من شاهد عيان لشاهد عيان

نشرت جريدة المصري اليوم مقال لبلال فضل نقله عن رسالة من شاهدة عيان على جريمة الاسكندرية سنها حسب ما فهمت 25 سنة وحكت فيها انها بعتت رسالة لمبارك لما اتعرض لحادثة اديس ابابا
http://www.almasry-alyoum.com/article2.aspx?ArticleID=283677

ده تعليقي على موقع المصري اليوم وان مكنتش متوقع أوي أنه حيتنشر

==============

من الأقوال المشهورة عن أيمن نور أنه فضل لحد سنة 2000 بيعارض فساد الوزراء ورئيس الوزراء على أساس ان الرئيس هو الملاذ الأخير .. لكن بعد زيارة مع مبارك لتوشكى اكتشف ان المسئولية الحقيقية في اختيار الفاسدين والفاشلين في كل المناصب تقع على الرئيس مبارك شخصيا ومن وقتها بدأالعداء المستمر لحد دلوقتي

بقارن بس بين عمر أيمن نور سنة 2000 -( 35 سنة ) وخبرته كعضو برلمان وصحفي ومعتقل كذا مرة قبل كدة اللي وصلته للخلاصة دي سنة 2000 بعد مواجهة مباشرة بينه وبين مبارك شخصيا وبين جيلنا اللي عاش كل عمره في عهد مبارك وعرف الحقيقة دي في سن صغير ومن غير ما يكون صحفي ولا نائب في البرلمان .. عرفنا الحقيقة من المواجهة المباشرة برده بس مش مع مبارك وإنما مع كل صور الاستبداد والاجرام اللي زرعها عبد الناصر ورسخها السادات وزود عليها الفساد ونماها مبارك وحولها لإجرام ظاهر وواضح وفاضح ...

أنا كنت في عمر ايزيس لما حصلت حادثة أديس أبابا وأفتكر كويس اني كنت خايف جدا على الرئيس مبارك وشكرت ربنا وقتها أنه نجاه عشان خاطر مصر .. ودلوقتي مبسوط أنه ماماتش في أديس أبابا عشان يكمل سنوات اجرامه وفساده لآخر سنة عشان جيلي كله يبقى داق طعم ذل الاستبداد ويرفضه بجد وبقوة بعد كدة ... مصر بعد مبارك دولة حرة ومش حنسمح فيها لأى مجرم أنه يفسد حياتنا ونتفرج عليه

النوت الأصلي على الفيس بوك