يعني إيه مصر القوية؟

احنا مش حزب معارضة، احنا حزب بنعمل اللي شايفينه صح بدون الخوف من أن حد يفهمنا بشكل غير اللي شايفين نفسنا فيه

يعني لو مرسي أو غير مرسي عملوا حاجة صح – من وجهة نظرنا - بنشجعهم عليها ولو عملوا حاجة غلط – من وجهة نظرنا - بنحاول نصلح الغلط

وتصليح الغلط درجات أولها الاستشارة أننا نبعت ملاحظاتنا مثلا على أداء مرسي, وثانيها المبادرات والتحركات اللي بنضغط عشان تتحقق ولما مش بتتحقق بنتدي نصعد بالاحتجاج بالتدريج لحد مانوصل للرفض الكامل

وده مش اختراع , دي طبيعة الإنسان الطبيعي , لو شايف سواق الأتوبيس بيعمل حاجة غلط وهو بيسوق حتنبهه وتنصحه وحتبقى عنده أمل في أن السواق بما أنه كدة كدة معانا في العربية يبقى أكيد حيخاف عليها زينا وبعدها لو استمر في غلطه بنبتدي نزعق عشان ننبهه أكتر وأكتر ولو ملقاش نتيجة في الآخر بيشده من إيده بالعافية عشان يبعده عن عجلة السواقة ،،،، مابتلاقيش راكب نط على سواق ضربه من أول غلطة غير لو كان يعرفه من الأول ومتغاظ منه ومستني له على غلطة أو لو السواق كانت غلطته كارثية مفيهاش فرصة تانية , وعموما في السياسة الغلطات الكارثية اللي لا تحتمل التأجيل مش كتيرة

أبو الفتوح لما شاف الأخوان بيعملوا حاجة غلط قال ومسكتش خوفا على زعلهم ومأفورش في النقد عشان يزود شعبيته, احنا بنقول رأينا زى ماهو مش زى ماحد غيرنا عاوزنا نقوله, بنقول للناس على أفكارنا بدون حرج وبدون تمثيل

أبوالفتوح لما شاف المعارضة بتعمل حاجات شايفها من تقديره مش لمصلحة البلد - يعني باصة لجانب واحد سياسي ومش شايفة الجانب التاني الاقتصادي - قال كدة ومخباش وجهة نظره خوفا من اتهامه بأنه موالي للأخوان

وزى ماقلت قبل كدة, احنا مع أبوالفتوح مش عشان يجرنا وراه أو ناخد منه نموذج ولكن عشان هو فعلا بيعبر عن طريقة تفكيرنا

احنا عمليين منطقيين براجماتيين بتوع حلول منطقية بنفكر برة الصندوق مش بتوع شعارات (اسلامية أو مدنية أو طبقية) ولا بتوع ادعاء مثالية (ثورية أو أخلاقية أو دينية) فارغة

وزى ماقلت قبل كدة ، الحلول الوسطية هي الحلول المنطقية لإن الحلول الجذرية أو المتطرفة مش منطقية لإنها بتسقط من حساباتها حقوق المعارضين ليها وبتعتبرهم غالبا عدو (كفار\ فلول\ عملاء\خونة) لازم سحق وجهة نظره

وكان موقفنا واضح مثلا في أزمة الإعلان الدستوري ، لا احنا طالبنا بحل جذري زى تشجيع مرسي على الصدام مع الفلول ومع الاعلام ومع القضاء (ده الحل اللي دعا له الاسلاميين الثوريين – ومنهم ناس نفتخر بوجودهم معانا في الحزب - ومش حينجح لإن مواجهة كل قوى المجتمع في خبطة واحدة مش حتنفع وحتؤدي لانقسام خطير) ،، ولا طالبنا بإسقاط رئيس منتخب بعد أربع أشهر من انتخابه (ده الحل الجذري الناحية التانية – وبرده كان فيه له مؤيدين عندنا في الحزب - وبرده ده مش حل يمكن تطبيقه وحتى لو نفع فهو حيكون باب فوضى شديدة)

الفوضى معناها أن كل ماقرار ميعجبش أى حد يقول يلا نسقط الرئيس، فتلاقي لو حمدين مثلا بقى رئيس فيخيب خيبة الأخوان – أى حد معندوش مؤسسة سياسية تدعمه حيفشل - فيبتدوا الناس يتجمعوا ضده في التحرير فينزل أنصاره في كل حتة يقولوا ان اللي في التحرير فلول مع اخوان وندخل في نفس الدوامة

ازعم ان احنا - لو مش كلنا فأغلبنا – ناس مخلصة , يعني تو ذا بوينت، بنشتغل على قيم محددة شايفين أنها مفيدة للمجتمع مش بنمثل اننا بنشتغل على القيم دي عشان مصلحة خاصة أو ادعاء

برده احنا – لو مش أغلبنا فبعض مننا - ناس نشيطة بتشتغل كتير (مش كنب ومش بتوع سلبية) وحتى اللي مكنش شغال سياسة حتلاقيه كان بيعمل نشاط مجتمعي وخيري قبل كدة

بنحب ندخل المعارك الصعبة المعقدة, بالنسبالنا الخناقة على "مين حيكتب الدستور؟" بجانب ساذجة بجانب خناقة "ايه اللي حيتكتب في الدستور؟" والخناقتين تافهين بجانب المشكلة الأكبر وهى "ازاى تضمن مجتمع عنده وعى بحقوقه وبيسعى ليها سواء اتكتبت في الدستور أو لأ؟"

بالنسبالي وبالنسبة لأغلبنا خناقة علماني\اسلامي بقت تافهة والأصعب منها خناقة أنت مع الحريات بنسبة قد إيه وعندك استعداد تقبل الآخر قد إيه؟

لا بندعي أننا الثوريين الوحيدين ولا بندعي أن أخلاقنا أفضل أخلاق ، احنا بشر ومعترفين بقصورنا , فبالتالي عاوزين طول الوقت نتعلم جديد ونسمع معلومات جديدة وعندنا تسامح مع الأفكار المخالفة لإننا عارفين أن مش كل كلامنا صح

عندنا تسامح مع السخرية – وتلاقي الكلام ده واضح لما كنا مسمين أبوالفتوح تتح ومش بنتضايق من تريقة سامح سمير على مواقفنا وحتى أكونت تتح البارودي اللي بيتريق عليه واحد من حملتنا اللي عامله واحنا أكتر ناس بتتريق على الحزب وبننتقد أى حاجة غلط فيه، لإننا عارفين أننا اكيد بنغلط وأن الدنيا مش بالتعقيد الكافي لإننا نكشر طول الوقت ونعمل فيها مهمين ونتكبر على سماع الأفكار الجديدة ومنعترفش بأخطائنا

مصر القوية مش حزب سياسي .. مصر القوية حزب بيعبر عن طريقة حياة وأسلوب تفكير

مقالات ذات صلة

التيار العلماني أحسن ولا الاسلامي؟ .. مصر القوية

http://bad-way.blogspot.com/2012/11/blog-post_11.html

عن موقف مصر الطرية

http://bad-way.blogspot.com/2012/11/blog-post_27.html

الدوجما العلمانية وأصول الفشل

http://bad-way.blogspot.com/2012/11/blog-post_13.html

شوية مخ وشوية ضمير

http://bad-way.blogspot.com/2012/05/blog-post_29.html

تايه في النص , عن أزمة التفكير الوسطي

http://bad-way.blogspot.com/2012/06/blog-post_25.html

ثنائيات العقل

http://bad-way.blogspot.com/2012/09/blog-post_22.html

الوهم الاسلامي الجديد - قراءة في مصطلحات المرحلة

http://bad-way.blogspot.com/2012/11/blog-post.html

بيان مش رسمي عن الحق في السخرية

http://bad-way.blogspot.com/2012/05/blog-post_28.html

 خطة شعبية للطريق

http://bad-way.blogspot.com/2012/08/blog-post_19.html

قصة حياتي يوم اعلان مرسي رئيسا

http://bad-way.blogspot.com/2012/06/blog-post_9970.html

نهاية الاسلام السياسي في مصر

http://bad-way.blogspot.com/2012/07/blog-post_31.html

مرشح الثورة - عبد المنعم ابوالفتوح

http://bad-way.blogspot.com/2012/02/blog-post_29.html

مائة سبب لإنتخاب أبوالفتوح

http://bad-way.blogspot.com/2012/05/blog-post_20.html

ليه ليبرالي يدعم أبوالفتوح؟

http://bad-way.blogspot.com/2012/03/blog-post_7277.html

أخطاء عبد المنعم أبوالفتوح

http://bad-way.blogspot.com/2012/04/blog-post_18.html

عزيزي الناصري بشرطة , أقبل توبتك

http://bad-way.blogspot.com/2012/05/blog-post.html

ثوار الموضة وموضة الثورة

http://bad-way.blogspot.com/2012/06/blog-post_15.html

عن الأغلبية الصامتة أتحدث

http://bad-way.blogspot.com/2011/09/blog-post_21.html

أصنع أسطورتك ولا تخضع

http://bad-way.blogspot.com/2011/09/blog-post.html

مناقشة عن الليبراليين في مصر

http://bad-way.blogspot.com/2012/07/blog-post_18.html

طفل جهنم الحر ومسخ الملائكة الذليل

http://bad-way.blogspot.com/2012/01/blog-post_22.html

عزيزي العلماني , عزيزي الإسلامي بطلوا أفورة

http://bad-way.blogspot.com/2012/07/blog-post_9998.html

جولة في بعض العقليات الثورية

http://bad-way.blogspot.com/2012/02/blog-post_23.html

خواطر عن الاسلاميين واليساريين والليبراليين

http://bad-way.blogspot.com/2012/06/blog-post_6394.html

بين أرض الواقع والفضاء التنظيري

http://bad-way.blogspot.com/2012/03/blog-post.html

في رفض قدسية النصوص المقدسة

http://bad-way.blogspot.com/2010/10/blog-post_24.html

رسائل بالعامية للمعارضة المصرية

http://bad-way.blogspot.com/2010/12/blog-post_06.html