عدم تدخل الدولة فى أنشطته فى تشكيل مجتمع أكثر عدلا و رخاءا

بحيث يكون من حق كل مجموعة من المواطنين المصريين تكوين جمعية أهلية و اعلان أهدافها و طرق عملها و يكون نجاخها أو فشلها نابع من قدرتها على العمل و حشد الجهود و استقطاب المواطنين

مثلا : تقوم الجمعيات الحقوقية بالدعوة الى حركة تنوير ضد اضطهاد الأقليات و ضد العنصرية و الطائفية

و تقوم الجمعيات الخيرية التى تهتم بالفقراء بعمل حملات ضغط على الحكومات المختلفة و بالتعاون مع الأحزاب من اجل تحسين مستوى معيشة الفقراء فى مناطق معينة

و تقوم الجماعات الدينية بالدعوة الى التمسك بالقيم و الثوابت الأخلاقية و الدينية بحرية و دون استخدام العنف أو التهديد به

م.أحمد بدوى

3 - 5- 2009