Saturday, August 3, 2013

عن الخير والشرين





من الكتاب الأسود و تطبيقا علي الواقع #112

"من أشهر مبادئ الفلسفه ال"mean principle " .. النظرية دي بتتكلم عن موازين الخير والشر وبتقول إن الخير واحد و الشر إتنين .. لما تجمع الشرين و تاخد ال average يطلعلك الخير 
يعني مابين التهور و الجبن شجاعة "

بالتطبيق علي الواقع تجد الثورة المضادة أو المجموعة الفاسدة اللي كنا بنحاربها في الأول بتحاول تنقل أي حد في خانة الوسط النضيف لليمين عشان تعرف تاخد مكانهم ولو الموضوع صعب يحاولوا يشدوه ناحية الشمال مكانهم في محاولة للإستئثار بمربع الخير الضيق 

يبقى البرادعي أخوان وأبوالفتوح مرشد 

يبقي 6 أبريل أخوان وكل الأخوان ارهابيين 

نيجي عند الاشتراكيين الثوريين , حاولوا فترة يقولوا عليهم أخوان , حسوا إن الموضوع واسع قوي راحوا قايلين "فاسدين و متمولين من برة " عشان يحدفوهم شمالهم ويحدفو الباقي يمينهنم ويبقوا هما اللي في النص .. مربع الخير

============================

تعليق المدونة

في جو الحروب طبيعي الانسان يقفل عقله تماما ويبسط المواضيع عشان ميحسش أنه ضايع ويقدر "يثق" في حد تاني يتولى مسئولية القيادة وكمان عشان ميحسش بتأنيب ضمير على الناس اللي هو شارك في قتلهم ولو بالكلام أو حتى التأييد الصامت

في وقت الحروب الانسان بيشوف كل اللي مش معاه أعداؤه أو متخالفين مع أعدائه ضده , واحنا عايشين كل أجواء الحرب الأهلية كأنها قدر لا يمكن وقفه , أفلا تعقلون؟

كل واحد بيحاول يثبت - لنفسه قبل غيره - أن موقفه وسطي أو حتى ان تشدده وتعصبه مبرر لإن كلنا عارفين بالفطرة أن التطرف والتشدد غلط

No comments: