تخيل معايا لو في يوم واحد تظاهر عمال المحلة وعمال طنطا وموظفين الضرائب العقارية
وتخيل لو أعلن سواقين التاكسي والنقل العام والمترو والقطارات الإضراب عن العمل في اليوم ده
وتخيل لو نزل كل طلاب الجامعات وشباب الحركات السياسية 6 أبريل والعدالة والحرية وحشد والإشتراكيين الثوريين والبرادعاوية وشباب الأخوان وشباب خالد سعيد الشارع في اليوم ده رافعين شعار واحد هو مبارك انتهى
وتخيل لو في نفس اليوم وقف شباب القضاة وقادة الأحزاب - الغد والجبهة والكرامة والمهنيين - محاميين وصحفيين وصيادلة ومهندسين ومدرسين وقفات احتجاجية في نقاباتهم وأنديتهم في كل محافظة في مصر
وتخيل لو أهالي ضحايا العبارة والقطارات ونجع حمادي والعمرانية وأهالي الدواير إللي اتزورت أصواتهم في مجلس الشعب وأهالي المناطق الفقيرة والقري وأهل النوبة وأهل سيناء تظاهروا من أجل حقوقهم المهضومة
تخيل لو كل محافظة في مصر تظاهر فيها كذا ألف مصري قصاد مبنى المحافظة أو في الميادين الكبيرة فيها
وتخيل لو المصريين برة مصر نظموا وقفات احتجاجية قدام كل السفارات المصرية حوالين العالم وكلهم رافعين يفط عليها كلها كلمة مبارك انتهى
تخيل لو اليوم ده متحضر له بشكل قوي من قبلها بمدة طويلة - سنة مثلا وكله عارف ومستني وكله بينسق مع بعضه وبينشر الأخبار وبيكلم الناس اللي يعرفهم عشان يشاركوا في اليوم ده
تخيل لو كل ضابط شرطة عرف ان له قريب أو حد يعرفه موجود في الشارع في اليوم ده
تخيل لو قبل اليوم ده بسنة كاملة بتحصل عملية حشد وتعبئة للناس كلها بالمشاركة فيه وكل الرموز السياسية وغيرها تعلن بشكل صريح إنها حتشارك في إسقاط مبارك
تخيل لو كل اضراب عمالي بيحصل لسبب فئوي فيه حد بيشتغل على أنه يوصل للناس ويقنعهم بأن أملهم الحقيقي لإصلاح أحوالهم هو عن طريق المشاركة في إسقاط مبارك ونظامه
تخيل لو فيه سلسلة من الفعاليات المختلفة بتحصل طول السنة دي في أماكن مختلفة بطول مصر وعرضها بينظمها ناس مختلفة من تيارات مختلفة وبأساليب مختلفة كلها بتعلن هدف رئيسي هو إسقاط مبارك وبتعلن بشكل مباشر أن مبارك - كنظام - نهايته أكيدة وقربت
وتخيل لو اليوم ده هو يوم العالم كله بيراقبه وبيتابع فيه تصرفات النظام المصري عشان ده يوم تجديد رخصة قيادة البلد , يوم انتخابات الرئاسة في مصر وأن يكون كل الناس عارفين اننا مش حنرجع بيوتنا لو فضل مبارك أو أى حد من نظامه في السلطة
تفتكر حيقدر النظام المصري بأمن الدولة والأمن المركزي والبلطجية يستوعب كل ده ? تفتكر عصابة مبارك وعز وعزمي وصفوت حيفضلوا في مصر بعد كدة ?
وتفتكر أنهم حتى لو قدروا يعدوا اليوم هل تعتقد أنهم حيعرفوا يعملوا أى حاجة بعدها ؟ والخوف حيفضل زي ما هو ؟
لو إجابتك أنهم مش حيقدروا وشايف أن هو ده إللي إحنا محتاجينه يحصل فعلا يبقي انضم معانا في حملة إنهاء حكم مبارك في سنة 2011 وشاركنا النقاش عن الطرق العملية لتحقيقه
وتخيل لو أعلن سواقين التاكسي والنقل العام والمترو والقطارات الإضراب عن العمل في اليوم ده
وتخيل لو نزل كل طلاب الجامعات وشباب الحركات السياسية 6 أبريل والعدالة والحرية وحشد والإشتراكيين الثوريين والبرادعاوية وشباب الأخوان وشباب خالد سعيد الشارع في اليوم ده رافعين شعار واحد هو مبارك انتهى
وتخيل لو في نفس اليوم وقف شباب القضاة وقادة الأحزاب - الغد والجبهة والكرامة والمهنيين - محاميين وصحفيين وصيادلة ومهندسين ومدرسين وقفات احتجاجية في نقاباتهم وأنديتهم في كل محافظة في مصر
وتخيل لو أهالي ضحايا العبارة والقطارات ونجع حمادي والعمرانية وأهالي الدواير إللي اتزورت أصواتهم في مجلس الشعب وأهالي المناطق الفقيرة والقري وأهل النوبة وأهل سيناء تظاهروا من أجل حقوقهم المهضومة
تخيل لو كل محافظة في مصر تظاهر فيها كذا ألف مصري قصاد مبنى المحافظة أو في الميادين الكبيرة فيها
وتخيل لو المصريين برة مصر نظموا وقفات احتجاجية قدام كل السفارات المصرية حوالين العالم وكلهم رافعين يفط عليها كلها كلمة مبارك انتهى
تخيل لو اليوم ده متحضر له بشكل قوي من قبلها بمدة طويلة - سنة مثلا وكله عارف ومستني وكله بينسق مع بعضه وبينشر الأخبار وبيكلم الناس اللي يعرفهم عشان يشاركوا في اليوم ده
تخيل لو كل ضابط شرطة عرف ان له قريب أو حد يعرفه موجود في الشارع في اليوم ده
تخيل لو قبل اليوم ده بسنة كاملة بتحصل عملية حشد وتعبئة للناس كلها بالمشاركة فيه وكل الرموز السياسية وغيرها تعلن بشكل صريح إنها حتشارك في إسقاط مبارك
تخيل لو كل اضراب عمالي بيحصل لسبب فئوي فيه حد بيشتغل على أنه يوصل للناس ويقنعهم بأن أملهم الحقيقي لإصلاح أحوالهم هو عن طريق المشاركة في إسقاط مبارك ونظامه
تخيل لو فيه سلسلة من الفعاليات المختلفة بتحصل طول السنة دي في أماكن مختلفة بطول مصر وعرضها بينظمها ناس مختلفة من تيارات مختلفة وبأساليب مختلفة كلها بتعلن هدف رئيسي هو إسقاط مبارك وبتعلن بشكل مباشر أن مبارك - كنظام - نهايته أكيدة وقربت
وتخيل لو اليوم ده هو يوم العالم كله بيراقبه وبيتابع فيه تصرفات النظام المصري عشان ده يوم تجديد رخصة قيادة البلد , يوم انتخابات الرئاسة في مصر وأن يكون كل الناس عارفين اننا مش حنرجع بيوتنا لو فضل مبارك أو أى حد من نظامه في السلطة
تفتكر حيقدر النظام المصري بأمن الدولة والأمن المركزي والبلطجية يستوعب كل ده ? تفتكر عصابة مبارك وعز وعزمي وصفوت حيفضلوا في مصر بعد كدة ?
وتفتكر أنهم حتى لو قدروا يعدوا اليوم هل تعتقد أنهم حيعرفوا يعملوا أى حاجة بعدها ؟ والخوف حيفضل زي ما هو ؟
لو إجابتك أنهم مش حيقدروا وشايف أن هو ده إللي إحنا محتاجينه يحصل فعلا يبقي انضم معانا في حملة إنهاء حكم مبارك في سنة 2011 وشاركنا النقاش عن الطرق العملية لتحقيقه
هانت يامصر .. نهاية مبارك 2011
No comments:
Post a Comment