Sunday, September 26, 2010

العقل الغامض بسلامته


بقالي يومين مش بعمل حاجة تقريبا غير إني بتفرج علي فيديوهات بتتناول مسائل علمية بحتة , الكون , التطور , تشريح جسم الانسان

كل فيديو بمثابة كتاب كامل ، بعوض الشهور اللي ضاعت مني بعيد عن الكتب

بشحن وأجدد وأطور خلايا التفكير والخيال والتساؤل في عقلي

أنا لو حيكون ليا هدف ودور ومتعة ومهنة في الحياة بجانب الحرية فحيكون التفكير

يمكن عمري ماحكون زي أينشتاين أو دافنشي أو ابن رشد أو كارل ساجان ، لكن متعة الفهم ملهاش حدود

ويمكن تكون الفايدة الوحيدة لأكبر ألم في حياتي -الوحدة- هي أني أقدر أفكر بحرية وبدون قيود

يمكن مايكونش عندي الحد الأدني من الجاذبية عشان ألاقي انسانة تحبني بدون شروط ، لكن تقدر الأفكار تشغل عقلي وتقدر السياسة تستهلك طاقتي ووقتي لحد ما أمشي من هنا وأرجع للعالم اللي جيت منه

بس علي الأقل مش حمشي بدون ماأفهم

========================

لمشاهدة العديد من الفيديوهات العلمية الرائعة مترجمة للغة العربية
http://www.youtube.com/user/fluxqubit
Post a Comment