Thursday, December 4, 2008

الخلاص من فتنة النساء - خلصت روحك





أنا و الله كل ما أقول أبطل أتكلم عن العالم دى و أقول أركز فى الكلام المحترم اللى أنا شايفه اهم و اصح و نفسى يبقى واقع مش اللى هما عاوزينه و بيدعو اليه بلاقى نفسى غصب عنى بصطدم بحاجات عجيبة

عندى كلام كتير عاوز أبعبع بيه بس أريح لى أسيبكم مع الفيديو المعبر ده و اقرا تعليقاتكم عليه

http://www.facebook.com/groups.php?ref=sb#/video/video.php?v=1030865782963&ref=share

كنت عاوز انزله على الجهاز بس حالة جهازى منيلة بنيلة
============
ده كلام سيدنا الشيخ فى الفيديو


الخلااااااص من فتنة النساء

ازاى نتخلص من فتنة النساء ؟

واحد .. ء
اجعل بينك و بين النساء سدا منيعا
لا تكلم امرأة
ولا تنظر لأمرأة
ولا تتعامل مع امرأة

ماشى ؟؟

ما تتكلمش مع حد
--
تقول لى يا عم الشيخ دى زميلتى فى الشغل و بدعوها للحجاب
ملكش دعوة ..... سيبها تولع
ان شاء الله ما اتحجبت

يا عم الشيخ ده هى اللى بتسألنى .. قوللها معرفش
مليش دعوة
سيبينى فى حاااالى

فلذلك أقول أن المرأة مثل القنبلة الموقوتة
من اقترب منها انفجرت فيه و دمرته


ابعدددددد ( و حيرجَّع على المستمعين )ء
ابعد

تسألك : معرفش
تكلمك : مليش دعوة
تسلم عليك : مش سامع و مش شايف

فى مكتبك قاعد
مش شغال فى شغلك .. فى ايدك مصحف
فى مدرستك يا بتذاكر يا فى ايدك مصحف

التعامل مع النساء : .. لأ و ألف لأ



دى مش أم كلثوم .. دى واحدة بتدعى على اخواتنا البعدا

No comments: