Sunday, May 1, 2011

ماذا لو حصل الأخوان علي الأغلبية؟

حصول الأخوان علي الأغلبية حيغير حاجات كتير ,, مثلا بدل ماسرور حيقول "موافقون؟ موافقة" مرشد البرلمان الجديد حيقول "موافقون؟ علي بركة الله"

وياعيني بقي لما يجيبوا رئيس مسيحي بعد مايقلصوا اختصاصات منصب الرئيس ، حيجيبوه عشان يخطب في الأعياد القومية لأن أصلا الاسلام مفيهوش غير عيد الفطر والضحية وحتلاقي واحد بيقاطع خطاب الريس في عيد العمال ويقول له الجزية ياريس

ولو بعد تلاتين سنة حد رشح نفسه ضد مرشحهم وعمل لهم قلق حيتحبس بتهمة أنه صلي بالناس جماعة بدون وضوء

وحنلاقي القناة الأولي في رمضان بتعرض الجزء التاني من مسلسل الجماعة عن دور الأخوان في اشعال وقيادة ثورة 25 يناير وحيبقي فيه مشاهد فلاش باك عن تدريب وائل غنيم وأحمد ماهر واسراء عبدالفتاح في معسكرات الأخوان

و روزاليوسف حيمسكها السلفيين ويغيروا اسمها لكاميليا شحاتة
Post a Comment