Tuesday, January 25, 2011

يا مصر قومي

كل ما كتبته عن يوم 25 يناير

بدأ يوم 25 يناير من أربع ساعات ونص وخلصت شغل ومش عاوز أنام فقررت أجمع في نوت واحدة كل اللي كتبته عن يوم 25 يناير .. وبرغم ان ده صعب جدا لأني غزير الانتاج في الكلام وفيه كلام كتير كتبته في تعليقات في أماكن مختلفة .. لكن مين عارف ؟ مش يمكن دي تكون آخر حاجة أكتبها ؟

أولا النوتات اللي كتبتها عن يوم 25 يناير ولاحظ ان معظمها كان رد على تعليقات أو كلام حد تاني


أنا نازل يوم 25 يناير .. أنت حتيجي ولا جبان؟
http://www.facebook.com/note.php?note_id=491585308033

المواقف القلة في الثورة المصرية الفلة
http://www.facebook.com/note.php?note_id=491639983033

يوم 25 يناير مش حشارك في تمثيلية
http://www.facebook.com/note.php?note_id=493035813033

خاف يامبارك
http://www.facebook.com/note.php?note_id=493892428033

ياإللي مرحش تعبكوا بلاش سيبوا الناس ماتمشوهاش
http://www.facebook.com/note.php?note_id=494794753033

===================================

ثانيا تويتاتي على تويتر @Bad_way

--------------------------

14يناير

أول ما سمعت هروب بن علي ومكنتش مصدق


تونس تونس تونس تونس تونس تونس تونس تونس تونس تونس تونس تونس تونس تونس تونس تونس تونس تونس تونس تونس #Tunis

ونجحت ثورة تونس

هنا قررنا نروح السفارة ونحتفل بالثورة التونسية


مظاهرة تتجه الآن إلي السفارة التونسية في القاهرة للإحتفال بنجاح الثورة الشعبية التونسية

@masrawya_magda3 هما التوانسة جمعوا كام توقيع؟

حلم المصريين دلوقتي تونس تنتصر علي الديكتاتور ومصر تتعادل مع كينيا

عنوان السفارة التونسية 26 شارع الجزيرة في الزمالك .. كله يروح علي هناك دلوقتي

أي حد مش فاهم النجاح إللي حققه التوانسة يتنيل يسكت دلوقتي

بن على يغادر تونس والجيش يسيطر ورئيس البرلمان يتولى السلطة مؤقتا
#AhramSMS خلي عند أبوكم دم يابتوع الأهرام

وصلنا السفارة التونيسية والهتاف يتزايد : واحد اتنين . بن علي راح فين? ,, يسقط يسقط حسني مبارك بالجزم لازم ينداس وده رأي كل الناس

قول يامحمد وقول يا بولس ثورة ف تونس بكرة ف مصر #Egypt #Tunis

يابن علي قول لأخوك . شعب مصر بيكرهوك #Tunis #Egypt

كمال أبو عيطة بيغني : آه يازين آه يازين آه يازين العابدين . خلعوك طردوك ونهبت الملايين #Tunis #Egypt

لاتوريث ولاتمديد . كلنا سيدي بوزيد #Tunis #Egypt

مدنية مدنية . ثورة تونس مدنية ثورة تونس حقيقية #Tunis #Egypt

سيب فلوسنا إطلع بأمان . ولي خلاص عهد الطغيان . #Tunis #Egypt

متظاهرون يهاجمون ممتلكات أقارب بن على فى تونس بعد هروبه إلى مالطا @AhramSMS

تونس تونس هي الحل حسني مبارك إيده تتشل #Tunis #Egypt

@ayaabdullah مش شباب الغد بس, الناس بتوع السياسة كلهم بييجوا عند سفارة تونس

يابن علي قول لمبارك الطيارة في إنتظارك . يابن علي قول لمبارك مين في الشعب المصري اختارك #Tunis #Egypt

بن علي طلع علي مالطة بكرة مبارك تجيله جلطة #Tunis #Egypt

مدد مدد مدد ماداااد بن علي ساب البالااد #Tunis #Egypt

ثورة تونس مدنية ضد السلطة العسكرية . ثورة في تونس وبكرة في مصر #Tunis #Egypt

عبد الحليم قنديل مسك الميكروفون ونزل شتيمة في زعماء المعارضة الورق اللي بيقولوا ان التغيير محتاج سنين . بين قوسين البرادعي

15 يناير

تونس ثارت ثورة علمانية بدأتها بعملية إنتحار - كفر واضح - ولو كان عندهم سلفيين وأخوان وكنيسة وشيوخ وكهنة مكانوش أبدا انتفضوا ضد الظلم

فوضي أمنية تضرب تونس .. عنف وشغب ونهب محلات وإحراق محطة قطارات محاولات من حكومتنا لإرهاب الناس من الثورة

@ ببساطة طول ما الإنسان مقتنع أن صبره علي الظلم بيزود حسناته في الآخرة يبقي مستحيل يثور


@ العلمانية أصلا مش اتجاه سياسي. العلمانية رفض لدخول الغيبيات في أمور الحياة, والتوانسة قاموا بواجبهم دون إنتظار معونة من الملايكة

@ أنت اللي حمار لأنك متعرفش قصة الألف ملاك إللي حاربوا في بدر وأن الرسول كان بيجيله وحي بيستعين بيه ضد أعداؤه

@ هاها فعلا الحمار هو إللي ياخد شهادة دكتوراة من هارفارد وهو مش فاهم حاجة . حمار يحمل شهادات

@ لو بوعزيزي كان عنده شيخ يسأله قبل ما ينتحر كان نصحه بالصبر والإحتساب وقال له الإنتحار يوديك النار والصبر يزود حسناتك

@ أناسعيد جداإنك بتشتمني لأن ده دليل جهلك وسعيد إنك بتستقي الشتيمة دي من القرآن لأن ده دليل أنه ممكن يستخدم في أي غرض قذر . شكرا

تونس توقف الدوري .. والكاف يحسم مصير منتخبها في تصفيات كأس إفريقيا متوقع سرايا يقول دي آخرةالثورة
 
@ الست اللي بتنضف البيت عند هند بتقولها:"يعني أنا والعيال لو نزلنا الشارع حسني مبارك يمشي?..طب ماننزل ماإحنا فالشارع أصلاحيحصلنا إيه"
أرجوكم حد يعمل فيديو فيه خطاب زين الهاربين الأخير وخطاب القذافي ويحط فيه لقطات من المحلة 2008 ووقفات خالد سعيد

مسمعتش خطاب القذافي بس شكله عملها علي نفسه وفضح خوف الأخوة الحكام العرب
 
ثورة تونس غيرت المثل من "العرب جرب" ل "الحكام العرب جرب"  
هل هي مفارقة أن السعودية الدينية تأوي بن علي الديكتاتور العلماني بعد أن رفضته فرنسا العلمانية?
 
أتوقع دعم تونس الحرة للثورات العربية القادمة وسقوط أكتر من كلب عربي قبل نهاية 2011
16 يناير

أدعو حكام السعودية لبناء مقبرة فاخرة تصلح لضم رمم الحكام العرب المخلوعين جميعا وأقترح أن تسمي تلك المقبرة "مزبلة التاريخ
 
ايه القرف ده على الصبح ؟ عاملين ايفنت وبيدعو الشباب أنهم يتحايلوا على البرادعي ينزل معاهم يوم 25 يناير ... ما انشالله ماعنه نزل ..استفزااااز
 
خطاب زين العابدين بن علي مساء الخميس  
بيقول من أجل بلادنا ويشاور على نفسه
الأخبار في الجزيرة عن مصر جامدة موووت تابعوها بسرعة  
الحكومة مرعوووووووووبة
 
 
مجلس الدفاع الأعلى برئاسة مبارك يعلن الغاء كافة القرارات الخاصة برفع الضرائب والأسعار
 
مجلس الدفاع الأعلى برئاسة مبارك يأمر بإلغاء كافة خطط رفع الأسعار والضرائب ويأمر بالتعاون بين الداخلية والجيش
 
بقية التويتة بتاعة مجلس الدفاع الأعلى برئاسة مبارك : ويأمر الوزراء بعدم استفزاز المواطنين في الظروف الحالية
اليوم السابع | رئاسة الجمهورية تنفى اجتماع مجلس الدفاع الأعلى بقيادة مبارك  
أدينا بنتسلى يا ريس
 
اجتماع القادة العرب في شرم الشيخ فرصة ذهبية ان الثورة تقوم في مصر ونقبض عليهم كلهم مرة واحدة ونبقى خلصنا كل الدول العربية من زبالتها
 
أوعى حد يولع في نفسه يا شباب لحسن الريس يتريق عليه ويقول حد من اللي بيولعوا دول
 
الشعب التونسي أثبت أن المومياوات العرب مجرد رمم ممكن العبور فوقها بشوية صبر .. ياترى امتى حنعبر فوق مبارك ؟
 
17 يناير
 
 غد أيمن نور: على الأنظمة العربية الاتعاظ من ثورة الشعب التونسي 
 
أنا مش صعبان عليا بن علي دلوقتي .. بس حيصعب عليا لما بقية الرمم العرب يحصلوه وينتقموا منه لأنه فتح عيون شعوبهم وجرأهم  
@ ايه المشكلة لما تدي الميعاد للحكومة ؟؟؟
دي كانت أول مناقشة حوالين فكرة أن مفيش ثورة بميعاد
 
 
شاب مجهول يشعل النار في نفسه قبل نصف ساعة أمام بوابة 3 بمجلس الشعب
 
زى ما قلت وزى ما قال دكتور عمرو الشوبكي ... التعليقات السلفية على موضوع الشاب اللي ولع في نفسه في منتهى السفالة والغباء والسطحية
 
@ انا فهمتكم .. اينعم انا فهمتكم
 
الشاب اللي حرق نفسه قصاد مجلس الشعب موجود دلوقتي في مستشفى المنيرة وباسم فتحي بيقترح نروح نزوره كلنا .. مين موافق ؟
 
 
 
@ @ عشان هتف ضد أمن الدولة طبعا - لا خروج على الحاكم ولو كان ابن وسخة اهبل
 
الراجل اللي ولع في نفسه شكلهم نقلوه في عربية بوكس مش عربية اسعاف
 
أنا رايح المستشفي دلوقتي عشان الراجل ال اتحرق وبيقولوا وزير الملابس الداخلية هناك
 
سفر8 من مصابي جريمة الأسكندرية قبل لحظات للعلاج في المانيا  
حكومة تخاف ماتختشيش
 
@ والنبي المرادي والنبي المرادي
 
آخر خبر وصلني وأنا في الطريق للمستشفي :أيمن نور مع المصاب داخل حجرته وحالة خوف بين العاملين بالمستشفي بسبب تعليمات بالصمت
 
أخبار من داخل المستشفي : المتحدث الإعلامي لوزارة المرض يلقن الأطباء مايقولوه بخصوص حالة المصاب ويشيع أنه مريض نفسي
 
@ الحرق 15% ده كلام وزارة الصحة الكدابين لكن الحقيقة أن إصاباته 30% والخبر ده من دكاترة من جوة المستشفي. متصدقش الحكومة
 
@ أنا مشارك في الصفحة دي ونفسي مؤيدين مبارك يعملوا مظاهرة يوم 25 عشان أولع فيهم ونخلص منهم
 
د.أيمن نور : حيقولوا الراجل مختل عقليا عشان ميضطروش يعملوا له قضية شروع في إنتحار ويكبروا الموضوع
 
د.أيمن نور : المصاب واعي وليس مغيب ويدري جيدا مايفعله
 
@ واحد ولع في نفسه قصاد مجلس الشعب وإحنا قصاد المستشفي دلوقتي وإشاعة إن فيه واحدة ست ولعت في نفسها في اسكندرية
 
جينا عند وزارة التعليم لقينا الأمن المركزي ونفس الضباط بتوع كل مظاهرة واقفين وهشام العراقي قاعد يضحك
 
مشيرة وقفت تكلم ضابط شرطة بنجمتين قاعد في عربية ملاكي وبتقول له انتو إيه وظيفتكم وحنعمل مظاهرة يوم 25 وملكوش دعوة بيها
 
جيناعند مجلس الشعب ومشيرة بتسأل أمن المجلس :"فين البقعة إللي عملها الراجل?,يقولولهاراجل مين? تقول لهم إللي ولع نفسه
 
قالت للضابط أنا من شركة اريال وجاية أنضف البقعة مكان الراجل إللي ولع نفسه
 
وقد أكد القادة العرب في اجتماعهم بشرم الشيخ أنه لا تنازل عن الحل العادل للصراع العربي التونسي
 
@ ايه الهبل ده ؟؟ ايه علاقة اني فيه يوم كل الناس تستناه بأن لو حصلت حاجة قبله اشارك فيها او لأ ؟؟؟
 
.واضح من دورة حوض النيل..أن مصر هتاخذ الكأس و باقي الدول هتاخذ النيل -- منقول :)))
 
 18 يناير
 
معظم كتاب الحكومة عندنا يتبعون الحكمة الخالدة "نافق مبارك كأنما يحكم للأبد ونافق ابنه كأنه حيمسك الحكم بعد الغدا"
 
عاوزين حملة إعلانات : ماتولعوش في نفسكم .. ولعوا في مقرات الحزب الوطني
 
إذا كان الإنتحار كفر فحرق الحكومة والحزب الوطني وأمن الدولة استشهاد
 
إذا يأست من حياتك روح ولع في أقرب مقر للحزب الوطني أو أمن الدولة . علي الأقل متموتش هباء
 
@ قالوا مليون توقيع وألف محروق
 
19 يناير
 
الكل يحشد ليوم 25 ,, أظنه سيكون مزلزلا ,, أتمني ألا يحبط محترفي وهواة السياسة الناس ويحجمون هدفهم في مظاهرة وفقط
 
البديل | البديل » البرادعي يعلن تأييده لدعوة الشعب للتظاهر السلمي في 25 يناير .. وأنصاره ينتقدونه ويدعونه للنزول للشارع
 
الإحباط عمره ما بييجي من المحاولة والفشل .. المحاولة والفشل بتزود الإصرار ... الإحباط بييجي من الناس اللي بتقول أننا مانقدرش نحاول من الأصل
 
 20 يناير 
 
عندي كام خاطرة عن يوم 25 يناير ,أولا أنه سهل جدا يقلب بثورة حقيقية تنهي نظام مبارك في مدة قريبة
 
ثانيا إن حتي لو انتهي بخروج حركة سياسية جديدة إسمها حركة 25 يناير فده في حد ذاته مكسب علي المدي البعيد
 
ثالثاأنه حتي لو ما إدناش غير فرصة للتعاون بين الحركات والأحزاب ووجع قلب النظام فده مكسب
 
ولومش 25 يناير 2011 هو النهاية فهو خطوة قبل6 أبريل 2011 وقبل انتخابات الرئاسة الأخيرة في عمر مبارك. كل الطرق تؤدي للحرية
 
@ اللي بيتريقوا عاوزين الناس تنزل مظاهرة وتروح ومش مقتنعين أن ممكن تحصل ثورة بميعاد
 
@ لو إسم ثورة مش حلو ممكن نسميها انقلاب مدني .‏ أهو اسم مبتكر برده
 
وقالوا زمان في الأمثال : " في المظاهرات سبع فوايد"
 
اتحاد العمال يطالب الحكومة بوقف أي قراربرفع الأسعار أو فرض ضرائب جديدة
 
أحضر إجتماع للقوي السياسية للتحضير ليوم 25 وآمنت ان التغيير حييجي من الناس وعمره ماحييجي من السياسيين
 
 
@ تعدد الأماكن أفضل لكذا سبب منها أنك توصل لكذا منطقة شعبية في نفس الوقت لأن السكان مش حيجولك مخصوص
 
@ ثانيا حتربك الشرطة وحتخفف الضغط عن أي مجموعة كبيرة خصوصا لما كل المحافظات تتحرك مع بعض
 
 21 يناير 
 
آلاف المصريين غيرالمنضمين لأي كيانات سياسية ولا مشتركين فيسبوك ومنهم ناس يئست من الحياةومش خايفين من القتل نازلين يوم 25يناير.خاف يا مبارك
 
 22 يناير 

يسعد أعدائنا بحديثنا عنهم طوال الوقت ، فهذا يعني أنهم يحتلون مساحة كبيرة من تفكيرنا ، مساحة قد تساوي عمق ماسببوه لنا من جراح
 
لو كل مواطن له تار عند الحكومة نزل يوم 25 يناير يبقي حنلاقي ملايين المصريين في كل مكان ومش حيلحق حتي يقول :"فهمتكوا"
 
لو مصر أسقطت مبارك في انتفاضة 25 يناير فحتبقي نهاية كل الأنظمة العربية العسكرية لأننا طبيعي حنساعد الشعوب العربية في سعيها للحرية
 
يوم 25 حيشارك فيه طلاب وأولياء أمور مدارس ليسيه الاسكندرية وعمال غزل المحلة وألتراس الأهلي وشباب خالد سعيد .. مين كمان?
 
@ بيقولوا البرادعي حيشارك في المظاهرة التونسية قصاد سفارة مصر في تونس :p
 
 يوم 25 يناير مش حروح بيتنا غير لما نشيل مبارك
 
تحذير من ديناكمال للناشطين بصدور قرارمن أمن الدولة بإعتقالهم ليلة 24 ونصيحة أنهم يباتوا برة بيوتهم وأنا كدة كدة كنت ناوي عالموضوع ده
 
 
بس بصراحة أنا شايف أن القبض علي الناشطين في مصلحة الثورة لأن لو الناشطين اختفوا الأمن مش حيلاقي حد يعرفه يتفاهم معاه
 
الناشطين متعودين علي مظاهرة يوم ويروحوا والمرة دي مش عاوزة مرواح , عاوزة بيات كذا يوم في الشارع
 
 
@ مشكلتك ياعمرو إنك مدي حجم أكبر بكتير لدور السياسيين في تحريك الناس , الناس مش محتاجاك ولامحتاجاني عشان نوصلهم
 
@ الثورات بيقوم بيها الشعوب وينومها السياسيين عشان كدة نفسي الأمن يقبض علي كل الناشطين ويواجه الناس الغيرمسيسة وميقدرش عليهم
 
@ @ @ @ @ @ @ @ مش أنا اللي اتقبض عليه يا جماعة ؟.. شكرا ليكو:)
 
 @ ممكن الثورة تبدأ في عيد الشرطة 25 يناير وتخلص في ذكرى العبارة 2 فبراير
 
لو يوم 25 يناير وقع مبارك حيبقى أهم في تاريخ مصر من 6 أكتوبر
 
أحضر اجتماع الهيئة العليا لحزب الغد لإعلان موقف الحزب في انتفاضة 25 يناير ‎ ‎‎@‎_nour
 
د.أيمن نور يوجه رسالة للرئيس مبارك عنوانها "أرحل" عدد فيها قادة العالم شرقا وغربا الذين رحلوا وبقي مبارك
 
ويوجه أيمن نور رسالة ثانية لشباب مصر بدأها ب"إذا الشعب ... " ويؤكد قدرة الشباب علي إحداث التغيير
 
دعاأيمن نور ببدأ اليوم من الساعة 11 من البيوت والشرفات ثم الذهاب إلي الأسواق والبعدعن الوقفات الثابتة أو الميادين الكبيرةلتجنب الأمن
 
وأكد أن التفاوض من أجل إطلاق سراح المقبوض عليهم ليس مهمة المتظاهرين وإنما اللجان القانونية
 
الرسالة الأخيرة من أيمن نور إلي رجال الشرطة المصرية الشرفاء يقول إننا نشارككم الإحتفال بذكري إخوانكم الشهداء الذين سقطوا ضد الإحتلال
 
أيمن نور: قارنوا يارجال الشرطة بين مشهد احتضان التونسيين لرجال الجيش الذين دافعوا عنهم, غادروا قطار الفساد
 
أيمن نور للشرطة : سوف نهديكم الورود والأزهار إذا اتخذتم موقفا بجوار أهلكم وشعبكم وليس النظام الذي أفسد كل شئ
 
27 يناير ذكري خالد سعيد و2 فبراير ذكري العبارة ... غور بقي يا مبارك
 
طب أنا نازل أوزع دعوات ليوم 25 يناير دلوقتي .. فلو سمعتو إن واحد اسمه أحمد بدوي اتقبض عليه الليلادي يبقي احتمال يكون أنا ‎:‎)‎
 
 
 23 يناير 
 
شباب التغيير في مدينة نصر نزلوا انهاردة أول مرة يوزعوا دعوات ليوم 25 يناير
 
@ انهاردة وزعنا دعوات ليوم 25‏ يناير في مدينة نصر , لو حد عندك عاوز يشتغل في مدينة نصر عرفه علينا ,رابطة شباب التغيير
 
ورغم أن الفقر حاكم والظلم حاكم والقهر حاكم .. أفتانا مولانا بعدم جواز الخروج عن الحاكم
 
@ لا لا علي فكرة بقي أنا مش بيتقبض عليا غير في حاجات كبيرة,في 6أبريل 2008 اتحبست شهروفي نجع حمادي اتحبست يوم وفي لاظوغلي كام ساعة كدة
 
صحيح إللي سمعته إن علي عبدالله صالح شال كذا وزير بسبب المظاهرات وقرب يقول "فهمتكوا" باليمني? ‎ ‎
 
حركة 6 أبريل أصدرت بيان شديد اللهجة تحذر فيه ضباط الداخلية من التعرض للمتظاهرين أوتعطيل مرور المسيرات أوتكدير صفو الإعتصامات
 
بيان6أبريل لازم يتوزع علي الضباط كل يوم أيام المظاهرات إللي حتبدأيوم 25 ينايرعشان بعد مانطردمبارك مايبقالهمش حجة ويتحاكموا
 
@ كويس جدا, أنا محتاج ‏50‏ تيشرت ,مكنتش عارف أجيب صور مبارك منين عشان نحرقهم في المظاهرات
 
3محاولات إنتحار فاشلة في الفتح وصدفا بأسيوط آخرها منذ دقائق
 
@ قول للناس إن لو ألف واحد بس قدروا يعتصموا في أي مكان حيوي لحد يوم 26 حيبقوا عشرتلاف علي آخره وحيبقوا 50 ألف علي يوم 27
 
لو ألف مصري فضلوا معتصمين في مكان حيوي لتاني يوم كل الناس حتعرف وتضم عليهم والعدد حيتضاعف بسرعة وحتبقي نهاية النظام
 
إحنا نزلنا وزعنا دعوات ل25يناير في مدينة نصر إمبارح وقبل ماننزل إنهاردة عرفنا أن الأمن والمخبرين ماليين الشوارع حنشوف حنعمل إيه
 
 
 24 يناير 
 
نزلنا إنهاردة في الحي العاشر وكلمنا شباب كتير عن يوم 25 ومدينة نصر حيبقي فيهاشغل سياسة عالي .انتظرونا
 
منكرش إني خايف ,خايف تبقي فيه خساير بشرية لأنها اكيد حتبقي لناس أعرفهم وخايف يبوظ اليوم فتضيع فرصنا وخايف ننسي نفسنا لو انتصرنا
 
واحد صاحبنا قال أنا مش حنزل غير المظاهرة المليونية. طب أهي المليونية عالأبواب ومن غيره. أشكره علي تأكيد وجهة نظري من البداية فيه
 
وأتمني زي ماتوقعاتي ووجهة نظري في البرادعي كانت سليمة تماما من البداية تطلع كمان توقعاتي ووجهة نظري في يوم 25 سليمة برده
 
@ يوم التلات أول مش آخر يوم ‏;‏‏) ‏
 
أمانةعليكم لومت قبل مبارك مايهرب اعملوا تويتاتي في كتاب وحطو موبايلي في متحف الثورة,ده اتحبس معايا 3مرات في عهد مبارك
 
@ @ متوقع أكتر من نص مليون متظاهر بس متفرقين علي محافظات مصر كلها,وحسب تماسك أول يوم حتكون بقيةالأيام
 
يوم قيامتك بكرة يامبارك
 
وإحتمال نكتشف في آخر الفلم إن أدمن صفحة كلنا خالد سعيد هو البرادعي شخصيا
 
تنظيم الفوضي يقتلها . دعها تشتعل . دعها تثور . دعها تسحق عبيد الوالي ثم أقم العدل علي أشلاء الفاسدين
 
@ نزلنا ياباشا أكتر من مرة وكلمنا شباب من الشارع مايعرفوش حاجةعن 25 يناير وأقنعنا جزء منهم ينزلوا فعلا
 
من لا يهتم ولا يصدق في أول يوم احتمال كبير ينزل لما التظاهر يستمر لتاني يوم لأنه حيشوف بشكل عملي أن الموضوع مختلف المرة دي  

التوانسة منزلوش كلهم في أول يوم , لكن لما الموضوع استمر أكتر من يوم الخايفين اتشجعوا وشاركوا ‎
 
واحد صاحبي بيقول فيه قساوسة في الكنيسة الانجيلية نازلين بكرة
 
 مخرج فيلم 678 :"تخيل لو كنت تونسي سلبي، اتريق علي صحابه و مرضاش ينزل معاهم الشارع يوم ١٤ يناير ... تخيل احساسك انهارده يبقي ايه؟"
 
دلوقتي الأخبار اللي عندي أن أعضاءمجلس الشعب بتوع الحكومة بيلفوابعربيات في المحافظات يطلبوا من الناس متنزلش يوم 25 يناير الكلام ده صح؟
 
RT @ أغنية جامدة من اذاعة المحروسة
 
علي عبد الله صالح : "سأطلب من الشعب اليمني العفو إن كنت قد أخطأت أو قصرت في واجبي لأنه لا يجوز الكمال إلا الله" .. الثاااااااااني
 
علي عبد الله صالح:"سأطلب من الشعب اليمني العفو إن كنت قد أخطأت أو قصرت في واجبي لأنه لا يجوز الكمال إلا الله".. الله حي التاني جاى
 
الأخوة الأمريكان خايفين من ثورة تونس وبيقولوا اوعى تفتكروا ان العدوى حتنتشر في بقية المنطقة .. هآآو
 
@ ربنا يعينه ؟ ده على أساس أن أى حيوان من الحكام العرب هو اللي حيعمل التغيير ؟ ربنا يعينه والشعب يشيله
 
@ ده على أساس ايه برده مش فاهم ؟ واحد مجرم مغتصب للسلطة حنستنى منه إصلاح بأمارة ايه ؟ لو كان عنده النية مكنش يستنى المظاهرات
 
فيه ناس لحد دلوقتي مش قادرة تصدق أن أى حاكم هو مجرد انسان بيعمل في وظيفة عند الشعب بعقد محدد المدة ولو فشل فيها يمشي وييجي غيره
 
اللي مش نازل بكرة ينزل بعد بكرة .. مفيش أعذار والثورة المرة دي مستمرة لأيام طويلة مش مظاهرة ونروح
 
ورقم الدكتور أيمن نور المباشر حال حدوث أي مشكلة هو 0101622222
 

 25 يناير
 
تعالوا نعمل رهان على مين فردة الجزمة اللي حتتخلع الأول .. مبارك ولا علي عبدالله صالح ؟
 
أول يوم حينزل ألوفات لكن الألوفات دي غير مهيئة للانتصار غيرلماتعتصم لأكترمن يوم وبقيةالناس اللي لسة مش فاهمة أو مش مصدقة ما تضم عليهم
 
@ الفوضى دي هي اللي حتوقع مبارك .. لو كان الموضوع له قيادة واحدة كان زمانه مات من أوله
 
@ تفاوت المطالب حيفتح الفرصة لأن القوى المشاركة تزايد على بعضها لحد ما توصل لأعلى مطلب وهو اسقاط مبارك
 
@ مش حنسى أبدا كلمة ابراهيم عيسى لما كان بيتكلم عن شباب الفيسبوك "المزايدة هي الحل" .. وده حيثبت صحته الأيام الجاية
 
@ مثلا حييجي زعيم سياسي يقول خلاص حنمشي وكفايةكدة يطلع له عيل يقول لأ مش ماشيين .. فالناس تستمر في الاعتصام لحد اسقاط مبارك 
@ خليهم يستهلكوا طاقتهم .. بعد يومين تلاتة مش حيقدروا يسيطروا على أى حاجة .. الناس حتزيد والأمن حيتعب
 
افتكروا ان الأمن المركزي حيكون في عز قوته وتنظيمه في أول يوم ولو الناس كملت كذا يوم حيتعب ويفقد نظامه والناس حتزيد لحد ما يفقد السيطرة
 
 

Sunday, January 23, 2011

ياإللي مرحش تعبكوا بلاش سيبوا الناس ماتمشوهاش

من أكتر الحاجات إللي مابقدرش أفهمها هي طريقة تفكير المعارضين المصريين إللي بيروجوا لفكرة إن مفيش فايدة من محاولة إسقاط مبارك في المظاهرات إللي حتبدأ من يوم 25 يناير وإننا لازم نحبط الناس من دلوقتي عشان مايحبطوش بعد كدة

أنا أفهم إن اليأس ممكن يخلي ناس متشاركش أوترفض الموضوع كله علي بعضه لكن المشاركة مع إحباط الناس وتخفيض سقف توقعاتهم جريمة

ياسادة يوم 25 يناير مش مظاهرة وخلاص حنطالب بيها بشوية مطالب عشان نبني عليها في المستقبل

إحنا عدينا المرحلة دي من مدة, وإحنا دول اللي هما الشعب المصري

وأنا مش بتكلم عن "أحلامي" لأ أنا بتكلم عن واقع بيقول أن الناس خلاص بقالها سنين بتطالب مطالب فئوية وبقي عندهم نضج كافي - حتي لو إحنا كسياسيين معارضين مش مصدقين ده ولا فاهمينه لأننا بعيد عنهم - أنهم يرفعوا سقف مطالبهم ويعرفوا أن مفيش أي فرصة للإصلاح عند النظام

إحنا بقالنا سنين بنطالب بسقوط مبارك - إحنا بقي دي مقصود بيها السياسيين المعارضين - ومحدش استجاب لنا لأن الناس كانت بتحاول تديله فرص للإصلاح لأن طبيعة الناس مع الاستقرار والخوف من المجهول , لكن المرة دي محدش حيديله فرصة لأنه ضيع كل فرصه ومش معقولة أبدا أننا نطالب بسقوط مبارك وإحنا معندناش أي وجود مع الناس ولما الناس تتحرك فعلا عشان تسقط مبارك نيجي ننومهم ونضيع حماسهم بحجة أنهم لسة صغيرين أو إننا أوصياء عليهم بنحدد لهم إمتي يثوروا ونشترط عليهم شكل الثورة اللي يتماشي مع نظرياتنا

أنا فاهم إن بعض الناس بتوع المعارضة خايفين من إحباط الناس لو عدت مظاهرات 25 يناير ومابعدها وفضل مبارك في السلطة . لكن بفرض أن مبارك حيستمر في السلطة لحد انتخابات الرئاسة ,ياتري كام واحد ممكن تخفيض سقف المطالب عن مطلب إسقاط مبارك يحبطه من البداية ويكون حجة له بعدم النزول وكام واحد لو نزل يوم 25 والأيام اللي بعدها ومبارك ماوقعش حيزهق ومش حينزل تاني في أبريل إللي بعده ?

الحقيقة أن الناس المرة دي حتنزل تطالب بإسقاط مبارك مش لأنها عاوزة تاخد مكانه أو عاوزة تطبق أجندة سياسية معينة لكن نازلين لأن مفيش قصادهم غير كدة أو يولعوا في نفسهم

أرجوكم أرجوكم سيبوا الناس ماتحبطوهاش , سيبوهم يحاولوا ويجربوا وينجحوا أو يفشلوا بنفسهم من غير وصاية منكم

اطمنوا , تعبكم والتمن اللي دفعتوه السنين إللي فاتت مضاعش بلاش فسيبوا الناس ماتمشوهاش

Friday, January 21, 2011

خاف يا مبارك

آلاف المصريين غير المنضمين لأي كيانات سياسية ولا مشتركين علي الفيسبوك ونازلين يوم 25 يناير لأول مرة مع بعض ,بعد ما كل مجموعة ماكانت بتنزل تطالب بحقوقها لوحدها

آلاف المصريين كانوا بيباتوا بالأسابيع عند مجلس الشعب يترجوا الرئيس يحل مشاكلهم البسيطة وكان رد الرئيس عليهم بالتجاهل ورد الأمن بالإهانة وبالطرد من قدام مجلس الشعب . الناس دي حتنزل يوم 25 يناير لأنهم مضطرين لده ومعندهمش حاجة يخسروها

مئات المصريين حياتهم خربت ومفيش قصادهم غير الإنتحار . مش حينتحروا لكن حينزلوا يوم 25 يناير بدون خوف من الأمن

دول لازم تخاف منهم يا مبارك . دول مش حتعرف تتفاهم معاهم ولو الموضوع كبر مش حيسيبوك , والموضوع حيكبر حتي لو حاول الناشطين يوقفوه

النشطا معظمهم نازل يعمل يوم ناجح وبس وبيقيسوا أكبر طموحاتهم علي وقفة فيها تلات أربع تلاف ناشط محدش سمع عنها غيرهم وقليل منهم إللي تابع أحداث المحلة 2008 لأننا بننسي , لكن الناس إللي نازلين لأول مرة واتأثروا بثورة تونس مش نازلين يعملوا يوم ناجح ويرجعوا علي بيوتهم ومحدش له سيطرة عليهم

لو 25 يناير مش حيبقي أول يوم في الطوفان اللي يدوس مبارك ف 6 أبريل جاي وبعده انتخابات الرئاسة ومبارك مش حيكمل بعد 2011

Wednesday, January 19, 2011

يوم 25 يناير مش حشارك في تمثيلية

يوم 25 يناير مش حشارك في تمثيلية

مش حروح عشان أهتف شوية وأمشي بعد ما يتقبض عليا او على زمايلي ونترمي في الصحرا

مش حنزل من بيتنا عشان أتصور كام صورة وأفرح بإني طلعت في لقطة في شريط الجزيرة

يوم 25 يناير أنا نازل وأنا مقتنع تماما أنه ممكن يكون بداية ثورة شعبية حقيقية تخرج من معظم محافظات مصر ومن أكتر من خمس مناطق شعبية كبيرة في القاهرة في نفس التوقيت

مش حروح أقف في مكان معزول ومتكرر زى قصاد النائب العام أو وزارة الداخلية أو سلالم النقابة عشان أتحاوط بكام عسكري واليوم يخلص على كدة

الناس لازم تتحرك من أماكن جديدة ومختلفة .. كل حركة شبابية ممكن تبدأ من منطقة شعبية وزحمة مختلفة وتجمع معاها سكان المنطقة وتكبر عدد المتظاهرين بحيث أن الأمن المركزي ما يقدرش يغطي كل أماكن المظاهرات بنفس القوة والتركيز ولو - لو لو لو - فعلا عملنا بؤر تجمعات ضخمة للناس - في امبابة , شبرا , السيدة زينب , إلخ - ممكن نبقى نتحرك بيهم ناحية الأماكن الحيوية

بحيث أننا نجبر الأمن المركزي يواجه الناس العادية - العمال والموظفين والسكان والبياعين والمحامين والصحفيين والمسيحيين والمسلمين , إلخ - مش الكام واحد الناشطين المعروفين بالإسم بتوع كل مرة

لازم الناس تنزل وهي مؤمنة فعلا أن نهاية النظام قريبة مش خيالية وأن المرة دي مش زى كل مرة

الناس بتقول أن بلاش نحلم أحلام كبيرة واننا نخلينا واقعيين

سيبوني أتكلم عن الواقع

الواقع بيقول أن ملايين المصريين عندهم غضب كبير جدا من النظام

الواقع بيقول أن عدد الناس اللي شاركت في احتجاجات ليها طابع سياسي أو موجهة ضد الدولة في تزايد مستمر - موظفين حكومة , سواقين , بياعين , محامين , فقرا - وأن وعى الناس بقى أعلى بكتير من أبريل 2008 وأن معظم الناس دي ملهمش علاقة بالحركات السياسية الموجودة وأن الملايين دي لو حسوا في لحظة ما ان فيه تجمع حقيقي غرضه اسقاط النظام بجد مش تسجيل مواقف سياسية حيشاركوا وحيستحملوا أكتر بكتير من شباب السياسيين .. والناس دي كانوا بيعتصموا بالأيام في الشارع عشان خاطر حقوقهم

الواقع بيقول أن النظام مرعوب بجد وعمال يقدم تنازلات ورشاوي للناس عشان خايف يقوموا عليه

الواقع بيقول أن الأمن المركزي مهما كانت قوته مش بيقدر يواجه أعداد ضخمة في أكتر من مكان في نفس الوقت ولما حصل موضوع غزل المحلة في 2008 وموضوع خالد سعيد في 2010 كانت قوات الأمن بتيجي من المحافظات المختلفة عشان تساند أمن المحافظة اللي فيها مشاكل كبيرة .. يعني الأمن في كل محافظة ميقدرش يسيطر عليها كلها لوحده وأن لو حصل مظاهرات ضخمة في كذا محافظة في نفس الوقت الأمن هو اللي حيبقى محاصر مش العكس

الواقع بيقول أن الحركات السياسية بقت أكتر من الهم على القلب وبقت مليانة ناشطين عندهم خبرة في المظاهرات ومواجهة الأمن وأن كل حركة وكل ناشط دلوقتي بيشتغل على الحشد لليوم ده بشكل أكبر بمراحل من يوم 6 أبريل 2008 اللي فعلا أجبر الحكومة على تخفيض الأسعار

الواقع بيقول أن عدد الشباب اللي نفسه يشارك لأول مرة في حدث سياسي أضعاف أضعاف اللي كانوا موجودين في 2008 ودوافعهم مش سياسية لكن حقوقية وواقعية وعندهم نماذج كتير جدا لشباب شاركوا في السياسة في مصر ومخافوش ومكملين وعندهم نموذج تونس ظاهر قصادهم ومحمسهم ولو ما استغليناش الحماس ده في اللحظة دي حيضيع للأبد

لكن الخوف الحقيقي أن خبرة الناشطين دي كلها في التعامل مع الأمن لفترة بسيطة لتسجيل المواقف ورفع الأعلام وبس ومفيش حد فيهم - بسبب الإحباطات المتكررة - متخيل أنه ممكن يفضل في الشارع كذا يوم لحد ما يسقط النظام

ده مش بس ظهر في الدعوة للتظاهر في أماكن مش حيوية ومش شعبية لكن كمان ظهر في التحضير لإنتخابات ممثلين الشباب في البرلمان الشعبي يوم 28 يناير ... وكأن ده اعتراف صريح وواضح ان الناس كلها متوقعة ان مفيش حاجة حتحصل يوم 25 تشغلنا لمدة تلات أيام

الواقع بيقول أن تعامل الشرطة بغباء مع الناس يوم 25 ممكن يبقى هو مفتاح انهيار النظام ككل لأنه حيجر عليهم مواجهات مع كل الناس برة دايرة الناشطين المعتادة .. لكن احنا فعلا لو عاوزين نعمل حاجة لازم نحتمي في الناس مش نواجه الأمن المركزي في أماكن معزولة ونتحبس من غير فايدة زي كل مرة

يوم 25 يناير نازلين نسقط حسني مبارك ونخليه  يحصل زين الهاربين بن علي ... الموضوع مش صعب فقط لو آمنا أنه مش صعب .. يوم 25 يناير نازلين نكرر اللي حصل في المحلة في 2008 في كل محافظات مصر

المرة دي احنا نازلين عشان خاطر مصر بجد وحنقدر نعمل حاجة حقيقية بجد مش حاجة تعبيرية

يوما أموت فيبقى بعضاً مني

أعلم أنني يوما ما أموت وإلي التراب أصير
لكن تبقي بعض كلماتي للأبد ، بعضها يبقي قرنا من الزمان وبعضها يبقي يوما واحدا وبعضها يفني مع فنائي
أعلم أن وعيي ينتهي يوما ويصير إلي العدم ، لكن يظل بعض وعيي باقيا ما بقي مؤثرا في وعي بشر آخرين أحياء
لا أعلم إذا مت الآن أم بعد خمسين عام ، لكن أعلم أن حياتي لا تخلو من معني ، أعلم أن الموت حق يقيني تماما كما أعلم أن الحياة بلا صراع هي للموت أقرب وأعلم أن إسباغ المعني علي الأشياء والعادات هو إحياء لها ،يشبه مسبغين المعاني بالخالقين

يالجمال عطر الحياة لحظة أن يلوح الموت في الأفق

Monday, January 17, 2011

Papercut - Vancouver Film School (VFS)

La Marche des Sans-Nom



من أجمد الأفلام اللي شفتها بجد

المواقف القلة في الثورة المصرية الفلة

قاعد لا بيا ولا عليا فرحان باللي حصل في تونس وحاسس ان خلاص مبارك فاضل له زلطة ويطلع برة خصوصا بعد الكلام العبيط اللي طلع من رشيد محمد رشيد* ومن القذافي**

قوم إيييه الصفحة بتاعة خالد سعيد الأدمن بتاعها سخن وقال يوم 25 يناير يبقى يوم الثورة ***ضد مبارك

اشمعنى 25 يناير يا ولاد ؟؟ لأنه عيد الشرطة و اللي حركة 6 أبريل احتفلت بيه السنة اللي فاتت بوقفة فيها ييجي 50 ناشط مرة واحدة كنت واحد منهم

طيب ما الراجل أدمن خالد سعيد كان بعقله وكان بتاع وقفات على الكورنيش وبتاع .... إيه اللي خلاه يقرر فجأة يقول ثورة ومثوراشي؟؟

قبلها كان فيه نكتة ان بن علي قبل ما يخلع من تونس طلب من مبارك يبعت له امدادات من 6 ابريل وحملة البرادعي والغد وكفاية عشان يبوظوا الانتفاضة ..... و6 ابريل ردوا على النكتة - بكلام أسماء محفوظ - وحملوا مسئولية اخماد مشاعر الناس وتحييدها للراجل بتاع صفحة خالد سعيد وأنه بيدي أوامر للناس أنهم مايدخلوش في خناقة مع الشرطة بدل ما بسخنهم

المهم ان الراجل فجأة قال يوم  25 يناير يوم الثورة ضد الظلم والفساد وكل حاجة

طبعا كالعادة الناس القديمة - وانا واحد منهم - اللي صوابعها متاكلة من كتر دوس زرار الماوس بالموافقة على الايفنتات والجروبات والصفحات توقعوا ان الموضوع فكسان زى كل مرة وقعدوا يتريقوا على موضوع الثورة اللي متحدد لها ميعاد دي

الجديد أن الايفنت بتاع الثورة ده بقى فيه ألف واحد جديد كل ساعة بيقولوا أنهم حيبقوا موجودين فيه

هنا موقفي اتغير لأن مادام الموضوع سمع بالشكل ده في الوقت ده فإحتمال كبير تبقى هي دي الضربة القاضية لنظام مبارك واللي أفهمه أن الضربة دي كلنا محتاجينها ومش لازم تبقى يوم 6 أبريل عشان تتعمل وتبقى لطيفة

وإذ فجأتن ألاقي ايفنت معمول بإسم الدكتور البرادعي ... مش لاسمح الله بيقول أنه حيشارك يوم 25 ولا لا قدر الله حتى بيشجعهم على نزول الشارع .. لأ ده إيفنت ناس عاملاه لدعوة الشباب أنهم ****يدعوا ويترجوا ويبوسوا إيد الدكتور البرادعي للمشاركة يوم 25 !!!!!!

حاجة كدة فكرتني بجروب يلا نلم 3 مليار مسلم عشان يدعوا ربنا يقفل الفيس بوك

حاجة مستفزة وفكسانة آخر حاجة

بعدها بدأت قصة عجيبة عند 6 أبريل ... كذا حد ألاقيه كاتب ستيتس أن ده مش آخر خطوة وأن بلاش الناس تتحمس وبلاش الناس تسخن وناقص يقولوا بلاش الناس تشارك !!!

مش عارف ليه مش بالع الكلام ده نهائي خصوصا من 6 ابريل

يمكن لأني عارف ان لو كانت الدعوة جاية من 6 أبريل أو خاصة بيوم 6 أبريل 2011 كنت لقيت الكلام المكرر المحفوظ بتاع شييييييييييييير و عاااااااااااااااجل والحقوووووووووو بيتبعت من كل الجروبات والصفحات واللايكات لو أمكن ؟

يمكن لأن فكرة ان المشكلة في اسم الحدث ثورة ولا تفاحة ولا موزة ملهاش اى معنى .. سموها اى حاجة يا سيدي بس تتعمل وتنزل الناس الشارع؟

ويمكن لأن موضوع الخوف على إحباط الناس شئ جديد مشوفناهوش قبل كدة في ايفنتات أصغر وأسخف من كدة بكتير وعدد المشاركين فيها مزادش عن عشرات ومع ذلك ولأن الداعي ليها 6 أبريل محدش اتكلم ساعتها عن احباط الناس!!!!

كنت عاوز كمان أحكي على الصورة العبقرية بتاعة (شباب التغيير يوم 25 يناير حيسلم الحكم مؤقتا للبرادعي !!) بس لقيتهم شالوها او عملوا لي بلوك بعد كام تعليق بيعبر عن اعجابي بعبقريتهم

هو فيه ايه ؟؟؟

اللي أفهمه أن النظام مرعوب ومهزوز ومتوتر .. وان دي لحظة ممكن لو ضاعت ما تتعوضش ولازم نستغلها لإحداث أكبر قدر من الخساير للنظام

اللي أفهمه أن ده تاني حدث يبقى محدد له ميعاد ويبقى فيه الكم الضخم ده من الناس المتحمسة والحدث الأول كان 6 أبريل 2008 ... وانا مش بعتبر جروب البرادعي حدث رغم ضخامة عدد أعضائها لأنها مكانتش مرتبط بميعاد محدد

الناس اللي بتقول ان ماينفعش الثورة يبقى ليها ميعاد محدد .. طيب يا عم سميها أى اسم وقفة - اعتصام - اضراب موزة بطيخة ... المهم تقول للناس تنزل الشارع ... والأهم تقول لهم انزلوا الشارع وانتو عاوزين توقعوا نظام مبارك مش تقول لهم انزلوا بس خلي بالكم دي اشتغالة ومش آخر مرة ومحدش يصدق

اللي بيقول ان الثورة ماينفعش يتحدد معادها يقول لي طب ليه بيشارك في أى وقفة ولا مظاهرة ميعادها متحدد ؟؟ ويقول لي هو من أمتى الأمن لو فيه حاجة منظمة وكبيرة مش حيعرف ميعادها؟؟

الخلاصة ... انزلوا الشارع يوم 25 يناير ... تظاهروا ضد النظام ....لازم نبقى ألوفات في كل محافظة ... لازم نبقى مصممين على الاستمرار لحد رحيل مبارك ... اللي عاوز يتصور ماينزلش ويستنى وقفة لطيفة ظريفة على سلالم نقابة الصحفيين ولا مظاهرة فيها 50 واحد قصاد النائب العام

انا نازل
http://www.facebook.com/note.php?note_id=491585308033
انت جاى ولا لأ؟


==========================================

*http://www.egynews.net/wps/portal/news?params=113670
**http://www.youtube.com/watch?v=lmXhLuX2h4o
***http://www.facebook.com/event.php?eid=115372325200575
****http://www.facebook.com/event.php?eid=118944451511165

أنا نازل يوم 25 يناير .. أنت حتيجي ولا جبان؟


حتسموها الثورة حتسموها النزهة حتسموها الطريق إلى إيلات ... المهم كلنا في الشارع يوم 25 يناير عشان نشيل نظام مبارك

العامل اللي بات في الشارع 50 يوم عشان ياخد في الآخر علاوة 50 جنيه واتضرب في الشارع وفي الآخر الأسعار اترفعت

المحامي اللي اتحبس واتبهدل عشان معجبوش القاضي يكلمه بشكل مش لطيف ورد عليه فحبسه
 أصبر وأحتسب

الطبيب اللي بيطلع عينه 7 سنين ويتبهدل ويروح وييجي عشان 200 جنيه في الشهر وفي الآخر أى ضابط شرطة بيتعامل أحسن منه مليون مرة وهو أجهل منه مليون مرة

المدرس اللي بيتهان من الطلاب وفي الإعلام ومن الوزارة وفي الآخر يتقال عليه حوت دروس خصوصية

الضابط اللي رفض يشتم الناس ويلفق لهم لتهم فلقى نفسه منقول في مكان بعيد كعقاب ليه على نزاهته

الطالب اللي شايف أخوه الكبير خد مؤهل عالي بعد عذاب وفي الآخر قعد على القهوة عاطل ومعندوش مستقبل وخايف يحصله

خريج الجامعة اللي بقاله سنين شغال في وظايف أى كلام بمرتبات زفت وكل اللي بيحلم بيه أنه يهج من البلد ولو يموت في البحر من غير دية

أهالي ضحايا العبارة والدويقة وحوادث وحرايق القطورات .. أهالي الناس اللي جالهم أمراض خبيثة بعد ما الدم اللي كانوا بيتعالجوا بيه طلع ملوث وملاقوش حد اتحاسب على اللي حصل لهم

كل أب وكل أم بيخاف على ولاده من الأذى وبيموت نفسه عشانهم وبيحاول يحميهم ويمشي جنب الحيط عشان خاطرهم وفي الآخر يلاقيهم انحرفوا أو تطرفوا أو بقوا عاطلين ومذلولين لأن الفساد كوش على كل حاجة في مصر

كل ضابط جيش شايف حال مصر وخراب جبهتها الداخلية وعارف المعنى الحتمي لده في حالة وجود أى حرب أو نزاع بيننا وبين أى دولة تانية

كل مسيحي أو بهائي أتظلم واتهان واتبهدل واتقتل وفي الآخر لقى الدولة بتحمي اللي عمل كدة بدل ما تعاقبه

كل مصرية وكل مصري اتهانوا واتذلوا في قسم من الأقسام أو كمين من الكماين ومقدروش ياخدوا أى حق من حقوقهم

كل رجل أعمال شريف اضطر أنه يدفع رشاوي ويبقى فاسد عشان يخلص أموره غصب عنه

كل سياسي الناس حبته وحبت تنتخبه والحكومة زورت اللإنتخابات ضده وكل دبلوماسي بيحزنه ضياع أى دور أو تأثير لمصر

كل سيناوي ونوبي اتهان واتبهدل لمجرد أنه من سينا أو النوبة .. كل مواطن اتهان برة مصر وملقاش سفارة مصرية تدافع عنه

كل دول وغيرهم كتييير أوي نسيتهم ... كلنا لازم نقف وقفة واحدة ننهي بيها كابوس مبارك وعيلة مبارك وحزب مبارك وكذب مبارك وفساد مبارك وتعذيب مبارك وخراب مبارك

كلنا لازم ننزل الشارع يوم 25 يناير يوم عيد الشرطة عشان مبارك يحصل أخوه زين الهاربين بن علي ونبدأ نبني بلدنا من أول وجديد

Sunday, January 16, 2011

منافذ بيع كتاب خواطر نبي مصري معاصر

تسعدني دعوتكم لحفل التوقيع الثاني لكتاب "خواطر نبي مصري معاصر" وذلك بالإشتراك مع كتاب "أريد أن أبني كنيسة" للكاتب والناشر طارق عميرة وذلك الساعة السادسة بمقر حزب الغد بميدان الساعة بشارع مصطفى كامل عمارة الشيماء الدور الأول شقة 12

كما يسعدني أن أعلن عن منافذ بيع كتاب خواطر نبي مصري معاصر في جمهورية مصر العربية

القاهرة

مكتبة البلد أمام الجامعة الأمريكية بالتحرير
مكتبة عمر بوك ستورز - شارع طلعت حرب فوق فلفلة
مكتبة مصر المحروسة بجوار التكعيبة
مكتبة نفرو - حارة الجنايني متفرعة من منطقة معروف

المحلة

مكتبة الثقافة - شارع العباسي القديم
مكتبة طلعت قنديل - شارع العباسي القديم

المنصورة

صحافة المنصورة - ميدان المحطة أمام محطة القطار
بوك آند بينز - 7 شارع جزيرة الورد
صحافة أبو جلال - أمام قصر ثقافة المنصورة
صحافة الجامعة - بشارع جيهان بجوار مستشفى الطوارئ

دمنهور

مكتبة الأمل - شارع شجرة الدر من دوران الاستاد

طنطا

صحافة الأهرام - شارع المديرية أمام دار الصحابة
المكتبة القومية الحديثة - شارع القاضي أمام حلويات عرفة
مكتبة قربة - 59 شارع سعيد مع المعتصم بجوار كلية تجارة طنطا
مكتبة العز - ميدان الساعة خلف سينما مصر

الزقازيق

أولاد غريب - صهريج المياه المنتزه

المنوفية

مكتبة شريف قطب - برج الفلاح قويسنا

Thursday, January 13, 2011

رسالة إلى أخي التونسي

رسالة إلي من رفع راية الحرية والكرامة والعدل في وجه القمع والإذلال والفجور

رسالة إلي من واجه رصاص المجرمين الحي بقلوب حية لا تعرف الوجل ولا الخضوع رغم طول الإنتظار وضعف الأمل

رسالة إلي من هز عرش الديكتاتور وأسقط أركان استبداده تحت أقدام أحرار تونس الخضراء

رسالة من أخ لك يعيش علي أمل أوحد وحيد هو أن يري بعينه نهاية ذلك الصنم مبارك الجاثم علي قلب بلده مصر

رسالة من حالم حلمه الأول هو أن يشارك في لحظة القضاء علي أخطبوط الفساد المسيطر علي كل شبر في بلده مصر

أرجوك أخي يا شهيد الحرية لا تتراجع ولا تتوقف حتي تشهدنا نهاية ذلك الكائن الطفيلي الذي مص دم تونس فما كفاه حتي أراق دماءك ودماء أخوانك في شوارعها ثم خرج ليكذب بلا خجل مدعيا أنه لم يكن يعلم !

أرجوك أيها البطل ألا تتوقف قبل أن تخلص وطنك من ذل الاستبداد والعبودية حتي تحطم بيدك آخر زنزانة تعذيب وتمزق آخر أمر اعتقال

أخي إن وصولكم لحرية تونس إسهام في سبيل حرية مصر ونجاحكم يلهمنا النجاح فلا تنخدع بكلمات المجرم بن علي ولا تأخذك به شفقة أو رحمة ولا تتوقف قبل أن تأخذ حقك كاملا في دولة حرة مدنية لاعسكرية ولا رجعية .. ولكن أيعقل أن أنصحك وأنا أتعلم منك وأتباهي بك ؟

أخي الحر الشجاع التونسي أمض علي هدي الحرية وأصنع دولة الحق في دولتك وأنتظرونا حتي نكون بكم لاحقون

مذكرات من جهنم

عندما رأيته يحكم ويشرع من فوق المنبر تساءلت ... أيهما يسخر الآخر؟
الإله يسخره ليبسط شريعته ويوصل أحكامه إلي الناس ؟ أم هو يستخدم الإله ليجعل مصالحه وإعتقاداته ورغباته ونزواته أقداسا مقدسة لاترد ؟

الإله أرسله رحمة للعالمين حقا كما يقول أتباعه أم ابتعث نفسه قائدا وحكيما وزعيما كما يقول أعداؤه ؟

قتلوني في إحدي معاركه بعد أن آمنت به وقاتلت بجانبه وقتلت من أجله الكثيرين ، فقط لأكتشف أنه مجرد كاذب مدعي وأن حظي السئ أوجدني في القبيلة الخطأ في التوقيت الخطأ لكي أتبع النبي الخطأ . النبي مسيلمة

Tuesday, January 11, 2011

مسلسل تايه يا ولاد الحلال


مسلسل رأيته عندما كنت صغيرا للغاية لدرجة أنني لا أدري يقينا أكان مسلسل أم فيلم أو حلم حلمت به

يتحدث المسلسل عن حريق ببئر بترول يستدعي إطفاؤه إستخدام مادة شديدة الحساسية والإنفجار يجب نقلها للموقع واسقاطها فوق الحريق حتي تنفجر وتطفئه

المشكلة أن المادة خطرة جدا وقد تنفجر السيارة التي ستقوم بنقلها - يبدو لي الأمر شديد السذاجة الآن فمثل تلك المادة لابد أنهم كانوا سينقلونها في حاوية معدة لذلك

العجيب أنني لا أتذكر الممثلين في المسلسل ، فقط أتذكر أربعة رجال يتم تجنيدهم لتلك المهمة -كل اثنان في سيارة - بوعد بمكافأة ضخمة عند نجاح المهمة

أتذكر انفجار إحدي السيارتين بمن فيها ووصول الأخري بعد أن قام احدي السائقين بالمشي أمام السيارة وسط بركة بترول أصابت قدمه بالغرغرينا 
ثم لا أتذكر نهاية المسلسل بالتحديد لكن أتذكر أنه قد تم إلقاء المادة واطفاء الحريق
لا أدري لما تذكرته فقط دار بذهني وأحاول معرفة إذا كان مسلسل حقيقي أم ان ذاكرتي تهذي

Monday, January 10, 2011

وقالوا إنّا للعادلي ساجدون

رد فعل الشيوخ الأرثوذكس علي قتل الشهيد سيد بلال هو نفسه رد فعل القساوسة السلفيين علي قتل شهداء كنيسة القديسين ... لأن الكفر بالإنسانية ملته واحدة

كل واحد يعمل أسد علي المخالفين له في الدين ويعمل عرسة قصاد ضابط أمن الدولة - كاهن معبد العادلي - اللي بيتصل بيه آخر اليوم ويديله الوحي : لم الليلة عشان تعدي


كل واحد يهيج مشاعر الناس بتوعه عشان يدافعوا عن دينه - كأن ربنا عاجز أو كأنه مش واخد باله - وبعد كدة - وقت الجد وقت الإختبار الحقيقي لما يكونوا هما نفسهم ضحايا مش الإله - يطلب منهم ساعتها بس إنهم يفوضوا أمرهم لربهم - عشان يدافع عنهم

أظن ربنا حيرضي عنكم لما تسيبوه يدافع عن أديانه بنفسه كإله قادر مش محتاج حد ياخد مكانه ولا حد يدافع عنه وأنتم كبشر محتاجين تتكتلوا وتتحركوا عشان تاخدوا حقوقكم في الدنيا من الصنم الكبير

جربوا وشوفوا الفرق وأكفروا بعبادة العادلي

Saturday, January 8, 2011

فيديوهات لفرج فودة - نقلا عن مصطفى بكر


فيديوهات قديمة للراحل فرج فودة - تحديث


تمهيد
نكون بلا ثقافة فنكون في خطر لأننا نعجز عن تصديق ما يقوله المثقفون
شيستركون

نوت قديمة كنت قد كتبتها عن د فرج فودة مع فيديوهات جديدة له
وجدت ان اعادة نشرها  بعد احداث الاسكندرية  سوف 
تعيد من فهم وضعنا الديني والثقافي الراهن 
خصوصاً بعد ازدياد نظرية المؤامرة فيما حدث وانا لا انكر اياً من الاحتمالات 
ولكن ينبغي الاشارة هنا الي أن المتأمر لا يتأمر علي دولة قوية 
وانما الوضع السياسي والديني المهتريء سوف يوفر له ارض خصبه ليفعل ما يريد
أليس ان الاوان للنظر في فهمنا لقيمنا ومعتقداتنا بشكل جديد ؟


تحديث : تمت إضافة ندوة مصر والمرأة والدين
د فرج فوده - نوال السعداوي

حد الزنا الجزء الأول

حد الزنا الجزء الثاني

حد الزنا الجزء الثالث

الحجاب والنقاب ذو العين الواحدة الجزء الأول

الحجاب والنقاب ذو العين الواحدة الجزء الثاني

الحجاب والنقاب ذو العين الواحدة الجزء الثالث

الحجاب والنقاب ذو العين الواحدة الجزء الرابع

فقه النكد الجزء الأول

فقه النكد الجزء الثاني

اسئلة الحضور 1

اسئلة الحضور2

اسئلة الحضور3

اسئلة الحضور4

اسئلة الحضور4

اسئلة الحضور5

اسئلة الحضور6

اسئلة الحضور7


كنت احتفظ منذ ثلاث سنوات بعدة إسطوانات مدمجة للراحل فرج فودة وكلما قررت ان ارفعها علي الشبكة , اجد ما يشغلني , منذ عدة شهور جائت الذكري ال 17 لإغتياله فتذكرت إسطواناتي القديمة فبدأت بتقسيمها ثم رفعها لمن لم يعاصر الرجل ويراه من قبل من محبي كتاباته خصوصا مع عدم وجود اي تسجيلات مرئية له علي الشبكة

عندما مات فرج فودة في اوائل التسعينات كنت صغيراً للغاية , بالكاد كنت اتذكر اسم الرجل وعندما تعرفت علي كتاباتة منذ عدة سنوات تعجبت من ان يكون بيننا أحداً يتكلم بهذا المنطق والصدق مع النفس والرغبة الأصيلة في الإصلاح وتجده وحده , حاولت وقتها بعد ان قرات كتبه ان اقترب من ذكري هذا الرجل ,  وقتها كان عملي في مصر الجديدة وكنت اعرف من كتاباته ان مكتبه الذي قتل خارجه يقع هناك بجوار كلية البنات , حاولت بعد انتهاء العمل ان اصل الي المكتب لربما تحول الي مزار او مكتبة , إحدي المواقف الطريفة التي حدثت معي وقتها اثناء سؤالي عن مكتبه الذي تحول فيما بعد إلي الجمعية المصرية للتنوير

انا : لو سمحت ممكن اعرف فين مكتب فرج فودة ؟
صاحب الكشك : ينظر إلي في ريبة
انا : سمعت انه جمب كلية البنات
صاحب الكشك : معرفش
صاحب الكشك : يا بني ملكش دعوة بالناس دي , انت لسه صغير
انا : يا عم الراجل مات خلاص وانا مجرد متابع لكتاباته وكنت حابب اعرف مكتبة فين وكمان مبقاش فيه ارهاب دلوقت في مصر
صاحب الكشك : لو عايز تقرأ عمارة يعقوبيان أجيبهالك , إنما الراجل دا بيقول كلام خطير
انا : طيب شكراً يا خويا

استطعت بعدها بفترة قصيرة ان اصل الي مكتبه ومنه حصلت علي هذه المجموعه القيمة

الفيديوهات مكونه من اربع اقسام :

الجزء الاول عبارة عن عدة حلقات له صورها في تلفزيون تونس

التالي سوف أرفعه تباعاً :

المجموعه الثانية مناظرة في نقابة المهندسين في الإسكندرية يمثل هو فيها مع الدكتور فؤاد زكريا التيار العلماني ضد محمد سليم العوا ومحمد عمارة كنموذج للتيار المتأسلم

المجموعة الثالثة عبارة عن ندوة مع نوال السعداوي عن المرأة

المجموعة الرابعة عبارة عن مناظرة معرض الكتاب الاخيرة له بين الدولة الدينية والدولة المدنية مع مامون الهضيبي ومحمد الغزالي ومحمد عمارة

فرج فودة ودروس من غزوة أحد

فرج فودة واسئلة متنوعة

فرج فودة والزي الإسلامي

فرج فودة وفقه النكد

هل يصطدم الإسلام مع العصر1 ؟

فرج فودة والمرأة

فرج فودة والحجاب

فرج فودة وتطبيق الشريعة

فرج فودة والجماعات الإسلامية

فرج فودة والفتنة الطائفية

مقالة جميلة هنا لخالد منتصر عن فرج فودة

Friday, January 7, 2011

خالد السعيد : الإسلام دين الرحمة: حقيقة أم خرافة؟


 خالد السعيد : الإسلام دين الرحمة: حقيقة أم خرافة؟

هناك عبارات كثيراً ما يحتفي بها الخطاب الديني بمختلف إيقاعاته ودرجاته مثل "الإسلام دين الرحمة"، "الإسلام رسالة السلام"، "الإسلام كرم المرأة"، "الإسلام دين صالح لكل زمان ومكان"، و"الإسلام هو الحل". يتم تعاطي تلك العبارات وترويجها بكثافة كما لو كانت حقائق ومسلمات مقدسة لا يرقى إليها الشك، ويتم حشو عقول الصغار بها في مراحل تعليمية مبكرة دون التفطن إلى ما قد تسببه من خلق شروخ عميقة في نفوس وعقول متلقيها تمتد بحجم المسافة ما بين رومانسية الشعارات وبريقها ومأسوية الواقع المعاش وتجلياته. وتطبيقاً لذلك، ظلت قطاعات كبيرة من المسلمين تنفي وتدفع باستماتة التهم الموجهة للإسلام والمسلمين بعيد الأحداث المروعة للحادي عشر من سبتمبر وفاءً للشعارات التطهرية والتنزيهية أعلاه ولو كانت الدلائل والبراهين الدامغة تدين تنظيم القاعدة.

سبق لي أن كتبت في الحوار المتمدن في العدد (919) بتاريخ 8/8/2004 مقالة بعنوان (الأصل والصورة). تتلخص فكرة المقالة الجوهرية في أننا نرى نصف الحقيقة عندما نكيل التهم ونصب اللعنات على رجال الدين الذين يوظفون النصوص المقدسة لخدمة مآرب السلطان أو الحزب أو لإغراضهم الشخصية، بينما نغفل النصف الآخر من الحقيقة والمتمثل في أن تلك النصوص المقدسة لا تخلو بدورها من التناقضات المحيرة. يستغرب الكثير وجود آيات تحمل غصن الزيتون في وقت توجد آيات أخرى على مقربة منها تشتعل وتضطرب كالجمر. لكن تناقضات القرآن ليست فوضوية كما تبدو, إذ أنها تسلك إيقاعا متصاعدا يسير بالتوازي مع منجزات الدولة الفتية ونجاحاتها. الآيات المكية في مجملها توحي بالسلام والدعة واللين والصبر على تحمل الأذى، أما الآيات المدنية فتتحول إلى طبول تقرع من أجل الدخول في حروب ليس فقط مع المعتدين بل من أجل استئصال المختلف وتصفيته وإفراغ الساحة للقوة الجديدة.

وشخصية النبي محمد لا تختلف عن القرآن، ألم تقل عائشة أن خلقه كان هو القرآن؟ فالنبي كان ليناً وسلساً مع خصومه في مكة كشأن باقي الأنبياء الذين وردت قصصهم في القرآن، غير أنه وبعد نزوحه إلى المدينة صار أقرب إلى ما كانت عليه سلوكيات الأنبياء / الملوك من بني إسرائيل بما عرف عنهم في الأسفار التوراتية من نزعات متقدة للفتوحات ومن تسلط على خصومهم من الأقوام الكنعانية. أكثر المسلمين يجهلون أو يشككون في الروايات التاريخية الموجودة في كتب السيرة والتاريخ والحديث عن حالات تصفيات شخصية حرض عليها وباركها النبي في معرض بناءه للدولة لإن تلك العمليات وما أنطوى عليها من غدر لا تليق بالسمعة العريضة التي يتمتع بها النبي محمد في أنه كان نموذجاً لا يضاهى في رحمته ورفقه حتى بألد أعداءه ومناوئيه. وبالمناسبة، قصص الاغتيالات السياسية التي دشنها النبي محمد تحظى بقبول واسع من جماعات الإرهاب الديني لتسويغ جرائمهم ودمويتهم ضد من يقف في طريق طموحاتهم السياسية.

سأورد في الجزء المتبقي من المقالة (بعض) من عمليات الاغتيال التي تمت بتوجيه وإيعاز من الرسول، وجميعها وقعت بعد هجرته إلى المدينة. وعموماً فقصص الاغتيال السياسي ليست سراً على الإطلاق فهي موجودة في كتب التاريخ الإسلامي وسيرة النبي محمد لمن أراد الإطلاع والاستزادة. أما في هذه المقالة فسوف أتعكز على ما جاء في كتاب المرحوم هادي العلوي (الاغتيال السياسي في الإسلام، دار المدى:2001). قبل أن يقرر النبي الهجرة إلى المدينة، استأذنه بعض أصحابه لقتل بعض من رؤوس المشركين المكيين الذين عرفوا بعدائهم البين للدين الجديد، لكن النبي نهاهم عن القيام بذلك، وجاء القرآن على الفور ناهياً عن الغيلة (الاغتيال) كما في الآية (38) من سورة الحج "إن الله يدافع عن الذين آمنوا. إن الله لا يحب كل خوان كفور). وإلى جانب تلك الآية التي تنهى عن الغيلة وتصف مرتكبها بالخوان الكفور، فهناك حديث يروى عن النبي "الإيمان قيد الفتك. لا يفتك مؤمن". كلاهما – أي الآية والحديث - يربطان إيمان المسلم باجتناب الغيلة، وهذا ما يعكس قاعدة أخلاقية رائعة في التعامل مع الأعداء حتى لو كان التخلص من العدو سيجلب للمسلمين منافع كثيرة. غير أن سلسلة الاغتيالات التي انطلقت من المدينة المنورة في إطار استكمال بناء الدولة الإسلامية تلقي بظلال من الشك على مصداقية وصمود النهى القرآني والنبوي أمام التحولات السياسية الطارئة وإغراءات السلطة. لنستعرض بإيجاز بعضاً من تلك العمليات وفق ترتيبها التاريخي التقريبي:

اغتيال كعب بن الأشرف: زعيم يهودي من بني قريظة، قام بالاتصال مع قريش وتحريضها على الثأر لهزيمة غزوة بدر، ويذكر أنه نظم الشعر في التعريض بنساء أصحاب النبي وفي رثاء قتلى بدر من المكيين. قرر النبي محمد التخلص منه لموقعه القيادي ولتطاوله بالشعر على نساء المدينة بانتداب محمد بن مسلمة الذي تجمعه بكعب صلة قربى. اختار بن مسلمة مجموعة أخرى من الرجال وبينهم أبي نائلة قريب الصلة بكعب. ذهب الرجال ليلاً إلى الحصن اليهودي ونادوا كعباً الذي أسرع لملاقاتهم رغم تحذيرات زوجته التي شمت رائحة الدم تقطر من أصوات الرجال المتربصين به. سار كعب مع الرجال خارج القلعة، ثم أخذ بن مسلمة برأس كعب وطفق يشم رائحة الطيب في رأسه، ثم كرر الحركة مرة ثانية وهو لا يكف عن ترديد إعجابه برائحة الطيب. كان الرجال قد اتفقوا فيما بينهم أن ما إذا أمسك بن مسلمة برأس كعب للمرة الثانية وتمكن منه أن يبادروه بسيوفهم، وهو ما حصل فعلاً كما خطط له. لم يكتف رجال النبي بذبح كعب بل جزوا رأسه ليضعوها بين يدي النبي الذي هلل وجهه وانشرح صدره بعد أن تخلص من أحد أهم رجالات اليهود.

اغتيال سلام بن أبي الحقيق: وهو من كبار زعماء بني النظير، ومن المناوئين للنبي محمد والمحرضين على تجييش تحالف الأحزاب ضد المسلمين في موقعة الخندق. قاد عملية الاغتيال رجل من الخزرج اسمه عبد الله بن عتيك، ومعه عدد من رجال الخزرج. نجح بن عتيك في التسلل ليلاً إلى داخل الحصن اليهودي وفتح باب الحصن لجماعته. تمكن الرجال من دخول بيت بن أبي الحقيق دون أن يحدثوا أي جلبة. وعندما دخلوا عليه في غرفته صاحت بهم زوجته لكنهم هددوها بالقتل لو فتحت فمها، ثم تناولوه بسيوفهم فأردوا قتيلاً. وبعيد خروجهم من مسرح الجريمة صرخت زوجته, فجد أهل الحصن في البحث عنهم, لكن بن عتيك وجماعته تواروا قي أحد زوايا الحصن المعتمة، ثم تسلقوا جدار الحصن فجراً،وعادوا إلى المدينة ليزفوا خبر مصرع بن أبي حقيق.

اغتيال عصماء بنت مروان: تضاربت الروايات حول تفاصيل القصة، وإن كان من المرجح أن تكون عصماء هذه من النساء اللاتي هجون النبي بشعرهن. ويقال أن رجلاً أعمى اسمه عمير بن عدي دبر لقتلها إرضاءً للنبي. دخل عمير على عصماء وكانت ترضع طفلها، فظل يتلمس دربه حتى وجدها، ثم انتزع الصغير وألقاه بعيداً، وغرس سيفه في صدرها حتى أنفذه من ظهرها. وبعد انقضاء صلاة الفجر، سأله النبي: أقتلت بنت مروان؟ قال: نعم يا رسول الله فقال: نصرت الله ورسوله يا عمير فقال: على شيء من شأنها يا رسول الله؟ فقال: لا ينتطح فيها عنزان. ثم استدار النبي قائلاً لأصحابه: إذا أحببتم أن تنظروا إلى رجل نصر الله ورسوله بالغيب فانظروا إلى عمير بن عدي.

اغتيال خالد بن سفيان: هو سيد من قبيلة هذيل، كان قد قرر حشد جيش للزحف على يثرب. أراد النبي محمد تجنب كلفة هذه الحرب بتوجيه ضربة استباقية لنزع فتيل المعركة المرتقبة وذلك بالتخلص من خالد بن سفيان. تقول الرواية أن النبي زود عبد الله بن أنيس الذي انتدبه لهذه المهمة بمعلومات عن أوصاف خالد. وصل الصحابي إلى حمى هذيل فوجد خالد يمشي مع بعض النساء كان يبحث لهم عن منزل. بادر الصحابي بالسلام وتظاهر بأنه جاء ليتطوع في الجيش المتجه إلى حرب المسلمين، وبينما كان الاثنان يسيران معاً، استغل الصحابي غفلة الناس، وسدد ضربة قاتلة لخالد بسيفه فأرداه قتيل، ثم لاذ بالفرار إلى المدينة، حيث بارك النبي صنيعه وكافأه لقاء ذلك.

اغتيال أم قرفة: هي امرأة واسمها فاطمة بنت ربيعة الفزاري، وقرفة هو اسم أكبر أولادها وقد قتل في أحد غزوات النبي، أما باقي أبناءها فقد قتلوا في حروب الردة أيام أبي بكر. كانت تلك المرأة مضرب الأمثال لدى العرب في العزة والمنعة، فكانت العرب تقول: أمنع من أم قرفة، وتقول: لو كنت أعز من أم قرفة. بعث النبي بزيد بن حارثة على رأس سرية فكان زيد يكمن في النهار (تكنيك قتالي اعتادت سرايا النبي تنفيذه للإطباق على القوم وهم نيام) ويسير بالليل حتى انقض برجاله على قوم أم قرفة فقتلوا منهم نفراً وأسر أم قرفة. أصدر زيد حكمه عليها بالقتل لإنها كانت تسب النبي. كانت طريقة الإعدام المنفذة غاية في الوحشية والهمجية، وذلك بإن أمر بربط قدميها بحبلين بينما ربط الطرفي الآخرين في قدمي جملين أو حصانين، ثم أطلقهما في اتجاهين مختلفين فشقت أم قرفة إلى نصفين.

ها نحن مرة أخرى أمام مأزق جديد تصنعه التناقضات ما بين القول والفعل، وما بين مثالية الشعارات وميكافيلية السياسات. ألا يفترض أن تكون النصوص القرآنية والأحاديث النبوية إرساءً لدستور أخلاقي غير خاضع للخرق والنقض وتدشيناً لمبادئ إنسانية تتسم بالديمومة والاستقرار؟ ألم يعقد القرآن علاقة وشيجة بين الكفر والاغتيال؟ لماذا إذاً تخلى النبي عن سياسة التسامح واللين التي صبغت الإسلام الطفولي في مكة ليستبدلها بسياسة عنيفة تقوم على الفتك بمعارضي الدعوة الجديدة وإخراسهم للأبد عندما أخذ المشروع السياسي للدعوة يتبلور في المدينة؟ هل يستحق هؤلاء "المغدورين" عقوبة الموت البشع؟ ألم يكن من وسيلة أكثر دبلوماسية لاحتواء المعارضة دون إراقة الدماء؟ موجة الاغتيالات السياسية تفتح السؤال حول أسباب سكوت النبي عن ما يسمى بحزب المنافقين في المدينة، وعن صحة ما يتردد في أن النبي قبل بوجودهم ولم ينكل بهم انطلاقاً من أسس أخلاقية "ليبرالية" تبيح للآخر العيش بسلام تحت سقف مكان واحد. اعتقد أن صبر النبي على غمز ولمز المنافقين، وعلى رأسهم عبد الله بن سلول كبير قبيلة الخزرج - وفي ضوء التصفيات السياسية التي وجهها - لم يكن حباً في سواد عيون التنوع الديني والسياسي بقدر ما كان حرصاً منه على استقرار التوازنات السياسية وخوفه من مغبة انتفاض ذوي المقتول ضده ووقوع انشقاق داخل جسد الدولة الغض قد يؤدي إلى تقويض المشروع الإسلامي في بداياته المبكرة. إن عبد الله بن سلول لو قدر أن يقتل غيلة فسيجد من يبكيه وربما يثأر له أما الضحايا الذين لقوا حتفهم من قبل فلا بواكي لهم.