Friday, May 22, 2009

بدوى فى تايلاند 2


1- لسة ما جبتش هدايا لحد 

2- من كتر البلاوى اللى بعرفها عن بورما و كوبا و زيمبابوى عاوز اول ما أرجع أروح أرمى 2 طن ورد عند قبر الرئيس السادات و أبوس ايدى شعر و دقن على النعمة اللى احنا فيها فى مصر 

برغم كووووول المصايب اللى عندنا فأنا من كتر اللى بشوفه بيحصل عندهم حعلن التوبة و أعلن انضمامى للحزب الوطنى لمدة نص يوم بحاله تأييدا لسياساته (الرحيمة) فى التعامل مع معارضيه 

أقل حكم فى كوبا على أى ناشط حقوق انسان أو صحفى ينتقد النظام بيبدأ من 13 سنة لحد 28 سنة 

فى بورما شاعر مشهور كتب قصيدة حب فى 2008 بس القصيدة لو غيرت فى حروفها تبقى قصيدة هجاء للنظام لبسوه تلات سنين 
و طالب كان بيلم توقيعات عشان اطلاق سراح اخوه من السجن لبس 90 سنة سجن -- آه و الله 90 سنة بجد مش هزار 

فى زمبابوى الريس موجابى 83 سنة خسر الانتخابات فجثث مؤيدين المعارضة ملت الشوارع الجانبية و لسة الراجل فى السلطة 

معنديش تعليق على كل ده غير .. 

الحرية هى الحل 

و ليسقط كل ديكتاتور أو نظام حكم يقهر شعبه .. بداية بنظامنا الحاكم المبجل 
Post a Comment