Sunday, December 12, 2010

مظاهرة ضد البرلمان المزور

تويتات مظاهرة 12 ديسمبر ضد البرلمان المزور


أؤمن تماما أن نظام مبارك -وريث استبداد العسكر-هو مجرد أمر عارض في تاريخ مصر تعود مصر إلي دورها الطبيعي بعد دفنه

كنت فاكرها مظاهرة عادية بس طلع فيه مفاجأة حتطلع من عين العادلي وزير الملابس الداخلية

العدد كبير جدا وفيه ضباط أمن دولة أول مرة يظهروا  


عملنا مسيرة مفاجأة من كوبري الجلاء لحد دار القضاء ودلوقتي فيه أكتر من ألف واحد بيهتفوا قصاد المجلس

كنت جاي بردان واتدفيت من الهتاف والإحتكاك والزق

أذكي حاجة حصلت هو الإعتماد علي قيمة التنافس وتبليغ كل تيار ضرورةأنه ييجي بأعلامه فكل الناس حرصت تحشد أكبر عدد ممكن
عشان يبقي ليها تواجد أكبر

باطل باطل ,, القضية القضية ,, المجلس من غير شرعية


هتاف : المجلس لازم يتحل واللي زور إيده يتشل

أبرز الحاضرين: رامي لكح-أسامة الغزالي-محمد البلتاجي-وائل نوارة-حمدين صباحي-جورج إسحق-بانر البرادعي-وأحمد بدوي ‎ #Egypt ‎:p

اللي يزور الإنتخابات بكرة يحصل السادات ,رصاصةخدت اللي فات ورصاصة حتاخد ده * أغبي هتاف بيتقال لأن الديمقراطية مبتجيش بالرصاص

انضم للوقفة مجموعة من شباب بورسعيد وروح الناس المعنوية عليت جامد
الدنيا حتمطر كمان شوية :)

هتاف : وآدي إخواتنا مالبحيرة بيقولوا لأ للفضيحة


مجلس الشعب صباح الخير دانتا رئيسك ملياردير


قولوا للكلب العادلي وسيده التزوير تم بإيده


اتجاه لفتح ثغرة في الكردون والخروج لشارع رمسيس

الدنيا بتمطر تفافة

وسعت منك يا أبوحديدة . انتخاباتك عار وفضيحة

ناس بتحاول تنهي الوقفة بنشيد بلادي بلادي وبيقولوا انهم من الوفد وردينا بهتاف قاعدين قاعدين مش ماشيين


هتاف ضد الأخوان : يا أخوان يا أخوان سايبين ليه الميدان؟


أيمن نور وصل ووقف جنب أسامة الغزالي  

كمال خليل يهتف: بكرة الوريث يقول متي استعبدتم الناس يا دادي

محمود سامي من 6 أبريل عينه وارمة ضابط ضربه وهو داخل الكردون  


هتاف : عيني عليكي يابهية . الفضيحة بقت دولية

ضابط بنجمتين واقف يتاوب

انتهت الوقفة  


Post a Comment