يوم الموات

يوم من أيام الموات ، يوم جنائزي بيتدفن فيه حاجة حلوة عشان جت في عالم غلط ، ويتبقى بس الأمل في ان حاجة أحسن تتولد من رحم الفشل والموت

بعض الأشياء بتموت لإنها  حياة أكثر من المطلوب في عالم ميت بطبعه ، وأصبحت شاذة وغريبة وعشان ترجع تتأقلم لازم تموت هي كمان

تكفي الظلال للعالم , ميستحملش أكتر من ظل الحياة ، لكن الحياة نفسها أكتر من قدرته على الاحتمال ، عالم ميت وقاتل وسعيد بمواته وأشباحه

البراءة ، الحماس , العشق ، كلها وغيرها أشياء لا تنتمي للعالم ده ، وجودها فيه لازم يكون مخفف ، من ورا ستارة ، مجرد ضل للأصل مش الأصل نفسه