طالما تعلمت من تجربتك فهي لم تكن أبدا فاشلة
فهم السياسة وممارسة السياسة زى تعلم اللغة في
مدرسة وتعلمها بالممارسة في بلدها,, الاتنين بيقووا بعض وواحدة لوحدها مش ضروري
توصلك للقمة
ممكن تتعلم لغة من غير ماتزور بلدها,, بس الزيارة
بترفع مستواك ،،، ولو زرت بلد من غير ماتدرس لغنها حتتعب عقبال ماتتعلمها
عشان كدة دراسة السياسة مينفعش تتفصل عن ممارستها
– ممارسة السياسة بدون دراسة مش حترفع مستواك عن مستوى معين – مش حتوصل مثلا انك
تكون رئيس وزرا أو رئيس حزب وانت معندكش خلفية علمية تؤهلك للقيادة ووضع الاستراتيجيات
والرؤى
وفي نفس الوقت لو انت دارس السياسة بدون ممارسة
عملية حتفضل في جانب التكنوقراط – المنظرين – لكن مش حتبقى صاحب سلطة سياسية تنفذ
بيها رؤيتك على أرض الواقع بدون ماتنزل وتتعجن في أرض الواقع
2 comments:
مش شرط دراسة السياسة علشان تكون سياسى ماهر اعتقد ان علم السياسة نفسوا علم تجريبى يعنى ناس اشتغلت ومارست الاول وبعدين حطت نظريات بناء على الممارسة دى وبالتالى ممكن تمارس السياسة وانت بتمارسها بتكون بتطبق اللى بيدرس بس انت مش عارف لكن ممكن اللى بيدرس سياسة لما ينزل الملعب ميعرفشى يلعب صح لانوا مش عندوا ملكة توظيف اللى درسوا صح
ممكن السياسي الماهر يكون عضو برلمان -- لكن عشان يكون رئيس حكومة او رئيس دولة او رئيس حزب لازم يدرس سياسة واقتصاد بشكل من الاشكال والا حيخاطر بأن قراراته تكون بناء على رأى خبراء بشكل كامل بدون الرجوع ليه شخصيا
Post a Comment