لــو بترول السعودية خلص أو العلماء اكتشفوا وسيلة جديدة أحسن لتوليد الطاقة (زى ما حصل للفحم زمان ) حيحصل ايه؟
الدعاة و شيوخ الفضائيات حيغيروا اسلوبهم و كلامهم و فتاويهم حسب ما يحب الممول الجديد
لو الممول وهابى حيتفننوا - زى ما بيحصل دلوقتى - ان كل واحد يبقى له طريقة مختلفة خاصة بيه فى تطهيق الناس و تكفير سيئاتهم
لو الممول ضد التشدد حتلاقى فتاوى المذهب الحنفى رجعت من تحت الأرض عشان تخفف عن الناس و تتسامح معاهم و حتلاقى كل الشيوخ بيتنافسوا فى ازاى يبانوا متسامحين و محترمين
--------------------------
لو أمريكا و اوروبا انهاروا اقتصاديا ؟
ــ حتحل محلهم الصين (أو الهند او أمريكا الجنوبية) و حتضبط امورها مع الأنظمة الموجودة حاليا بانها تعمل اللى هى عاوزاه فى شعوبها و تطلق ايدها و مش حتستخدم الديمقراطية كوسيلة ضغط
و ساعتها ان واحد يتحبس له اسبوعين و يطلع لسة بنى آدم حيبقى اعجاز علمى يكتشفه زغلول النجار
ــ عمك الشيخ بن لادن حيعلن انتصاره على الأمريكان الكفار و يبتدى موجة تجنيد جديدة للشباب المسلم ضد الشيطان الأكبر الجديد (الصين او غيره ) فى كل حتة و نلاقى مذابح محترمة تنتشر فى اجزاء كتير من العالم
يا اما حيكون مضبط صفقة مع الشيطان الأكبر الجديد بأنه يسيبه ياخد السلطة فى كام دولة زى الصومال و أفغانستان و يقف مع مصالحه
ــ الارهابيين حيستولوا على السلطة فى باكستان و تحصل حرب نووية بينها و بين الهند
ــ اسرائيل حتضبط مصالحها مع القوة العظمى الجديدة سواء الصين او الهند او امريكا الجنوبية و لو كانت الصين يا معلم يبقى ابادة الفلسطينيين - ابادة بجد مش التهويش اللى بيحصل ده - أمر من اسهل ما يكون
No comments:
Post a Comment