Tuesday, December 9, 2008

هى وصلت لاختراع قرآن جديد؟ A 7 A




بجد أنا آسف جدا لكل اللى حيتصدم فى عنوان النوتة دى
بس و الله العظيم الموضوع يستحق

اللى حاصل هنا أن ده فيديو للشيخ يعقوب 
http://www.facebook.com/video/video.php?v=1030865782963
شيخ السلفيين فى مصر

و طبعا أنا رأيى فى كلامه معروف و مش مهم دلوقتى
المهم ان الفيديو داير عليه سجال كبير ما بين ناس بيهاجموا التيار السلفى المتخلف بسببه و ناس بتستغله عشان تظهر أن المسلمين كلهم متخلفين زى الشيخ يعقوب

كل ده عادى و طبيعى فى وضع زى ده
لكن اللى مش طبيعى أن واحد يدخل عشان يدافع عن السلفيين فيقوم مألف قرآن من عنده أو يمكن سمعه فى أى مصيبة تانية و يحطه على أساس أن السلفيين مذكورين فى القرآن

المصيبة الأكبر أن ولا اللى بيهاجموا ولا اللى بيدافعوا كان عندهم تمييز أن الكلام الفارغ ده مش قرآن

Some One wrote
at 2:42pm
بسم الله الرحم الرحيم 

فَكُلُّ خَيْرٍ فِي اتِّبَاعِ مَنْ سَلَف
وَكُلُّ شَرٍ في ابْتـدَاعِ مِـنْ خَلَـفْ
وَكُلُّ هَدْيٍ لِلنَّبِّي قَـدْ رَجَـحْ
فَمَا أُبِيحَ افْعَلْ وَدَعْ مَـا لَـمْ يُبَـحْ
فَتَابِعِ الصَّالِحَ مِمَّـنْ سَلَفَـا
وَجَانِـبِ الْبِدْعَـةَ مِمَّـنْ خَلَـفَـا

صدق الله العظيم

----------------------

للدرجة دى اللى بيدافع عن حاجة معندوش أى معرفة عنها
هل طبيعى أن حد يدافع عن السلفيين و هو أصلا مش قادر يفرق ما بين القرآن و غيره من بقية الكلام ؟
هل للدرجة دى هما عندهم القدرة أنهم يلغوا كل ملكة تفكير أو احساس من أتباعهم ؟
هو مش ده معناه ان كلامى عن الناس اللى ماشية متخدرة و مغيبة و بتدافع عن صورة خيالية فى خيالها مالهاش علاقة بالمنطق و لا الدين حتى صح ؟؟

أنا دمى محروق بجد .. الناس دى كل يوم بتسرق حاجة جديدة
يعنى مش كفاية انهم يتهموا كل الناس المختلفة معاهم بالكفر ؟
و مش كفاية انهم بيمنعوا الناس العادية من التفكيرك؟ 
و مش كفاية انهم كل يوم يطلعوا علينا بفتوى جديدة تسرق مساحة تنفس جديدة من حياة المسلمين؟

ايه القرف ده ؟

=\\\\\\\\\\\\\\\\\\\\\\\\\\\\\\\\\\\\\

طيب دلوقتى انا مسحت اسم الشخص صاحب الخطأ الغير مقصود ده و أتمنى ماحدش يوجه له أى اساءة

و النوتة حسيبها بس لو فيها اساءة يا جماعة ياريت حد يقول لى امسحها ولا اسيبها

Post a Comment