Sunday, January 2, 2011

كنت . بحبك

قد إيه كنت بحبك وقد إيه مصرة تكرهيني فيكي وقد إيه بقيت أفكر أسيبك لمصيرك وأرحل .

قولي لأ . مرة واحدة قولي لأ . قولي مش حقبل بالإغتصاب . مش حقبل بالهزيمة . مرة واحدة افضحي الجاني واطرديه

قد إيه قساوتك جوة تمثيلك الطيبة . وانتي عارفة إن الذل مش طيبة . داهية لا تكوني فاكرة الذل طيبة .

قد إيه الدم سال ولم تنطقي . قد إيه بكيوا عيالك ولم تصرخي . قد إيه الظلم عدا المحال ولم تقهري قهرك . قد إيه الدمع فوق الجبال ولم ينتفض نهرك

إنتي إيه؟ ضيعتي روحك ليه ؟ ضميرك مات ليه ؟ ساكتة ليه ؟ خارسة ليه ؟

مرة واحدة قولي لأ . وافهمي إن اللي سنين عذبك مايستاهلش لحظة شفقة ولا ثانية دفاع . وإن اللي سنين نهبك مايستحقش حتي الوداع

اصحي بقي . قومي بقي . ثوري بقي . كفاااية بق
Post a Comment